1 तबा सात सरगदूत जोन सात बटका धरयो होतिन, उनमा लक एक ना कह्यो, "आव, अना एक महा बेसिया को सजा चोव।" वो बेसिया वा महानगर सेत, जोन नद्दीगिन को कगर मा बसो सेत। 2 "धरती को राजागिन वा नगर मा खोटो काम करीन। अना वोना छिनाला पन को कारन धरती को निवासी मत गयीन।"

3 तबा उ मोला आत्मा मा बसमा करके जंगल ले गयो। अना मी लाल रंग को जनावर मा जोनमा परमेस्वर को नाव को निन्दा छपयो होतो। अना वोको सात डोस्का अना दहा सींग होतो। क बायका वा मा बसी होति। 4 वा बायको बैंगनी अना लाल रंग को कपरा अना सोन्नो, रतन अना मोती को जेवर घाल्यो हुयो होती। ओको हात मा सोन्नो को बटका होतो, जोन अपवितर चीज लज्जा अना खुदच ओकी छिंडरापन की गंदगी लक भरयो हुयो होतो। 5 ओको कपार मा एक नाव, एक भेद लिखयो होतो। "आलीसान मोठोनगरी बेबीलोन धरती मा छिंनालापन की माय, अना सप्पा बेकार अना नीच काम की मातामाय।"

6 मीना चोवयो, का वा बायका संतगीन अना उन मानूस गिनको रकत पीवके मता गयी सेती। जोनना यीसु को लाय आपरो बिस्वास को गवाहि को कारन आपरो जियान दे दियो। वोला चोवके मोला लगत अचरज भयी। 7 तबाच मोरोलक दूत ना पूसिस, "तू काहे अचरज मा सेत?" मि तोला यो जनावर अना यो मा बसी बायको को काजक मतलब सेत सांग सेऊ। सात डोस्का अना दहा सींग को यो जनावर 8 जोन तु ना चोवीसे, पयले कदी जित्तो होतो। पर अबा जित्तो नाहती। मंग उ पताल लक हीटन वालो सेत। अना वोको नास भयी जाहेत। मंग धरती को वय लोक जिनको नाव जगत को सुरू लक जिंदगी को किताब मा नही लिख्यो सेत। वा जनावर ला चोवके, चकित होयेत। काहेका वा कदी जित्तो होतो, पर अबा जित्तो नाहती। 9 "योच अकलवर मानुसको लाय बिचारन को चीज सेत।" को यो सात डोस्का, वय सात परवत सेत। जोनमा वा बायको बसी सेत। वय सात डोस्का सात राजा को निसान सेत। 10 जोनमा पयले पाँच को नास भयि गयो सेत। एक अबा भी राज करासेत। अना दूसरो अबा तकन आयो नाहती। पर जबा उ आहेत ता कही च बेरा रहेत। 11 वा जनावर जोन पयले कदी जित्तो होतो, पर अबा जित्तो नाहती। वा खुदच आठवो राजा सेत। जोन वोना सात मा लक एक से, वोको भी नास होवन वालो सेत। 12 "जोन दहा सींग तु ना चोवीसेत। वय दहा राजा सेत, जोनना अबा राज करनो सुरू नही करीसेत। पर जनावर को संग घड़ी भर लाय राज करन को उनला हक दियो जाहे। 13 इन दहा राजा गिनको एकच मकसद सेत। का वय आपरो बल अना हक वा जनावर ला दे देहेत। 14 वय पाठी को बिरोध मा लड़ाई करहेत, पर पाठी आपरो हाकलो गयो, अना निवाड़ो गयो, चेला गिनको संग उनला हरा देहेत। काहेका उ राजा गिनको राजा अना पिरभू गिनको पिरभू आय।"

15 वोना दूत ना मंग मोरो लक कह्यो, "वय नद्दी जोनला तुमीना चोवीसेव, जिता उ बेसिया बसी होती। दुसर-दुसर कबिला, समाज, भासा को निसान सेत। 16 वय दहा सींग जोनला तू ना चोवी सेत, अना वा जनावर वा बेसिया लक लगत गुस्सा करहेत। अना वोको सबा चीज हिसक लेहेत। अना वोला बिना कपरा को सोड़ देहेत। वय वोको आंग ला नास कर देहेत। अना स्तो मा जला डाखेत। 17 अपरो मतलब पुरो करनो को लाय परमेस्वर ना उन सबला एक मन करके उनको डिमाक मा असो बसा दियो सेत का जब तकन परमेस्वर को बचन पुरो नही होयेत, तबा तकन को लाय वय राजा हुन आपरो हक वोना जनावर ला देवे। 18 वा बायका जोन तूना चोवीसेत। वा मोठो सहर सेत, जोन धरती को राजा गिन पर राज करत होती।"