Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
Daut Jlikjnis vom vestoaknen Schauz un de diere Parl
Wada es daut Himmelrikj soo aus een vestoakna Schauz em Aka, dän een Mensch funk un vestuak un en siene Freid jinkj un aules vekoft, waut hee haud, un koft dän Aka.
Wada es daut Himmelrikj met eenem Haundelsmaun to vejlikjen, dee no goode Parlen socht. Dee dan, aus hee eene sea wieetvolle Parl funk, jinkj un vekoft aules, waut hee haud, un koft dee.
Daut Jlikjnis vom Sampkuarn un Suadieech
Een aundret Jlikjnis läd Hee äant väa un säd: Daut Himmelrikj es soo aus een Sampkuarn, daut een Maun neem un opp sienen Aka seid. Daut es werkjlich daut kjlanste von aul daut Sot, oba wan daut ieescht jewossen es, es daut jrata aus de Kjreita un woat een Boom, soo daut de Väajel vom Himmel komen un sikj en siene Asta ennasten.
Een aundret Jlikjnis säd Hee to äant: Daut Himmelrikj es soo aus Suadieech, dän eene Fru neem un mank dree Mot Mäl vestuak, bat dee gaunz derchjesuat wia.
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
Daut Jlikjnis vom Onkrut mankem Weit
Een aundret Jlikjnis läd Hee äant väa un säd: Daut Himmelrikj es met eenem Maun to vejlikjen, dee goodet Sot opp sienen Aka seid. Aus de Menschen schleepen, kjeem sien Fient un seid Onkrut medden mank dän Weit un jinkj doavon. Un aus de Plaunten oppkjeemen un Frucht brochten, dan kjeem daut Onkrut uk äwadäl. Dan kjeemen däm Wirtschofta siene Deena un säden to am: Har, hast du nich goodet Sot opp dienen Aka jeseit? Wuahäa haft dee dan daut Onkrut? Hee säd to äant: Daut haft een Fient jedonen. Dan säden de Deena to am: West du dan, daut wie hangonen un daut toopsaumlen? Oba hee säd: Nä, daut jie nich, wäarent jie daut Onkrut toopsaumlen, uk dän Weit utrieten. Lot beides toop bat dän Eifst waussen. Un en de Eifst-Tiet woa ekj to de Drascha sajen: Saumelt ieescht daut Onkrut un binjt daut en Goawen, daut to vebrennen. Oba dän Weit saumelt en mienen Spikja.
Waut daut Jlikjnis vom Onkrut bediet
Dan leet Jesus de Volkjshäaden gonen un jinkj en daut Hus nenn. Un siene Jinja kjeemen no Am un säden: Erkjläa ons daut Jlikjnis vom Onkrut opp däm Aka. Un Hee auntwuad un säd to äant: Dee daut goode Sot seit, es de Menschensän. De Aka es de Welt. Daut goode Sot sent de Kjinja vom Rikj, oba daut Onkrut sent de Kjinja von däm Beesen. De Fient, dee daut seid, es de Diewel. De Eifst es daut Welt-Enj. Un de Drascha sent de Enjel. Jrod soo aus daut Onkrut jesaumelt un met Fia vebrent woat, soo woat daut uk sennen, wan dit Welt-Enj kjemt. De Menschensän woat siene Enjel rutschekjen, un see woaren saumlen ut sien Rikj aul de Oajanissen, un dee doa Jesazlooset doonen un woaren äant en dän Fia-Owen schmieten. Doa woat daut Hielen un daut Tänen-Kjnirschen sennen. Dan woaren de Jerajchte schienen aus de Sonn en äa Voda sien Rikj. Wäa doa Uaren haft toom hieren, däm lot hieren!
Daut Jlikjnis vom Feschnat
Wada es daut Himmelrikj soo aus een Nat, daut en daut Mäa jeschmäten woat un aule veschiedenste Sorten saumelt. Un wan daut ieescht voll es, schlapen see daut no däm Straunt, saden sikj dol un saumlen de Goode en Jefässa, un de Schlajchte schmieten see wajch. Soo woat daut uk sennen aun daut Welt-Enj: De Enjel woaren rutgonen un de Beese von ut de Jerajchte äare Medd scheeden un woaren äant en dän Fia-Owen schmieten. Doa woat daut Hielen un daut Tänen-Kjnirschen sennen.
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
Seelich sent, dee em Jeist oam sent; wiels daut Himmelrikj es äat. Seelich sent de Truarende; wiels äant saul jetreest woaren. Seelich sent de Saunftmootje; wiels dee sellen daut Launt oawen. Seelich sent, dee doa hungat un darscht no de Jerajchtichkjeit; wiels dee sellen saut woaren. Seelich sent de Boarmherzje; wiels dee woaren Boarmherzichkjeit erlangen. Seelich sent, dee een reinet Hoat haben; wiels dee woaren Gott seenen. Seelich sent de Frädmoakasch; wiels dee woaren Gott siene Kjinja heeten. Seelich sent, dee om Jerajchtichkjeits haulwen vefolcht woaren; wiels daut Himmelrikj es äat. Seelich sent jie, wan see junt vespotten un vefoljen un jäajen junt aulahaunt Schlajchtet met Lieejen noräden, om miens-haulwen. Freit junt un jucht; wiels jun Loon em Himmel es groot. Wiels jrod soo haben see de Profeeten vefolcht, dee ver junt wieren.
Wäa es de Jratsta
En deeselwje Stund kjeemen de Jinja no Jesus un säden: Wäa es de Jratsta em Himmelrikj? Un Jesus roopt een kjlienet Kjint un stald daut en äare Medd un säd: Ekj saj junt woarhauftich: Wan jie nich omkjieren un soo woaren aus de kjliene Kjinja, woa jie nich en daut Himmelrikj nenkomen. Wäa sikj nu selfst soo deemooticht aus dit Kjint, disa es de Jratsta em Himmelrikj.
Oba Jesus säd: Lot de kjliene Kjinja no Mie komen un wäat äant nich, wiels ut soone es daut Himmelrikj.
Un Jesus säd to siene Jinja: Ekj saj junt woarhauftich: Een Rikja woat schwoa en daut Himmelrikj nenkomen. Un Ekj saj junt noch eenmol: Daut es leichta fa eenen Kameel derch een Noteluag to gonen, aus daut een Rikja en Gott sien Rikj nenkjemt. Aus de Jinja daut hieeden, vewundaden see sikj sea un säden: Wäa kaun dan jerat woaren? Jesus oba kjikjt äant aun un säd: Bie de Menschen es daut onmäajlich, oba bie Gott es aules mäajlich.
Horcht, miene jeleewde Breeda: Haft Gott nich de Oame von dise Welt jewält, rikj em Gloowen to sennen un Oawen von daut Rikj, woont Hee dee vesproaken haft, dee Am leewen?
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
Ekj hab junt noch niemols jekjant
Dee woaren nich aula en daut Himmelrikj komen, dee to Mie sajen: Har, Har! Oba, wäa dän Wellen von mien Voda deit, dee em Himmel es.
Wäa uk mau eent von dise kjlanste Jebooten oppleest un de Menschen soo lieet, dee woat de Kjlansta heeten em Himmelrikj. Wäa dee oba helt un lieet, dee woat groot heeten em Himmelrikj. Wiels Ekj saj junt: Wan june Jerajchtichkjeit nich de Schreftjelieede un Farisäa äare äwatraft, woa jie niemols en daut Himmelrikj nenkomen.
Doawäajen sell jie soo bäden: Ons Voda, dee du em Himmel best! Dien Nomen saul jeheilicht woaren. Lot dien Rikj komen. Lot dien Wellen oppe Ieed jedonen woaren soo aus em Himmel.
Johanes de Deepa, Prädicht
En dise Doag kjeem Johanes de Deepa un prädijd en de Wiltnis von Judäa un säd: Doot Busse, wiels daut Himmelrikj es dichtbie jekomen!
Von de Tiet aun funk Jesus aun to prädjen un to sajen: Doot Busse, wiels daut Himmelrikj es dichtbie jekomen!
Got han, prädicht un sajcht: Daut Himmelrikj es dichtbie jekomen.
Oba Ekj saj junt dit: Väle woaren vom Oosten un Wasten komen un met Abraham un Isaak un Jakob aum Desch setten em Himmelrikj;
Ekj saj junt woarhauftich: Mank dee, dee von Frues jebuaren sent, es kjeena oppjekomen, dee jrata es aus Johanes de Deepa; oba doch, de Kjlansta em Himmelrikj es jrata aus hee. Oba von Johanes dän Deepa siene Doag aun bat nu deit daut Himmelrikj Jewault lieden, un dee doa Jewault eewen, rieten daut aun sikj.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
Doawäajen, wiels wie een onbewäajchlichet Rikj kjrieen, mucht wie Jnod haben, wuaderch wie muchten Gott to Jefaulen deenen, met Huachachtunk un Ieaforcht; wiels ons Gott es een vetäarendet Fia.
Doawäajen, Breeda, doot mea Fliet, junen Roop un Uterwälunk faust to moaken; wiels wan jie dit doonen, woa jie niemols faulen. Wiels soo woat fa junt rikjlich een Engank hanjerieekjt woaren en daut eewje Rikj von ons Har un Heilant Jesus Christus.
Un de Har woat mie raden von jieda beeset Woakj un woat mie bewoaren fa sien himlischet Rikj; woonem de Iea traft von Eewichkjeit to Eewichkjeit! Amen.
Een Schauz em Himmel
Fercht die nich, du kjliene Häad; wiels daut haft junem Voda goot jefollen, junt daut Rikj to jäwen.
Wiels dit sell jie weeten, daut kjeen Huara ooda Onreina ooda Jiezja (dee een Jettadeena es), Oafdeel haft en daut Rikj von Christus un von Gott.