Pais e filhos

12 "Wateghelese aba wako na mai wako, ili ukale ghamatsuwa mengi mna isi iyanitsokwing’a nene IMNDEWA, Imulungu wako.

Iwana ne iwelesi wawo

1 Mwemwe muwana, muwategheletse waletsi wenu kwaapfila mwomtoghola Imtwatsa, mana pfinogha kutenda apfo. 2 Ka Ghamaandiko pfagholonga, "Wategheletse aba wako na mai wako." Alino ilo laghitso lya mwanduso line laghano, laghano alyo lyolonga, 3 "Kutsobweda na kutsokala ghamatsuwa mengi muisi."

20 Namwe iwana muwahulikitse aba tsenu na mai tsenu mna ghose, mana apfo pfipfo pfaimnoghelesa Imtwatsa.

Ng’ungo ya kumi na sita

22 Mtegheletse aba wako iyakweleke, na uleke kumbetsa wenye wako ahala hayakuwa kalala.

26 Ayula iyomtendela ughobo aba wake, na iyomuwinga mai wake, ayo ka mwana iyoghuma chinyala na kodesa ghendo.

20 Imunu wowose iyowalighita aba wake na mai wake, itala ya ugima wake itsotsimika mna ichisi tititi.

4 Lekeni ka chitsuka kana iwana au watsukulu, welangulitse tanu kughatenda ghawobamighwa kutenda kwa kuwalolesa iwanu wa kaye tsawo iwenyegho, na kwa kutenda apfo wowaliha iwabala wawo na welesi wawo. Kwaapfila kutenda apfo komnoghelesa Imulungu.

6 Umfunde imwana apfila pfaibamighwa yalelighwe, naye ng’atsesemwa baye hata yang’awa kalala.

6 Mleke kwisemwa ghamalonga aghano ghanimlaghitsani leloli, ila mgheke mmoyo mwenu. 7 Muwafunde iwana wenu, muwapetele hamkala mkaye mwenu, na hamghenda mnzila, hamuwasa na hamlamka.

8 Mwanangu tegheletsa ghayokulaghitsa aba wako, wala uleke kughaleka ghayokufunda mai wako. 9 Agho ghatsakuwa ka taji mwitwi mwako, na ka mkufi ghunoghile msingo mwako.

4 Namwe tsina aba mleke kuwaghobola iwanenu, ila muwalele ka pfayobama Imtwatsa, kwa kuwalangusa pfawobamighwa kukala pfinoghile na muwalangulitse pfinu apfo.

21 Namwe welesi mleke kuwaghobola iwanenu, hela watsobeneka ghumoyo.

15 Ukumfapula na ukumkanya imwana komwing’a ihekima, lekeni imwana iyalekighwe yatende pfayobama, ayo komghuma chinyala mai wake.

24 Imunu iyoleka kumfapula imwanaghe, ayo komhila, lekeni ayula iyomkunda imwanaghe ng’okawa baye ukumkanya.

7 Mdudumile ahala hamkanyighwa, Imulungu kowatendelani ka iwanaghe. Apfi imwana wachi yang’okanyighwa na aba wake?

3 Iwana wamale nzawadi ilawa kwa IMNDEWA,

wawo wa ghweko ililawa kwa IMNDEWA.

4 Ka imishale mna ghamoko gha imunu yana ingupfu,

pfipfo pfawali iwana wamale wa imunu iyoweleka aku kamsongolo.

5 Kabweda imunu ayula iyali na mishale ili mingi apfo,

ng’atsohumbuka baye hana lilango, hayatsetingana na aduwi tsake.

6 Tsina sekulu weghodela iwatsukulu wawo, ka apfila iwana pfaweghodela waletsi wawo.

24 Aba wa imwana yana ihaki katsodeng’elela ghendo, na ayula iyakweleka imwana yana ihekima katsomdeng’elela.

Ng’ungo tsa Selemani

1 Imwana yakengele komtenda aba wake yadeng’elele, lekeni imwana mbotsi komghela usungu mai wake.

11 Aba wachi mna mwemwe iyomwing’a imwanaghe inzoka, ka imwanaghe kamlomba isomba? 12 Au ang’amlomba lifinga, katsomwing’a inge? 13 Ka mwemwe imwihile, mwomanya kuweng’a ipfinu pfinonoghile iwanenu, apfi Aba wenu yali kulanga ng’atsoweng’a bae Ghumuhe Mwenzeluka iwanu wala iwomlomba?"

8 Lekeni ka imunu ng’owalela bae ndughu tsake, ghendoghendo awala wa mng’anda mwake, imunu ayo koilema inoghola, na keha kubita imunu ing’ayotoghola.

15 Ka ng’ambama baye kumsang’anila IMNDEWA, lelo leloli aino msaghule yuhi yamutsomsang’anila, ka imilungu aila iwaisang’anile wahenga wenu akula kumwambu mwa ghumto Efurate, au imilungu ya Waamori mwamkala sambi mna isi yawo, lekeni nene na ng’anda yangu twomsang’anila IMNDEWA."

24 Apfo immale katsowaleka aba wake na mai wake, naye katselunga na mwehe wake, nawo watsakuwa lukuli lumwe.

16 Tsina aba waleke kukomighwa kwa nzambi tsawatendile iwana wawo, na iwana pfipfila waleke kukomighwa kwa tsinzambi tsawatendile aba tsawo. Chila munu yakomighwe kwa nzambi iyatendile imwenyegho."