8 Kwakubindiiza wandugu zangu tozani mbui zekuwazo zedi na mkundigwazo kutogolwa, ambayo ni mbui za kwei na ntana na mbui za kutunywa na mbui zikundigwazo ni Muungu na mbui ambazo khio za mavigaviga na mbui za kutamiza na mbui zikundigwazo.

2 Mwesekumamakhanya na kutenda inga wantu wa inusi inu, ziya mwekeeni Muungu ahitue ziya mamakhanyo. Nee aho mwendamdahe kumanya na kuonyesha ziya mbui akundazo Muungu kulawa kwenu, yada yekuwayo yedi na yamtamizayo yee na yaiganayo.

13 Kwaiyo ziikeni akii zenu ziwe tayali kwa ndima, ekaeni hae na khwiina zesazokumkundisa Muungu na muike kauwio denu mwe mboto ambayo yendaietwe kwenu hada Yesu Klistu endahoagubulwe.

20 Yee adaha kugosoa mbui za kuhondomaza muno kusima ambayo tamuombeza hambu tamamaakhanya kuwa adaha kugosoa. Yee agosoa kuigana na nguvu igosoayo ndima umu mwetu, 21 Takunda wantu wose wa Muungu wammanye Muungu ni mkuu, na kiya yumwe yetu amzumiiyae Klistu amtogoe Klistu misi yose kwesaho kisiikizi! Pepa.

12 Kwaviya Mbui ya Muungu ina ugima na ina udaho naho ni kai kusima paange disengado kosekose. Naho datunga ata kupanga moyo na muye na vimamo na mzumo yeumo ndani yakwe. Vituhu dina umanyi kwa yada ambayo moyo yamamakhanya na wakunda kugosoa.

20 Akatendesa kugombeka, "Kimlawacho mntu ndani yakwe ne kimtendacho asekukudigwa hemeso ya Muungu. 21 Kwaviya mwe moyo wa mntu kwalawa mbui zesazo kutama, na ukianga na ubavi na ukomaji, 22 na kianga na choyo na ubanasi na utiizi na umeo wa mai na kinyuu na kubea na kibui na ubahau. 23 Mbui zose izo zalawa mwe moyo wa mntu na kumtenda asekukudigwa hemeso ya Muungu."

25 "Ivyo nawamba, msekuwa na matumatu uwanga ya khande na vidomeo hambu mii yenu mvae mbwai, kwaviya kwekaa kwenu khakukauwiiya khande du na mii yenu khaikauwiiya magwanda.

7 "Naho mvikaho, mwesekutamwiiya ntamwiizi zesazo kuwa na mana inga wantu wesao kummanya Muungu, kwaviya wowo wamamakhanya wendawategeezwe kwa ntamwiizi zao kuwa nyingi.

1 Kisingi icho zumwezumwe khuu muno da wantu wekuwao wakintana hata wakawa wajatana, Yesu akavoka kutamwiiya na wahina wakwe akawamba, "Ekauweni na ugwadu wa Mafalisayo yani ubakha wao. 2 Chochose chekugubikwacho chendakigubulwe, na chochose chekufiswacho chendakimanyike." 3 Kwa iyo kia mwekugombedo mwe kiza, wantu wendawasikie mwe mweenje, na kia mwekupokosado mwe magutwi yenu mkawa mwe vyumba vya khandani, yenda ibiikiwe uwanga ya chusi.

4 Nawagombekeni nywinywi wambuya wangu, mwese kuwaogoha wada waukomao mwii, na khawadaha kugosoa kintu kituhu. 5 Naho nendaniwambie nndai wa kuogohwa. Muogoheni yuda ambae akabinda kuukoma mwii ana udaho wa kuuwasa mwe moto da tubwi diwakado moto wesao kukomeka. Eehe, nawamba muogoeni uyo.

6 Mwamanya kuwa machole washano watagwa kwa senti mbii? Akini hemeso ya Muungu khajaika ata yumwe. 7 Naho ata fii za mitwi yenu zitaaziwa zose. Msekuogoha, kwaviya nywinywi mwafaa muno kusima machole wangi.

8 Nami nawamba yoyose anizumiaye hemeso ya wantu Mwana wa Mntu naye endaamzumiiye he meso ya wandima wa uko uwanga kwa Muungu. 9 Na mntu yoyose aniemeaye he meso ya wantu, naye Mwana wa mntu endaamuemee hemeso ya wandima wa uko uwanga kwa Muungu.

10 "Mntu yoyose agombekaye mbui ya kumuemea Mwana wa Mntu Muungu endaamuekee, akini endayeaudumuwe Muye wa Muungu khana uyo Muungu khanaamuekee mavigaviga."

11 "Hada wendaho wawaguiye na kumyengiza nywinywi hemeso ya Nyumba ya kukintania Wayahudi na hemeso ya wenye udaho na wagookezi, msekuwa na maatumaatu uwanga ya mwondavyo kwevunia hambu mwondavyo mtamwiiye. 12 Kwaviya Muye wa Muungu endaawahinye kiya mkundigwacho kugombeka."

13 Naho mntu yumwe mwe diya zumwezumwe da wantu akamwamba, "Mhinyi, mgombeke ndugu yangu tipangane upazi ekutibadiao tate."

14 Yesu akamtambaisa, "Mmbuya, nndai ekuniikaye miye kuwa muamuia na mpangi gatigati yenu?" 15 Naho Yesu akawamba wose, "Ekauweni na kia mbai ya khwiina ya vintu vingi kwa mana ugima wa mntu khaukauwia wingi wa vintu ekuwavyo navyo."

16 Naho akawamba msimo unu, "Nekuwa na mntu yumwe mwenye vitu vingi ambae mnda wakwe uvyaa ubosi mwingi. 17 Mntu uyo mwenye vintu vingi akamamakhanya mwe moyo wakwe, ‘Nami khina hantu ha kuika ubosi wangu, nndanitende viihii? 18 Ekegombekea, nndanigosoe ivi, nndaniditue idi taa dangu nakuzenga tuhu kuu muno, namiye nndaniike umo khande zangu hamwe na vintu vyangu vyose. 19 Aho nee nendaho nidahe na kuwamba muye wangu, isasa una vintu vingi wendavyo uvitumie kwa myaka mingi. Humwiiza, na daa khande, na domeea na uwe na nyemi.’ 20 Akini Muungu akamwamba, ‘Wee mhezi! Ivyeo na kiyo muye wako wendaudoigwe. Na vintu viya vyose wekuviikavyo vindaviwe vya ndai?’ "

21 Yesu akabinda kwa kugombeka, "Nee vyeivyo kwa mntu yoyose ememezeae vintu kwaajii yakwe, akini khio mntu mwenye vintu vingi hemeso ya Muungu."

22 Naho Yesu akawamba wahina wakwe, "Msekuwa na maatumatu uwanga ya khande mwiikundayo ili mwe na ugima, wala uwanga ya magwanda myakundayo kwaajii ya mii yenu. 23 Kwaajii ugima ni yedi kusima khande, na mwii ni wedi kusima magwanda. 24 Wamamakhanyeni kunguu wowo khawahanda wala kawabonda na khawana taa, wala hohose hakuika khande zao akini Muungu awekha khande. Akini nywinywi ni wedi kusima wadege. 25 Nndai yumwe wenu ambae kwa kwepisha adaha kweongezea ugima wakwe hata kwa saa dimwe? 26 Naho inga khamdaha kugosoa mbui ndodo inga iyo, kwa mbwai kuwa na maatumatu uwanga ya yada matuhu? 27 Kauwani mauwa yasukhavyo khayagosoa ndima wala khayasuka. Akini nawamba, hata seuta Seemani he vintu vyakwe vyose khekuwahi kuvaa magwanda matana inga uwa dimwe aho. 28 Inga Muungu ayavika ivi mani ya mwe minda ambayo ivyeo yaaho kioi yasigwa mwe moto, ivi nywinywi khana awavike vyedi muno enyi wenye uzumizi mdodo?"

29 "Wala msekwepisha mwe mioyo yenu mwenda mde mbwai hambu mwenda mdomee mbwai msekuwa na maatumatu kuusu mbui iyo. 30 Wantu wesaokuwa Wayahudi wa inusi waangadikia vintu ivyo. Akini Tati yenu wa uwanga kwa Muungu amanya kuwa mwakunda vintu ivyo. 31 Isasa uwangadikieni Useuta wa Muungu, na vintu ivyo vyose navyo mwenda mwekhigwe."

32 Msekuogoha, nywinywi zumwezumwe dodo, kwaviya Tati yenu katamiwa kuwekha Useuta. 33 Tageni vintu vyenu mkawekhe wakiwa izo hea. Mwegosoee vifuko vya hea vyesayokusakaa, na uko nee kuika kiikizo uwanga kwa Muungu ambaho taa dakwe khadihungua, uko wabavi khawabua na wala mswa khawabananga. 34 Hada enaho kiikizo chako, nee endaho uwe aho moyo wako.

35 "Ekaani tayali kwa kunigosoeya na taa zenu ziwe zaka. 36 Inga wandima wamgojao zumbe yao auye kulawa kwe ntafuno ya ndoza. Na ezaho na kukonta uvi wadahe kumvuguiya maa mwenga. 37 Wajaiwa wada wandima ambao zumbe yao endaawabwiiye wameso endahoeze. Kwei, nawamba endaeike tayali na kuwetanga mwe ude na kuwegosoeya ndima. 38 Wajaiwa kwa wandima awo mkuu yao endahoeze na kuwabwiiya wacheeza hata akeza kio kikuu, hambu hehi na kucha. 39 Manyeni kuwa inga mwenye nyumba ati nee kamanya saa ambayo mbavi endaeze, nee kawa meso ili amkindie mbavi, na khekuwa aibadie nyumba yakwe itulwe. 40 Nywie nanywi mwakundigwa mwekae tayali saa zose, kwaviya Mwana wa Mntu enda eze saa ambayo khamuimanya."

41 Petulo akamwamba, "Zumbe, msimo uwo watambia swiswi, hambu wawamba wantu wose?"

42 Zumbe akamtambaisa, "Nindai, mndima mzumiiwa na mwenye umanyi, ambae Zumbe wakwe endaamwiike uwanga ya wandima wakwe awekhe khande kisingi kifaacho. 43 Kajaiwa mndima uyo, hada zumbe wakwe endaho auye nakumbwiiya atenda ivyo. 44 Nawamba kwei kuwa endaamwekhe ugookezi wa vintu vyakwe vyose. 45 Akini inga mndima uyo akegombeka mwenye mwe moyo wakwe zumbe yangu kawa kacheewa muno kuuya, naho akavoka kuwatoa wandima wa wakivyee hambu wakigosi wada wenziwe, viyaviya endaade na kudomeea na kukolwa, 46 zumbe wakwe yuda mndima endaauye msi esao kukauwia na mda esao kuumanya. Endaamwekhe sugusa mndima uyo ya ufyaimi na kumwiika hamwe na wantu wesaokuzumiiya."

47 "Yuda mndima amanyaye vitana akundacho zumbe wakwe, akini khayuho tayali wala kugosoa yakundigwayo mkuu wakwe endaatoigwe muno. 48 Akini mndima yuda mwesekumanya mkuu yakwe akunda mbwai akagosoa ya ufyaimi, uyo endaatoigwe kidodo. Yoyose yuda mwekhekigwa kugosoa ndima khuu, endaakundigwe kulavya vingi muno."

49 "Ncheza kueta moto mwe inusi, natamiwa inga uwe tayali ugimbwa!" 50 Akini nenao ubatiizo ambao nlazima nibatiizwe, suuba yangu ni khuu hadi ubatiizo uwiganie. 51 Mwamamakhanya ncheza kueta uivanisa mwe inusi? Nawamba khivyo, ncheza kueta mabadano. 52 Kuvokea isasa, kundakuwe na wantu wa kaya mwenga washano, watatu kwa waidi na waidi kwa watatu. 53 Tate khanaevane na wanawe wa kigosi, na wana wa kigosi khawanawevane na tati yao, na mmaa khanaevane na wanawe wa kivyee, wana wa kivyee khawanawevane na mami yao, naye mame vyaa khanaevane na mkaza mwana, nae mkaza mwana khanaevane na mami yakwe vyaa.

54 Yesu akagombeka vituhu mwe dia zumwezumwe da wantu, "Muonaho mazunde yakalawiiya phande ya engiiyo da zuwa, aho mwagombeka, fua indainye na kwei yanya." 55 Muonaho pheho ya khusi yavuma, mwagombeka, "Kunda kuwe na zuguto, na vyawa ivyo. 56 Enywi wabakha! Mwamanya koona msimu kwa kukauwa inusi na uwanga kwa Muungu vyeivyo. Kwa mbwai, khamdaha kusosoa mana ya mbui zigosokazo isasa?

57 "Na kwambwai khamdaha kweamuiya wenye mbui yedi za kugosoa? 58 Kwaviya inga mmasa wako akakwegaa he mkonga, yedi wevane nae mkesiai ili asekweza kukwegaa hemeso ya mntu muamuwa, na uyo muamuwa akakwekhiiza kwa asikai, nawo wakakugea mwe kifungo. 59 Nakwamba Kwei khunaulawe umo, hadi wendaho ubindiize kuihaa senti ya kisiikizi."

3 Isasa kwa wedi wa Klistu kanitenda niwe mwagiiwa wakwe. Ivyo namgombeka kia yumwe yetu ivi, ekani kumamakhanya kuwa ni wakuu kusima watuhu, iya mweone kia mntu kekhigwa uzumizi udauda na Muungu.

10 Wandugu zangu, kwa udaho wa Zumbe yetu Yesu Klistu, nawahembeeza nywie wambuya wangu mwevane kwa yada mgombekayo, iya muwe na nia mwenga na mamakhanyi mwenga.

11 Ivi ni ndai adahae kumanya mamakhanyi za mntu iya muye wakwe mwenye? Viyaviya khahana mntu amanyae mamakhanyi za Muungu iya Muye wakwe.

18 Mntu yoyose asekwetiiya kuwa ni mwenye unyanyi. Mntu akeona kuwa ana unyanyi mwe inusi ni vyedi etende mhezi ili ekhigwe unyanyi wa kwei.