A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
तबा मीना पवीतर नगरी, नयो यरुसलेम ला सरग लक, परमेस्वर को कन लक उतरतो हुयो चोयो। उ आपरो नौरा को लाई खबसुरती लक सजायो गयी नौरी को जसो होती। तबा मीना सिघासन लक एक उचो सबद मा यो कव्हतो आयकियो, "चोवो! मानूसगिन को बीच मा परमेस्वर को रव्हनो!" अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत। परमेस्वर उनको डोरा लक हरेक आँसू पोछ देहे। अता लक मिरतू पायो न जाहे। अता ना कलपनो, ना रोवनो अना नाच कोनी दरद रहेत। काहेकि जो पहली गोस्टी होतीन, अता वय नही रहीन।
तबा उ मोला मोरी आतमा मा को बसमा एक मोठो पहाड़ को वरता ले गयो। अना मोला परमेस्वर को कना लक सरग लक उतरतो हुयो पवीतर नगर यरुसलेम दिसायो। परमेस्वर को बड़ाई लक तैय्यार ओको तेज किमती पत्थरा जसो अना लगत कीमती रतन, सुरज की लाली को जसो होती। नगर को सहरपनाह को दिवाल ऊची अना मोठी होती। ओमा बारा बेसकुड़ होतीन अना बारा बेसकुड़ मा रेह बारा सरगदूत होतीन। ओनो बेसकुड़मा इसरायल को बारा कुल को नाव लिखयो होती। तीन फटका दिवस उगती कन, तीन उत्तर कन, तीन दिवस बुढता कन अना तीन दक्सिन कना होतीन। नगर को परकोट को बाहेर को रद्दा गोटा को होतीन, उन पर मेढ़ा को बारा पेरीतगीन को नाव होतीन।
यो नगर मा मोला कोनी मंदिर नही चोवयो, काहेकि खुदच ताकत वर पिरभु परमेस्वर अना मेढ़ा एको मंदिर से। नगर ला उजाडो देवन लाई न ता सुरज को जरुरत से, नाच चन्दा को काहेकि परमेस्वर को तेज ओला उजाड़ा देवासे अना खुदच मेढ़ा एको दियो से।
ऐको मंघा ओना सरगदुत ना मोला जिंदगी को पानी को नदी दीसायो, जोन स्फिटक को जसो निरमल, अना वोमा आरपार दिसत होतो, जोन परमेस्वर अना मेढ़ा को सिघासन लक हिटके, यो नदी नगर को मुख रास्ता लक होतो बोहत होतो। नदी को दुही कना जीवन को झाड़ से। जिनमा बारा परकार को फर पैदा होसेत। यो झाड़ हर मास फर देसेत। यो झाड़ को पान गीन मा देस ला चँगा करन की ताकत से।
अता लक वहान सराप नाहती। परमेस्वर अना मेढ़ा को सिघासन ओनो नगर मा सेत। उनको दास उनको भगती करयेत। वय उनको चेहेरा ला दिसेत अना उनको नाव उनको मस्तक पर लिखो होहे। वहान अता लक रात होहेत नही। नाच ता उनला दियो को उजाड़ा को जरुरत होहे अना नाच सूरज को उजाड़ा, काहेका खुदच पिरभु परमेस्वर उनको उजाडो होहे। उ सदा राज करेहेती।
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
परंतु उनला सरग को एक उत्तम राज इक्सा सेत। एकोलाय परमेस्वर उनको परमेस्वर कहलानो मा अजिबात संकोच नाही करासेत। कारन वोना उनको साठी एक नगर तइयार कियो सेत।
पर तुम्ही सरग को यरुसलेम जवर, जित्तो परमेस्वर को सहेर, सिओन पहाड़ मा पहुचयो सेत। वहान आपरो हजारो देवदूत को संग आनंद मनावा सेत। परमेस्वर को पहेलो संतानहुन, जोनको नाव सरग मा लिखयो सेत। उनको सभा को जवर पहुँच चुकयो सेव। तुम्ही सबको न्याय करनवालो परमेस्वर अखिन वोना नेक, सिद्ध मानूस को आत्माहुन, अना नवीन करार को बिचवई यीसु विराजमान सेत। जोन को सींचो गयो रकत हाबिल को रकत को अपेक्सा जादा चांगलो सबद बोलासेत।
पर वरता को यरुसलेम आजाद से, अना वा आमरी माय से।
"तुमरो मन बैचेन नोको होय, तुम्हि परमेस्वर पर भरोसा राखिसो, मोरो पर भी भरोसा राखो। मोरो बाबूजी को घर मा लगत सा रव्हन को जघा सेत, अदी नही होतो ता मि तुम्हिला सांग देतो। काहे की मि तुमरो लाय जघा तैय्यार करन जावासू। अना अदी मि जायके तुमरो लाई जघा तैय्यार करासू, ता मंग आयके तुमला आपरो सँग ले जाहुँ। की जिता मि रव्हुसु, उतच तुम्हि भी रव्हो।
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
मी लगत लवकर आवा सेऊ। जोन कही तुमरो जवर सेत, वोमा डटो रव्हो, जोनलक तुमरो जीत को मुकुट कोनी तुमरो लक ना ले लेवे। जोन जिते वोला मी आपरो परमेस्वर को मंदिर को खम्बा बनाहिन। मंग कदी उ यो मंदिर लक बाहेर नहीं हीटेयेत। अना मी आपरो परमेस्वर को नगर को नवा यरूसलेम को नाव वको मा लिखूँ। जोन मोरो परमेस्वर को कनलक सरग लक खाल्या उतरन वालो सेत। वोमा मी अपरो नवा नाव लिखिन।
अदी कोनी ऐना भविस्यवानी को किताब को गोस्टी मा लक काही हेड़ डाकेह, ता परमेस्वर ओना जिंदगी को झाड़ अना पवीतर नगर मा लक, जेनको बयान ऐना किताब मा से, ओको पराय हेड़ देहे।