4 Bawipaw te a thawzung kha ccungtua;

a mitmae kha ccung zungzae oh.

11 Bawipaw te a thawzung kha

ccungtua; a mitmae kha

ccung zungzae oh.

6 Bawipaw kha muih kho

a um lyakhe ccung oh,

anaenaw a um lyakhe

amaw kalan sawsang oh;

4 Bawipaw kha uccaw ccangkheit ka ngiaku,

tuh-e tuh ka ccungkuh ung cih:

tuh-e tuh ka hiin lungkhu balyn

Bawipaw inn kya um khylan,

Bawipaw puithyanaw muih khylan te

amaw rynaw ccung khylan nynh thua.

10 Na beikinnpi lungkhu nin kheit um tuh

ccangpaw hmin kya nin thong kheit

um laeze ahoyhua.

Pachia thuakaw ngawtu lang tang tuh

ccungccaw hoyleipaw inn lungkhu

um laeze ahoyhua.

11 Kae kha hiinnaw laanpi nae muihsah.

Na umnaw kya lungtuanaw ccing zah,

na ranglang kuih kya

hoysahnaw zungzae a um.

17 Miding hae nynh bawmnaw

mue khylan a sia hae ze,

Bawipaw nynh thaepah hae zah,

mih vawsawnaw balyn kyate

a luesah hae.

18 Bawipaw tuh thinlung

a koipaw kalan naekuh zah,

ngaehoinaw a hoi lei hae paw kha

a khum hae.

5 Ccungccaw miakaw nynh nae lungnenaw kha nyh hae sah. Bawipaw tuh nae pe a um.

13 Thuasalama langmawlya kou na la sawkuh oh paw nanning kha atu tuh Khri chiise liate Khri Jesu kya naesaku na thua vae oh.

6 Ka hiin lungkhu balyn

hoynaw te thawccinaw kha

ka ccou cih zah,

Bawipaw inn kya

ka hiinshe balyn ka um cih.

18 "Ngawraw hae hawte kae cciataw lan khyh oh; nae kalan bua kae thua cih.

57 Bawipaw ah Pachia tuh ah minpaaw hae kya a um hawte, aening kya mah um vae sah; aning nynh aening hynh oun cciataw nan sah lah, oun vua nan sah,

31 Thuasalama nang tuh thawccih thyapaw te ngaethyaumsah thyapaw Pachia na thua keiccuze myarya lepaw na ngaethyaumsahnaw te mih thangnaw kha na thuasah khyh zah na vua khyh hae.

16 Daenaw Bawipaw amaw ccaccei nynh daenaw kha ccyh takyh kya aphuinphuin te zungzae ae la pya vae oh sah. Bawipaw tuh nae balyn kya la um sah.

11 Uteno hae, nyathyakou kya kae beihsya oh. Accingpaw lang tang lan zuakuh oh; kae ngia oh paw kha la ngae oh, lu kheit te lu kheit lungngingte um oh lah, lungdaete la um oh; sungsakunaw te daenaw Pachia tuh nanning ryte a um cih.

13 Pachia nynh a Muisaw kha aening oun pya vae keiccuze aening tuh Pachia kya ah um oh zah Pachia tuh aening kya a um cipaw ah ny oh.

18 Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

28 Moses tuh Bawipaw ryte nin sung pali te zi sung pali tuin kya a um; looh mah ae khyh zah tui mah neih khyh. Lungphe hae vawlan khe byakinnaw bya hae kawbya ccanghaw, kha a zei.

9 tuin khua e ngeccih hae kha la dansah oh lah, ‘Pachia peenaw tuh nae kalan yn naekuh vae,’ cite la hopah oh.

1 Pachia muisaw tuh Oded ccapaw Azariah tungvaw yn thua. 2 Aning nynh Asa te tungku khylan cceih zah, "Pou Asa te Judah phin hae balyn te Benjamin phin hae balyn, ka bya hynh ngaetua oh: Nanning nynh Bawipaw ryte na um lungkhu oh tuh, Bawipaw tuh nanning ryte a um. Amaw kha na ccung oh ze, na muih cih oh, thuasalama amaw kha na vua oh zetuh, nanning kha ae vua cih oh. 3 Ccyh hynhsepi cia Israel tuh Pachia ccaccing hoi khyh, ccangpahtu ranpibawi kha hoi khyh, phungbya mah hoi leite a um; 4 thuasalama riathaenaw he a tung hae te, Bawipaw , Israel Pachia kalan maeleihkuh hae zah he a ccung hae tuh, amaw kha a muih hae. 5 Tuh ccyh lya tuh a poutupaw hanlan thuasah, a teetupaw hanlan thuasah khynnaw um khyh, pawccecize ram takyh kya um hae paw balyn tungvaw khe thinphangnaw te ccawku leinaw a um. 6 Minmin tuh palae tui lan a koi hae, ram kheit te ram kheit, khua kheit te khua kheit a doukuh hae, pawccecize Pachia nynh riathaenaw phuinccing te vawsaw a pya hae. 7 Thuasalama nanning tuh nae rawthungsakuh oh! Nae kuih kha a thawzyasah nan oh, pawccecize nae ryalaw mee na mue cih oh," a cipya.

8 Oded ccapaw Azariah nynh profehbya a hopaw e bya hae hynh Asa nynh he a thae tuh, a rawthungsakuh zah Judah ram, Benjamin ram te Efraim muaram kya-e a lawpaw khua hae balyn kyate anungsikuhpaw zohtuh hae kha a vua hae. Bawipaw inn tee takawnaw khaan malang umpaw silawhang kha a raethui. 9 Judah phin hae te Benjamin phin hae balyn kha thuasah, Efraim, Manasseh te Simeon ram hae kyate oun thua hae zah ramccang hae hawte a umbua hae paw kha thuasah a pum hae, pawccecize Bawipaw a Pachia tuh amaw kya a um cipaw he a muih hae te, Israel ram kyate ccungccaw patae tuh amaw kalan a nuekuh hae. 10 Asa nynh ram a uknaw kum haw lae pangawnaw, sawpaw sah thumnaw khe minmin kha Jerusalem kya a pum hae. 11 Tuin nin khe luadete a thuakhae hae paw tangnuapaw za sari te tuu thong sari khate Bawipaw kalan silawnaw a rae hae. 12 Bawipaw , mih minpaaw hae Pachia kha mih thinlung balyn te, mih tuanaw balyn te ccung khylan byakinnaw lungkhu lang a tee hae. 13 Bawipaw , Israel Pachia kha a ccung leipaw miakaw nopi, pise, imua, piccan humhung athua zemah chia athua cih. 14 Myarya ccaepaw roi te, siaruate, mungkae te saki tu biate Bawipaw kalan thyalawkute byakinkunaw kha a rae hae. 15 Judah hae balyn tuh tuh-e byakinkunaw a rae hae keiccuze mih lungpaw; pawccecize mih thinlung balyn te byakinkunaw rae hae zah mih rynaw balyn te Bawipaw kha a ccung hae keiccuze a muih hae, te Bawipaw nynh minmin kha teitei langte balyn daenaw a pya hae.

16 Asa Siapharan a minnung Maakah nynh Asherah hanlan anungsikuhpaw zohtuh kha a raepya keiccuze Asa nynh siapharan a nung thuanaw kyate a phua. Asa nynh a zohtuh kha ngepah zah palae tui lan a roh koute Kidron Vaw pe khe maee te a soi. 17 Thuasalama ahangpaw hmin hae kha Israel ram kyate vua khyh. Tuhzemah Asa thinlung tuh a she lungkhu balyn hmerarih lan a um. 18 A paaw nynh byakinkute a hlupaw lasung hae te amaw nynh byakinkute a hlupaw sui, ngun te angphe hae kha Bawipaw inn lungkhu langkhe a nung. 19 Asa nynh a uknaw sung thum kum pangawnaw kum cia rhawtukkunaw um khyh.