2 અને મેં પવિત્ર નગર, નવા યરુશાલેમને ઈશ્વરની પાસેથી સ્વર્ગમાંથી નીચે આવતું જોયું, જેમ કન્યા પોતાના વરને સારું શણગારવામાં આવેલી હોય તેમ તે તૈયાર કરેલું હતું. 3 રાજ્યાસન પરથી મેં એક મોટો પોકાર સાંભળ્યો, "જુઓ, ઈશ્વરનું નિવાસસ્થાન હવે લોકોની મધ્યે છે. તે તેઓની સાથે રહેશે, તેઓ તેમના લોક થશે, અને ઈશ્વર પોતે તેઓની સાથે રહેશે અને તેમનો ઈશ્વર થશે. 4 તે તેઓની આંખોનાં દરેક આંસુ લૂંછી નાંખશે. હવે પછી મરણ, દુઃખ, વિલાપ કે વેદના થશે નહિ. કેમકે તે બધું જુનું સદાને માટે જતું રહ્યું છે."

10 અને તે મને આત્મામાં એક ઊંચા પર્વતના શિખર પર લઈ ગયો, અને મને પવિત્ર નગર યરુશાલેમને ઈશ્વર પાસેથી આકાશમાંથી ઊતરતું જોયું. 11 તે ઈશ્વરના ગૌરવથી ચમકતું હતું, અને તેનું તે જ યાસપિસ જેવા અમૂલ્ય રત્ન જેવું, સ્ફટિક જેવું ઝળહળતું હતું. 12 તેનો કોટ વિશાળ અને ઊંચો હતો, અને બાર દૂતો તેના બાર દરવાજે હતા. તે દરવાજા પર ઇઝરાયેલનાં બાર કુળનાં નામ લખવામાં આવ્યા હતાં. 13 તેની પૂર્વ તરફ ત્રણ દરવાજા, ઉત્તર તરફ ત્રણ, પશ્ચિમ તરફ ત્રણ અને દક્ષિણ તરફ ત્રણ દરવાજા હતા. 14 શહેરને કોટનાં પાયામાં બાર પથ્થરો હતા, અને તે પર હલવાનના બાર પ્રેષિતોનાં નામ લખાયેલાં હતાં.

22 નગરમાં કોઈ જગ્યાએ મેં મંદિર ન જોયું, કેમકે સર્વશકિતમાન પ્રભુ ઈશ્વર તથા હલવાન એ જ તેનું મંદિર છે. 23 વળી ત્યાં પ્રકાશ માટે સૂર્ય કે ચંદ્રની જરૂર નથી, કારણ કે ઈશ્વરનો મહિમા તેને પ્રકાશીત કરે છે તથા હલવાન તેનો દીવો છે.

1 પછી દૂતે મને જીવનના પાણીની નદી બતાવી, જે સ્ફટિક જેવી સ્વચ્છ હતી, ઈશ્વરના તથા હલવાનના રાજ્યાસનમાંથી વહેતી હતી. 2 તે નદી નગરનાં રસ્તાની મધ્યમાં હતી. નદીની બન્ને બાજુએ જીવનનું વૃક્ષ હતું. તેની પર બાર પ્રકારના ફળ લાગતાં હતાં, દર મહિને તેને નવાં ફળ આવતાં હતાં, અને વૃક્ષનાં પાંદડાં સવઁ પ્રજાઓને નિરોગી કરે છે. 3 હવે પછી કંઈ પણ પ્રકારનો શાપ થનાર નથી. શહેરમાં ઈશ્વરનું તથા હલવાનનું રાજ્યાસન થશે, અને તેમના સેવકો તેમની સેવા કરશે. 4 તેઓ તેમનું મુખ જોશે, અને તેઓનાં કપાળ પર તેમનું નામ હશે. 5 ત્યાં કદી રાત પડશે નહિ. ત્યાં દીવાના અજવાળાની કે સૂર્યના પ્રકાશની જરૂર નથી કેમકે પ્રભુ ઈશ્વર તેઓ પર પ્રકાશ પાડશે. અને તેઓ સદાસર્વકાળ રાજ કરશે.

16 તેના બદલે, તેઓ એક સારા દેશની, એટલે કે સ્વગીઁય દેશની ઇચ્છા રાખતા હતા, તેથી ઈશ્વર તેઓનાં ઈશ્વર કહેવાતાં શરમાતા નથી, કેમકે તેઓને માટે તેમણે એક શહેર તૈયાર કરેલું છે.

22 પરંતુ તમે તો સિયોન પર્વત પર એટલે કે જીવંત ઈશ્વરના શહેર સ્વગીઁય યરુશાલેમમાં આવ્યા છો, અને હજારો અને હજારો દૂતોની સભામાં આનંદથી ભરેલાં છે, 23 પ્રથમ જન્મેલાંઓની મંડળી, જેઓનાં નામ સ્વર્ગના પુસ્તકમાં નોંધાયેલા છે. તેઓની પાસે અને સૌનો ન્યાય કરનાર ઈશ્વર સમક્ષ, અને સંપૂણઁ થયેલા ન્યાયીઓનાં આત્માઓ પાસે, 24 અને નવા કરારના મધ્યસ્થ ઈસુની પાસે, અને જે છંટકાવનું રકત હાબેલનાં કરતાં સારું બોલે છે, તેની પાસે આવ્યા.

26 પણ આપણું ઉપરનું યરુશાલેમ સ્વતંત્ર છે. અને તે આપણી માતા છે.

1 "તમારાંં હૃદયોને વ્યાકુળ થવા ન દો, તમે ઈશ્વર પર વિશ્વાસ રાખો છો, મારા પર પણ વિશ્વાસ રાખો. 2 મારા પિતા ના ઘરમાં ઘણાં ઓરડાઓ છે, જો એમ ન હોત તો, હું તમને કહેત, હું તમારા માટે જગ્યા તૈયાર કરવા ત્યાં જાઉં છું. 3 અને હું જઈશ અને તમારે માટે જગ્યા તૈયાર કરીશ, હું પાછો આવીશ અને તમને મારી સાથે લઈ જઈશ કે જયાં હું છું ત્યાં તમે મારી સાથે રહો.

11 હું વહેલો આવું છું. તારી પાસે જે છે તેને તું વળગી રહે, જેથી કોઈ તારો મુગટ લઈ ન લે. 12 જે વિજય પામે છે તેને હું મારા ઇશ્વરના મંદિરમાં સ્તંભ બનાવીશ. તે ફરી ત્યાંથી બહાર જશે નહિ. મારા ઇશ્વરનું નામ સ્વર્ગમાંથી મારા ઈશ્વર પાસેથી ઊતરી આવતાં નવા નગર યરુશાલેમનું નામ હું તેના પર લખીશ; અને હું તેના પર મારું નવું નામ લખીશ.

19 અને જો કોઈ આ ભવિષ્યવચનનાં પુસ્તકમાંથી કાંઈ પણ કાઢી નાંખશે, તો ઈશ્વર તેનો ભાગ જીવનનાં વૃક્ષમાંથી અને પવિત્ર નગરમાંથી, એટલે આ પુસ્તકમાં જે જે લખેલું છે તેમાંથી કાઢી નાખશે.