23 əndje nɔ̂, əndje mbrə̂ nyaka gâ ye â äwä ə̂yî Ndjapä kânga tə̂ əndje gâ ye.

23 əndje nɔ̂, əndje mbrə̂ nyaka gâ ye â äwä ə̂yî Ndjapä kânga tə̂ əndje gâ ye. 24 Bale, Ndjapä, lə ə̂rɔ̂tə̂ ye, mbrə̂ əndje tə aə̂rɔ̂ azü lə ala ye tə ambanə, tə̂ äwä Jezu Kristə nə ə̂në tshə djɔ əndje lə nyaka nə kɔ.

20 Mbrə ə̂në ə̈bə̈ əzü bale sə sə kə sə tə ə̂rɔ̂ əzü lə ala Ndjapä mbrə ə̂në tshə mbrə̂ aərə nɔ̂ Lïndə̂ âgbɔ̂ əpʉ nə kɔ ne. Âgbɔ̂ əpʉ nə za äwä tshî ndə kə pa əzü wusə̂ əpʉ nyaka.

23 Mbrə ə̂në ərə tshemandâ nyaka nə kə də̂ kuzu; bale âkrâ nə̂ Ndjapä nə lə ə̂rɔ̂tə̂ ye kə də̂ sorô nə̂ alɔnɔ̂ lə Jezu Kristə, Âgbɔ̂ Əyïngerə nə̂ əzə̂ nə.

4 Əzü nɔ̂ ə̂në tshə sə kə mbrə nyaka alɔnɔ̂, tshə sə kə mbrə ndje ərə kpî tə̂ âgbɔ̂ əpʉ nə̂ Ndjapä, â nyaka nə kə də̂ kə mbrə ərə kpî tə̂ âgbɔ̂ əpʉ nə̂ Ndjapä nə.

1 Rəkɔ, kpəsəye əpʉ ngbanga sə sə kwatə̂ye lə kumu azü ə̂në əndje tɔ̂ popo Jezu Kristə gâ ye kɔ ne. 2 Mbrə ə̂në âgbɔ̂ əpʉ nə̂ Âgbɔ̂ Yîrə̂, ə̂në ə za sorô kə azü tə̂ äwä Jezu Kristə kɔ, djɔ̂ əbə* lə âgbɔ̂ əpʉ nyaka də kuzu gâ ye.

12 Rəkɔ, nyaka lï lï ndə kə pa ə sə də awlra gâ pâ əndu e ə̂në ə tshu ndə ə̈bə̈ alɔ je kɔ ne, â e lï lï ndə kə pa e mbrə ərə Lïndə̂ aəmbrʉ aəgo əndu e nə ne! 13 E kätə̂ äwä ndə kə pa ə za əndu e nə ndə äwä akosəra nə̂ nyaka nə gâ ye, ndə kə pa e mbrə əmbrʉ ərə ne! Bale, e zä tə̂ e gâ tə̂ äwä kosəra nə̂ Ndjapä, mata asorô ə̂në əndje shê gâ ye kɔ. E zä əndu e nə tə ərə kə mbrə də ərə ə̂në ə sə də äwänə kɔ. 14 Mbrə ə̂në nyaka sə sə də awlra gâ pâ e mandânə səye ne, e sə sə gâ tshekudu âgbɔ̂ əpʉ ne, bale e sə gâ tshekudu ə̂rɔ̂tə̂ Ndjapä â sə kɔ.

15 Rəkɔ yekɔ? A mbrə kəmə nyaka mbrə ə̂në a sə sə tshekudu âgbɔ̂ əpʉ nə ne, â sə tshekudu ə̂rɔ̂tə̂ Ndjapä nə kɔ a? Bale ne! 16 E wûsə̂ nə wû ə pa kədə e za tə̂ e tə akanga kə ə̈bə̈ əzü, ndə kə pa e dji əpʉ ama ye, e sə tə akanga nə̂ əzü nə ə̂në e sə kə dji əpʉ ama ye nə kɔ ne a? Wala tə akanga nyaka ə̂në ə na də əzü trɔ kuzu kɔ wala tə akanga kə dji əpʉ ama Ndjapä ə̂në ə na də əzü gâ tə̂ ərə ə̂në ə sə də äwänə kɔ ne a? 17 Bale, mərshe kə Ndjapä, mbrə ə̂në, mandânə ə̂në e sə̂ leme-e tə akanga nyaka kɔ, e mbrə̂ tə̂ e kpəsəye də lɔsu e nɔ̂ Lïndə̂ ərə ə̂në əndje yîsə̂ nə kə e gâ ye kɔ. 18 E wûtu tshekudu nyaka gâ ye, e dô tə̂ e tə akanga ərə ə̂në ə sə də äwänə kɔ gâ ye.

15 Rəkɔ yekɔ? A mbrə kəmə nyaka mbrə ə̂në a sə sə tshekudu âgbɔ̂ əpʉ nə ne, â sə tshekudu ə̂rɔ̂tə̂ Ndjapä nə kɔ a? Bale ne!

14 Mbrə ə̂në a wusə̂ nə ə pa âgbɔ̂ əpʉ nə sə tə ənə̂ yîrə̂; bale əmə, mə sə tə əzü də dɔ̂ngɔ̂ tə̂ əmə, ə̂në əndje kâ əmə tə kanga kə nyaka nə gâ ye kɔ. 15 Mbrə ə̂në mə wusə̂ âdâ ərə ə̂në mə mbrə kɔ wu ne. Ərə ə̂në tshelə əmə yində nə, mə sə sə kə mbrə nə ne, bale mə sə kə mbrə ərə ə̂në tshelə əmə wəra tə̂ ye tə̂ ne. 16 Kədə mə sə kə mbrə də̂ ərə ə̂në tshelə əmə yi yində nə ne kɔ, mə wusə̂ nə kôto ə pa âgbɔ̂ əpʉ nə sə tə ə̂rɔ̂ ərə. 17 Rəkɔ, ə də̂ əmə də̂ kə mbrə ərə nə rə kɔ ne, bale nyaka nə ə̂në ə sə lə əmə kɔ kə sə̂ â mbrə ərə nə rə kɔ.

34 Jezu kîrə əpʉ kə əndje ə pa: «Djatra əpʉ, mə pa kə e, əzü nɔ̂ ə̂në tshə sə kə ma nyaka, tshə sə tə kanga nyaka nə.

8 Kədə a pa a sə sə də nyaka lə kumu əzə̂ ne, kandää, a frɔ tə̂ əzə̂ ə frɔ də ə̂tə̂ əzə̂, â djatra əpʉ sə sə lə əzə̂ ne. 9 Kədə a pa ndə anyaka nə̂ əzə̂ gashu kə Ndjapä nə, ətshə ə̂në tshə sə tə awombrə tshelə ndəma ye kɔ â sə tə awombrə ərə də äwänə kɔ, tshə sə kə gba tshelə anyaka lə kumu əzə̂ ə sə kə yutu aəmbrʉ aərə nɔ̂ tə̂ əzə̂.

9 Kədə a pa ndə anyaka nə̂ əzə̂ gashu kə Ndjapä nə, ətshə ə̂në tshə sə tə awombrə tshelə ndəma ye kɔ â sə tə awombrə ərə də äwänə kɔ, tshə sə kə gba tshelə anyaka lə kumu əzə̂ ə sə kə yutu aəmbrʉ aərə nɔ̂ tə̂ əzə̂.

6 Kədə a pa a sə də əpʉ lɔsu kʉ bale də ətshə, â a sə kə na ana lə əbutshe, a sə kə pa əterə, â a mbrə ərə mbrə tə̂ äwä djatra əpʉ ne.

24 Tshə kô anyaka nə̂ əzə̂ də ə̂tə̂ ye gâ pâ ye, tə̂ tshekotə̂ ye, la masheyɔ gâ ye, kanika, ə̂në a tshû tə̂ nyaka gâ ye kɔ, a sə də sorô mbrə kə mbrə ərə də äwänə. Tə̂ äwä aəku nə̂ ye də̂ arəka nə̂ e nglɔ̂ gâ ye kɔ.

21 Tshə sə kə zu əgblə koshe, bə sə kə dji əɨrɨ ye Jezu*, mbrə ə̂në ətshə kə sə kə tshɔ azü əgɔ nə̂ ye lə anyaka nə̂ əndje.»

21 Kristə nə ə̂në tshə sə̂ sə̂ də nyaka lə kumu ye bale ne kɔ, Ndjapä nə zâ nyaka nə̂ əzə̂ gâ pâ ye gâ ye, kanika a do tə̂ əzə̂ tə aə̂rɔ̂ azü lə ala Ndjapä nə tə̂ äwä ye.

28 äwä bale ndje, Kristə nə kâ tə̂ ye kʉ äwä bale gâ ye ndə kə pa tshə ko anyaka nə̂ ə̂kpû azü lə kumu əndje. Tshə wutu tə̂ bishi nə je, ə də̂ ndə kə pa tshə ko anyaka nə̂ azü də̂ ne, bale ndə kə pa tshə she azü ə̂në əndje sə kə ka mbrə ətshə kɔ lə kuzu.

8 Əzü ə̂në tshə sə kə mbrə nyaka alɔnɔ̂, tshə sə tə əzü nə̂ djablo, mbrə ə̂në djablo nə sə kə mbrə nyaka kerə pə tə̂ ama nə. Kandää, Ɨrɨ Ndjapä nə nâ kɔ, tshə nâ ndə kə pa tshə ndɨ tshelə aərə ə̂në djablo nə sə kə mbrə nə kɔ.

18 A wusə̂ nə ə pa əzü nɔ̂ ə̂në tshə sə tə əgblə nə̂ Ndjapä kɔ, tshə sə sə kə mbrə nyaka alɔnɔ̂ ne. Bale, Ɨrɨ Ndjapä nə sə kə bata ətshə, â djablo sə sə kə goro ətshə ne.

5 Rəkɔ, e wö aərə nɔ̂ ə̂në ə sə lə e tə ənə̂ tshepashɔ kɔ gâ ye, mata kə mbrə ə̂trû, də kə mbrə ərə kene, də aəgo yïrə̈, də aəmbrʉ aəgo tə̂ lɔsu, gâ ndə əgo kə sɔtə̂ aərə, ə̂në ə sə tə ə̈bə̈ äwä kə vrɔ aamba andjapä kɔ.

3 E sə tə azü nə̂ Ndjapä, rəkɔ əpʉ kə mbrə ə̂trû də âkâ aəmbrʉ aərə gana nɔ̂ gâ ndə əgo aərə nɔ̂, əndje djï ndə nə djï lə takpa tə̂ e ne.

11 E yï yï tə̂ e gâ lə kə mbrə aərə nə̂ azü tshelə əbutshe ə̂në ə̈bə̈ ə̂rɔ̂ ərə sə sə lə nə ne kɔ ne; bale e pä ndə əpʉ nə gashu. 12 Mbrə ə̂në ə sə ndje tə ərə gana ndə kə pa ndəma aərə ə̂në əndje mbrə lə angbanə kɔ.

26 Kədə e mbrə əkɔ, e mbrə̈ nyaka mbrə̈ ne; alɔ dɨ̈ dɨ̈ tə̂ e də əkɔ nə ne.

1 Alaye əmə, kədə ə̈bə̈ əzü kə sə kə ma ə̈bə̈ əmbrʉ ərə â əndje sɔtə̂ ye də nə, e-e ə̂në e sə də Yîrə̂ Ndjapä nə kɔ, e pä əpʉ kə ətshə lə zɨtɨnə ə gü də ətshə gâ tə̂ ə̂rɔ̂ äwä. Bäta tə̂ zə, ndə kə pa, əbə ndje, bə te te lə afrɔ ərə nə ne.

1 Alaye əmə, kədə ə̈bə̈ əzü kə sə kə ma ə̈bə̈ əmbrʉ ərə â əndje sɔtə̂ ye də nə, e-e ə̂në e sə də Yîrə̂ Ndjapä nə kɔ, e pä əpʉ kə ətshə lə zɨtɨnə ə gü də ətshə gâ tə̂ ə̂rɔ̂ äwä. Bäta tə̂ zə, ndə kə pa, əbə ndje, bə te te lə afrɔ ərə nə ne. 2 E kö akongbɔ nə̂ angâ e lə takpa tə̂ e, â rə də̂ e sə kə mbrə ndəma âgbɔ̂ əpʉ ə̂në Kristə nə pâ kɔ.

15 «Kədə aye zə kə ma əmbrʉ ərə kə əbə, nä ə wü ətshə. E də ətshə bishi, bə yisə̂ nyaka nə̂ ye kə ətshə. Kədə tshə dji əbə, kandää, bə wə̂ra aye zə nə gâ ye.

15 «Kədə aye zə kə ma əmbrʉ ərə kə əbə, nä ə wü ətshə. E də ətshə bishi, bə yisə̂ nyaka nə̂ ye kə ətshə. Kədə tshə dji əbə, kandää, bə wə̂ra aye zə nə gâ ye.

6 «Bale, kədə ə̈bə̈ əzü kə mbrə â ə̈bə̈ aya əgblə bale lə aneshe səye ə̂në əndje za lɔsu əndje kə əmə kɔ kə te gâ lə nyaka, ə sə tə ə̂rɔ̂nə mbrə ətshə ndə kə pa əndje i ə̈bə̈ əgerə əkpʉ gâ tə̂ əgʉ ye ə wli ətshə də nə mâ budu ə̂ngû əngbrʉ.

3 Mbrə yekɔ də̂ bə wu aya ebe ə̂në ə sə lə ala aye zə â wu ayɔ ə̂në ə sə lə ala zə kɔ wu ne kɔ?

14 «Kədə e gba tshelə ködä nyaka lə kumu azü, Abä e ə̂në tshə sə mâ lafɔ kɔ sə kə gba tshelə nyaka lə kumu e ndje.

16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

17 Rəkɔ, kədə əzü kə wusə̂ kə mbrə ə̂rɔ̂ ərə â mbə mbrə ne, tshə mbrə̂ nyaka gâ ye.

8 E gï tə̂ e trö gâ tə̂ Ndjapä, ka tshə na trö gâ tə̂ e. Alayïnyaka, e yütu əmbrʉ ərə tə̂ kəna e! Alayïlɔsu bishi, e yütu əmbrʉ ərə tə̂ lɔsu e!

4 E-e ə̂në e frɔ Ndjapä kɔ! E wusə̂ nə wu ə pa kə yində aərə tshepashɔ sə tə äwä kə wəra tə̂ əzü tə̂ Ndjapä ne a? Əzü ə̂në tshə yində kʉtə̂ aərə tshepashɔ nə, rəkɔ tshə do tə̂ ye tə əyïkowɔ nə̂ Ndjapä gâ ye.

10 Kʉ lə ama bale də̂ ə̂rɔ̂ əpʉ də əpʉ kə dra ətshe ə wutu lə nə kɔ. Alaye əmə, ə lï lï ndə kə pa ərə nə sə rə ne.

8 Angbʉlînə lə aərə nɔ̂, e yï tə̂ e lə takpa tə̂ e də lɔsu e nɔ̂, mbrə ə̂në «kə yi tə̂ sə kə tshu tshepa ə̂kpû anyaka.»*

45 Ə̂rɔ̂ əzü wutu də aə̂rɔ̂ aərə lə agrɔ ə̂në ə sə tə̂ lɔsu ye kɔ. Əmbrʉ əzü wutu də aəmbrʉ aərə lə əmbrʉ agrɔ nə̂ ye. Mbrə ə̂në əpʉ ə̂në ə sə tə̂ lɔsu əzü kɔ kə wutu lə ama ye gashu.»

9 E wusə̂ nə wu ə pa azü ə̂në əndje mbrə aəmbrʉ aərə kə angâ əndje kɔ sə sə kə li Əgɔngerə nə̂ Ndjapä ne a? E frɔ̈ tə e frɔ̈ ne: alayïə̂trû, wala aawovrɔ aamba andjapä, wala awosho də alawɔ azü də aläkɔ̈ azü wala akoshe ə̂në əndje sho də angâ əndje də akoshe kɔ, 10 wala alayïangba, wala aawoyində aərə tshepashɔ ngbatshe, wala aawondju ərə, wala alayïəpʉ, wala aawoko aərə nə̂ azü də awlra, ə̂sə̂ əndje sə sə kə sə lə Əgɔngerə nə̂ Ndjapä ne.

4 Pilatə nə wûtu kwatə̂ye gashu ə pâ kə Ajuwufu nə ə pa: «E wü-a, mə sə kə wutu də Jezu kə e gashu, ndə kə pa e wusə̂ nə ə pa mə sɔtə̂ ə̈bə̈ əpʉ sɔ lə kumu ye ə̂në ə lï də ngbanga ne.» 5 Rəkɔ, Jezu nə wûtu gashu nə də kpɔtɔ aəshi nə tə̂ kumu ye gâ ndə ə̂drô əgerə ləba nə tə̂ ye. Bale, Pilatə nə pâ kə əndje ə pa: «Koshe nə kə səye!»

6 Alɔ ə̂në aâgbɔ̂ azü nə̂ aawotokrɔ nə gâ ndə aawobata Anda Ndjapä nə wû ətshə kɔ, əndje tâ râwâ ə pa: «Kü ətshə gâ ala masheyɔ! Kü ətshə gâ ala masheyɔ!» Pilatə nə pâ kə əndje ə pa: «E zä ətshə də ə̂tə̂ e ə kü ətshə gâ ala masheyɔ nə; mbrə ə̂në əmə, mə sɔtə̂ ə̈bə̈ əpʉ sɔ lə kumu ye ə̂në ə lï də ngbanga kɔ ne.»

23 Azü ə̂në e sə kə gba tshelə ködä anyaka lə kumu əndje, tshelə anyaka nə sə kə gba lə kumu əndje. Â azü ə̂në e wəra tə̂ e ndə kə gba tshelə ködä anyaka lə kumu əndje, anyaka sə kə daka pə lə kumu əndje.»