Pais

Lirahüñü Bungiu

1 Ariha humá lueirin wínsiñe lun Bungiu Úguchili, darí lun gayara lan laguarúniwa woun «lirahüñü Bungiu», ani inarüni luagu lirahüñü wamá. Ligía siñá habaliwa lánigu ubóu gunfuranda lugundun ibidiñegili Hesukrístu houn.

Lirahüñü Bungiu

1 Ariha humá lueirin wínsiñe lun Bungiu Úguchili, darí lun gayara lan laguarúniwa woun «lirahüñü Bungiu», ani inarüni luagu lirahüñü wamá. Ligía siñá habaliwa lánigu ubóu gunfuranda lugundun ibidiñegili Hesukrístu houn.

15 Sífiri Sandu le heresibirubei, mama aban sífiri lánina idamuni lunya hanufudedun; Sífiri le heresibirubei, ligía le adügübalün lun lirahüñü humá Bungiu. Ligía gayara lubéi wagúaruni Bungiu Baba: 16 Gefenti lani Bungiu Sífiri woun luagu lirahüñühadiwa lan Bungiu.

12 Ánheinti houn ha eresibirubalin, afiñe hagía luagu; ru lumuti ubafu houn lun lirahüñübaña lan Bungiu.

3 Ibiha humá areini luma darangilaü lúmagiñe Wáguchi Bungiu luma lúmagiñe Wabureme Hesukrístu.

13 Areidati Aburemei houn ha inebehabubaña lun

kei ligaburi aban úguchili hama lirahüñü;

13 Areidati Aburemei houn ha inebehabubaña lun

kei ligaburi aban úguchili hama lirahüñü;

14 subudi lumuti ka lan wabuñabei

káteitimañadiwa lan:

Subudi lumuti buidu, luagu múa lan wabuñabei.

5 Bungiu le aganóubei tidan luban to sánduboun,

ligía háguchibei méteñuhaña,

ligía ágüdahabaliña würiña ha hilaguaaña hámari;

8 Lau sun lira Aburemei, buguya Wáguchibei;

múa wagía, buguyati nadagimeinti múa ligía,

ladügün lubeiti búhabu sun wagía!

16 Buguya wáguchibei!

Íbini lamaharun Abüráamü luagu lirahüñü wamá,

maritagun ligía Ísüraeli wawagun,

buguya, Aburemei, wáguchibei

buguyagubeiñein Wesefuragüle súnwandan.

6 Ladüga águrahouaali aban irahü,

rúhali Wabungiute aban isaani woun

le unbei lichugúa ubafu lun lagumadihan.

Anihánba burí iri le liri:

Garíawaseti, Bungiu Gabafuti,

Úguchili Magumuchaditi, Lurúeite Darangilaü.

6 Ladüga águrahouaali aban irahü,

rúhali Wabungiute aban isaani woun

le unbei lichugúa ubafu lun lagumadihan.

Anihánba burí iri le liri:

Garíawaseti, Bungiu Gabafuti,

Úguchili Magumuchaditi, Lurúeite Darangilaü.

26 Ariha humá houn dunuru ha áhamahabaña garabalirugu: Mábunagun haña, malubahan, mareidun haméi alubahani lidan lagei; lau sun lira, ruti Húguchi le siélubei éigini houn. Ma funagia gebegitimatün sügǘ hau dunuru?

29 «Malugurúntiña funagia bián harahüñü dunuru luagu aban murusun seinsu? Ani mábürühantu ni aban hádangiñe múarugun anhein mabusenrun lubéi Húguchi Bungiu. 30 Íbini ídiburi le hábulugubei, abahüdǘwati aban aban. 31 Manufudeda humá lubeiti, gebegitün sügǘ hau dunuru.

6 Dan le hafurieidun lun Bungiu, belú humá hirumunrugun, darú humeime hubenari, ábame hafurieidun lun Húguchi Bungiu le lábuguabei huma ñein. Húguchimeti Bungiu, le arihubalin le hadügübei lidan límanin, líchuguba hafayeiruáha.

17 Anhein huguya, dan le hayunarun, chibá huméi higibu, aranseragua huguyame hungua, 18 mefén hamaamuga gürigia luagu hayunaruña lan. Húguchirügüba Bungiu le marihínbei gefén luagu hayunaruña lan, ábameti líchugun hafayeiruáha.

11 «Samina humá, lun hamuga úguchili lan aban hídangiñe, aba hamugati lamuriahan lisaani fein luma, líchuguba funagia dübü lun? O lamuriahan lan aban úduraü luma, líchuguba funagia hewe lun luagu úduraü ligía? 12 O anhein lan amuriaha aban gañé luma líchuguba funagia aban águru lun? 13 Gíchigadihadün ligía katei buiti houn hirahüñü lau sun huriban, gúbumeti líchigei Húguchi Bungiu le siélubei Sífiri Sandu houn ha amuriahabalin!»

Irisini sielu

32 «Manufudeda humá, nirahüñü; lau sun mibe humá, gúndaati Bungiu lun líchuguni larúeihan hun.

17 Sun buiti le ichugúbei woun, le úabei mégeiti luagu siélugiñe liabin, lúmagiñe Bungiu le adügübalin burí lilanpuna sielu. Bungiu le ligiamémebei súnwandan; úati sánsiguaü lidan, mamuñoungadun ligía.

32 Derege lumuti Bungiu Liráü guánarügü lun lounwen luagu wafulesein, sun wagía; ida lubati míchugun lani sun líbiri katei woun keisi líchuguni Liráü woun?

6 Lariñaga Hesusu lun:

—Au ǘmabei, au inarüni, au ibagari. Ani úati achülürüti lumoun Bungiu Úguchili anhein mama lubéi nuéigiñe.

2 Anihein saragu ubaraü tidan luban Núguchi, néibuga lubeiti aranseha aban ubaraü hubá. Lun hamuga mítaranti, ariñaga naali hamuga hun.

13 Sun le hamuriahan lidan niri, nadügübei, arufuda náamugei luéirigun Núguchi.

21 Ha subudihabútiña lun nugumadin ani úaragua hagía luma, arufuda hamuti luagu hínsiñe nan houn le tímatimaati. Ani hínsiñehabubei Núguchi houn ha hínsiñehabutiña nun, hínsiñebaña giñe nun, arufudagua aume nungua houn».

23 Lariñaga Hesusu lun:

—Ha hínsiñehabutiña nun, adügatiña gasu lau le nubeibei; ani hínsiñeduba lun Núguchi, ábame wayabin, au luma Núguchi, aganawa hama.

18 Úagili ni aban arihiti Bungiu; Liráü le ábanrügübei le yarafabei tun lanigi, ligía arufudubalin ida liña lan.

28 rútina ibagari magumuchaditi houn ani meferidirunbaña; úabei giñe agidarutiña núhaburugugiñe. 29 Núguchi le wéiribei hawéi súngubei, ligía íchugubaliña nun, ani úati ni aban lun lagidaruniña lúhaburugugiñe. 30 Au luma Bungiu Úguchili ábanmeme wagía.

24 «Núguchi, buguya íchugubaliña nun, busentina lun númabaña lan le ñein numuti, lun harihini uéiriguni le bíchugubei nun; ladüga hínsiñegubeiñadina bun lubaragiñe ladügǘniwa ubóu.

27 «Derege laali Núguchi sun katei nun. Ibidiñeti Bungiu Irahü ni ka un buidu buidu luéidigia lun Bungiu Úguchili; ibidiñeti giñe Bungiu Úguchili ni ka un buidu buidu luéidigia lun Bungiu Irahü hama ha únbaña labusenra Bungiu Irahü lasubudiragüdüni.

48 Úaragua humá lubeiti keisi úaragua lan Húguchi Bungiu le siélubei.

8 Anhein huguya, mígira humá lun lariñawagúniwa hun, máisturugu, ladüga sun huguya aban habu, ani ábanrügüñein giñe Humaisturun, au le Krístubei. 9 Mariñaga humá giñe lun ni aban wügüri ubouagu núguchi lidan ligaburi hagúaruni Bungiu le siélubei núguchi.

53 Ibidiñeti bun luagu ánhana lan hamuga busén, gayara lan namuriahan ǘrüwa-wein-diisi-milu hádangiñe lani Núguchi ánheligu, ani lóunahañanu lan hamuga?

36 Gudemehabu humá, kei gudemehabu lan húguchi Bungiu.

20 Uéiriguni lun Wáguchi Bungiu lun sun dan! Ítarala.

7 Hasufuriruña lun haranseragun, lugundun lóuseruñadün Bungiu keisi lirahüñü. Anihein funagia úguchili mabeichun lumuti lisaani? 8 Anhaün mabeichun lan Bungiu keisi labeichuniña sun lisaanigu, mámarügü hiña lisaanigu ha tímatimaatiña. 9 Dan meha le ñǘbürigidiwa, bei hamutiwa meha wagübürigu, ani inebetiña meha woun. Lúntimati waganbuni Wáguchi le siélubei, lun gabagaribadiwa lan. 10 Habeichuniwa meha wagübürigu ya ubouagu lúnrügü murusun ibagari le, lun hagüriahaniwa buidu según habafu; ánheinti Bungiu, lun wasagarun buiti lídangiñe labeichuniwa; labeichawa lun ladügüniwa lun sandu wamá ítara kei sandu lan.

11 Niráü, mamaharabá lun leweridihan Bungiu,

magañidun buguyame dan le ladeinhan bun;

12 ladüga wéridi lumutiña Bungiu gürigia ha hínsiñebaña lun,

kei ladüga aban úguchili lun liráü le hínsiñetimabei lun.

11 Niráü, mamaharabá lun leweridihan Bungiu,

magañidun buguyame dan le ladeinhan bun;

12 ladüga wéridi lumutiña Bungiu gürigia ha hínsiñebaña lun,

kei ladüga aban úguchili lun liráü le hínsiñetimabei lun.

1 Isaanigu, le lunbei hadügüni keisi afiñetiña lun gaganbadi humá houn hagübürigu, lugundun ligía richabei. 2 Anihán aban gumadi wéiriti lídangiñe lugumadin Bungiu le anügübei buiti woun lau wagunfuliruni: «Inebelá búguchi tuma búguchu bun 3 lun buidu lan dan bun ani migife ligíame bibagari ya ubouagu».

4 Huguya agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.

4 Huguya agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.

12 Ruba inebesei lun búguchi luma tun búguchu, migife láamuga bibagari ligibuagu ubóu.

Eweridihani burí houn nibureintiña

8 Niráü, aganbabéi lererun búguchi,

teni buguyame lun tarufudahan búguchu;

9 ladüga ítara luba kei aban uéndeni bun,

kei aban iñari o kei lan aban ridi.

24 Agübürigu ha gasaanitiña irahüñü buítiña ani chu ligía hau,

garichatiña gúndaañu hamá hau, apantaha hagía hawagu;

5 Ha ibidiouguabaña aau, meberesentiña lau lererehan háguchi;

ánhaña ha atenirutiña lun lererehan háguchi,

arufuda hamuti lualin hachügü.

6 Habañan wéiyaaña mutu haridinbei;

hagübürigu isaanigu hapantagüle.

20 Ha íñaragutiña háguchi o háguchu,

hóunweguba lidan lanarime luburiga.

20 Isaanigu, aganba humaña hagübürigu lidan sun katei, ladüga ligía hínsiñebei lun Bungiu. 21 Agübürigu, másügüraguala hagumadiruniña hisaanigu, ragühañein maguraasuni.

3 Wasaanigu ha wágurahabaña,

aban abiniruni rísiti hagía lun Aburemei.

4 Wasaanigu ha wágurahabaña dan le nibureingidiwa,

ítara haña kei gimara lúhaburugu aban wuriburuguna.

5 Fuleseiwatiña gürigia ha gagimaranbaña ítara!

Manügünbaña busiganu hagibugiñe háganiñu

danme le hageindaguni hakesin hagibugiñe aguseragüdütiña.

19 Hárügüñanu wínwanbaña gayara heremuhan bun,

kei nadügüni uguñe.

Adimurehatiña agübürigu houn hasaanigu luagu bigunfulin.

16 —Siñabei hasiadirún agübürigu lun hóunwegun luagu láfarahan haráü, ni giñe isaanigu luagu háfarahan agübürigu kádaba aban ounwe luagu láfarahan.

19 Lauñein saragu óurabahouni luma emenigini sun ubóu, agurabei dan le lunbei heresibiruni lirahüñü Bungiu halagante.

13 Agübürigu, nabürühaña hun lugundun subudi humaali lan Hesukrístu le meha aniheinhalibei lúmagiñe furumiñeti dan. Nibureingiña, nabürühaña hun lugundun gañei humaali lan wuribu luagu Mafia.

14 Nabürühanbei hun, nirahüñü, lugundun subudi humaali lan Bungiu Úguchili. Nabürühanbei hun, agübürigu, lugundun subudi humaali lan Hesukrístu le meha aniheinhalibei lúmagiñe furumiñeti dan. Nabürühanbei hun, nibureingiña, lugundun here humá, ani resibi humaali lererun Bungiu tidan hanigi; lugundun giñe gañei humaali lan wuribu luagu Mafia.

15 Mínsiñedala ligaburi ubóu hun, ni burí katei le lídanbei ubóu. Anhein hínsiñe ubóu hun, mínsiñeti Bungiu Úguchili hun;