1 Ubaaba kak winneet areeya hoon shibibna! Ureeruuh winneet winuuyt Ukwaasanaay ar nitoosiim. Hinin han beet toona nikati. Tuduniya barooh kanaat kitti akay hinin han kitkan hoon.

1 Ubaaba kak winneet areeya hoon shibibna! Ureeruuh winneet winuuyt Ukwaasanaay ar nitoosiim. Hinin han beet toona nikati. Tuduniya barooh kanaat kitti akay hinin han kitkan hoon.

15 Ukwaasana hiiyyaayookna ikatiyeeb Aashuuk kishiyaab kiikwaasna hookna aree kiisirakwna hookna. Laakiin Aashuuk Ukwaasanaay ar ikwasiin hookna, aree Ishuuki akriree Ukwaasana waliiknay, "Baaba, Baaba" niyad. 16 Aashuuk aakna hineeb ishuuki geeb, hinin Ukwaasanaay ar nikatiyeet toona ibadehana.

12 Laakiin gwadi barooh yꞌashishniit haay aamaniyaan. Aflaay bareeh Ukwaasanaay ar haay ikatiini hag yhii.

3 Ukwaasana Baabuunwa Wꞌankwana Yasuuꞌa Umasiihwa nꞌimaatwa mꞌasigwa baꞌiyaaw hookna.

26 Eekilay tibreeteeb dhaabeen shibibna, baraah kateeraayaana, kiiwikna, tari geesaay harroob kiidibilna, masi Baabuukna tibreeteeb eefi bareeh tamsiini. Baraakna bareesoohka alyakaab kitteena han?

29 Malu kilay dabalooyaab malu girshaayee itdaliibna. Laakiin Baabuukna biihariiweek, gaal han bareesooh whaashi kehii dhibi kiidi. 30 Igirmaayiitaakna tehamu han taakna atdhagwgwiyaata. 31 Aflaay baarakwiina, baraak gwida kilayeeka alyakaabaana.

6 Laakiin baruuk siileeltiniyihoob, ugawook shuumaa, udheefa assaat Baabiyookna dehaay siileelaa! Baruuh baalawayu. Malya Baabuukna toona tukwabaas rhiiniib, ijir iyaaw hook indi.

17 Laakiin baraak baaskiiteenihoob, tehamooteekna lꞌasaana, ifiireekna aree shigwidhna. 18 Aflaay baraak baaskiitiib tikatiineet toona uudehay iikan kiidiin. Laakiin Baabookna Oongaalnaay dehaay baaskiitaana. Baabuukna ubaalaway, aree Baabuukna toona tukwabaas rhiiniib, ijir iyaaw hookna indi.

11 Bareekna ibaabeeb, wꞌooruuh hadhiib hooy harriiweek, aweeb iniiw keeyaabu? Aashoob hooy harriiweek, wꞌaashooy mhiin kwakwar iniiw han? 12 Tari baruuh kwihiib harriiweek, talꞌanoob iniiw han? 13 Aree bareekna tikatiineek, baraakna yꞌamag, yꞌareekna kak daayiina tiyawneeb tikteenna. Aflaay Baabuukna tibreeteeb eefi, oodehay barooh Eeshuuk Imugaddasa raateen kak winneet gwidaana iyaaw indi!" idi.

32 Yaa ikwiriyaatay idabalooya, baarikwiina! Baabuukna tehadꞌaayi afirhaa iniiw hookna." idi.

17 Uumyaaw udaayiiwwa utimmiimaawwa kassuuh tibreetee yꞌiini. Ukwaasana tibreeti nuur idꞌiib baruuh nꞌati haay yꞌiini. Baruuh kiibidil tari thibin kiikwaas.

32 Wꞌoorooh ookna han ishaab kiiki, laakiin kasseeyoon jillaay barooh karaamaateeb ifrꞌa. Aflaay hinin han, wꞌooriyooh geeb, kak winneet gwidaana iyaaw hoon kiidi han?

6 Yasuuꞌa bariiyooh dehaay, "Ani usalalu, oosdiku, aree umidhhanu. Aneeb anu Ubaaba eebi gaal han kiihaay.

2 Baabiyu oogaw gwidaat gurfa hooy eefeen. Ani aree bareek mhiin dehookna isuumir andi. Bak biikaayeek aree ani kasooyan hookna.

13 Aniib oosmii tehariwneenaaka dehookna iidꞌi andi. Aflaay Ubaabaay umatuun Wꞌoorii lawi indi.

21 Baliin aniit tiwasi gabbalamiit isnaakiir, aneeb areeyeen bareeh ikatiin. Baabu aneeb areeyeen baliib areeyi indi. Ani han bareeh areeyani, ugarooyu aree dehaay lawsi andi." idi.

23 Yasuuꞌa bariiyooh dehaay, "Aneeb areeyiiniibka aniib utꞌaliim isnaakiir. Baabu barooh areeyi indi, Baabuuwwa aneebwa barooh beeti yꞌiit geeb nikwaar niyad.

18 Ukwaasana gaal han rhaab kiiki. Wꞌoor Gaalalaay Ukwaasana tꞌiiteeb masi aree Ubaabaay dar ikatiib, baruuh barooh isookin.

28 Ani bateeh umidhhan udaayim aniiw, door han aree kwidhi kiidiin. Aree gaal han bateeh hoosu tafi kiidi. 29 Baabu aneeb yhiiyyeet tuuna naatiika gwidaakaati. Bateeh Baabiyu wꞌayii taftiib gaal han kaꞌadgiriya. 30 Aneebwa Ubaabaawwa gala." idi.

24 Baaba, bareeh tehiiyyaheeb, ani daayaniyeeb oomhiin aree geebu daayeeneet toona aharriiw. Shaawti umatuun baruuk aneeb tehiiyyeeb, aniib umatuun rhi iyadna. Baruuk tuduniya kwaasaab baakaay areetaaheeb.

27 Baabu naatka yhiiheeb. Wꞌoor aab ikatiyeeb ubaaba nuun gaal han kiikan. Ubaaba aree aab ikatiyeeb wꞌoor nuun gaal han kiikan. Laakiin wꞌoor ubaaba aab ikatiyeeb eeraw sootiib harriiw, aflaay baraah barooh iikan iyadna." idi Yasuuꞌa.

48 Baabuukna tibreeteeb eefi timmiimaabu, baraak han timmiimaana." idi Yasuuꞌa.

8 Laakiin baraak ‘Seedna’ waliikami kitdiina. Baraak gaal Ankwana tibariina, kassaak aree sanaabaana. 9 Tubuuti kehii gaal han, ‘Baaba’ baadiina. Baraak gaal Baaba tibariina, aree baruuh tibreeteeb eefi.

53 Ani Baabiyu uwaliikti baaꞌadgiraayeeb hiisteena han? Baruuh anii dehaay tamna malu malaki dheesha gaal door fandiig.

36 Baabuukna rahiim ikatiyeet toonaatiit, rahiimaab akeena." idi.

20 Umatuun diimaabwa kassoohoobwa Ukwaasana Baabiyoon baꞌiikti! Aamiin.

7 Baraak ikwiriyaatayeet igwirha amtaraamna, Ukwaasana bareek yꞌareeh tꞌiiteena shanbiib hookna. Oor ubaaba biidaniineeb eefi han? 8 Kasseeh bariiyeeh yꞌareet baraak han adab bitdꞌiineek, sidki ar iikti kitdiina, laakiin haraami ar iikti tiyadna. 9 Hinin kassaan aadami baabaab nibari, baraah iidnanna hoon aree hinin bareeh nisniikar. Shaawti ishuukeeyoon Baaba udhhaniib daayiib nisnaakiireet toona kitti han? 10 Baabaan shalik door ookiik baraah daayiinaayt isehariwniit idaaninna hoon. Laakiin Ukwaasana hinin iknaayeet daayiinaayti jillaay eedniin hoon, aflaay barooh tꞌiiteeb mugaddasaab nikati.

1 Yaa inisrika, baraak Wꞌankwanaay tikatiini sabbii, ifarooyeekna sinaakirna. Tuun tuuna aree daayiiti. 2 Uuktaab "Baabookwa deetookwa hamooysaa." indi. Tuun batuuh tuwasi tꞌawwaliit uwaadiyaay teefeet tikati. 3 Masi uuktaab, "Gwimad imirwa firhaati midhhanwa imaar tindiya." indi.

4 Yaa ifaru, yꞌareekna baasehasna. Daayiib sehamnaa, Wꞌankwanaay salal allamaana aree sooyaana.

4 Yaa ifaru, yꞌareekna baasehasna. Daayiib sehamnaa, Wꞌankwanaay salal allamaana aree sooyaana.

20 Uufraay: uufraay ifarooyeekna tisnaakiirneet toona masiihiit waajibtookna tikati. Beet tuuna Wꞌankwana afirhistini.

21 Ifaru: Ifaru yꞌareekna baasehasna. Tuun tuuna bareeh tisinꞌiikw.

19 Ukwaasana dꞌiyaab ikatiyeena kastaah Ukwaasanaay yꞌar laweeneet toona winneet sꞌayaameen.

13 Ibaaba, baraak barooh whankaay tikanneet toonaati sabbii,

bareekna beeti akantiib.

Yꞌar yꞌadhami, baraak tumaagtikina oongaal tigribnayt,

bareekna beeti akantiib.

Yaa inisrika idaayi, baraak Ubaaba tikannayt,

bareekna beeti akantiib.

14 Ibaaba, baraak baruuh aab iiktiyeeb whankaay tikannayt,

bareekna beeti akantiib.

Yꞌar yꞌadhami, baraak akraabaanayt,

bareekna beeti akantiib,

aree Ukwaasanaay ibhali hookna ikweerna,

aree tumaagtikina oongaal tigribna.

15 Tuduniya baaꞌareeyaana, tari tuduniyaatiib teefeet toona kastooh baaꞌareeyaana. Gaal han tuduniya areeyiiniyeek, Ubaabaay uureer bariiyooh kadaaya.