Preservação das escrituras

35 Ulanga na isi vizafosa, mbali mbuli zangu hazizafosa bule!

18 Nowalongela ukweli, mbaka ulanga na isi vondavisegele, habule hata mbuli ndodo ng’hani muna Malagilizo yondaisegezigwe, mbaka yose yatimiye. *

8 Mayani yonyala na maluwa yolagala,

mbali mbuli ya Mulungu wetu yokala siku zose.’ "

24 Kwaviya Maandiko Yelile yolonga, "Wanhu wose wawa fana mayani, utunhizo wawo wose uwa fana maluwa ya kuchuwala, mayani yonyala na maluwa yake yolagala, 25 mbali usenga wa Mndewa yokala siku zose."

Usenga uwo niiyo Mbuli Inogile yomupeteligwe.

23 Kwaviya mwing’higwa ugima wa sambi, uwo haulawa muna imbeyu yoiwola mbali wolawa muna imbeyu haiwola, kwa nzila ya usenga wa Mulungu wili na ugima na ulibule uhelelo. 24 Kwaviya Maandiko Yelile yolonga, "Wanhu wose wawa fana mayani, utunhizo wawo wose uwa fana maluwa ya kuchuwala, mayani yonyala na maluwa yake yolagala, 25 mbali usenga wa Mndewa yokala siku zose."

Usenga uwo niiyo Mbuli Inogile yomupeteligwe.

20 Kufosa yayo yose, molondeka muvimanye kuwa habule munhu yodaha kufambula kwa nzewele zake mwenyewo usenga wa ulotezi wa Mulungu wili muna Yamaandiko Yelile. 21 Kwaviya habule ulotezi wowose wougaligwe kwa malondo ya chiunhu, mbali wanhu walonga ulotezi wa Mulungu wahalongozigwa na Muhe Yelile.

Mbuli ya Mulungu kufosela Mwanage

1 Baho haumwaka Mulungu kalonga na wasaho zetu miyanza mingi na kwa nzila nyingi kufosela walotezi wake, 2 mbali siku zino za uhelelo kalonga na cheye kufosela Mwanage, Mwanage iyo ni ija kufosela yeye Mulungu kalumba isi yose, ija Mulungu kamsagula na kumwing’ha vinhu vose viwe vake yavitawale. 3 Yeye iyo bung’hulo da utunhizo wa Mulungu na simwe da Mulungu mwenyewo, yoyovitenda vinhu vose vigendelele kuwa baho kwa mbuli yake yili na ludabwa, viyamalile kuwasafya wanhu uhasanyi wawo, kakala uko kuchanyha kuulanga ubanzi wa kulume wa Mulungu Mkulu.

14 Ija yoyatangigwe Mbuli kawa munhu, nayo kakala hamwe na cheye. Na cheye chiuwona utunhizo wake, utunhizo wa Mwana Nyachende yoyezile kulawa kwa Tata, kamema utunhizo na ukweli.

14 Novimanya kuwa chochose choyotenda Mulungu chizakala siku zose na habule munhu yodaha kongeza hebu kuhunguza. Mulungu kotenda ivo muladi wanhu wamdumbe yeye.

11 Muumoyo wangu niika mbuli yako,

muladi sekenikuhasanye.

Ukulu wa Mulungu na malagilizo yake

1 Munhu yahalola ulanga, koumanya ukulu wa Mulungu,

langa dolagusa sang’hano ya makono yake.

2 Chila siku yolonga ukulu wa Mulungu,

chila ichilo yomfambula Mulungu viyeli.

3 Habule mbuli zilongeka,

hebu dizi dihulikika.

4 Mbali dizi jawo dohulikika muna izisi zose,

mbuli zawo zofika uhelelo wa isi yose.

Mulungu kadikila zuwa hanhu hake kuulanga,

5 dolawa fana msola viyolawa muna ichiheleto chake,

dodeng’helela fana munhu yohuma kuna ukukimbila.

6 Dosomoza ubanzi umwe wa kuulanga

na dozungulukila ubanzi umwenga.

Habule chinhu chidaha kuyepula na vuke jake.

7 Lagilizo da Mndewa Mulungu digoloka,

dombwelezela munhu ugima wa sambi,

ndagilizi za Mndewa Mulungu zohuwiligwa,

zoweng’ha ubala wanhu wabozi.

8 Malagilizo ya Mndewa Mulungu yanoga,

youdeng’heleza moyo,

lagilizo da Mndewa Mulungu jela,

dochitaza kuzimanya nzila zake.

6 Mbuli ya Mndewa Mulungu yohuwiligwa,

yohuwiligwa fana hela isunhigwe muna ditanuli,

fana hela isunhigwe kufosela muluvimbo miyanza saba.

7 Weye Mndewa Mulungu kwizachikaliza,

siku zose kwizachikaliza na welesi uno wihile.

8 Mbali Maandiko Yelile yolonga vino, "Usenga wa Mulungu wahabehi na weye, muna umulomo wako na muna umoyo wako," uwo ni usenga wa uhuwilo wochiupeta.

17 Ivo uhuwilo wokwiza kufosela kuhulika usenga, na usenga uwo wokwiza kwa kupeta mbuli ya Chilisito

18 Mbali nouza, vino hawahulike bule? Ona kuhulika wahulika, fana Maandiko Yelile viyolonga,

"Dizi jawo jenela muna isi yose,

mbuli zawo zifika mbaka uhelelo wa isi yose."

4 Kwaviya chila chinhu chandikigwe muna Yamaandiko Yelile, chandikigwa muladi kuchifundiza cheye, muladi kwa kufunyaumoyo na kugumigwa moyo kwa Yamaandiko Yelile chidahe kuwa na lolelo.

6 Mbuli zino zonimulagilizileni diyelo zolondeka zikale muna imizoyo yenu, 7 na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka. 8 Zifungeni muna yamakono yenu na kuyawala muna ivihanga venu fana lukumbuso. 9 Molondeka muzandike mbuli zino muna imibiki yamhilile zinyivi za kaye zenu na nyivi za mabululu yenu.

19 Mumanye ulondo wa Chilisito woufosa ilimu yose, mumemezigwe mbuli zose za Mulungu, muwe fana Mulungu.

3 Kutambika kwa Mulungu fana ivo kunoga na kotogoleka haulongozi ha Mulungu Mulopozi wetu, 4 yoyowalonda wanhu wose walopoligwe na wadahe kuimanya kweli.