7 «E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e.

22 Ərə nɔ̂ ə̂në e sə kə yu tshuku nə də lɔsu tə̂ äwä kə yu Ndjapä, e sə kə sɔtə̂ nə.»

24 Âdârə ə̂në, mə pa kə e: Ərə nɔ̂ ə̂në e sə kə yu tshuku nə tə̂ äwä kə yu Ndjapä, e wüsə̂ nə mâ tə̂ lɔsu e ə pa e sɔ̂tə̂ nə gâ ye. Ndjapä sə kə za ərə səkɔ kə e.

13 Â aərə nɔ̂ ə̂në e sə kə yu tshuku nə də əɨrɨ əmə, mə sə kə mbrə nə, kanika Abä sɔtə̂ ə̂yî lə Ɨrɨ nə. 14 Kədə e yu tshuku ə̈bə̈ ərə kə əmə də əɨrɨ əmə, mə sə kə mbrə nə.»

40 Piarə nə grɔ̂ azü nə nɔ̂ lə anda nə gashu, ə gbə̂te ə yû Ndjapä. Mandânə, tshə dô tə̂ ye gâ tə̂ kuzu nə ə pâ: «Tabita, äfɔ!»

Bale, Tabita nə vrû ala ye â alɔ ə̂në tshə wû Piarə nə kɔ, tshə âfɔ ə sə̂ gâ tʉ.

29 Jezu kîrə əpʉ kə əndje ə pa: «Marä tə̂ afrɔ yîrə̂ səkɔ lï ndə kə wutu nə kʉ tə̂ äwä kə yu Ndjapä.»

14 Ə̈bə̈ əzü lə takpa tə̂ e sə də rəka a? Tshə ë aâgbɔ̂ azü Laglizə, əndje nä ə yü Ndjapä mbrə ətshə ə göro ətshə də kâdâ də əɨrɨ Âgbɔ̂ Əyïngerə. 15 Kədə əndje yu Ndjapä nə â za lɔsu əndje gâ tə̂ əpʉ səkɔ, ə sə kə tshɔ əyïrəka nə, â Âgbɔ̂ Əyïngerə sə kə za ətshə gâ lafɔ. Kədə tshə mbrə̂ anyaka, tshelə anyaka nə sə kə gba nə. 16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

6 E lï lï tshelə e gâ tə̂ ə̈bə̈ ərə bale ne, bale lə aərə nɔ̂, e yïsə̂ aərə ə̂në e ma əgo nə kɔ kə Ndjapä tə̂ äwä kə yu ətshə ə kɨ̈ ə̂sə̂ əyo tə̂ e kə ətshə də kə za mərshe kə ətshə. 7 Â blatshe nə̂ Ndjapä nə ə̂në ə rô aərə nɔ̂ ə̂në əzü ə tegbɔ kumu ye gâ pâ nə kɔ, sə kə bata lɔsu e də kə wusə̂ ərə nə̂ e lə Jezu Kristə nə.

18 E yü Ndjapä alɔnɔ̂ tə̂ äwä Âgbɔ̂ Yîrə̂ də adongo aəpʉ nɔ̂ də kə kɨ ə̂sə̂ əyo tə̂ e. Rəkɔ, e sə̈ də ə̈kü ala e ə zä tə̂ e nɔ̂ alɔnɔ̂ ndə kə pa e kɨ mbrə azü nə̂ Ndjapä nɔ̂,