Pensamentos
A Bíblia ensina que somos fruto dos nossos pensamentos. Por isso, Deus nos chama a renovar a mente, pensar em coisas nobres e guardar o coração com toda diligência.
Pensar no que é bom
Paulo nos exorta a pensar no que é verdadeiro, honesto, justo, puro, amável e de boa fama. A mente renovada é o caminho da transformação.
Kumapejelejo, banakwaina, chose chingaba ilebeswa, chose chinokujwa, chose chilolulama, chose chiloshambijika, chose chibhodo, chose chinolemekejwa, kana peli nezwibuya, kana peli nezwinokwelela kukujwa, yozwi zwinhu muzwiyeye.
Musitobeleje zwenyika yeyi asi mushandulwe mundangalilo jenu jibe impya kutila kuti muzibe chido chaMwali, munazwibuya nezwinotambulika akale zwilopelelela.
Nokudalo, nendangalilo jenu, jilomuka akale jili jilogajikana, bigani lubimbo lwenu zwizhele pe chichabuzwa kwamuli pakutondejelwa kwaJesu Kristo.
Ngweno kuna iye unesimba lyokuta zwinhu zwikulwana kasa zwinopinda zwose zwatinokumbila nezwatinoyeya namasimba awe, anoshinga mwatili, kuna iye ngakube lukujo mugubungano nomunaKristo Jesu muzwizekululu zwose, kwemisi isinopela. Ameni.
Guardar a mente
A Palavra de Deus discerne os pensamentos e intenções do coração. Guardar a mente é proteger a alma das armadilhas do pecado.
Nokuti iwhi lyaMwali ibhenyu akale lishinga kasa, linopiza kupinda igwalabaza linocheka namatibi mabili, libhaya lipambulanya mwoyo nompepo, kana imhingu nomwongo, libiga pachena lulakamilo nezwinoshaka kutiwa nomwoyo.
Os caminhos de Deus são mais altos
Os pensamentos de Deus são infinitamente superiores aos nossos. Devemos entregar nossos pensamentos a Ele e confiar em sua sabedoria.
Pensamento e conduta
Do coração procedem os males. A Bíblia nos adverte a não se preocupar excessivamente e a ter pensamentos sóbrios e disciplinados.
Akale wakati, "Zwinobhuda mumwoyo wonhu ndizwo zwinoswibhisa unhu. Nokuti mukati momoyo wonhu ndimo munobhuda luyeyo lubi, busangu, kukwiba, kubulaya, nokupombola, buchiba, kuba nomwoyo umbi, kuchengela, buhungu, kunyetela, kutuka, kuzwikuja, nobulema. Zwose yezwi zwibi zwinova mumwoyo ndizwo zwinoswibhisa unhu."
Nokudalo ndomubuja kuti, lekani kuzwinyaja nezwobupenyu bwenu, zwokuti molyani, kana kuti monwani, kana nezwombili wenu zwokuti mombalani. Bupenyu abutobabukulwana kupinda zwokulya kana umbili kupinda zwokumbala na?
Akale mukunamata musilundike mawhi manji sezwinota bokuzhe, nokuti banoyeya kuti banowhikwa pezhulu pamawhi abo manji.
Pakwakabungana banhu banji bakata kutobana, wakalebeleka etangisa kubalayijwa babe eti, "Muchenjelele umfufumuso wabaFalisi, ndikwo kuchengeja kwabo. Apana chilofumikwa chicholekejwa kufumulwa, kana chilosisika zwicholekeja kubigwa pachena. Nokudalo zwose zwamunoleba munhilima zwinowhika kwakachena, nezwamunonyebeza musiswa mungumba zwinoshomejelwa pezhulu pengumba.
"Ndinomubuja banakwaina bangu, musitye yabo banobulaya umbili, besina zwabanotubula mushule mwazwo. Koga ndinomuchenjeja pezhulu powamulokwelela kutya, ityani iye unesimba lyokuposela muGehena kana wafa, eya ndinomubuja ityani iye.
"Atoba imo na kuti tunyuni tushanu tungatengwa namapeni mabili? Koga apana kana kamwempela kanokanganika mumesho aMwali. Seni, isusu limwe nelimwe limwo munsholo wenu lilolabwa kale. Musitye, nokuti mulokosha kupinda tundonga tunji.
"Akale ndinomubuja kuti wose unondivumila mbeli kwabanhu, iye yoyo unoovumilwa noMwananhulumyana woNhu mbeli kwengilozi jaMwali, asi iye unondilamba mbeli kwabanhu, unoolambwa mbeli kwabatumwa baMwali.
"Akale wose unolebeleka iwhi ibi nezwoMwananhulumyana woNhu unoolekejelwa, koga yoyo unotukana pezhulu poMpepo uNchena aatolekejelwa.
"Pabanomusenga kumasinagogo nokubatongi nokumakulukota musizwinyaje kuti mozwishandula chini, kana kuti motini, nokuti panoyo unshaji uMpepo uNchena unoomulayija zwamulokwelela kuleba."
Umwe unhu wakabeli mukati mwebunga lyabanhu wakati kuna Iye, "Ndayiji, ibujani unkulu wangu kuti endikobele bo ifuma."
Asi iye wakati kwaali, "Awe, ndiyani wandibiga kuti ndibe untongi kana unkobanisi wechuma chenu?" Wakati kwabali, "Chenjelani musibe noluchiba nechuma, nokuti bupenyu bwonhu abutobakwa nokuwanda kwefuma."
Wakababuja unkwejaniso akati, "Unda wondimi wakafuma wakoompa igoloka igulwana, akayeya mumwoyo uwe eti, ‘Ini zwandichata, nokuti andina pokubigila zwilyo zwangu zwose?’ Akati, ‘Ndichata yezwi’ akababuja kuti, ‘Ndichakolomola ose makombana angu kova ndibaka amwe makulwana, yomo ndimo mwandichabiga zwilyo nezwibiya zwangu zwose. akale ndichati kumpepo wangu, Mpepo wangu, unazwolya zwinji mubupenyu bubo kwamakole manji akumutobela, nokudalo teja mwoyo, ilya, unwe, akale ushante.’ Asi Mwali wakati kwaali: ‘Awe, lema! Busiku bwanasi umpepo uwo unoshobwa, Ani biya ichaba yani ifuma iyo yose yeyi yaulozwilondotela?’
"Ndizwo zwichaba kunhu wose unobunganisa ifuma iye ega koga esilofuma mbeli kwaMwali."
Wakati kubalayijwa babe, "Nokudalo ndinomubuja, musizwinyaje nezwobupenyu bwenu kuti, molyani, kana nezwombili wenu kuti mombalani. Nokuti bupenyu bukulwana kupinda kulya, nombili kupinda zwimbalo. Lingani makungubo, aatobyala akale aatovuna, aana zwilondotelo kana makombana, koga Mwali unowapa zwokulya. modikana chini imwi kupinda inyuni iraveni! Ndiyani pakati penu angapamhija bulefu bwobupenyu bubwe pezhulu pokuzwinyaja? Kana musinotubula kuta zwinhu zwitukutuku, mozwinyajilani nezwimwe? Lingani maluba, kuti anokubuka chini, aatoshinga kana kuluka, asi ndomubuja kojoba Solomoni akambala zwimbalo zwizwe zwibuya zwinaluyebo aajakambala selimwe lyamaluba.
Kana Mwali embajika alo buhwa bweshango bunoti nasi bumomuminda, mangwana bunopiswa mumoto, ani imwi unoomumbajika zwili chini, Imwi banhu muna kudimbwa kutukutuku! Nokudalo musibige mwoyo nezwamuchalya, kana zwamuchanwa, musizwinyaje nazwo. Nokuti benyika jose banozwishaka yezwi, asi ibo Tate benu banoziba kuti yezwi zwinhu munozwishaka. Asi shakani bushe bubwe, mukadalo yezwi zwinhu zwinooba zwenu neebo.
"Musibe nokutya imwi gapo idukutuku, nokuti Tate benu banoshantila kumupa bushe. Tengesani zwaamunanazwo, mupe zwipo kubasheti, ishakani zwikwama zwisinoshakala, nefuma isinopela kudenga, kusina imbava ichabuswikila kana igube lichabupalaja. Nokuti panefuma yiyo, ndipo mwoyo uwo pauchaba bo.
"Bonani kuti mugele mukambala zwimbalo zwenu. Zwimunikiso zwenu ngezwigale zwikatutuma, ibani sabanhu balomilila tezi wabo umuva kumabhiko okulobolana, unoti angogogoja banomuka nokunzhulila unkoba pakalepo. Balokombolelwa yabo bashingi banowanika beliwhile pakuswika kwatezi wabo, chokomende ndinomubuja unoozwipombela noncheka, kova ebabuja kuti begale pasi pabugalo bwokulyila ebapakulila iye. Unooba nolushanto kana awana bekomilila kwova eswika pakati pobusiku kana kumijelo, balokombolelwa yabo bashingi. Asi whisisani yezwi, ngana mweni wengumba akabeziba kuti imbava inoswika noupi unshaji, aajaluleka imbava ingwina mungumba yiye. Namwibo galani mukazwibambanyila, nokuti Mwananhulumyana woNhu unozha nonshaji umusinoyeyesela."
Pita wakati, "Tezi, nonkwejaniso yoyu mumubuja isu na, kana kuti wose unhu?" Tezi wakati, "Ndiupi biya umbhati wengumba ulobimbika nouna maano, unopiwa natezi uwe kuba unkulwana pezhulu pabengumba yiye kuti ebe unkobeli wokulya nonshaji ulokwelela? Ulokombolelwa yoyo unshingi unoti kana tezi uwe aswika unowanikwa eta yezwo. Chokomende ndinomubuja kuti unoova ompa kuti ebe iye unolinga ifuma iye yose. Kana unshingi yoyo eti mumwoyo mumwe, ‘Tezi wangu umujilwa kuzha’ kova etanga kuloba zwishingi zwechinhulumyana nozwechinhukajana, elya, enwa nokukolwa, ibo tezi booyo unshingi unooswika nezhuba lyaasinoyeyesela akale nonshaji waasinoziba, unoontonga, kova ombiga pamwempela naabo basilobimbika.
"Akale yoyo unshingi wakabeziba chido chatezi uwe, koga akawanikwa asakazwilonganyila nokuta chido chatezi unoonabhwa zwikulwana kasa. Asi yoyo usaluziba akata zwilokwelela kulobelwa, unokwaiswa zwishomanana. Kuna yoyo unopiwa zwinji, neebo kunolingililwa zwinji kuna iye, akale yoyo ulopiwa lubimbo lukulwana zwinji zwinolingililwa kwaali.
"Ndakezha kwobuza moto penyika, ndokwemuja chini kuti ngana uli mukututuma kale! Kuna umbhabhatizo undichakwelela kutambula zwinondinyaja kasa ado kushungulujwa kwangu kujine kutike! Munoyeya kuti ndakezha penyika kwobuza lunyalalo? Mane, asi kusowhanana, kuvila ngweno ali ingumba yabashanu inoopambukana, batatu bepambukana nababili, nababili bepambukana nabatatu, Tate abatoowhanana nomwananhulumyana wabo, nomwananhulumyana aatowhanana natate babe, amai abatoowhanana nomwanansichana wabo, nomwanansichana aatowhanana naamai babe, amezwale abatoowhanana nonkajiwomwana, nonkajiwomwana aatowhanana naamezwale."
Wakati akale kubunga lyabanhu, "Kana mubona igole liva kubumililo, munoti pakalepo, ‘Inova ina ivula’ kova kuba alo." Mungowha ibhepo liva kuchampembe, munoti, ‘kwalobopisa’ kova kuba alo. Imwi bachengeji! Munoziba kuti zwinolebani zwitondejelo zwopenyika nomudenga, Ani biya ini mukonwa kuziba zwitondejelo zwonshaji yoyu?
Ini biya musinozwishalila imwi nokwenu kuti zwilolulama ngezwipi? Kana uli munzila unda kugota uli pamwempela noyo wakupa undandu, kweja nesimba kuti muwhanane muchimunzila, nokuti unokumisa pambeli pontongi, akale untongi unokupila kumapolisa achakuposela muntolongo. "Ndinomubuja, amutoomubhuda mukati, kuswikila mwalipa ikobeli lyopejeleja."
Nokudalo nechipiwo chandakapiwa ndinoti kunoumwe noumwe, upo pakati penu, esizwikukumaje kupinda zwaali, koga ngezwideleje mundangalilo, zwinda nokudimbwa kwaakapiwa naMwali.
Ndinomubweta banakwaina, muzina lyaTezi wedu Jesu Kristo, kuti mose muvumilane kuti kusibe nokukakabajana pakati penu, koga kuti muvumilane mundangalilo akale nondingilo umwempela.
Ndiani unhu angaziba indangalilo jonhu kuzhe kwompepo umo munaiye mweni? Zwikadalo, apana unowhisisa miyeyo yaMwali kuzhe koMpepo waMwali.
Kusibe nouchazwichengeja. Kana umwe pakati penu eyeya kuti ulochenjela nouno unshaji, ngezwite ilema kuti ebe ulochenjela.