Páscoa

9 Nuɔ bʉə ndə bɔ̂ŋ kə́ gɛ̀ hə bəshʉ ɔ ghɔŋbə bʉə ndə bɔ̂ŋ kə́ gwè hə bɔ̌ŋ ɔŋ, kə́ tòʼ tíitə ghɔ̀ŋ mbɔ,

"Osana* tʉ Vaa-Dɛbi!

Tə Nyii bìʼ wo ndə ɔ gwè yie-Tiekətʉ!

B̈ə kɔ́ kuŋhə tʉ Nyii gɛ̀ tə dàa liʼ yuo!"*

18 "B̈ii nyíɛ, bʉʼʉ nɔ tʉʼ kóʼ gɛ̀ Jɛlosalɛŋ, bə bɔŋ bu chɔ̀ʼhə Vaa-Woməsʉʉ kɔ́ kəghɔ-bətiefɛ̀ʼndɛŋNyii leʼnə bʉə dàhə nuʼ-Mushi, bɔ̂ŋ chʉ̀ə ŋkwɛ mbɔ b̈ə yi ɔ. 19 Bə bu leʼ chɔ̀ʼhə ɔŋ kɔ́ mu kəghɔ-bʉə ndə bɔ̂ŋ gòʼ təmə bɛ bʉə-Juu fɛ, bɔ̂ŋ dʉ̀ʉhə ɔŋ, kɛŋ gwúu ɔ bɔŋleʼ kwɛ̀ŋ ɔŋ yí, kʉ̂ʉ bɛ chîbə itia nɔ, ɔ bʉ̀nə kóʼ."

28 Bɔ̂ŋ shùɔ ndyihə-i, mɔ̀ʼ ndyi kəmbuu buuŋ mbʉə-ɔ. 29 Bɔ̂ŋ kʉ̂ʉ túŋ bɛnə nə ŋkinəŋkia, bìa kətʉ-ɔ, bə́ʼ vaakətyʉ kɔ́ kəghɔ-ɔ kwiimɔʼnə, ndʉʉmɛ bɔ̂ŋ kwíʼtə bəshʉ ɔ, dʉ̀ʉhə ɔŋ kə́ ghɔ̀ŋ mbɔ, "C̈hichi báa b̈ə yóʼ bənchəŋ, Fɔŋ-bʉə-Juu!"

37 Kweghɔʼ kətʉ-ɔ, bɔ̂ŋ nyɔ̀ʼ nubə te ɔ ndə i ghɔ̀ŋ mbɔ, "Nɔ bɛ Jiso nɔ, mbʉ Fɔŋ-bʉə-Juu."

36 Ɔ ghɔ̀ŋ mbɔ, "Baba, Tie-ɔ, nubɛʼkə bɛ ghɔ ndə i chàa a fɛ. Fí ndʉ̂ʉ ŋgʉəʼ-ɔ̄ hə kəghɔ-mɔ, kə a mə fɔ̀ʼ bə ŋkʉʉnə-tʉʉ-ɔ fɛ, fɔ̀ʼ bə ya-yə ŋkʉʉnə tʉʉ."

46 Jiso tíi nə gyʉʉ dədə mbɔ, "Tie-ɔ, mɔ nɔ kɔ́ lyʉʉhəkə-ɔŋ mu kəghɔ-a!" Ɔ kʉ̂ʉ gìe yɔ̄ŋ-yə, yìhə ndyiʼtə-bəyihə-kə-i.

30 Ndʉʉ ndə Jiso nɔʼ nú mbʉ məndʉʼ chyʉ́ʉtə, ɔ ghɔ̀ŋ mbɔ, "I nɔʼ mì," mii-i bə́ʼnə, lyʉʉhəkə-i mɛ̀ʼtə ɔŋ.

5 Bɔŋ mbʉ wontəŋ ghɔ̀ŋ tʉ mbʉ bəke mbɔ, "Kə bii mə leʼ fàa fɛ, bʉʼka mɔ nɔ kínə mbɔ bii nɔ tʉʼ kʉ́ʉ Jiso ndə bə kə kwɛ̀ŋ ɔŋ yí le. 6 Ɔ kaa fɛ̄ŋ fɛ, ɔ nɔʼ bʉ̀nə kóʼ haʼ ndə ɔ kə gìe, b̈ii gwè nyíɛ yəŋkə ndə ɔ kə nʉ̀ʉ chɔ.

6 Bɔŋ ɔ ghɔ̀ŋ tʉ bɔŋ mbɔ, "Kə i mə leʼ chàa bii fɛ, bii nɔ tʉʼ kʉ́ʉ Jiso ndə ɔ lɔ̀ hə Nasalɛ ndə bə kə kwɛ̀ŋ ɔŋ yí le. Ɔ nɔʼ bʉ̀nə kóʼ, ɔ kaa fɛ̄ŋ fɛ. B̈ii nyíɛ yəŋkə ndə bə kə mɔ̀ʼ ɔ chɔ.

6 Ɔ kaa fɛ̄ŋ fɛ, ɔ nɔʼ kóʼ! B̈ii kwɛ́nə ndə ɔ kə shyíi bii vɛʼ ndə bii bɔŋ kə bɛ mɔʼɔ Galili le, 7 ‘Bə bu yaʼ kɔ́ Vaa-Woməsʉʉ mu kəghɔ-bʉə bʉ̂ʼʉ, bɔ̂ŋ kwɛ̀ŋ ɔŋ yí, kʉ̂ʉ bɛ chîbə itia nɔ ɔ bʉ̀nə bìʼ kóʼ.’ "

8 Ndʉʉmɛ, ibɛʼ-yə mbyu vaafɔ̀ʼ ndə ɔ nɔʼ kə fəŋ dàa chu-sě le, leʼ shíʼ ghɔ mu mbʉ sě, nyíɛ, bɔŋleʼ bɛ́ŋ, 9 bʉʼka bɔ̂ŋ chʉʼ kə kínə nukə ndə i kə ghɔ̀ŋ mu ŋwɔʼnə-Nyii mbɔ Jiso la bu yaʼ bʉ̀nə kóʼ ndʉʉ ndə ɔ kə kwú fɛ.