Pai da mentira
A Bíblia revela que o diabo é o pai da mentira. Ele engana, acusa e tenta destruir. Mas Cristo veio para desfazer as obras do maligno e nos dar vitória.
O caráter do diabo
Jesus disse que o diabo é mentiroso e homicida desde o princípio. Não há verdade nele — a mentira é sua natureza.
Deenek sɛɛg’en ɛ́ dim mot mɛkɔŋ. Tin, bi dyeebasa ɛ́, mɛsa mɛ sɛɛg’en di ekwyɛl ɛ. Nyɛ nadi ɛ́, mot ɛgó ɛ bot, kana bɔs nakusaa ɛ. Nyɛ dinaa ààpakokɛ tɔ etsɛɛtsɛ etɛɛ náá, etsɛɛtsɛ tok tɔ lɛ. É sok nyɛ di, nyɛ moo elɛɛ elɛŋ etsal ɛ, nyɛ lɛɛ yɛ ɛ́ nɛ lyem wat. Etɛɛ náá, nyɛ ɛ́ mot etsal, nyɛ ɛ́ sɛɛg mɛkɔŋ.
Yezu bɛ nɛ bɛdjekel bɛ nadi edɛ edee e bikoko. Ye nabɛ ɛ́, dim mot mɛkɔŋ eezewa tɔ lyem ɛ Yudas Iskaliɔt, mɔn ɛ Simɔŋ, gwyes ɛkɛka Yezu.
Tin, boo dhalaghɔŋ naazyeegelaa, mwasaa pɛ si. Yɛ ɛ́ nyɛy ɛ di nyɔ na mwa. Nyɛy ɛ di edjóoaa Satan nɛghu dim mot mɛkɔŋ, mot di esa náá bot ɛ bɔs wo ze ɔ. Bɛ naazemwas nyɛ bɛ nɛ efofop bɛ kɔ ɛko ɛ bɔs.
Bhii tak, mɛ eezɛgwak gwood wat etsim ɛlyelɛpe tɔ gwoo, eke náá: «Nenak, ye moo ɛ́ ɛwala ɛ Zɛɛb di etsik bot ɛ! Nenak, Zɛɛb’enaka eelyaal mɛbwala mɛ, nyɛ eesa náá, ɛyoŋ ɛ lɛ di. Nenak, mɛkoozi mɛ ɛ́ tɔ mɛmbɔ ɛ Mɛsia. Etɛɛ náá, nyɛ naazedis mot di epit bɔn-nyɛɛg bina mwos nɛ pum pɛ daa Zɛɛb ɔ, mwas nyɛ pɛ si.
Ye tok nɛ tɛp ɛdjoka tin. Etɛɛ náá, Satan nyɛy nyɛ ɛmet nɛ kɔɔ bot náá, nyɛ ɛ́ di fofop mɛkas.
Bot binɔk di ààmyaal Zɛɛb ɛ, etɛɛ náá, Satan, zɛɛb ɛ bot ɛ bɔs’ak ɛpedipal mɛtselal mɔɔ. Nyɛ ɛpesa náá, bɛ nàbee mɛkas mɛ Mbɛɛ Bhaadal duma ɛ Klisto, mot di mbaŋa-mbaŋa Zɛɛb ɔ.
As obras do inimigo
O diabo rouba a Palavra semeada, cega o entendimento dos incrédulos e anda em derredor como leão rugidor buscando a quem devorar.
Bɔs é ngwoob gba di bhek nakwyit ɔ, ye kwyɛl ɛlyaal ɛ́, bot ɛ nadi egwak etɛp Ɛyoŋ ɛ Zɛɛb, bɛ kadi ɛ́, ààmɛt ɛsuk ɛ tak ɔ. Tin, Mbee Mot eetuula, nyɛ eezɛdɛk mɛbhek bɛaa tɔ elyem bɔɔ ɛ.
Pyeeb kwyɛl ɛlyaal ɛ́ mɛdhik djas di kɔ bɔs ɛ. Embɛɛ mɛbhek kwyɛl ɛlyaal ɛ́ bot ɛ di ekɛ dáa Ɛyoŋ ɛ Zɛɛb di kwyɛl ɛ. Mbee bhek kalyaal ɛ́ bot ɛ Mbee Mot. Mot mɛbhuka nazɛbɛ bhek ɔ, kadi ɛ́ dim mot mɛkɔŋ. Dwoo ɛkɛbɔ́k bhum kabɛ ɛ́ ɛsi ɛ bɔs. Bot ɛ mɛsa kwyɛl ɛlyaal ɛ́ efofop.
Dika ndjem, bi ɛ́ kobaka, etɛɛ náá, mot mɛbhuka men, dim mot mɛkɔŋ ɛpebɔŋal bin dáa ghee mɛnyan, étɛp nyɛ needɛ bin.
Mot yenɔk aatuula ɛ́ nɛ mɛbwala mɛ Satan. Nyɛ waasa bɛtɛ nɛ membi mɛ endem mɛbwala nɛ esa e ɛdjoka, yii etsal.
Mɛ aanàkwaabaalii ɛbuɛpe nɛ nen etɛɛ náá, mɛkoozi mɛ bɔs’ak moo aazyɛ. Nyɛ tok nɛ ghwyil ɛsa mɛ dhiiti sonok.
Vitória em Cristo
Cristo apareceu para destruir as obras do diabo. Quem está em Deus é protegido, e o maligno não o toca.
Tin, mot di ekɛ tɔ ɛsyem ɔ, nyɛ ɛ́ mɔn dim mot mɛkɔŋ, etɛɛ náá, dim mot mɛkɔŋ nakan ɛsyem ɛ́ é mɛkɛn mɛ bhwak. É di’enek, Yezu Mɔn ɛ Zɛɛb natuula ɛ́, étɛp ɛzɛpul embee mɛsa mɛ dim mot mɛkɔŋ.
Mena nɛ guka náá, mot di náá, nyɛ ɛ́ mɔn ɛ Zɛɛb nɛ tsɛɛtsɛ ɔ, nyɛ tok nɛ ghwyil ɛbaasyem. Etɛɛ náá, Mɔn ɛ Zɛɛb ɛpebaal nyɛ, é di’enek, Mbee Mot tok nɛ ghwyil kɔ lɛ.
Mena nɛ guka náá, menaka ɛ́ bɔn ɛ Zɛɛb, deenek, bɔs’ak djas kɛ ɛ́ si bhel Mbee Mot.
Mɛ aakyeed wɔ ɛ́ etɛɛ náá, wɔ neekɛbɛɛ bɛ mis, étɛp wɔ neekɛdis bɛ tɔ ghooghom, zyɛ nɛ nɔɔ tɔ gwyɛ. Mɛ waapɛk bɛ si eghɛŋ ɛ Satan mot mɛkɔŋ, zyɛ nɛ nɔɔ pɛ daa Zɛɛb. Bɛ dum koŋ nɛ nam ɔɔ, bɛ waabela ɛpelak ɛ mesyem mɔɔ, nɛ ɛdi tɔ sama bot ɛ di bɛ moo ɛ́, bot ɛ zedum koŋ nɛ Zɛɛb ɔ."»
Wɔ gwaa, dim mot mɛkɔŋ, mot nadi ekɔɔ bɛ ɔ, zɛmwasaa tɔ tok du mɛsii na goo-goo, pɛ kyee tit nɛ bɛngoolel ɛ Mɛkpa ɛ Zɛɛb yii mɛkɔŋ di ɔ. Deenek, bɛ aadi ɛ ezukaa mwos nɛ pum kɔm-kɔm.
Tin, bi goka ɛ́ nɛ ɛlooba nɛ Zɛɛb, da bi ɛ́ byen esesɛɛ e dim mot mɛkɔŋ, nyɛ waakaab tɔ́ ɛtsetaɛpe nɛ nen.
Yezu eezɛbɔɔza nɛ nɛ náá: «Yɛ ɛ́ mam ɛ di ze, mɛ ɛ́ etsɛɛtsɛ, mam ɛ́ di tsik. Mot tok nɛ ghwyil ɛtɔ́ pɛ daa Saagam, nyɛ di ààdhaa pɛ daa lam ɔɔ.