Recompensa
Deus recompensa os que o buscam com fé. A Bíblia está repleta de promessas de recompensa para os fiéis, os generosos, os perseverantes e os que servem ao Senhor de todo coração.
Deus recompensa a fé
Sem fé é impossível agradar a Deus, porque quem dele se aproxima precisa crer que Ele existe e recompensa os que o buscam diligentemente.
सिर्फ विश्वासो रे जरिए ई आसे परमेशरो खे खुश करी सकूँए, कऊँकि परमेशरो गे आऊणे वाल़ेया खे विश्वास करना चाईयो कि से आए और सेयो जो तेसखे सच्चाईया ते टोल़ोए से टोल़ने वाल़ेया खे फल देओआ।
परख और लाल़च
धन्य ए से माणूं, जो परीक्षा रे टिके रा रओआ, कऊँकि तेस परीक्षा रे पास ऊई की अनन्त जिन्दगिया रा मुकट पाणा, जेतेरा वादा परमेशरे आपणे प्यार करने वाल़ेया साथे करी राखेया।
पर जे तुसा बीचा ते केसी खे बी दमाको री कमी ओ, तो परमेशरो ते माँगो, जो बिना ल़वामे ते सबी खे उदारता ते खुशिया साथे देओआ; और परमेशर सबी खे देओआ।
पर तेती बी जे तुसे आपणे यहोवे खे टोल़ोगे, तो से तुसा खे मिली जाणा, शर्त ये कि तुसे आपणे पूरे मनो ते ओर आपणे सारे प्राणो ते तेसखे टोल़ो।
मांगोगे तो मिलणा
"तुसा री जो बी जरूरत ए से परमेशरो ते माँगो और परमेशरो ते पाणे री उम्मीद बी राखो।
तेबेई तो आऊँ तुसा खे बोलूँआ कि जो कुछ तुसे प्रार्थना करी की मांगोगे, तो विश्वास राखो कि तुसा खे मिली गा और तुसा खे ऊई जाणा।
Recompensa pelo serviço
O Senhor vê cada ato de fidelidade e promete galardão aos que servem com dedicação. O servo bom e fiel será honrado.
तेसरे मालके तेसखे बोलेया, ‘धन्य ए तूँ, खरे और विश्वास जोगे दास, तूँ थोड़े रेई विश्वासो जोगा रया, मां तूँ बऊत चीजा रा अक्कदार बनाणा, आओ मां साथे खुशिया रे शामिल ओ।’
और जो कुछ तुसे करोए, तनो-मनो ते करो, ये सोची की कि माणूंआ खे नि पर प्रभुए खे करने लगी रे। कऊँकि तुसे जाणोए कि तुसा खे इजी रे बदले प्रभुए ते जायदात मिलणी, तुसे प्रभु यीशु मसीह री सेवा करोए।
तो ओ मेरे साथी विश्वासियो, विश्वासो रे पक्के और अटल बणे रे रओ और प्रभुए रे कामो रे सदा बढ़दे जाओ, कऊँकि तुसे जाणोए कि प्रभुए रे तुसा री मईणत बेकार निए।
आसे खरे काम करने रे ईम्मत नि छाडिए, कऊँकि जे आसे टील्ले नि ऊए, तो ठीक बखतो पाँदे फसल बाडणी।
पर एबे बऊत सारे लोक जो आपणे आपू खे एते दुनिया रे बड़े समजोए, सेयो परमेशरो री नजरा रे छोटे ऊई जाणे, और जिना खे संसार एबु छोटा समजोआ, सेयो परमेशरो री नजरा रे बड़े समजे जाणे।"
परमेशरो हर एकी खे तेसरे कामो रे मुताबिक प्रतिफल देणा।
Generosidade e provisão
Quem dá com generosidade receberá em abundância. Deus supre todas as necessidades segundo as suas riquezas em glória.
देया करो, तेबे तुसा खे बी दित्तेया जाणा, लोका पूरा नाप दबाई-दबाई की और इलाई-इलाई की और ऊबरदे ऊए तुसा री गोदा रे पाणा, कऊँकि जेस नापो साथे तुसे नापोए, तेसी साथे तुसा खे बी नापेया जाणा।"
जे तुसे आपू साथे खरा करने वाल़ेया साथे ई खरा करोए, तो तुसा री क्या तारीफ? कऊँकि पापी बी एड़ा ई करोए।
बमारा खे ठीक करो, मरेया रे खे जिऊँदा करो, कोढ़िया खे शुद्ध करो, दुष्टात्मा खे निकयाल़ो, तुसे मुफ्त पाई राखेया और मुफ्त ई देओ।
और परमेशर सब प्रकारो री कृपा तुसा खे बऊत जादा देई सकोआ। जेते साथे हर गल्ला रे और हर बखते, सब कुछ, जो तुसा खे जरूरी ए, तुसा गे रओ और हर एक खरे कामो खे तुसा गे बऊत कुछ ओ।
दुष्ट माणूंआ खे सच्चो खे ई कुछ पनि मिलदा,
पर सई काम करने वाल़ेया खे पक्का फल मिलोआ।
नरम सबाओ रा ऊणा ओर यहोवे रा आदर करने रा ईनाम पैसा,
महिमा ओर लाम्बी उम्र ओई।
दया ओर सच्चाई तांते लग नि ओ,
बल्कि सेयो आपणे गल़े रे आरो जेड़िया बनाणियां,
ओर आपणे दिलो री पट्टिया पाँदे लिखी देणियां।
जे तू एड़ा करे तो तां परमेशर ओर माणूं दुँईं री दया पाणी,
तूँ बऊत अक्लमंद ऊणा।
जेबे तुसे केसी बड़े माणूंए खे कोई तोफा देओए,
तो से तुसा खे तेसते गल्ला करने खे बाट खोली देओआ।
O que Deus reservou para os seus
Olhos não viram, ouvidos não ouviram o que Deus preparou para os que o amam. Suas recompensas eternas superam toda imaginação.
पर जेड़ा पवित्र शास्त्रो रे लिखी राखेया,
"जो गल्ला आखी ते नि देखिया
और ना कानो ते सुणिया
और जो गल्ला माणूंआ रे चित्तो रे नि चढ़िया सेयो ई आईया,
जो परमेशरे आपणे प्यार करने वाल़ेया खे त्यार करी राखिया।"
आँऊ ये बी बिनती करूँआ कि परमेशर तुसा रे मनो खे खोली देओ जेते कि तुसे ये जाणी लओ कि आसा रे बुलाणे री उम्मीद क्या ए, और परमेशरो रे लोका रे तेसरी जायदाता री महिमा रा धन केड़ा ए।
परमेशरो री बुलाहट और चुनाव
परमेशरे आपणी ई सामर्था रे जरिए आसा खे से सब कुछ देई राखेया जो ईश्वरीय जिन्दगी जिऊणे खे जरूरी ए। आसे परमेशरो खे जाणूंए और तिने ई आसे सब आपणे लोक करी की आपणी महिमा और अच्छे इरादे रे मुताबिक बुलाए।
और उम्मीदा ते शर्म नि ऊँदी, कऊँकि पवित्र आत्मा, जो परमेशरे आसा खे देई राखेया तिजी रे जरिए परमेशरो रा प्यार आसा रे मनो रे पाई राखेया।
परमेशरे जिने आपणा एकलौता पुत्र पनि राखी छाडेया, पर आसा पाँदे कृपा करी की से आसा सबी खे देईता। तो इतणा देणे ते बाद, तेस आसा खे आपणे पुत्रो साथे सब कुछ कऊँ नि देणा?
पर जो कोई तेस पाणिए ते पीओगा, जो मां तेसखे देणा, से कदी फेर अनन्तकालो तक त्याया नि ऊणा, बल्कि जो पाणी मां तेसखे देणा, से तेसरे एक सूबल़ बणी जाणी जो अनन्त जीवनो तक बईंदी रणी।"
एबुए तक तुसे मेरे नाओं ते पिता ते कुछ नि मांगेया, परमेशरो ते माँगो तो तुसा खे मिलणा, ताकि तुसा री खुशी पूरी ऊई जाओ।
तेबे बी आऊँ तुसा खे सच्च बोलूँआ कि मेरा जाणा तुसा री तँईं अच्छा ए, कऊँकि जे आऊँ नि जाऊँगा, तो से मददगार तुसा गे नि आऊणा, पर जे आऊँ जाऊँगा, तो तेस तुसा गे पेजी देऊँगा।
आँऊ नशाणे री तरफा खे दौड़दा जाऊँआ, ताकि आँऊ स्वर्गो रे बुलाए जाणे रा ईनाम पाई सकूँ। जेतेरी खातर परमेशरे आऊँ यीशु मसीह रे जरिए स्वर्गो दे बुलाई राखेया।
Buscar, pedir, perseverar
Jesus ensinou: pedi e recebereis, buscai e achareis. Deus se alegra em dar boas dádivas aos seus filhos que pedem com fé.
धन्य ए सेयो, जो धार्मिकता री जिन्दगी जिऊणे खे पूखे ए और त्याय ए,
कऊँकि सेयो रजाए जाणे।
तेबेई तो जेबे तूँ दान करे, तो सबी गे राग नि लगा, जेड़ा कपटी, प्रार्थना रे कअरो रे और गल़िया रे करोए, ताकि लोक तिना री तारीफ करो। आऊँ तुसा खे सच्च बोलूँआ कि सेयो आपणा फल पाई चुके।
पर जेबे तूँ प्रार्थना करे, तो आपणे कमरे रे जा और दरवाजा बन्द करी की आपणे पिते ते, जो गुप्तो रे ए, प्रार्थना कर। तेबे तेरा पिता, जो गुप्तो रे देखोआ, तेस ताखे फल देणा।
ओ लोको, बुराईया खे नि, खराईया खे टोल़ो, ताकि तुसे जिऊँदे रओ ओर तुसा रा ये बोलणा सच्च ओ कि सेना रा परमेशर यहोवा तुसा साथे ए।
आऊँ आपणे आथ फलाई कि तांते बिनती करूँआ,
सूकिया जमीना जेड़ा मेरा प्राण तेरिया तँईं त्याया ए। सेला
Contentamento e eternidade
A verdadeira recompensa está na vida que Deus dá. O presente do trabalho, a satisfação no labor e a alegria no Senhor são dádivas de Deus.
माखे पता लगी गा रा कि माणूंआ खे मजे करने ओर पूरी जिन्दगी पलाई करने ते सिवाए ओर कुछ बी ठीक नि ए। ओर आऊँ ये बी जाणूंआ कि हर केसी माणूंए खे खाणा-पीणा चाईयो, ओर तिना रे जरिये कित्ते जाणे वाल़े कामा रा मजा लणा चाईयो। से चीजा ए जो परमेशर आसा खे देओआ।
सुण, जो खरी गल्ल मैं परखी की देखी जो ठीक बी ए, से ये कि माणूं खाओ-पियो ओर आपणी मईणता साथे जो से तरतिया पाँदे करदा रओआ, आपणी पूरी जिन्दगी, जो परमेशरे तेसखे देई राखी, सुखी रओ, कऊँकि तेसरा इस्सा ये ईए।
इजी रा मतलब ए कि हर एक माणूं जेसखे परमेशरे तअन-सम्पत्ति देई राखी ओ ओर तेसखे मजे लणे ओर तिजी बीचा ते आपणा इस्सा लणे ओर काम करदे ऊए मजे करने खे शक्ति बी देई राखी ओ, तो इजी खे आपणा इसा मानी कि ए समजी लओ कि ये परमेशरो रिया तरफा ते आशीष ए।
जेते बाटा दे चलणे री आज्ञा तुसा रे परमेशर यहोवा तुसा खे देई राखी तेसा सारिया बाटा रिये चलदे रओ ताकि तुसे जिऊँदे रओ ओर तुसा रा पला ओ ओर जेते प्रदेशो रे तुसे मालक ऊणे तिदे तुसे जादा उम्रा तक बणे दे रओ।
इजी री खातर आसे ईम्मत नि छाडदे, हालाँकि आसा रा बारला रुप नाश बी ऊँदा जाओआ, तेबे बी आसा रा पितरला रुप हर रोज नया ऊँदा जाओआ।
इजी री खातर परमेशरो रे तागतबर आथो निठे आपू खे दीन बणाई की राखो ताकि से तुसा खे ठीक बखत आऊणे पाँदे बड़ाओ।
प्रभुए सामणे दीन बणो, तो तेस तुसे आदरो जोगे बनाणे।
कऊँकि पापो री मजदूरी तो मौत ए, पर परमेशरो रा बरदान आसा रे प्रभु यीशु मसीह रे अनन्त जीवन ए।
और तुसा रा से अभिषेक, जो प्रभु यीशु मसीह री तरफा ते कित्तेया, तुसा रे बणेया रा रओआ और तुसा खे इजी ते मतलब निए कि कोई तुसा खे सिखाओ। पर जिंयाँ से अभिषेक, जो तेसरी तरफा ते कित्तेया, तुसा खे से सब गल्ला सिखाओआ जो तुसा खे सीखणे री जरूरत ए और जो कुछ से सिखाओआ से सब सच्च ए, चूठा निए और जेड़ा तिने तुसा खे सिखाया, तेड़े ई तुसे यीशु मसीह रे बणे रे रओए।
और आसे इना गल्ला रे गवा ए और पवित्र आत्मा रे बी, जो परमेशरे तिना खे दित्ती, जो तेसरी आज्ञा मानोए।"
मूसे रा सीनै पाह्ड़ो पाँदे चढ़ना
तेबे यहोवे मूसे खे बोलेया, "पाह्ड़ो पाँदे चढ़ी की मांगे आओ ओर तेती रओ ओर मां ताखे पात्थरो री तख़्तिया ओर आपणा लिखेया रा बिधि-बिधान ओर आज्ञा देणियां, ताकि तूँ तिना खे सिखाओ।"