8 ዉርሰን፥ ታናዳን ጾሳ ካልያዋንቶ፥ ህንተንቱ ዎዛናን ሎኦባነ ጋላትስያዋ ቆፕተ፤ ቱማ ግድያባ ኡባ፥ ቦንችስያዋ ኡባ፥ ባይዙዋ ግደናባ ኡባ፥ ጌሻባ ኡባ፥ ሲቁዋ ኡባ፥ ሱረ ግድያባ ኡባ ቆፕተ።

2 ጾሳይ ህንተ ቆፋ ኡባና ዱማዪደ፥ ህንተንታ ላሞፐ አትን፥ ሀ አላምያ አሳ ማላቶፕተ። ሄ ዎደ ህንተ፥ ጾሳ ሸኒ፥ ሎኦባይ፥ አ ናሸችያባይነ ቃይ ፖሎ ግዴዳባይ አየንቶ ኤራንታ።

13 ሄዋ ድራዉ፥ ኦሱዋ ኦናዉ ህንተ ዎዛናን ቆፋ ጊግሲደ ህንተ ሁጲያ ናግተ። የሱስ ክርስቶስ ቆንጭያ ዎደ አ ኬካተ ህንተ አክያ ድራዉ፥ ኩመን ህዶታን ናግተ።

20,21 ስም ኑ ግዶን ኦያ ባረ ዎልቃ ባጋና ኑን ዎስያዋ ዎይ ቆፕያዋ ኡባፐ ሎይ ዳርስ ኦናዉ ዳንዳይያ ጾሳዉ፥ ዎሳ ጎልያንነ ክርስቶስ የሱሳን ኡባ ዎደ መናፐ መና ጋካናዉ ቦንቹ ግዶ። አመንእ።

12 አያዉ ጎፐ፥ ጾሳ ቃላይ መናዉ ደእያዋኔ ኦያዋ፤ ላኡ ባጋና ሌፈቴዳ ማሻፐካ አደ ኩሴ። ሄ ቃላይ ሸምፑነ አያናይ፥ ኩሪነ ኮልዚ እትፐ ጋከትያሳ ሻካና ጋካናዉ ጫዴ። ቃይ አሳ ዎዛናን ደእያ ኮሻነ ቆፋ እ ሻኬ።

23 ኡባባፐካ ነ ዎዛና ምንሳደ ናጋ፤ አያዉ ጎፐ፥ ደኡ አፐ ፑልቴ።

26 ነ ገድያዉ ሀመትያ ኦግያ ሱርሳ፤ ሱረ ኦግያ ጻላላን ሀመታ።✝

12 አሳዉ ልከ ማላትያ ኦጊ ደኤ፤ ሽን ቢና፥ አ ዉርሰይ ሀይቁዋን ከስ የጌ።✝

2 አሳይ ኦያዌ ኡባይ እዛዎ ልከ ማላቴ፤ ሽን መና ጎዳይ አ ዎዛና ቆፋ ፓጬ።

8 አያዉ ጎፐ፥ መና ጎዳይ፥ "ታ ቆፋይ ህንተ ቆፋ ማላ ግደና፤ ህንተ ኦጊካ ታ ኦግያ ማላ ግደና።

7 ኢታይ ባረ ኦሱዋ፥ ናጋራንቻይካ ባረ ቆፋ አጎ፤ ጾሳኮ እ ስሞ። እ አ ማራና። እ ኑ መና ጎዳኮ ስሞ። እ አዉ ጮ አቶ ጋና።

3 ነ ኦያዋ ኡባ ሀዳራ መና ጎዳዉ እማ፤ ያቶፐ፥ ኔን ሀልቼዳዌ ፖለታና።

23 አቤት ጾሳዉ፥

ታና ብዳደ፥ ታ ዎዛና ኤራ፤

ታና ፓጫደ፥ ታ ኡንኤትያ ቆፋ ኤራ።

24 አነ ታናን ኢታባይ ደኦፐ ጼላ፤

መና ኦግያን ታና ካለ።

1 አቤት መና ጎዳዉ፥ ኔን ታና ብዳደ ኤራዳ።

2 ታን አዉደ ኡትንቶነ

አዉደ ኤቂንቶ፥ ኔን ኤራሳ፤

ኔን ታ ቆፋ ኡባ ሃኩዋን ኤራሳ።

20 ቃይካ የሱስ ሀዋዳን ያጌዳ፤ "አሳ ቱንስያባይ አሳ ዎዛና ግዶፐ ከስያባ። 21 አያዉ ጎፐ፥ አሳ ዎዛና ግዶፐ ከስያዌ ኢታ ቆፋ፤ ዎሹምያዋ፤ ዉእያዋ፤ ዎያዋ፤ ጫራተ፤ 22 ዮራተ፤ ኡዝያ ዎይ ባረና ዶስያዋ፤ ኢታተ ዎይ ጭምያዋ፤ ገንያ፤ ማጫዋ አሞትያዋ፤ ቃናትያዋ፤ ቦርያዋ ዎይ ዝግርያዋ፤ አዩዋ፤ ኤያተ። 23 ሀ ኢታባይ ኡባይ አሳ ዎዛና ግዶፐ ከሲደ፥ አሳ ቱንሴ" ያጌዳ።

25 "ሄዋ ድራዉ፥ ታን ህንተንቶ ኦዳይ፤ ህንተ ደኦ ማናባዉነ ኡሻናባዉ፥ ዎይ ህንተ ቦላዉ ማያናባዉ ህርጎፕተ፤ ሸምፑ ቁማፐ አኔ? ቃይ ቦላይ ማዩዋፐ አኔ?

7 "ጾሳ ህንተ ዎስያ ዎደ፥ ጾሳ አማነና አሳዳን፥ ጮ መላ ዛረዋ ዳርሶፕተ፤ ኡንቱንቱ ሃሳያ ዳሩዋን ስሰቴ ጊደ ቆፒኖ።

1 ሄ ዎድያን ጮራ ሻኣን ፓይደትያ አሳይ እቱ እቱዋ የና ጋካናዉ ሺቅ ደእሽን፥ የሱስ ባረና ካልያዋንቶ ኮይሮ ኦዳናዉ ዶሚደ፥ "ፓርሳዋቱዋ እርሹዋፐ ናገትተ፤ ሀዌካ ሎአ ማላትያ ኡንቱንቱ እምያ ኢታ ትምርትያ።✝ 2 ሽን አያንነ ካመቴዳ የዉ ቆንጭያ ከሰናን አተና፤ ቃይካ ጌሜዳ የዉ ኤረተናን አተና። 3 ሄዋ ድራዉ ህንተ ማን ሃሳዮዌ ኡባይ፥ ጋላስ ፖኡዋን ስሰታናዋ፤ ህንተንቱ አሳይ ባይናሳን ህን ግሶ ጎልያን ሀይን ሳሱኮዌ ኡባይ ቁ ጌዳ ስሰትያ ቆንጨሳን አዋየታናዋ።

4 "ታናዳን አማንያዋንቶ፥ ታን ህንተዉ ያጋይ፤ ሀእ አሹዋ ዎያዋንታ፥ ሄዋፐ ካላ ቃይ አያነ ኦናዉ ዳንዳየናዋንታ ያዮፕተ። 5 የዉዋን ቃይ ህንተንቱ ኦስ ያያናዉ በስንቶ ታን ህንተንታ ኤርሳና፤ ሄዌካ ዎዋፐ ጉይያን ጋናምያን ኦላናዉ ማታይ ደእያ ጾሳ ጻላላዉ ያይተ፤ ኤ፥ አዉ ያይተ ያጋይ።

6 "እቼሹ ሱንያ ካፋቱ ሳንትምያን ሻመትክኖየ? ሄዋንቱፐ እትኖነ ኡሳ ጾሳይ ዶገና። 7 ሽን ሀራይ አቶ ህንተንቱ ሁጲያን ደእያ ብናናይ ኡባይካ ፓይደቴዳዋ፤ ሀዋ ድራዉ ያዮፕተ፤ ህንተንቱ ጮራ ሱንያ ካፋቱዋፐ ዳሪታ።

8 "ታን ህንተዉ ኦዳይ፤ ታባ አሳ ስንን ማርካትያዎ ኦስነ ታንካ አሳ ናአይ፥ ቃይ ጾሳ ኪታንቻቱዋ ስንን ማርካታና፤ 9 ሽን አሳ ስንን ታና ካድያዋንታ ታንካ አሳ ናአይ፥ ቃይ ጾሳ ኪታንቻቱዋ ስንን ካዳና።

10 "ታ ቦላ፥ አሳ ናኣ ቦላ፥ ቦርያ ቃላ ሃሳይያዌ ደኦፐ አ ናቁ አቶ ጌተታና፤ ሽን ጌሻ አያና ቦላ ቦርያ ቃላ ሃሳይያዌ ደኦፐ ቃይ አ ናቁ አቶ ጌተተና።✝

11 "አሳይ ህንተንታ አይሁደ ዎስያ ጎልያኮ፥ ጋድያ አይስያዋንቱኮነ ማታይ ደእያዋንቱ ስን ፕርዳዉ ሺሽያ ዎደ፥ ‘ዋግ ዛራኔሻ? ዎይ አያ ጊደ ሃሳያኔሻ?’ ያጊደ ህርጎፕተ፤ 12 አያዉ ጎፐ፥ ህንተና አያና ጌሻይ ህንተንቱ ሄ ሳትያን ሃሳያናዉ በስያባ ታማርሳናዋ" ያጌዳ።✝

13 አሳ ጋርሳፐ እት ብታኒ የሱሳ፥ "ታማርስያዎ፥ ኑ አቡ ሀይቂና ኑን ላታና ማላ አቴዳባ፥ ታዉ ግሻና ማላ ሀያ ጎዶ ታ እሻዉ ኦዳ" ያጌዳ።

14 የሱስ ቃይ፥ "ሀ ብታነዉ፥ ህንተንቱ ቦላን ፕርድያዋ ግዳናዳነ ሄዋ ህንተዉ ግሻናዳን ታና ኦኔ ሱንዳዌ?" ያጌዳ።

15 ጉጂደካ ኡባቱዋ፥ "አሳ ሸምፖ ሻሉዋ ዱረተይ ደኡዋ እመና ድራዉ፥ ያረትያዋፐነ ዮራትያዋፐ ናገትተ፤ ዱረተ አሙዋ ኡባፐካ ህንተና ናግተ" ያጌዳ።

16 ካሊደካ ሀዋዳን ያግ ሌምሱዋ ኡንቱንቶ ኦዴዳ: "አዉ ደእያ ቢታይ ዳርሲደ ካ ሞኬዳ እት ዱረ ብታኒ ደኤ። 17 ሀ ብታኒ፥ ‘ታዉ ታ ካ ዎናዉ ግድያ ሳአይ ባንታዋ ድራዉ አያ ኦሻ?’ ያጊደ፥ ባረ ዎዛናን ቆፔዳ፤ 18 ሀዋዳን ያግ ማሌዳ፤ ‘ታን ዎታነ ጎፐ፥ ታዉ ደእያ ዬስያ ኮላደ፥ ሀራ አክያ ዬስያ መና ያጊደ ማሌዳ፤ ሄዋን ታ ካነ ታዉ ደእያ ሚሻ ኡባ ዎና። 19 ያታደ ታና፥ "ነ ካጫይ ዳሮ ሎአ፤ ነዉ ዳሮ ዎድያዉ ግድያ ማጹዋ ሺሻዳ፤ ስም ሸምፓደ ማ፥ ኡሻ፥ ናሸታ" ጋና’ ያጌዳ።

20 "ሽን ጾሳይ አ፥ ‘ሀ ቦዛዉ፥ ሀቼ ቃማ ኔን ሀይቃ። ያትና ሀ ኔን ሺሼዳ ማጹ ኡባይ ኦስ ግዳናዌ?’ ያጌዳ።

21 "ባረዉ ቢታ ቦላን ሻሉዋ ሺሽያዌ፥ ጾሳ ስንን ቃይ ማንቆ ግዴዳ አሳይ ሀ ብታንያ ማላ" ያጌዳ።

22 ሀዋፐ ካላ የሱስ ባረና ካልያዋንታ፥ "ሀዋ ድራዉ፥ ታ ህንተዉ ኦዳይ: ህንተንቱ ፓጻ ደአናዉ አያ ማኔ? ህንተንቱ ቦላዉ አያ ማያኔ? ያጊደ ህርጎፕተ።

23 "ጋሱካ፥ ሸምፑ ቁማፐ፥ ቃይ አሳተይ ማዩዋፐ አኔ? 24 አነ ቁራቱዋ ጼልተ፤ ኡንቱንቱ ዘርክኖ፤ ጫክክኖ፤ ኡንቱንቶ ካ ሺሽያ ሳአይ ዎይ ዬሲ ባዋ፤ ሀኖፐ አትን፥ ኡንቱንታ ጾሳይ ምዜ፤ ህንተንቱ ካፋቱዋፐ ዳሮፐ ዳርክቴ? 25 ህንተንቱፐ ዳሪ ቆፒደ ዳሮ ዎድያ ደአናዉ ዳንዳይያዌ ኦኔ?

26 "ስም ህንተንቱ ሀ ላፋባ ኦናዉ ዳንዳየናዋንታ ግዶፐ አያዉ ሀራባዉ ህርገቲቴ? 27 ጪሻቱ ዎት ድጪኖንቶ አነ ጼልተ፤ ኡንቱንቱ ኪታን ዳቡርክኖ፤ ፑቱዋ ሱቂክኖ፤ ግዶ ሽን ታን ህንተዉ ኦድያዌ፥ ሶሎሞነ ሄዋ ኬና ቦንቼቴዳዋ* ግዲደ፥ ሄ ጪሻቱዋፐ እቱዋ ማላነ ማይቤና።✝ 28 ህንተንቶ ላፋ አማኑ ደእያዋንቶ፥ ያቶፐ ጾሳይ ሀቼ ቤቲደ፥ ዎንት ታማን ኤጻናዉ ኦለትያ፥ ደንባን ዶልያ ማታ ሀዋዳን ማይዝያዋ ግዶፐ፥ ህንተንታ ዎቲደ ኡንቱንቱፐ አደ ማይዘኔ?

29 "ሀዋ ድራዉ፥ ‘አያ ማኔ? አያ ኡሻኔ?’ ያጊደ ኡባ ዎደ ኮዮፕተነ ህርጎፕተ። 30 አያዉ ጎፐ፥ ሀዋ ደማናዉ ሀ አላምያን ደእያ ጾሳን አማነተና አሳይ ህርገቲኖ። ህንተንቶ ሀዌ ኡባይ ኮሽያዋ ሳሉዋን ደእያ ህንተንቱ አዉ ኤሬ። 31 ሄዋ ሀንያዋ አጊደ፥ ጾሳ ካዉተ ኮይተ፤ እ ህንተንታ ኮሽያዋ ኡባ እማናዋ።

32 "ህንተንቱ ጉ ግድንቶነ፥ ሳሉዋ ህንተንቱ አዉ ባረ ካዉተ ህንተንቶ እማናዉ ናሸቴዳ ድራዉ ያዮፕተ።

33 "ህንተዉ ደእያዋ ዛልኢደ ማንቆ እምተ፤ ካይሱ ሺቀናሳን፥ ብልአይካ ሜናሳን፥ ሳሉዋን ዉረና ሚሻ ዳጋዪደ፥ ኤጨና ቃርጭታቱዋ ህንተንቱ ሁጰዉ ዎተ። 34 አያዉ ጎፐ፥ ህንተንቱ ዎዛናይ ህንተ ሚሻይ ደእያ ሳን ደአናዋ።

35 "ህንተ ጼሳይ ዳንጨቶዋ፥ ህንተ ጾምፒካ ፖኤዳዋ ግዶ።✝ 36 ህንተንቱካ፥ ባረንቱ ጎዳይ ዪደ ፐንግያ ቆጽያ ዎደ፥ ኤለካ ዶያናዉ ቡላቻፐ ስማና ጋካናዉ ናግያ ኦሳንቻቱዋ ማላትተ።✝ 37 ባረንቱ ጎዳይ ሶይ ዬዳ ዎደ ቤጎት ደእሽን ደምያ ሄ ኦሳንቻቱ አንጀቴዳዋንታ። ታን ቱሙዋ ጋይ፤ እ ኡንቱንታ፥ ‘ኡትተ’ ጊደ፥ ባረ ዳንጩዋ ምንሲደ ኡንቱንቶ ቁማ አደ ሾባናዋ። 38 ጎዳይ ሄካ ብላህያን ዎይ ሄካ ብላህያፐ ካላ ዬዳ ዎደ፥ ቤጎቲደ ገንጭ ናጊደ ቤትያ ቆማቱ አንጀቴዳዋንታ። 39 ሀዋ ቃይ ኤርተ፤ ካይሱ አይ ሳትያን ይንቶ ጎልያዉ ኤርንቶ፥ ጎሊ ቦከትያ ዎደ ጮኡ ጊደ ጼለናሽን።✝ 40 አሳ ናአይ ቆፐና ሳትያን ያናዋ፤ ህንተንቱ ጊገት ናግተ" ያጌዳ።

41 ጰጽሮስካ "ጎዳዉ፥ ሀ ሌምሱዋ ኔን ኦድያዌ ኑ ጻላላሴ ሀራ ኡባዉካ እትፐ ኦዳይ?" ያጌዳ።

42 ጎዳይካ፥ "ስም ኡንቱንቱ ባረ ሶይ አሳዉ ቁማ እማናዉ በስያ ሳትያን እማና ማላ፥ አ ጎዳይ ሱንያ አማነቴዳነ ኤራንቻ ምዝያ ቆማይ ኦኔ?" ያጌዳ። 43 ጎዳይ ስምያ ዎደ ሀዋዳን ኪተቲና ደምያ ቆማይ እ አንጀቴዳዋ። 44 ታን ህንተዉ ቱሙዋ ኦዳይ፤ ደእያ ማጹዋ ኡባ ቦላን አ ሱንናዋ። 45 የዉዋን ቃይ ሄ ቆማይ፥ "ታ ጎዳይ ኤለ ዬና፤ ጋምአናዋ" ያግ ባረ ዎዛናን ቆፖፐነ አቱማነ ማጫ ቆማቱዋ ሾቻ ዶሞፐ፥ ቃይካ ኮዮዋዳን ሙሳነ ኡሻ፥ ማቱሳካ ዶሞፐ፥ 46 ሄ ቆማ ጎዳይ፥ እ ቆፐና ጋላስነ ስቤና ሳትያን ያናዋ፤ ሄ ዎድያን አ ቃንጸሬደ፥ አ ግሹዋ ካጫካ አማነናዋንቱና እትሳ ኡዳናዋ።

47 ባረ ጎዳ ሸንያ ኤሪደ ጊገናዌነ አ ሸንያዳን ኪተተና ቆማይ፥ እ ኢታ ኦባ ኦበታናዋ። 48 ኤርቤናዌ ቃይ ኦበታናዉ በስያዋ ኦዳዌ፥ ጉ ኦበቴ። ዳሮባይ እመቴዳ አሳ ኡባፐ፥ አፐ ዳሮባይ ኮየቴ፤ ዎልቃማ ሀዳራይ እመቶዋፐ፥ አፐ ዳርሲደ ኮየቴ።

49 የሱስ፥ "ታን ዬዳዌ፥ ሀ ሳኣ ቦላ ታማ ሳናሳ፤ ሀእካ ኤጼደንቶ፥ ታና አይ ኬና ናሸቻናዌሻ። 50 ታን ጻማቀታና መቱዋ ጽንቃታይ ፖለታና ጋካናዉ ዋናደ ኡንኤታይታ!✝ 51 ሀ ሳኣ ታን ዬዳዌ፥ ሳሮተ አሀናሳ ማላቲዬ? ህንተዉ ማላቶፖ። ታን ዮዌ፥ ሳሮታዉ ግደናን ሻካናሳፐ አትን። 52 አያዉ ጎፐ፥ ሀእፐ ዶምና እት ጎልያን ደእያ እቼሹ አሳቱ ሻከታናዋንታ፤ ሄዛቱ ላአቱዋ ቦላ፥ ላአቱካ ሄዛቱዋ ቦላ ደንዲደ ዋላቀታናዋንታ። 53 አዉ ናኣ ቦላ፥ ናአይካ አዉዋ ቦላ፥ አታ ናት ቦላ፥ ናታካ አት ቦላ፥ ቦሎታታ ናኣ ማች ቦላ፥ ናኣ ማቻካ ቦሎታት ቦላ፥ ዋላሳን ደንዲደ ሻከታናዋንታ" ያጌዳ።✝

54 ቃይካ የሱስ አሳዉ፥ "አዋይ ዉልያ ባጋና ህንተ ሻርያ በኦፐ፥ ‘ሀእ ሀ ሳትያን ሄኮ ዎልቃማ እራይ ቡካና ሀኔ’ ያጊታ፤ ቱሙካ ቃይ ቡኬ። 55 ዱገ ባጋና ጫርኩ ጫርኮደ፥ ‘ሀቼ ሻማናዋ’ ያጊታ፤ ጌተቶዋዳንካ ቃይ ሀኔ። 56 ህንተኖ ሎአ ማላትያ ኢታቶ፥ ሳኣነ ሳሉዋ ጼሊደ፥ ሀናናዋ ኤሪታ፤ ሽን ሀ ዎድያባ ዎት ኤራናዉ ዳንዳይክቴ?

57 "ዎደ ህንተንቱ ጽሎ ግዴዳ የዉዋ ህንተንቶ አያዉ ፕርድክቴ? 58 ነ ሞርክያና እትፐ ፕርድያ ዳና ስንን ሺቃናዉ ቦደ፥ ብሮ ኦግያ ቦላ ደእሽን ስገታ ድጋ። ሄዌ ዮፐ ኔና ጎቺደ ፕርድያ ዳናኮ አፋና፤ ዳናይካ ፖልሰዉ አ እማናዋ፤ ፖልሲ ቃሾ ጎለን የጋናዋ። 59 ታን ነዉ ኦድያዌ፥ ዉርሰ አጩዋ ጭጋና ጋካናዉ ሄዋፐ ከሳካ" ያጌዳ።

1 "ማላንቻ ማጫውኖ ጼላደ አሞተናዳን፥ ታን ታ ዎዛና አይፍያና ጫቁዋ ጫቀታድ።

3 ጾሳይ ታዉ እሜዳ አ ኬካተን ታን ህንተንቶ ኦዳይ። ህንተንቱ ቆፓናዉ በስያዋፐ አደ፥ ኦቶሩዋን ቆፖፕተ፤ ሄዋ አጊደ፥ ዎዛናማ አሳዳን ቆፕተ፤ ጾሳይ ህንተንቶ ሁጲያን ሁጲያን እሜዳ አማኑዋ ኬናን ህንተ ቦላ ፕርድተ።

10 ሽን ታናዳን አማንያዋንቶ፥ እት ዎዛናንነ እት ቆፋን እትፐ ግዳናፐ አትን፥ ሻኮተይ ህንተ ግዶን ደኤና ማላ፥ ህንተ ኡባይ እት ሃሳያ ሃሳያናዳን፥ ኑ ጎዳ የሱስ ክርስቶሳ ሱንን ታን ህንተንታ ዎሳይ።

11 አያዉ ጎፐ፥ አሳን ደእያ አሳ አያናፐ አትን፥ አሳባ ኤርያዌ ኦኔ? ሀዋዳንካ፥ ቃይ ጾሳባ ጾሳ አያናፐ አትን፥ ኦንነ ኤረና።

18 ኦንነ ባረ ሁጲያ ጭሞፖ። ህንተንቱፐ ኦንነ ባረና ሀ አላምያን አ ኤራንቻ ያጊደ ቆፖፐ፥ አ ኤራንቻ ግዳናዉ፥ ኤያ ግዶ።