आखरी आफदगीन को सँग सरगदूत
1 मंग मीना बादल मा एक अखिन परमेस्वर को मोठयो अना अद्भूत निसान चोवयो, का सात सरगदूत सेत। जोन सात आखीर मोठो सत्या नास ला धरो होतिन।
2 मंग मोला एक काँच को सागर चोवयो, जोनमा स्तो होतो। अना मीना चोवयो का ओनो जनावर अना ओको मुरत, अना ओको नाव गिनती लक जीत गयो होतिन। अना परमेस्वर को सरगदूत वोना काँच को सागर मा उभो होतिन। 3 वय परमेस्वर को सेवक, मोसे अना पाठी को यो गाना गावत होतिन,
"हे सब लक ताकत वर पिरभू,
परमेस्वर तोरो काम मोठा अना चमत्कार जसो सेत,
हे जूग-जूग को राजा,
तु न्यायी अना खरो सेत।"
4 "हे पिरभू कोन तोरो लक नही भेव मानहेत?
अना तोरो नाव को बड़ाई नही करेत?
काहेकि तुच केवल एक पवीतर से,
अना सबरो लोक गीन आयके
तोरो पूजा नहि करहेत,
काहेकी तोरो नियाव को काम दिसाय गयो सेत।"
5 एको मंघा मीना दिसयो, का सरग मा करार को तम्बु को मंदिर खोलयो गयो, 6 अना वय सात सरगदूत जोनको जवर सात, सरगदूत जोनको जवर सात सत्यानास होतो। मंदिर लक बाहेर हिटीन, वय सरग दूत चकमक साजरो सन को साजरा कपरा घाल्यो हुयो होतिन। अना आपरो सीना मा सोन्नो को पट्टी बान्धयो होतिन। 7 मंग मीना उन चार जीव मा लक एक ला उन सातो सरगूत ला सोन्नो को बटका दियो जोन हरामेसा को काजी अमर परमेस्वर को कोप लक भरयो हुयो होतो। 8 उ मंदिर परमेस्वर को महीमा अना वोको ताकत को धुँगा भरयो हुयो होतो। तबा तकन वोना सात सरगदूत क सात बिनास को बेरा पूरो ना भयी जाय तबा तकन कोनी तम्बू को भितर नही धस सकेत।