Ouvir a voz de Deus

27 ታ ዶርሳቱ ታ ኮሻ ስሲኖ፤ ታን ኡንቱንታ ኤራይ፤ ኡንቱንቱካ ታና ካሊኖ።

45 ናባቱ ‘ጾሳይ አሳ ኡባ ታማርሳና’ ያጊደ ጻፌድኖ፤ አዉ ግያዋ ስስያዌነ አዉዋፐ ታማርያዌ ኦንነ ታኮ ዬ።✝

47 ጾሳ አሳ ግዴዳ ኡራይ ጾሳይ ግያዋ ስሴ፤ ህንተንቱ ጾሳ አሳ ግደና ድራዉ፥ ጾሳይ ግያዋ ስስክታ" ያጌዳ።

24 "ታን ህንተንቶ ቱሙዋ ኦዳይ፤ ታ ቃላ ስስያዎነ ታና ኪቴዳዋን አማንያዎ መና ደኡ ደኤ። ሀይቁዋፐ ደኦ እ ፕኔዳዋፐ አትን፥ ፕርደተና። 25 ታን ህንተንቶ ቱሙዋ ኦዳይ፤ ሀይቄዳ አሳይ ጾሳ ናኣ ኮሻ ስስያ ዎዲ ያናዋ፤ ሄዌኔካ ሀአ። ሄ ኮሻ ስስያዋንቱ ሸምፑዋና ደአና።

ደኡዋ ቃላ

1 ቃላይ ኮይሮ ደኤ፤ ቃላይካ ጾሳና እትፐ ደኤ፤ ቃላይካ ጾሳ።

14 ቃላይ አሳ ግዲደ፥ አ ኬካተንነ ቱማተን ኩሚደ ኑ ግዱዋን ደኤዳ። ኑን፥ እ ባረ አቦ እት ናኣ ግዲደ አኬዳ አዉ ደእያ ባረ አዉዋ ቦንቹዋ በኤዶ።

16,17 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦያ አሳይ ኩመንነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተ ደኦ ዞርያ እማናዉ ማዲኖ።

20 ኡባፐ ካሰቲደ፥ ሀዋ ኤርተ፤ ጾሳ ማጻፋን ጻፈቴዳ ትምቢትያ ኦዴዳዋ ኦንነ ባረካ ብላናዉ ዳንዳየና። 21 አያዉ ጎፐ፥ ትምቢትያ ኦዴዳዌ ኡባይ ጌሻ አሳቱ ጌሻ አያናይ ካለና፥ ጾሳ ቃላ ሃሳዬድኖፐ አትን፥ አሳ ሸንያን ሃሳየትቤና።

17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።

ላኡ ማላ ጎላቱዋ

24 "ሄዋ ድራዉ፥ ሀዋ ታ ቃላ ስሲደ ኦያ ኡባይ ምኖ ዛላ ቦላ ባረ ጎልያ ኬጼዳ ዎዛናማ አሳ ማላ። 25 እራይ ቡኪደ፥ ድኡ ድኤዳ፤ ጫርኩካ ጫርኪደ፥ ሄ ጎልያ ሱጌዳ። ሽን ጎሊ ምኖ ዛላ ቦላ ኬጸቴዳ ድራዉ፥ ኩንድቤና።

28 የሱስ ቃይ፥ "አንጀቴዳዋንቱ ጾሳ ቃላ ስሲደ አዛዘትያዋንታ" ያግ ዛሬዳ።

3 "ኔን ታና ጼሳ፤ ታን ነዉ ኮያና፤ ኔን ኤረና ዎጋባነ ዎልቃማባ ታን ነዉ ኦዳና።

21 ህንተ ኡሸቻ ዎይ ሀድርሳ ስምያ ዎደ፥ ጉየና ህንተና፥ "ኦጊ ሀዋ፤ አን ቢተ" ያግያ ኮሻ ህንተ ስሳና።

24 ሀዋዳን ያጌድታ፤ ‘በአ፥ ኑን መና ጎዳ ኑ ጾሳ ኮሻ ታማ ግዶፐ ስሴዳ ዎደ፥ መና ጎዳይ ኑ ጾሳይ ባረ ቦንቹዋነ ባረ አንጋ ኑና በሴዳ። ቃይ ኑን ጾሳይ አናና ሃሳዪደ አሳይ ደኡዋን ደአናዉ ዳንዳይያዋ ሀቼ በኤዶ።

3 መና ጎዳ ጉንይ ሃቱዋ ቦላን ስሰቴ።

ቦንቾ ጾሳይ ጉጉንዳን ጉሜ፤

መና ጎዳይ ዎልቃማ ሃቱዋ ቦላን ጉሜ።

4 መና ጎዳ ጉንይ ዎልቃማ፤

መና ጎዳ ጉንይ፥ "ሆላ!" ጊስያዋ።

5 መና ጎዳ ጉንይ ዝጋቱዋ መንሬ፤

ሊባኖሳ ግያ ቢታን ደእያ ዝጋቱዋካ፥

መና ጎዳይ መንሬ።

4 ታን ታ ቃላ ቂሳደ መና ጎዳኮ ዋሳይ።

ባረ ጌሻ ደርያፐ ታዉ እ ዛሬ።