Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
Nguluwi ka hamwe na hetwe
Nguluwi ndo honhu ha hetwe ha kubilimila na mong’ho wa hetwe,
heye ndo utanzi wa hetwe mazuwa gose mhela wa magazo.
Nguluwi ka hamwe na hetwe
Nguluwi ndo honhu ha hetwe ha kubilimila na mong’ho wa hetwe,
heye ndo utanzi wa hetwe mazuwa gose mhela wa magazo.
Nguluwi mwamizi wa hetwe
Heye yalingikala hali honhu ha kikala goya ha Nguluwi Yawele Kuchanya,
kokwesela kuli lubehelo lwa Nguluwi Yawele na Ludali.
Ndolonga kwa Mkulu Nguluwi,
"Hegwe ndo honhu ha heni ha kubilimila na ngome ya heni,
Nguluwi wa heni yondilingitumbila."
Kokugubika kwa mabawa ga heye,
kowa na kikala goya hala,
kukundigwa kwa heye kokwamila kota ngawo.
Hanga wanhu elufu wogwa habehi na hegwe,
ena, elufu kumi kwa moko wa hegwe wa kudilo,
ila hegwe kubagama hambe kukuhejelele.
Kwa vila nakumdita Mkulu Nguluwi ndo honhu ha hegwe ha kubilimila,
ena, Nguluwi Yawele Kuchanya yawele ndo kaye kwa hegwe,
ahyo, hufichigwa na wihe woneche,
ihema lya hegwe halifichigwa na utamwa woneche.
Lwimbo lwa kumtogola Mkulu Nguluwi
Mkulu Nguluwi ndo lumuli lwa heni na ulohozi wa heni,
ndimdumbe whaani?
Mkulu Nguluwi ndo ngome ya ukomu wa heni,
ndimdumbe whaani?
Heye yaliyeka ndo italawe na ulohozi wa heni,
heye ndo ngome ya heni, sitigasika ng’o.
Mkulu Nguluwi ndo ngome kwa walingubunzwa,
heye ndo honhu ha kikala goya mihela ja magazo.
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
Ila hegwe Mkulu Nguluwi, kwa ngawo ya heni banzi zeng’ha,
kwa hegwe ndanguwa na lutogo na kusumya.
Kulanda utanzi
Mkulu Nguluwi, wang’honyo wa heni nawonjezeka!
Walingunhowa ndo wenji.
Ndo wenji walingulonga,
"Nguluwi homlohola."
Ila hegwe Mkulu Nguluwi, kwa ngawo ya heni banzi zeng’ha,
kwa hegwe ndanguwa na lutogo na kusumya.
Kwa lizi lya heni ndangumchema Mkulu Nguluwi
naye kangwidichila kulawa kuli chidunda cha heye chelile.
Ndanguwasa na kuwa na usinjizi,
ndangwinuka kahi kwa vila hegwe, gwa Mkulu Nguluwi kwangunyimiza.
Hambe ndumbe wanhu elufu na maelufu,
hanga wangunhowa banzi zeng’ha.
Choyalingudita Nguluwi chahela nongwa!
Kulagana kwa Mkulu Nguluwi ndo kwa kukundigwa,
heye ndo ngawo kwa weng’ha walingumbilimila.
Nakumha heni ngawo ya hegwe ya ulohozi,
moko wa hegwe wa kudilo naunhanza,
kunyenyetela kwa hegwe nakundita ndiwe mkulu.
Nakundita njende kwa kilejeha,
leka magulu ga heni galeche kutelela.
Malumbo kwa kusumya
Yatogoligwe Mkulu Nguluwi, italawe lya heni,
yalingugadita moko ga heni gazowele kitowa ngondo,
na kuvilangusa vidole vya heni kitowa.
Heye ndo igano lya kwimilila lya heni na ngome ya heni
yalingunyamila na mlohozi wa heni,
heye ndo ngawo ya heni na honhu ha heni ha kubilimila,
kanguwasumyaga wanhu wa isi zinji na kuwawika hasi ha heni.
hegwe ulinguwapa wandewa kusumya,
ulingumlohola Daudi chitumagwa wa hegwe.
ila weng’ha walingubilimila kikala goya kwa hegwe wasangalale,
wembe kwa kusangalala mazuwa gose.
Uwemile walinguligana itagwa lya hegwe,
leka wasangalale kwa chiwalo cha hegwe.
Kwa vila hegwe Mkulu Nguluwi kwanguwatambichiza wala watanganiche,
kwanguwamila kwa kunoga kwa hegwe kota ngawo.
Ndangukuchema, hegwe Nguluwi, kwa vila hegwe kwangunyidichila,
unyhulichize goya, uhuliche ulonzi wa heni.
Ulajile kunoga kwa igano lya hegwe lya kwimilila,
uwalohole kulawa kwa wang’honyo wa hewo,
wala walingubilimila kikala goya kwa hegwe.
Unyamile kota vyoulingulyamila iziho lya hegwe,
uvise heni kuli lubehelo lwa mabawa ga hegwe,
kutali na kudumigwa na wehile,
kutali na wang’honyo wa heni walinguzunguluta.
Mndewa kangitumbila kwa Mkulu Nguluwi,
kwa igano lya kwimilila lya Nguluwi Yawele Kuchanya, hotigaswa.
Gwa mndewa, moko wa hegwe wowebata wang’honyo wa hegwe weng’ha,
moko wa hegwe wa kudilo wowebata walingukuzudila.
Houlawila kowadumya kota itanuli lya chiluli.
Mkulu Nguluwi kowadumya kwa ng’halazi ya heye,
chiluli chowalakaza ng’hatu.
Hegwe ndo honhu ha heni ha kivisa,
kombika kutali na magazo,
na kunzunguluta kwa nzimbo za ulohozi.
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
Mdimi
Mkulu Nguluwi ndo mdimi wa heni,
sipunguchilwa na chinhu.
Mbaka misimba jangwisilwa na kona nzala,
ila walingumpala Mkulu Nguluwi,
hawalingupunguchilwa na chinhu choneche chinojile.
Witumbile kwa Mkulu Nguluwi na kudita ganojile,
wikale kuli isi iwele na kikala goya.
Nandali msongolo na sambi nda sekulu,
ila nasimuwene yatanganiche nakalechigwa,
ama wana wa heye wodedeza chilyo.
Lelo Nguluwi wa heni, kwa ukulu wa lufufu lwa heye kwa kukolela Yesu Kilistu, kowapa hemwe vinhu vyeng’ha vyomlingugana.
Ndoweza kudita chila mbuli kwa vila Kilistu kangunipa ludali.
Ahyo mijeseni tandi undewa wa Nguluwi, na gala goyogana heye na ago geng’ha kowapa hemwe na vinhu viyage.
Mleche kiwhana na hewo, Mhaza wa hemwe kovizela chomgana hala mng’hali ne kumlanda!
Ulande na upale na udumize lwizi
"Mlande namwe mopegwa, na mpale namwe movyona, na mhodize lwizi, namwe mochumulilwa. Kwa vila yoneche yalingulanda kangupegwa na yalingupala kanguchonaga na yalinguhodiza lwizi, kanguchumulilwaga.
Lelo, wone hemwe muwele wehile mwanguvizela kuwapa wana wa hemwe ndolendole zinojile, ndaze, hawele mhaza wa hemwe wa kilanga kodita mzidi. Kowapa ganojile wala walingumlanda.
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
Mhilisi wa Mkulu Nguluwi kanguwamilaga banzi zeng’ha na kuwalohola,
weng’ha walingumdumba.
Mkulu Nguluwi kanguloholaga ukomu wa vitumagwa wa heye,
weng’ha walingumbilimila hawotagusigwa kwa wihe.
Nguluwi kangutwamila
Ndangulola kuchanya kuli vidunda,
utanzi wa heni wolawa kohi?
Utanzi wa heni wangulawa kwa Mkulu Nguluwi,
yalumbile ulanga na isi.
Hokuleka ugwe,
mwamizi wa hegwe hambe yasinzile.
Ena, mwamizi wa Isilaeli,
hambe yasinzile ne kuwasa.
Mkulu Nguluwi ndo mwamizi wa hegwe,
ka ubanzi wa hegwe wa kudilo kota lubehelo kukwamila.
Nemisi isanya haliweza kukulumiza,
ne nyelezi mhela wa nechilo.
Mkulu Nguluwi kokwamila na lihile lyoneche,
kowamila goya ukomu wa hegwe.
Mkulu Nguluwi kokwamila kuli mbuli za hegwe za chila zuwa,
kulawa sambi mbaka mazuwa gose.
Kulanda kikala goya
Unyamile gwa Nguluwi,
kwa vila kwa hegwe ndangubilimila kikala goya.
Kulanda kikala goya
Unyamile gwa Nguluwi,
kwa vila kwa hegwe ndangubilimila kikala goya.
Ndangumuwika Mkulu Nguluwi kumwando kwa heni mazuwa gose,
ka hamwe na heni, sitigasika.
Ndangumuwika Mkulu Nguluwi kumwando kwa heni mazuwa gose,
ka hamwe na heni, sitigasika.
Kulanda kusumya
Mkulu Nguluwi yakwidichile houwa kuli magazo,
itagwa lya Nguluwi wa Yakobo likwamile.
Yakuhilichile utanzi kulawila mng’handa mwa heye,
yakutanze kulawa chidunda cha Siyoni.
Uwamile ukomu wa heni, undohole,
uleche kukunda mbasigwe soni,
ndangubilimila kikala goya kwa hegwe.
Kugoloka na kutanganika vinyamile,
kwa vila ndangukutumbila hegwe.
Falasi wa ngondo hawele chinhu kwa kusumya,
mong’ho wa heye winji hauweza hebu kumlohola munhu.
Mkulu Nguluwi kanguwalola wala walingumdumba,
wanhu wawele wangitumbila igano lya heye lya kwimilila.
Heye kanguwaloholaga kulawa kuli kubagama,
kanguwaditaga wawe wakomu mhela wa lufemba.
Nhumbula za hetwe zangitumbila kwa Mkulu Nguluwi.
Heye ndo utanzi wa hetwe na ngawo ya hetwe.
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
Mkulu Nguluwi ka hamwe na heni, silingudumba chinhu,
munhu kondita choni?
Fola kubilimila kikala goya kwa Mkulu Nguluwi,
kusinda kuchitumbila kwa munhu.
Mkulu Nguluwi ndo ngome iwele nzinzili,
yatanganiche kangulibilimilaga na kanguwaga hali kikala goya.
Mkulu Nguluwi ndo ngome iwele nzinzili,
yatanganiche kangulibilimilaga na kanguwaga hali kikala goya.
Yalingumdumba Mkulu Nguluwi kana kitumbila kwimile nzinzili,
na wana wa heye wopata honhu ha kubilimila hawele na kikala goya.
kwa vila Mkulu Nguluwi ndo yowika utumbilo kwa hegwe,
kokwamila leka mgulu wa hegwe uleche kugwilizwa.
Yalingikala kwa kugoloka kangikalaga goya,
yalingwajiliza kikala kwa heye kozeleka.
Ulonzi weng’ha wa Nguluwi ndo wenela,
heye ndo ngawo ya hewo weng’ha walingumbilimila.
Ulonzi weng’ha wa Nguluwi ndo wenela,
heye ndo ngawo ya hewo weng’ha walingumbilimila.
Kutanganika kwanguwamilaga wagoloche nhumbula,
ila gehile ganguwagwisaga wehile.
Yatanganiche kanacho chilyo cha kuhega,
ila lida lya mwihe lyangugazika kwa nzala.
Kwa vila Mkulu Nguluwi kanguwapaga wanhu luhala,
kumlomo kwa heye kwangulawaga uwanzi na kuvizela.
Kanguwawichilaga walingumhulichiza ng’hano ya luhala,
heye ndo ngawo kwa wanhu walingikala kwa kugoloka.
Kangwamilaga madito ga wanhu walingudita hachi,
na kuzilolela goya nzila za walingukundigwa wa heye.
Yawele na luhala kanguzonaga mbuli zihile na kivisa,
ila mpoka kangiwikaga kumwando na kulumizwa.
Falasi kanguwichigwa goya kwa kitowa ngondo,
ila kusumya kwangitumbila kwa Mkulu Nguluwi.
Mzidi wa ago geng’ha, wamile goya nhumbula ya hegwe,
kwa vila ayo ndo mwaluko wa ukomu.
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
Muwe mwimile nzinzili na msindamale, mleche kudumba ama kudumbizwa na hewo, mina Mkulu Nguluwi, Nguluwi wa hemwe ndo yalinguluta hamwe na hemwe. Heye kowa hamwe na hegwe na hokuleka ng’oo."
Nguluwi wa mazuwa gose ndo hakubilimila kwa hegwe,
kangukupapa kuli moko ga heye.
Nakawawinga wang’honyo wa hegwe,
nakakulajiza, ‘Uwadumye.’
Kwa chiwalo cha nhanzi ya Benjamini nakalonga,
"Ayi ndo nhanzi yaiganile Mkulu Nguluwi,
nayo yangikala habehi na heye.
Heye kanguilolela nemisi yeng’ha
na kikala hamwe na ayo nhanzi."
Vinhu vyeng’ha vya kitowela ngondo vilumbigwe kwa chiwalo cha kukulumiza,
haviweza kukulumiza.
Wone munhu yakulonjeleze mchitala, komsumya.
Awu ndo uhalizi wondiwawichile vitumagwa wa heni,
kota ndowalewela.
Heni Mkulu Nguluwi nandonga."
Gwa Mkulu Nguluwi, kwanguwawika hali kikala goya wawele na nhumbula ziwele nzinzili,
kwa vila wangitumbila kwa hegwe.
Heni ndo Nguluwi wa hemwe na ndowalolela hemwe,
mbaka kuli usekulu wa hemwe, mnvili za hemwe hoziwa na mbuliza.
Nandiwalumba ahyo mwaluko,
ndowapapa ahyo kahi.
Ndowatanza hemwe na kuwalohola."
Kota chideje vyochilingugulukaguluka mchanya mwa chimvulila chake,
kuchamila chibofu chake,
ndo heni Mkulu Nguluwi Mbele na Mong’ho vyondikwamila,
na kuulewela muji wa Yelusalemu.
Milanguse kudita ganojile!
Mpale hachi,
muwatanze walingutunyigwa.
Muwape walekwa hachi,
muwalewele wadala wafililwe na walume wa hewo."
Wone mokunda kunyhulichiza,
molya ganojile ga isi,
ila wone molema na kumbelenhuka heni,
modumigwa kwa ipanga.
Heni Mkulu Nguluwi ndangulonga."
Mkulu Nguluwi kowa hamwe na hemwe na kowatowanila, hemwe mwanguganigwa kunyamalila tulu."
Mkulu Nguluwi kagoya,
heye ka ngome ya kikala goya mhela wa magazo.
Heye kanguwamilaga weng’ha walingubilimila kikala goya kwa heye.
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
Kwa silinje imwe yougula semembe, na semembe ne imwe yogwa hasi ne kugana Mhaza wa hemwe. Ila kwa hemwe, na mnvili zeng’ha za kumutwi mwa hemwe ziwazigwa. Lelo uleche kudumba, hemwe mhega kusinda semembe wenji.
Muwe na makundo, choneche chomumlanda Nguluwi mopegwa."
Wanhu weng’ha wowazudila hemwe kwa chiwalo cha itagwa lya heni. Ila haikwajilila ne mnvili imwe kuli vitwi vya hemwe. Kwa kwimilila kwa hemwe, moulohola ukomu wa hemwe.
Mhela wihile
Hamba Yesu nakawauza walanguswa wa heye, "Mhela londiwalajize ne mhako wa sendi ne makwamba, nampunguchilwa ne chinhu choneche?" Nawamwidichila, "Hatupunguchilwe na chinhu choneche."
Igano lya Nguluwi kukolela Yesu Kilistu
Kwa mbuli azo zeng’ha, tulonje choni lelo? Wone Nguluwi yawele hamwe na hetwe, whaani yoweza kutulemela?
Ndo mina twanguweza kulonga,
"Mkulu ndo yalingunhanza,
silingudumba chinhu.
Munhu kondita choni?"
Lelo mumhulichize Nguluwi, mlileme Limazoga naye kowabilimani.
Lelo tuleche kuwasa kota wanji, twanguganigwa kikala meho na kuwa na chasi.
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
Ila Mkulu ndo wakitumbila, heye kowadita mwime nzinzili na kuwamila goya na yula Mwihe.
na kubochela kwa heye choneche chotulingulanda, mina twanguhulichiza mzilo wa heye na kudita gala galingumnojeza heye.
Natwe hatulingudumba hali Nguluwi, kwa vila twangukunda kota hotumlanda choneche kota vyoyogana heye, kotuhulichiza. Heye katuhulichizaga chila hotumlanda na kwa vila tuvizela ng’hatu kota katuhulichizaga chila hotumlanda, kahi tuvizela kota kotupa chila chotulingumlanda.
Tuvizela kota chila yawele mwana wa Nguluwi halingudita gehile, kwa vila Mwana wa Nguluwi kangumwamila goya na yula Mwihe howeza kumdoliza.
Lelo ndanguya kwa hegwe, siwele kahi kuli isi, ila hewo wa kuli isi. Mhaza Welile! Kwa ludali wa itagwa lya hegwe lyoumhele uwamile leka wawe chinhu chimwe kota hetwe vyotuwele hamwe. Londiwele nawo, nandiwawika goya kwa ludali lwa itagwa lya hegwe lyoumhele. Heni nandiwamila, haduhu ne yumwe wa hewo yajilile, ila yula mwana yahaguligwe kwajilila leka Maandiko Matakatifu genele.
Silingulanda uwose kuli isi, ila ndangulanda uwamile na lila Limazoga.
Whaani yawele Nguluwi, mzidi wa Mkulu Nguluwi?
Whaani yawele italawe lya kutwamila, kota Nguluwi wa hetwe?
Lelo heni ndangukulanda utambichize lulelo lwa chitumagwa wa hegwe leka lulongoze mazuwa gose hali hegwe. Gwa Mkulu Nguluwi Yawele na Ludali nakulonga ahyo, kwa utambichizo wa hegwe kahi, lulelo lwa heni lotambichizwa mazuwa gose."
Hamba Daudi nakawika kambi za wamizi kuli isi ya Alamu kuli muji wa Damasiko. Lelo Waalamu nawali vitumagwa wa heye, nawali womha kodi. Mkulu Nguluwi nakamha Daudi mong’ho wa kusumya kweng’ha koyalutile kitowa.
Kulawa mhela wula nandali hamwe na hegwe honhu honeche houlutile na nandiwakopola wang’honyo wa hegwe weng’ha hali hegwe. Lelo ndolidita itagwa lya hegwe lizeleche kota matagwa ga wanhu wanji wawele ndo wakulu ng’hatu muisi.
"Muwinze malajizo na utaguso wa heni, leka mlutilile kikala kwa kikala goya kuli isi.
Ndanguwika ilagano lya heni na hemwe kota sividumya kahi vilumbigwe vyeng’ha viwele na ukomu ama kudumya chila chinhu muisi kwa mazi tendema kota vyonditile aho hamwande."
Ndikomya, Mkulu Nguluwi hambe yadite chinhu
ne kuwagubulila vitumagwa wa heye waloli kunuwila kwa heye.
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
Gwa Mkulu Nguluwi, uleche kuleka kumha heni isungu lya hegwe.
Igano lya hegwe lya kwimilila na kukundigwa kwa hegwe vinyamile mazuwa gose.
Mlechele Mkulu Nguluwi itunyo lya hegwe,
naye kokutanza,
homleka hebu yatanganiche yalemwele.
Ila heni ndokwimba lutogo lwa mong’ho wa hegwe,
ndotowa luchenze mitondo kwa chiwalo cha igano lya hegwe lya kwimilila,
kwa vila hegwe nakuwa ngome ya heni,
honhu ha heni ha kubilimila mhela wa magazo.
Ila mndewa kosangalala kwa chiwalo cha Nguluwi,
walingilaha kwa itagwa lya Nguluwi wotowa iyowe lya kusumya,
ila milomo ja wadesi jodinyigwa.
Mumwimbile Nguluwi, mlitogole itagwa lya heye,
mumgongomanyile nzila ya heye yalingwendesa ng’hungugu.
Itagwa lya heye ndo Mkulu Nguluwi, msangalale hali heye.
Nguluwi yalingikala honhu ha heye helile,
ndo mhaza wa walekwa na mwamizi wa wafililwe na walume wa hewo.
Mkulu Nguluwi yatogoligwe mazuwa gose.
Hegwe kangutupapilaga mhomolo za hetwe,
heye ndo Nguluwi wa ulohozi wa hetwe.
Heni ndo Mkulu Nguluwi, Nguluwi wa hegwe,
ndikulavile kulawa kuli isi ya Misili.
Ugabule mlomo wa hegwe, nani ndokupa chilyo.
Mkulu Nguluwi ndo isanya lya hetwe na ngawo ya hetwe,
heye kangutuditaga tuwe na kunoga na ukulu.
Hambe yawalemeze kuwa na choneche chiwele chinojile,
wala walingikala ne nongwa.
Wala walingumgana Mkulu Nguluwi, wauzudile wihe,
kwa vila kangwamilaga ukomu wa walingukundigwa wa heye,
kanguwaloholaga kuli ndole za wang’honyo.
Mkulu Nguluwi kanguwamilaga walingunyenyetela,
londiwele kuli magazo nakandohola.
Usindamale, gwa nhumbula ya heni,
kwa vila Mkulu Nguluwi nakanditila ganojile.
Nakandohola kulawa kuli kubagama na kusa mahozi ga heni,
nakanyamila leka ndeche kugwa.
Ndojenda hali heye Mkulu Nguluwi,
kuli isi ya wanhu wawele wakomu.
Hegwe ndo honhu ha heni ha kikala goya na ngawo ya heni,
ndanguwika kitumbila kwa heni kuli ulonzi wa hegwe.
Ne kuwa na Nguluwi, mijito ja hetwe hajiwele chinhu
Mkulu Nguluwi wone hazenjile ng’handa,
walinguzenga wangitunya hela.
Wone Mkulu Nguluwi howamila muji,
walingwamila wanguwa meho kwa kitunya hela.
Kulawa aha, hemwe mowa na mndewa yazidahe wa lukolo lwa Daudi.
Kota chenje chilingwimilila ndomwimiza mndewa yondimbakalize mafuta.
Wang’honyo wake ndowavaliza soni,
ila heye ndomvaliza kofia ya chiundewa."
Gwa Mkulu Nguluwi, kokweneza geng’ha goulagane na heni.
Igano lya kwimilila lya hegwe, gwa Mkulu Nguluwi, lyangikala mazuwa gose.
Uleche kujileka kutali mijito ja moko wa hegwe.
Kwangugubula moko wa hegwe kwa isungu,
kwanguvyenezela chila chovilingugana chila chilumbigwe chiwele na ukomu.
Heye kanguwapaga walingubunzwa hachi zawo,
Mkulu Nguluwi kanguwapaga chilyo wawele na nzala.
Mkulu Nguluwi kanguwapaga wanweng’hwa kilejeha.
Mkulu Nguluwi kanguwagubulaga meho wohambe walole.
Mkulu Nguluwi kanguwenulaga walinguduliswa.
Mkulu Nguluwi kanguwaganaga wanhu watanganiche.
Mkulu Nguluwi kanguwamilaga wajenzi,
kanguwatanzaga wadala wafililwe na walume wawo na walekwa,
ila kangwajilizaga nzila ya wehile.
Ndanguwasaga na kuwa na usinjizi kwa kikala goya,
kwa vila gwa Mkulu Nguluwi, hegwe uliyeka kwangumbika honhu hanojile.
Mvale vinhu vyeng’ha vya kitowela ngondo vyoyawapele Nguluwi leka muweze kitwanza na mbuli zihile za Limazoga.
Mvale vinhu vyeng’ha vya kitowela ngondo vyoyawapele Nguluwi leka muweze kitwanza na mbuli zihile za Limazoga. Kwa vila hatulingitowa na wanhu, ila twangitowa na ludali lwihile lwa isi yeng’ha, twangitowa na vilongozi na wakulu na wawele na mong’ho, walingulongoza isi ayi ya jiza.
Nani ndanguwauza, ‘Ndaze, ndo goya munhu kumsukula Nguluwi? Ila hemwe mwangusukula heni.’ Ila mwanguuza, ‘Twangukusukula ndaze?’ Ena! Mwangusukula heni zaka na nhambiko. Hemwe na wanhu wa isi ya hemwe yeng’ha nampanjilwa kwa chiwalo cha kusukula heni. Migale zaka zeng’ha kuli ng’hano za heni, leka haluga ha heni hawe na chilyo cha kuhega. Mnjeze kwa mbuli ayo, namwe mokona kota sichumula mitubuli ja kilanga na kuwamizila utambichizo winji. Heni Mkulu Nguluwi Mbele na Mong’ho, nandonga.
Kwamilwa na luhala ndo kota kwamilwa na sendi,
ila luhala ndo lunoga lukami kusinda sendi, kwa vila loweza kuulohola ukomu wa hegwe.
Hihyo du, Mkulu nakalajiza kota wala walingudamla Mbuli Inojile wapegwe chilyo cha hewo kulawa kuli mijito ajo.
Mina kugana lukami sendi ndo kwaluka kwa wihe weng’ha. Wanhu wanji wangugana ng’hatu kiyipa sendi mbaka wangulubaluba kutali na makundo na nhumbula za hewo zimema masinzo menji.
kwa chiwalo acho, ndo mina ndangugazika kota ahi. Silingona soni kwa chiwalo acho, kwa vila ndimzela yula yondimkundile, ndangukomya kota koweza kwamila goya chila choyamhele, mbaka zuwa lila hoyohiluka kahi.