Páscoa

9 जो पीड़ आगे-आगे और पीछे-पीछे चली री थी, से आक्का पाई-पाई की बोलणे लगी री थी,

"दाऊदो री ल्वादा खे होशन्ना;

धन्य ए से, जो प्रभुए रे नाओं ते आओआ, स्वर्गो रे होशन्ना।"

25 ओ प्रभु, आसे तांते बिनती करूँए, आसा खे बचा!

ओ प्रभु, आसे तांते बिनती करूँए, आसा खे कामयाबी दे!

26 तन्य ए से माणूं, जो प्रभुए रे नाओं ते आओआ!

आसे ताखे प्रभुए रे मन्दरो ते आशीर्वाद देई राखेया।*

सिय्योनो रा आऊणे वाल़ा राजा

9 सिय्योन शईर, खुशिया मना! ओ यरूशलेम शईरो रे तर्मी लोको, जयजयकार करो! देखो, तुसा रा राजा तुसा गे आऊणे लगी रा। से सदा सई काम करोआ। तिने जीत आसिल करी राखी। से नम्र ए ओर गह्दे पाँदे बैठेया दा ए। से गह्दिया रे बच्चे पाँदे चढ़ी की आऊणा।

18 "देखो, आसे यरूशलेम नगरो खे चली रे और आँऊ माणूं रा पुत्र, बड़े पुरोईत और शास्त्रिया ते पकड़वाऊणा और तिना आँऊ काणे जोगा ठराणा। 19 तिना आँऊ दूजिया जातिया रे आथो रे देई देणा, ताकि सेयो मेरा मजाक ऊड़ाओ, कोड़े बाओ और क्रूसो पाँदे चढ़ाओ। पर आँऊ तीजे दिने जिऊँदा ऊई जाणा।"

28 और तिना रे टाल्ले खोली की तिना खे लाल रंगो रा चोगा पणयाई ता 29 और कांडेया रा मुकट बूणी की तिना रे सिरो पाँदे राखेया और तिना रे दाँणे आथो रे एक नगल़ो रा डण्डा देईता और तिना रे आगे कुटणे टेकी की तिना रा मजाक ऊड़ाणे लगे और बोलणे लगे, "ओ यहूदिया रे राजा नमस्कार!"

37 तेबे तिना रा दोष पत्र तिना रे सिरो पाँदे लगाया,

"ये यहूदिया रा राजा यीशु ए।"

36 और बोलेया, "ओ अब्बा! ओ पिता! तुसा ते सब कुछ ऊई सकोआ, एस दुःखो खे मांगा गे ते टाई दे, पर तेबे बी जेड़ा आऊँ चाऊँआ, तेड़ा नि, पर जो तुसे चाओए सेई ओ।"

46 तेबे यीशुए जोरे की बोलेया, "ओ पिता! आऊँ आपणी आत्मा तुसा रे आथो रे सम्बाल़ूँआ और ये बोली की तिने प्राण छाडी ते।"

30 जेबे यीशुए से सिरका चाखेया, तेबे बोलेया, "पूरा ऊआ" और सिर चुकाई की प्राण छाडी ते।

5 स्वर्गदूते तिना जवाणसा खे बोलेया, "डरो नि; कऊँकि माखे पता ए कि तुसे यीशुए खे, जो क्रूसो पाँदे चढ़ाया था, तेसखे टोल़ने लगी रिया। 6 से एती निए, पर आपणे वचनो रे मुताबिक जिऊँदा ऊईगा रा। आओ, एसा जगा खे देखो, जेती प्रभु थे राखे रे

6 तिने तिना खे बोलेया, "डरो नि। तुसे जेस यीशु नासरिये खे, जो क्रूसो पाँदे लटकाया था, टोल़ने लगी रिया। से जिऊँदा ऊईगा रा, से एती निए देखी लो; ये सेई जगा ए जेती से राखी राखेया था।

6 से एती निए बल्कि जिऊँदा ऊईगा रा, याद करो कि तिने गलीलो रे रंदे ऊए तुसा खे बोलेया था, 7 जरूरी ए कि आँऊ माणूं रा पुत्र पापिया रे आथो रे पकड़वाया जाओ और क्रूसो पाँदे लटकाया जाओ और तीजे दिने जिऊँदा ऊई जाओ।"

8 तेबे दूजा चेला बी, जो कब्रा पाँदे पईले पऊँछेया था, पीतरे गया और देखी की विश्वास कित्तेया कि यीशु मरेया रे बीचा ते जिऊँदा ऊईगा रा। 9 सेयो एबुए तक पवित्र शास्त्रो री गल्ल नि समजे थे कि से मरेया रे बीचा ते जिऊँदा ऊणा था।