Redentor

36 ሂስቲኮ ናዚ ኢንቴና ዎዚኮ ኢንቴ ዎዜቲዳይታ ጊዳና።

1 ኑና ኪርስቶሲ ጌሺዳይ ኑኒ ጌሻቴን ዳናሳ፤ ሄሳ ጊሻስ ሚኒ ኤቂቴ፤ ናምኣን ኣይሌቴ ቃምባራን ጌሎፒቴ።

ኣቶቴ ሚሺራቾ

1 ኡባ ሃሪዛ ጎዳ ኣያናይ ታ ቦላ ዴስ፤

ሂዬሳታስ ሚሺራቾ

ዮታና ማላ፥

ጎዳይ ታና ቲይዴስ።

ኢዚ ታና ዎዚናይ ሜቂዳይታ

ኮላና ማላ፥

ዲኤቲዳይታ ላኣ ኬሳና ማላ፥

ቃሼቲዳይታስ ቢርሼ

ኣዋጃና ማላ ኪቲዴስ።✝

ጺሎ ኣያናን ዱሳ ጊሻሲኔ ኣሾን ዱሳ ጊሻስ

1 ሄሳ ጊሻስ ዬሱስ ኪርስቶሳ ኣማኒዛይታ ቦላ ፒርዳይ ዴና። 2 ጋሶይካ ዴኦ ኣያና ዎጋይ ዬሱስ ኪርስቶሳ ባጋራ ናጋራፔ ኢስታ ጌሺዳ ጊሻሳ።

22 ታኒ ኔ ሞሮ ሻራ ማላ፥

ኔ ናጋራካ ማላዶ ቱላላ ማላ

ቁጫ ይሳዲስ፤

ታኒ ኔና ዎዚዳ ጊሻስ

ሃ ታኮ ሲማ› » ጌስ።

21 ኢዛ ኣቱማ ና ዬላና፤ ኢዚ ኣስ ናጋራፔ ኣሻናዴ ጊዲዳ ጊሻስ ኢዛ ሱን ኔ፥ ‹ዬሱሳ› ጋ ሱንና» ጊዴስ።✝

14 ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።✝

22 ሃኢ ቃሴ ኢንቴ ናጋራፔ ዎዜቲዲ ጾሳ ኣይሌታ ጊዲዴታ፤ ሄሲካ ኢንቴና ጌሻቴኮ ካሌስ፤ ዉርሴይካ ሜርና ዴኦ።

ጎዳይ ሳኦሌ ኩሼፔኔ ኢዛ ሞርኬታ ኡባ ኩሼፔ ኣሺዳ ዎዴ ጎዳ ኣይሌ ዳዊቲ ዛማሬታ ካቦስ ጎዳ ጊሻስ ዬጺዳ ማዛሙሬ

1 ኣቤት ጎዳዉ!

ኔ ታስ ዎልቃ ኢሚዳ ጊሻስ

ታ ኔና ሲቃይስ።

2 ጎዳይ ታስ ዛላ፤

ታኒ ኦላፔ ናጌቲዛ ሚጻ፤

ኢዚ ታና ኣሺዛይሳ፤

ታ ጾሳይ ታኒ ኢዛን

ጌሜታ ኣቲዛ ዎጋ ዛላ።

ኢዚ ታስ ጎንዳሌ፤

ኢዚ ታና ኣሺዛ ካጬ፤

ታስ ኢዚ ሚኖ ዜምፖ።

ዳዊቲ ዛማሬታ ካቦስ ዬጺዳ ማዛሙሬ

1 ኣቤት ጎዳዉ!

ኔ ታስ ኩዋ ጊዳና ማላ

ታ ኔኮ ያዲስ፤

ኣይዴካ ታና ዬላሶፓ፤

ኔ ጺሎቴን ታና ኣሻ።

15 ታ ዴኦ ላይይ

ኔ ኩሼና፤

ታና ጎዲዛ

ታ ሞርኬታ ኩሼፔ

ኔ ታና ኣሻ።

17 ጺሎቲ ዋሴቴስ፤

ጎዳይ ኢስታ ዋሶ ሲዬስ፤

ኢዚካ ኢስታ ሜቶ

ኡባፌ ኣሼስ።

18 ጎዳይ ዎዚናይ ሜቂዳይታስ

ማታን ዴስ፤

ቃሴ ሂዶታ ቃንጺዳይታካ

ኣሼስ።*

19 ጺሎ ኣስ ጋኪዛ ሜቶይ ዳሮ፤

ጊዶ ኣቲን ጎዳይ

ኢዛ ሄ ኡባፌ ኣሼስ።

9 ኣቤት ኑና ኣሺዛ ጾሳዉ!

ኔ ሱን ቦንቾ ጊሻስ

ኑና ማዳ፤

ኔ ሱን ጊሻስ ኑና ኣሻ፤

ኑ ናጋራካ ኣቶ ጋ።

23 ታ ዎዚናይ ኡፋይሳን ኩሚዲ

ኔስ ዬጺዛ ዎዴ፥

ኔኒ ዎዚዳ ታ ሼምፖያ

ኔስ ኢሊላዉስ።

10 ጎዳ ዶሲዛይቶ! ኢታ ኢጺቴ፤

ኢዚ ባስ ኣማኔቲዛይታ

ሼምፖ ናጌስ፤

ቃሴካ ኢታታ ኩሼፔካ

ኣሼስ።

2 ኣቤት ጎዳዉ!

ዎርዶቲዛ ሜቴርሻታፔኔ

ጪሚዛ ኢንጻርሳታፔ

ታና ኣሻ።

10 ታኒ ጎዳን ኬሂፔ ኡፋዬታይስ፤

ታ ሼምፖያካ

ታ ጾሳን ሆምቦጫዉስ፤

ሚሺራይ ባ ሁኤን

ካላቻ ጎጺዛ ማላ፥

ሚሺራያካ ባና ኢንቁን

ሴሌዛ ማላ

ኣቶቴ ማይኦ ታና ማይዚዴስ፤

ጺሎቴ ሴሎካ

ታ ቦላ ጎጲዴስ።✝

17 ጎዳ ኔ ጾሳይ ኔናራ ዴስ፤

ኢዚ ኣሺዛ ሚኖ ኦላንቻ።

ኢዚ ኔናን ዳሮ ኡፋዬቴስ፤

ኢዚ ባ ሲቆን ኔና ዎፒሳና፤

ኔ ዬን ኢዚ ቦንቼቲዲ

ኡፋዬታና› ጋና።