1 मंग मी अखीन एक ताकतवर, सरगदूत ला सरग लक आवता चोवयो। वा बादल ला असो ढगात गुंडयो होता। अना वोको डोक्सा मा मेघधनुस होतयो। वोको चहेरा सूरज सारखा होता। अना वोको पाय स्तो को मुन्डा सारखे होतो। 2 वोको हात मा एक लहान पावती उघड़ो होता। उनना वोको उजो पाय समुंदर मा ठेवला होता। अना डावा पाय जमीन मा वर ठेवला होता। 3 अना सेर गरजन सारखे आवाज मा हाक मारयो। 4 जबा सात गरजन हो गयो अना मी लिखन वोलो होता। तरी मी सरग लक एक सबद आयकली। "सात मेघ गरजन काजक सांगयो, वोला लूका लेव लिखजोस नोको।"

5 मंग मी, जोन सरगदूत ला समुंदर अना जमीन मा पयले उभो होता। वा ना आपरो ला उज्जो हात सरग कन उचलयो। 6 अना परमेस्वर को नाव को किरिया खाय के कव्हयो, जोन अमरकाल लक जित्तो सेत। जोनना सरग, धरती समुंदर अना सप्पा काही बनायो सेत। वोको सरगदूत कव्हसे। "अबा अखीन उसीर नही होयेत। 7 पर जबा सातवो सरगदूत ना तुर्रा बजायो, तबा परमेस्वर आपरो सेवक अना भविस्यवक्ता गिनला सुचीत करयो होतो। तसोच परमेस्वर आपरो गोस्टी पूरो करयेत।"

8 मग जोन सबद मी सरग लक बोलतो आयकयो होतो, वोना आवाज दुबारा मोला कह्यो, "जाय अना समुंदर अना जमीन मा उभयो सरगदूत को हात लक उ किताब लेव"

9 तबा मी सरगदूत कन गयो अना मोला वा लहान पावती देवत गन सांगयो, "यो घेव अना खाय। यो तोरो पोटमा आंबट पर तोरो तोंडाला यो सहेद सारखे गोड लगहेत।"

10 मी वोको हात लक लहान पावती लेय के खायो। मोला वा ते गोड-गोड लगयो। पर मी वोला गिटकयो तो मोरो पोटात खवखवले। 11 वोना मोला सांगयो का मंग एक बार दुबारा, "सब कबिला, देस बंस अना भासा अना लगत राजा गिन लाय भविस्यवानी करनो सेत।"