Recompensa
Deus recompensa os que o buscam com fé. A Bíblia está repleta de promessas de recompensa para os fiéis, os generosos, os perseverantes e os que servem ao Senhor de todo coração.
Deus recompensa a fé
Sem fé é impossível agradar a Deus, porque quem dele se aproxima precisa crer que Ele existe e recompensa os que o buscam diligentemente.
Lelo, wone kwahela makundo yowa nongwa kwa munhu kumnojeza Nguluwi. Kwa vila chila munhu yalingumlutila Nguluwi imgana yakunde kota Nguluwi kabaho na kuwapa chonolo wala walingumpala.
Kobweda munhu wakukundigwa kuli ngwimilila mhela wakujezigwa, kwa vila wone yemilile, kopegwa chonolo cha ukomu Nguluwi yalagane na hewo walingumgana.
Ila wone yumwe wa hemwe kahela luhala, lelo, kanguganigwa yamlande Nguluwi, yalinguwapa wanhu weng’ha kwa winji na kwa isungu, naye kopegwa.
Hamba kulawila mumo mu isi mompala Mkulu Nguluwi, Nguluwi wa hemwe, namwe momona wone mumpale kwa nhumbula yeng’ha na muhe weng’ha.
"Mlande namwe mopegwa, na mpale namwe movyona, na mhodize lwizi, namwe mochumulilwa.
Lelo ndanguwalonjelani, homumlanda chinhu Nguluwi, mkunde kota mchibochela, na hemwe mopegwa.
Recompensa pelo serviço
O Senhor vê cada ato de fidelidade e promete galardão aos que servem com dedicação. O servo bom e fiel será honrado.
Mkulu wa heye nakamlonjela, ‘Goya, chitumagwa unojile na wakitumbila. Kunoga kuli mbuli ndodo, ndokudita uwe mlolezi wa mbuli zitanganiche. Uye usangalale hamwe na mkulu wa hegwe.’
Chila chomdita, mdite kwa nhumbula yeng’ha, kota vila mwangumditila Mkulu Yesu na haiwele munhu. Mvizele kota mobochela chonolo kulawa kwa Mkulu Yesu choyawawichile wanhu wa heye, kwa vila mwangumkolela mijito Mkulu Yesu Kilistu!
Lelo wang’holozangu wondiwaganile, mwime nzinzili na mikangaze. Mazuwa gose mlutilile kukola mijito ja Mkulu kuno mvizele kota mijito jomlingujikola kuli utumagwa wa Mkulu hajikwaga hihi hela.
Lelo tuleche kutoka kudita ganojile, kwa vila tobeta mbena kuli mhela wuwula wone hatutweguka nhumbula.
Ila wawele wa mwaluko wowa wa mwiso, na wawele wa mwiso wowa wa mwaluko.
Zuwa alyo Nguluwi komlipa chila munhu kwa chila nachoyaditile.
Generosidade e provisão
Quem dá com generosidade receberá em abundância. Deus supre todas as necessidades segundo as suas riquezas em glória.
Muwape wanhu vinhu, namwe mopegwa. Chipimilo chimemile lukami, chibatililwe mbaka kubohoka. Kwa vila chipimilo chichila chomlinguwapimila wanji ndo Nguluwi kotumiya kwa hemwe."
Wone mowaditila ganojile wala wawele nguwaditila hemwe ganojile mopata chonolo chachi? Kwa vila wehile wanguditaga hiho.
Muwosele matamwa wanhu walingutamika na muwahilusile ukomu wabagame na muwalohole wala wawele na uswema na mlavye vijeni. Mpegwa ne kulavya sendi, namwe mlavye ne kuhola sendi.
Nguluwi kanguweza kuwapa hemwe mzidi wa gala gomlingugana, mazuwa gose mopata chila chinhu chomlingugana. Ahyo mlutilile kutanza kuli chila mijito jinojile.
Chinhu cha mzidi choyalingupata mwihe ndo cha udesi,
ila yalingunyala kutanganika kopata chonolo cha kukomya.
Kunyenyetela na kumdumba Mkulu Nguluwi,
kwangigalaga lufufu na lutogo na ukomu.
Igano lya kwimilila na kukundigwa vileche kuwa kutali na hegwe.
Uvibate mmoko ga hegwe,
na uvyandiche mnhumbula ya hegwe.
Ahyo kowa na uganililo na kutogoligwa,
hali Nguluwi na hali wanhu.
Ndolendole yangumchumulilaga nzila yalingulavya,
yangumigalaga hali wakulu.
O que Deus reservou para os seus
Olhos não viram, ouvidos não ouviram o que Deus preparou para os que o amam. Suas recompensas eternas superam toda imaginação.
Ila ndo kota Maandiko Matakatifu vyogalingulonga,
"Mbuli ziwele iziho halina zona,
ne makutu kuhulika,
mbuli ziwele munhu hanawahika kijesa,
azo ndo Nguluwi zoyaziwichile goya kwa chiwalo cha wala walingumgana."
Ndangumlanda Nguluwi yawadite mvizele goya, leka mpate kuvizela kula kitumbila koyawachemele na ukulu wa heye woyawawichile wanhu wa heye.
Kwa ludali lwa Nguluwi, katigalila mbuli yeng’ha tulingugana leka tikale kuli ukomu wa kumnojeza heye na kwa kumzela heye yatuchemile tuwe hamwe kuli ukulu na kunoga kwa heye yuye.
Kitumbila hambe kutubade, mina Nguluwi nakatujidila mnhumbula za hetwe igano lyake kukolela Muhe Yelile yatupele hetwe.
Nguluwi hamonele ne isungu mwanage wa udewele, ila nakamlavya kwa chiwalo cha hetwe tweng’ha. Hanga nakadita ahyo, ndaze, hotugalila kwa kubweda vinhu vyeng’ha hamwe na heye?
Ila munhu yoneche yawele konwa mazi gawele ndomha, howa na ng’halu mazuwa gose. Mazi gondimha gowa mgati mwake na nzasa ya mazi ga ukomu na kumha heye ukomu wa mazuwa gose."
Mbaka sambi hamlandile choneche kwa itagwa lya heni. Mlande namwe mopegwa leka usangalalo wa hemwe wenele.
Ila, ndanguwalonjela ndikomya, fola heni mbuche, kwa vila wone silutile Mtanzi hokuya kwa hemwe. Ila wone ndute, ndomlajiza yoye kwa hemwe.
Lelo ndangubilima leka fiche kuli kuduma, leka mbochele yila ndolendole ya ukomu wa mazuwa gose, ndolendole ayo ndo nyhemo ya Nguluwi ya kuluta kilanga kwa nzila ya kilumba na Yesu Kilistu.
Buscar, pedir, perseverar
Jesus ensinou: pedi e recebereis, buscai e achareis. Deus se alegra em dar boas dádivas aos seus filhos que pedem com fé.
Nawatambichizwa wawele na nzala na ng’halu ya kudita gatanganiche,
kwa vila Nguluwi kowagutiza.
"Lelo lomuwatanza wanzunwa, mleche kitogola hali wanhu kota wadesi vyowalingudita kuli masunagogi na mnzila leka wanhu wawatogole. Ndikomya, ndanguwalonjela kota hewo nawabochela chonolo cha hewo.
Ila homlanda, chila yumwe yenjile kuli chihengo na yahinde lwizi, hamba yamlande Mhaza yawele halingoneka. Naye Mhaza wa hemwe, yalingugona ago, kowapa hemwe chonolo.
Mpale kudita ganojile ne kudita gehile,
leka mikale.
Hamba, Mkulu Nguluwi Yawele na Mong’ho,
yawe hamwe na hemwe kota vyomlingulonga.
Ndangugolola moko ga heni kulanda,
nhumbula ya heni ina ng’halu na hegwe kota isi ng’havu.
Contentamento e eternidade
A verdadeira recompensa está na vida que Deus dá. O presente do trabalho, a satisfação no labor e a alegria no Senhor são dádivas de Deus.
Nandivizela kota haduhu chiwele chinojile ng’hatu kwa wanhu kusinda kuwa na usangalalo na kudita ganojile mhela howowa wochikala. Tweng’ha twanguganigwa kunwa na kusangalala kwa chiwalo cha mijito ja hetwe, kwa vila awo ndo utambichizo wa Nguluwi.
Nandivizela kota inoga kwa munhu kulya na kunwa na kusangalala kwa chiwalo cha mijito ja heye jing’ang’ale joyalingujikola muisi, kuli mazuwa mado ga ukomu wa heye goyapegwe na Nguluwi, kwa vila ndo hachi yake.
Mzidi wa geng’ha, Nguluwi hoyomha munhu yoneche lufufu na kusangalala kwa chiwalo cha kutumiya vinhu avyo na kusangalala kwa chiwalo cha mijito ja heye, vinhu avi ndo ndolendole kulawa kwa Nguluwi.
Mowinza nzila zeng’ha Mkulu Nguluwi, Nguluwi wa hemwe, vyoyawalajize kuwinza leka mbuli za hemwe ziditigwe goya na mikale miyaka minji kuli isi yomuihola.
Kwa chiwalo acho hambe tutweguche nhumbula, hanga ng’huli za hetwe zokola, ila kwa mgati twanguditigwa tuwe goya chila zuwa.
Lelo, muwe liholile hasi ha moko wa Nguluwi uwele na mong’ho, leka yawakwinize mhela wa heye.
Muwe liholile hali Mkulu naye kowakwiniza.
Mina chonolo cha gehile ndo kubagama, ila ndolendole yalingulavya Nguluwi ndo ukomu wa mazuwa gose kuli kilumba na Yesu Kilistu, Mkulu wa hetwe.
Ila, kwa ubanzi wa hemwe, Kilistu nakawajidila mafuta kwa Muhe wa heye. Wone Muhe Yelile yalutilile kikala mgati mwenu, hamlingugana kulanguswa na munhu yoneche. Mina heye kanguwalangusani chila chinhu, malanguso ga heye ndo ga kukomya hagawele ga udesi. Lelo, mibatilile malanguso ga ayo Muhe Yelile na kupona kuli kilumba na Kilistu.
Hetwe twa walolezi wa mbuli ayo, naye Muhe Yelile yawele Nguluwi nakawapa wala walingumuhulichiza, kangulavya ulolezi wa mbuli ayo."
Mkulu Nguluwi nakamlonjela Musa, "Uye kwa heni kuchanya kuchidunda, umbeteze ako. Heni ndokupa vibao vya maganga viwele na malajizo na mizilo jonyandiche kwa chiwalo cha kuwalangusa Waisilaeli."