Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
लूके रे खजाने रा उदारण
"स्वर्गो रा राज्य डोरूआ रे लूके रे खजाने जेड़ा ए, जो केसी माणूंए खे मिलेया और तिने लकोईता, तेबे तिने खुश ई की आपणा सब कुछ बेचीता और से डोरू खरीदी ला।
किमती मोतिए रा उदारण
"स्वर्गो रा राज्य एक बपारिए जेड़ा ए, जो खरे मोतिए री टोल़ा रे था। जेबे तेसखे एक किमती मोती मिली गा, तेबे तिने जाई की आपणा सब कुछ बेचीता और से मोती खरीदी ला।
अऊरिया रे बिऊए रा उदारण
यीशुए तिना खे एक और उदारण दित्तेया, "स्वर्गो रा राज्य अऊरिया रे एक दाणे जेड़ा ए, जो एकी माणूंए लया और आपणे डोरूआ रे बीजी ता। से सबी बीजो ते तो छोटा ए, पर जेबे से बढ़ोआ, तेबे सबी सागो-पातो ते बड़ा ओआ और एड़ा डाल़ ऊई जाओआ कि सर्गो रे पंछी आयी की तेतेरी डाल़िया रे आपणा बसेरा करोए।"
सजेड़े रा उदारण
तिने एक ओर उदारण सुणाया, "स्वर्गो रा राज्य, सजेड़े जेड़ा ए, जो एकी जवाणसे लया और बीइ किलो ते जादा आटे रे गूँदी ता और ऊँदे-ऊँदे सारा आटा सजेड़ा ऊईगा।"
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
जंगल़ी बिऊए रा उदारण
यीशुए तिना खे एक और उदारण दित्तेया, "स्वर्गो रा राज्य, तेस जिम्मीदारो जेड़ा ए, जिने आपणे डोरूआ रे अच्छा बीज बाया। पर जेबे लोक सऊणे लगी रे थे, तेबे तेसरा दुश्मण आया और कणका बीचे जंगल़ी बीज बाई की चली गा। जेबे लूंग आयी और सिल्ले लगे, तेबे जंगल़ी दाणेया री डाल़ी बी दिशणे लगे। तेबे कअरो रे दासे आयी की तेसखे बोलया, ‘ओ मालक! क्या तुसे आपणे डोरूआ रे टंगो रा बीज नि था बाए रा? तेबे जंगल़ी दाणे रिया डाल़िया तेते बीचे केथा ते आईया?’ तिने तिना खे बोलेया, ‘ये तो केसी दुश्मणो रा काम ए।’ तेबे जो दास थे, तिने तेसखे बोलेया, ‘क्या तेरी इच्छा ए कि आसे जाई की तिना खे कट्ठा करी देऊँ?’ तिने बोलेया, ‘ना, एड़ा नि ओ कि जंगल़ी दाणेया री डाल़िया खे कट्ठे करदे-करदे, कणका खे बी पटी देयो। बाडणे रे बखतो तक तिना दुँईं खे साथे-साथे बढ़ने देयो और जेबे बाडणे रा बखत आऊणा तेबे मां बाडणे वाल़े खे बोलणा कि जंगल़ी दाणे कट्ठे करी की फूकणे खे, तिना रे बिंडे बानी देयो, और कणका खे मेरे पण्डारो रे कट्ठा करी देयो।’ "
जंगल़ी बिऊए रे उदारणो रा मतलब
तेबे यीशु पीड़ा खे छाडी की कअरे आए, तेबे तिना रे चेलेया तिना गे आयी की बोलेया, "डोरूआ रे जंगल़ी दाणे रा उदारण आसा खे समजयाई देओ।" यीशुए तिना खे ज्वाब दित्तेया, "अच्छे बीज बाणे वाल़ा माणूं रा पुत्र ए। डोरू दुनिया रे लोक ए, अच्छा बीज राज्य रे से लोक ए जिना पाँदे परमेशर राज करने ते खुश ए और जंगल़ी बीज, दुष्टो री से ल्वाद ए जो शैतानो री आज्ञा मानी की काम करोए। जिने दुश्मणे सेयो बीजे, से शैतान ए; बडाई दुनिया रा अंत ए और बाडणे वाल़े स्वर्गदूत ए। तेबे जिंयाँ जंगल़ी दाणे कट्ठे करोए और फूकी देओए, तेड़ा ई दुनिया रे अंतो रे ऊणा। मां माणूं रे पुत्रो आपणे स्वर्गदूत पेजणे, तिना तेसरे राज्य रे, सब, जो ठोकरा री बजअ ओ ए और पाप करने वाल़े, कट्ठे करने और सेयो आगी रे कुण्डो रे सेटी देणे, जेती रोणा और दाँद किरड़ना ई ऊणा। तेस बखते तर्मी आपणे पिते रे राज्य रे सूरजो जेड़े चमकणे, जो समजी सकोआ से तिजी खे त्यानो साथे सुणो और मानी बी लओ।
जाल़ो रा उदारण
"फेर, स्वर्गो रा राज्य तेस बड़े जाल़ो जेड़ा ए, जो समुद्रो रे पाया और हर प्रकारा रिया मछलिया तिदे आयी गिया और जेबे जाल़ परी गा, तेबे मछली पकड़ने वाल़े तिजी खे कनारे पाँदे खिंजी की ली आए और जो अच्छी-अच्छी मछलिया थिया सेयो पांडे रे राखी तिया और जो नकम्मिया थिया सेयो सेटी तिया। दुनिया रे अंतो रे एड़ा ई ऊणा, तेबे स्वर्गदूता आयी की दुष्ट तर्मिया ते लग करने, और सेयो आगी रे कुण्डो रे सेटी देणे। तेती रोणा और दाँद किरड़ना ई ऊणा।
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
धन्य वचन
"धन्य ए सेयो, जो मनो रे सल़ीन ए,
कऊँकि स्वर्गो रा राज्य तिना रा ईए।
धन्य ए सेयो, जो शोग करोए,
कऊँकि परमेशरो तिना खे शान्ति देणी।
धन्य ए सेयो, जो नम्र ए,
कऊँकि सेयो तरतिया रे अक्कदार ऊणे।
धन्य ए सेयो, जो धार्मिकता री जिन्दगी जिऊणे खे पूखे ए और त्याय ए,
कऊँकि सेयो रजाए जाणे।
धन्य ए सेयो, जो दयालु ए,
कऊँकि परमेशरो तिना पाँदे दया करनी।
धन्य ए सेयो, जिना रे मन साफ ए,
कऊँकि तिना परमेशर देखणा।
धन्य ए सेयो, जो मेल-जोल कराओए,
कऊँकि तिना खे परमेशरो रे बच्चे बोलेया जाणा,
धन्य ए सेयो, जो धार्मिकता री जिन्दगी जिऊणे री तँईं सताए जाओए,
कऊँकि स्वर्गो रा राज्य तिना रा ईए।"
"धन्य ए तुसे, जेबे लोक मेरी बजअ ते तुसा री निन्दा करोए, तुसा खे सताओए और चूठ बोली-बोली की तुसा रे खलाफ बुरी-बुरी गल्ला बोलोए। तेबे खुश और मगन ऊणा, कऊँकि तुसा खे स्वर्गो रे बऊत बड़ा ईनाम मिलणा, कऊँकि तिने, जो तुसा ते बऊत पईले भविष्यबक्ता थे, सेयो बी ईंयां ई सताए थे।"
स्वर्गो रे राज्य रे बड़ा कुण
तेस बखते चेले यीशुए गे आयी की पूछणे लगे, "स्वर्गो रे राज्य रे बड़ा कुण ए?" यीशुए एक बाल़क आपू गे बुलाया और तिना बीचे खड़ा कित्तेया और बोलेया, "आऊँ तुसा खे सच्च लगी रा बोलणे कि जदुओ तक तुसे नि फिरो और बच्चे जेड़े नि बणो, तुसे स्वर्गो रे राज्य रे नि जाई सकदे। जो कोई एस बच्चे जेड़ा आपू खे छोटा करोगा, से स्वर्गो रे राज्य रे बड़ा ऊणा
यीशुए तिना खे बोलेया, "बच्चेया खे मांगे आऊणे देयो और तिना खे ना नि करो, कऊँकि स्वर्गो रा राज्य एड़ेया रा ईए।"
तेबे यीशुए आपणे चेलेया खे बोलेया, "आऊँ तुसा खे सच्च लगी रा बोलणे कि अमीरा रा स्वर्गो रे राज्य रे जाणा मुश्किल ए। आऊँ तुसा खे फेर बोलूँआ कि परमेशरो रे राज्य रे अमीरा रा जाणा, ऊँटो रा सूईया रे नाके ते निकल़ना सान ए।" ये सुणी की चेलेया हैरान ऊई की बोलेया, "तेबे केसरा उद्धार ऊई सकोआ?" यीशुए तिना री तरफा खे देखेया और बोलेया, "माणूंआ ते तो ये ऊई नि सकदा, पर परमेशरो ते सब कुछ ऊई सकोआ।"
ओ प्यारे साथी विश्वासियो सुणो! क्या परमेशरे एसा दुनिया रे कंगाल़ नि चूणे कि विश्वासो रे तर्मी और तेस राज्य रे अक्कदार ओ, जेतेरा वादा परमेशरे तिना ते कित्तेया, जो तेसते प्यार करोए?
पर परमपरदान परमेशरो रे पवित्र लोका खे राज मिलणा ओर युगो-युगो तक तेस राज्य रे अधिकारी बणे दे रणे।"
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
"जो माखे, ‘ओ प्रभु, ओ प्रभु’ बोलोआ, तिना बीचा ते हर एक स्वर्गो रे राज्य रे नि जाणा, पर सेई, जो-जो मेरे स्वर्गिय पिते री इच्छा पाँदे चलोआ।
तेबेई तो जो कोई इना छोटिया ते छोटी आज्ञा बीचा ते केसी एकी खे पनि मानोगा और तेड़ा ई लोका खे सिखाओगा, से स्वर्गो रे राज्य रे सबी ते छोटा ऊणा, पर जो कोई तिना आज्ञा खे मानोगा और तिना खे बी सिखाओगा, सेई स्वर्गो रे राज्य रे बड़ा ऊणा। कऊँकि आऊँ तुसा खे बोलूँआ कि जे तुसे परमेशरो री आज्ञा खे शास्त्री और फरीसिया री आज्ञा ते बड़ी की नि मानो, तो तुसे कदी बी स्वर्गो रे राज्य रे नि जाई सकदे।"
तो तुसे ईंयां प्रार्थना करेया करो;
" ‘ओ म्हारे पिता, तुसे जो स्वर्गो रे ए,
तुसा रा नाओं पवित्र मानेया जाओ।
तुसा रा राज्य आओ,
जेड़ी तुसा री इच्छा स्वर्गो रे पूरी ओई, तेड़ी ई, तरतिया पाँदे बी ओ।
यूहन्ना बपतिस्मा देणे वाल़ा
तिना दिना रे यूहन्ना बपतिस्मा देणे वाल़ा यहूदिया रे सुनसाण जगा रे आयी की ये प्रचार करने लगेया, "मन फेरो; कऊँकि स्वर्गो रा राज्य नेड़े आईगा रा।"
तेस बखतो ते यीशुए ये प्रचार करना और ये बोलणा शुरू करी ता कि, "मन फेरो कऊँकि स्वर्गो रा राज्य नेड़े आईगा रा।"
और चलदे-चलदे ये प्रचार करो कि स्वर्गो रा राज्य नेड़े आईगा रा।
आऊँ तुसा खे बोलूँआ कि बऊत सारे दूजिया जातिया रे लोक पूर्वो और पच्छमो ते आयी की अब्राहम, इसहाक और याकूबो साथे स्वर्गो रे राज्य रे रोटी खाणे बैठणे।
"आऊँ तुसा खे सच्च लगी रा बोलणे कि जो जवाणसा ते जम्मी रे, तिना बीचा ते यूहन्ना बपतिस्मा देणे वाल़े ते, कोई बी बड़ा नि ऊआ, पर जो स्वर्गो रे राज्य रे छोटे ते छोटा ए से तेसते बड़ा ए। यूहन्ना बपतिस्मा देणे वाल़े रे दिना ते लयी की एबुए तक स्वर्गो रे राज्य रे बलपूर्वक प्रवेश ऊँदा रया, पर तागतबर तेसखे जबरदस्ती छुड़ाई लओए।
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
आसा खे जो राज्य मिली रा तिजी खे ईलाया नि जाई सकदा। तेबेई आसे परमेशरो खे धन्यवाद देंदे रईए और तेसरी इच्छा रे मुताबिक भग्ति और आदरो साथे तेसरी आराधना करदे रईए जेते कि से खुश ओआ। कऊँकि म्हारा परमेशर स्वा करने वाल़ी आग ए।
तिना तेरे राज्य री महिमा री चर्चा करनी
ओर तेरे सामर्था रिया गल्ला करनिया,
ताकि सेयो माणूंआ पाँदे तेरे महान कामा
ओर तेरे राज्य रे प्रतापो री महिमा प्रगट करो।
तेरा राज्य जुगो-जुगो रा
ओर तेरा राज पीढ़िया ते पीढ़िया तक बणेया रा रणा।
इजी बजअ ते ओ साथी विश्वासियो, आपणे बुलाए जाणे और चूणे जाणे खे साबित करने खे ठीक-टंगो रे कोशिश करदे रओ। जे तुसे एड़ा करदे रओगे, तो कदी बी बाटा ते नि पटकणे। ईंयां ई तुसा रा म्हारे प्रभु और उद्धारकर्ता यीशु मसीह रे अनन्त कालो रे राज्य रे बड़े आदरो साथे स्वागत कित्तेया जाणा।
और प्रभुए आऊँ हर बुरे कामो ते छुड़ाणा और आपणे स्वर्गो रे राज्य रे बचाई की पऊँचाणा, तेसरी ई महिमा जुगो-जुगो तक ऊँदी रओ। आमीन्।
स्वर्गो रा धन
"ओ छोटे चूण्ड, डर नि; कऊँकि तुसा रे पिता परमेशरो खे ये अच्छा लगेया कि तुसा खे राज्य देऊँ।
कऊँकि तुसे ये अच्छी तरअ ते जाणोए कि केसी व्याभिचारी या अशुद्ध जणा या लोबी माणूंए री, जो मूर्तिया खे पूजणे वाल़ेया रे बराबर ए, मसीह और परमेशरो रे राज्य रे कोई जायदात निए।