1 Siimoon Bitrus, Yasuuꞌa Umasiihiib ukishiyaawwa ulinguumaawwa ikatiinaay, baliib Ukwaasanaayoonwa Wꞌishidhhiin Yasuuꞌaab Umasiihiit shibootii wꞌiimaan wꞌalyaab oon hineet attiyeewiyaab bareeh ookiik:

2 Ukwaasanaayt kanaantiiwwa Yasuuꞌaab Wꞌankwanaayiisoon geebiiwwa gwidaat nꞌimaawwa mꞌasigwa imeer akeena.

3 Hinin Ukwaasana harriiweeb umidhhan nikweeree dehaay naatka nibari. Naatka aree Ukwaasana ooknaay akriree nittiyeewaay. Baruuh tudaayiinaaytooh tꞌajjabsitniit adhuudhiib waliikaayoon ikatiyeet toona nikan. 4 Een bareesooh geebii Ukwaasana winneet tageegaawwa alya waadiyaayoohwa yhii hoon, aflaay een bareeyooh geebii Wꞌankwanaayt tehayꞌaatiyooh shaaraknay aree tishahwa toon tuduniyaatiib tikwasiyeeb ufasaadii eedhhaniin nikati.

5 Toon toonaati sabbii, wꞌiimaanookna daayiinaayt hooy teeshiwiineet toona winneet jarrabaana. Aree tudaayiinaay kanaant hooy shaawna, 6 aree tukanaan garooy-kaleewtiib hooy shaawna, aree ugarooy-kaleewtiib tarmuumaab shaawna, aree utarmuumaay Ukwaasanaay mirkwaay shaawna, 7 aree Ukwaasanaay mirkwaayiib isanaayeet areesamtiib hooy shaawna, aree isanaayeet wꞌareesamtiib reer shaawna. 8 Een yꞌawsafeeb gwidaana ameeshiwiyaab tikatiyeek, baraah Wꞌankwanaayoon Yasuuꞌaab Umasiihiit tukanaantiyookna nafꞌaatwa samaraatwa ibariin ikwasiin hookna. 9 Laakiin gaal han bareeh biibariyeek, baruuh dawilna rhiniibwa hamashaywa ikati, aree baruuh idanuubeeh ishꞌiiyaayee inhaseet toona baadhinaab ikati.

10 Shaawti Yꞌarawaan, Ukwaasana sidik bareek waliikiyaayt waasaayookna ikatiyeet toona ibakii winneet rhisaana. Teen teena tidꞌaneek, door han dhibi kitdiina, 11 aree Wꞌankwanaayoonwa Wꞌishidhhiinwa Yasuuꞌaab Umasiihiit tehadꞌaayi tudaayimti shuumtiib daayi ashuush imaar tiyadna.

12 Baraak oosdik attiyeewiyaab tikatiineeb daayiib abkaabaana. Laakiin ani masi teen teena shꞌasani hookna. 13 Ani masi dhhaniib akatiyihoob ibakii teen teena bareek shꞌasaniyeet toona ankwiin. 14 Wꞌankwanaayuun Yasuuꞌa Umasiih han suur akay willa oon ugaru iiyꞌish andiyeet toona sooyiheeb. 15 Aree oon usabbii ani ayaayihoob beet toona kastooh shꞌiteeni jillaay oontꞌa daayiib sooyani hookna.

16 Hinin Wꞌankwanaayoon Yasuuꞌa Umasiihiib yꞌakrirwa timꞌageerwa bareekna soonanihoob, gwadi kwaasaab iiktiini mitaal dehookna hadiidaab kinki. Laakiin umatuunooh usidkiib hinin iknaayaan igwꞌadeesoon rhina. 17 Ukwaasana Ubaaba hamooyseewwa matuunwa barooh yhiiyyihoob, hinin beentooy niifi. Whiss Tageega Matuunii bariiyooh dehaay eeyaayt, "Uun baruuh wꞌooru ani areeyaniyeebu, ani bariiyooh geeb winneet afirhaabu!" idi. 18 Oon whiss tibreetee nꞌati yꞌee hinin iknaayaan nimaasiw. Hinin been oodoor bariiyooh geeb oorba umugaddasi kehii niifi.

19 Aree tuun batuuh kastuuh inabiya diyaab iiktiineet toona winneet sidik tikwasi. Aflaay bareetooh tudiigwat daayiib sinaakirna, tuun batuuh thibnama haashiib teekiruum ookiikwa oomhi hayuukw iginꞌaayeeb talawiiniib ookiikwa balooltiniit tulamba tꞌiiteeti. 20 Laakiin gaal han oodꞌooh eektabi tafsiir tari siruud biiꞌafhamayeet toona ibakii kanna. 21 Inabiya aakna teen teena kwinaab kiikeena, laakiin baraah Eeshuuk Imugaddasaayee mitiyaamaaba.