1 सरदीस की कलीसिया को दूत ला असो लिख।

जेनको जवर परमेस्वर की सात आतमा अना सात तारा सेत। उ यो कव्हसे, मि तोरो काम ला जानासू, तु जित्तो ता कहलावासे, पर मरयो हुयो सेत। 2 जागत रव्हो, अना जो चीजगीन बचयो सेत। अना मिटन ला सेत, उनला पिक्को-पिक्को बना, काहेकि मीना आपरो परमेस्वर को नजर मा तोरो कोनी काम ला साजरि नही पाईसेऊ। 3 एकोलाय तुना जोना सिक्सा ला आयकयो सेत वोला हेतकर अना ओमा च चल। आपरो मनला पाप लक हटाव। अदि तु जागत नोको रव्हजोस, ता मि एकाएक चोर जसो आहुं। मी तोला कब अचरज मा डाख देहू, तोला पता भी नही चलहेत। 4 काही भी होय, सरदीस मा तोरो जवर काही लोक असा सेत। जिनना आपरो कपरा अपवीतर नही करयो सेत। वय पाँढरो कपरा घालत हुयो, मोरो सँगा चलेत फिरेत। काहेकि वय यो काबिल सेत।

5 उ जो जीत जाहे, उ असोच रिती लक पांढरो कपरा घालयेत। मी जिंदगी को किताब मा लक वोको नाव नही मिटाहुं। बलकी मी ता वोको नाव ला, आपरो दआजि परमेस्वर अना ओको सरगदूत गीन को पुढ़ा मनता देहिन। नाव मान लेहूं। 6 "जेनको कान सेत वा आयक लेव, की आतमा कलीसिया लक काजक कव्हसे।"

7 "फिलोदिपिया को कलीसिया को सरगदूत ला यो लिख, उ जोन पवीतर अना खरो से।" अना जेनको जवर दाऊद की कुन्जी सेत। जोन असो किवाड़ उघाड़ा सेत जोनला कोनी बंद नही कर सका सेत। अना असो बंद करासे जोनला कोनी उघाड़ नही सका। उ असो कव्हसेत।

8 मि तोरो काम ला जानासू, देख! मीना तोरो लाई एक किवाड़ उघाड़ी सेऊ, जोनला कोनी बंद नही कर सका। मोला पता सेत का, तोरो जवर जरासो ताकत सेत। मंग तुना मोरो गोस्टी का पालन करीसेस अना मोरो नाव लक मघा नही हटयो सेत। 9 आयको! काही असो सेत, जोन सैतान की सभाघर को सेत। अना आपरो आपच ला यहूदी कव्हसेत। पर वय खोटो सेत। मि उनला यहान आवन को लाय मजबुर करके, तोरो पायको खाल्या कर देहिन। तबा उनला पता लगहेत, का तम्ही मोरो चहेतो सेव। 10 काहेका तुम्ही ना धिरज लक सहन करता हुया मोरो हुकूम ला मानीसेव। बदल मी परिक्सा को बेरामा तुमारो रक्सा करीन। जोन यो दुनिया मा रव्हन वालों ला परखन लाय पुरो संसार मा बस आवन वालो सेत। 11 मी लगत लवकर आवा सेऊ। जोन कही तुमरो जवर सेत, वोमा डटो रव्हो, जोनलक तुमरो जीत को मुकुट कोनी तुमरो लक ना ले लेवे। 12 जोन जिते वोला मी आपरो परमेस्वर को मंदिर को खम्बा बनाहिन। मंग कदी उ यो मंदिर लक बाहेर नहीं हीटेयेत। अना मी आपरो परमेस्वर को नगर को नवा यरूसलेम को नाव वको मा लिखूँ। जोन मोरो परमेस्वर को कनलक सरग लक खाल्या उतरन वालो सेत। वोमा मी अपरो नवा नाव लिखिन।

13 "जेका कान सेत, उ आयक लेव की आतमा कलीसिया लक काजक कव्हसेत।"

14 "लौदीकिया को कलीसिया को दूत ला लिख।"

जो आमीन, बिस्वास लायक अना खरो गवाह से, अना परमेस्वर को संसार को मुख कारन सेत, उ यो कव्हसे, 15 मि तोरो काम गीन ला जानासू का तू ना ता थन्डो सेस ना तातो सेस। भलो होतो की तू थन्डो रव्हतो, या तातो होतो! 16 एकोलाय की तू कुनकुनो सेत, न थन्डो से अना नाच तातो सेत, मि तोला आपरो टोंड लक ओकारी कर देहूं। 17 तू कव्हसेत की मि धनी सेउ, अना मोला कोनी चीज को जरुरत नाहती। पर तू नही जानासेस का? तू अभागो, निकम्मो, अँधरो अना नंगरा सेस। अना दया को काबिल नाहस। 18 एकोलाय मि तोला सलाह देवसू, की स्तो मा सुध्द कियो हुयो सोन्नो मोरो लक मोल लेव। अना तु धनी भय जाय। अना बेडाग पांढरो कपरा लेलेव, अना घाल तोरो नंगोपन दिसायो नही जाय, अना आपरी डोरा मा लगावन को लाई सुरमा ले लेव, की तु चोय सकजोस। 19 मि जोनलक माया करासू उनला डाटा सेऊ, अना सरको रस्ता मा आना सेऊ। एको लाई कठीन जतन करो अना पाप लक मन ला हटाव। 20 आयको, मि देहरी मा उभो होयके किवाड़ ला खटखटायसू। अदी कोनी मोरी आवाज आयक के किवाड़ उघाड़ेत, ता मि उनको घर मा धसू, उनको संग जेहुँ। अना वय मोरो संग जेहेत।

21 जोन लोक जीत हासिल करहेत। उनला मी आपरो सिहासन मा बसन को हक देहिन जसो मि जित गयो सेऊ। अना अबा आपरो दआजी कनलक आपरो सिहासन मा बसो सेऊ। 22 जेका कान होयेत उ आयक लेव, "का आतमा कलीसिया लक काजक कव्हसे।"