Reino dos céus

Tjifananidzo tjeFumwa Yakasumbikala

44 "Bumambo gwekudzimu gonga fumwa yakasumbikala muminda, nhu yaanoti ayiwana akayifumika; kukotjiti ngentha yehanha kukwe akayenda enotengesa kose kwaanako akatenga minda iyeyo."

Tjifananidzo tjeNdalama

45 "Kakale bumambo gwekudzimu gonga ntengi unohaka ndalama dzakanakisisa, 46 paakawana ndalama in’ompela inantengo upehhugwi, wakayenda akanotengesa kose kwaanako akayitenga."

Tjifananidzo tjeMhudzi yeMasitadi

31 Wakababudza tjimwe tjifananidzo, eti, "Bumambo gwekudzimu gonga mhudzi yemasitadi nhu yaakadzwala muminda iye; 32 ndiyo mhudzi nhukununu panayidzo dzose, koga hapa yakula iwhuluwhulu kupinda zwilimwa zose kakale inokula ikaba nti, nyunyi dzemumhepo dzobuya dzibaka zwihaka munhabi dzawo."

Tjifananidzo tjeMbidzo

33 Wakababudza tjimwe tjifananidzo. "Bumambo gwekudzimu gonga mbidzo mfumakadzi yaakatola akasa muzwilizanyo zwitatu zwebgwisa, zwikadza zwikabila zose."

Tjifananidzo Tjedihwa

24 Wakababudza tjimwe tjifananidzo, eti, "Bumambo gwekudzimu gungafananisiwa nenhu wakadzwala mbewu yakanaka muminda iye; 25 koga kwakati banhu balilele, tjita tjitje tjakahha tjikadzwala dihwa pakati kwezwidlo, tjikamilika tjiyenda. 26 Zwidlo zwakati zwamela zwikakula, zwatjifunda, dihwa likaboneka bo. 27 Balanda bemweni wenzi bakahha kuwunli beti, ‘Tate, kati maka musadzwala mbewu yakanaka muminda yenyu? Kwaba nedihwa tjini kakale?’ 28 Wakabahandula eti, ‘Itjita tjakakuthama ikoku.’ Balanda beba beti kuwunli, ‘Mohaka kuti tiyende tinolisipula?’ 29 Akabahandula eti, ‘Aa; ngobe mungati musipula dihwa mukosipulilanya nezwidlo. 30 Letjani kose kukule kudze kunoti palubaka gwevuna. Palubaka gwevuna ndowhobudza banoba bevuna kuti. Kubunganyani dihwa kutanga mulite masunga anowhopisiwa; mukotjikubunganya zwidlo muzwihhise kutjidandale tjangu.’ "

Yesu Unotjenesa Tjifananidzo tjeDihwa

36 Wakamilika esiya gubungano lebanhu akangina mun’umba. Badiyiwa babe bakahha kuwunli, beti, "Mutitjenesele tjifananidzo tjedihwa muminda."

37 Wakahandula eti, "Unodzwala mbewu yakanaka uNkololo wenhu; 38 minda ihango, mbewu yakanaka kobviwa bana bebumambo; dihwa kobviwa bana benhu mbi, 39 kakale tjita tjakabadzwala ndisatane; gowho ibupelo gwetjibaka, banokowha ibatumwa beNdzimu. 40 Sedihwa likubunganyiwa lipisiwa nemoto, kowhojalo bo pakupela kwetjibaka. 41 Nkololo wenhu unowhotuma batumwa babe, banowhodusa mubumambo gugwe kose kunohhisa jinyo nebayeti bezwibi bose, 42 baka baposela mubibi lemoto; imhomo banhu banowholila bakalobanya meno. 43 Bakalulama banowhopenya sehhuba mubumambo gwaTate babo. Unazebe ngaawhe."

Tjifananidzo tjeNjanga

47 "Kakale, bumambo gwekudzimu gonga njanga yakaposegwa mugungwa ikabhata njudzi dzose dzewhobe; 48 yakati yahhala, banhu bakayikwebela pansetje bakagala pasi bakahala dzakanaka bedzisa mutjidla dzakayipa belaha. 49 Ndizo kowhojalo pabupelo gwetjibaka. Batumwa beNdzimu banowhobuya bethewula babi mubakalulama, 50 bekobaposela mubibi lemoto; imhomo banhu banowholila bakalobanya meno."

Kombolegwa

3 Eti, "Bakakombolegwa bahayi mumeya,

ngobe tjabo bumambo gwekudzimu.

4 Bakakombolegwa banolila,

ngobe banowhonyaladziwa.

5 Bakakombolegwa banamimoyo minyolo,

ngobe banowhogala nhaka yehango.

6 Bakakombolegwa banahhala nenyota yendulamo.

Ngobe banowhogutshiwa.

7 Bakakombolegwa bana mawhilangoni,

ngobe banowhowamutjila mawhilangoni.

8 Bakakombolegwa bana moyo ntjena,

ngobe banowhobona Ndzimu.

9 Bakakombolegwa bawanguli.

Ngobe banowhodan’wa beyi bakololo beNdzimu.

10 Bakakombolegwa ibabo banodziyidziwa nentha yendulamo,

ngobe tjabo bumambo gwekudzimu."

11 "Makakombolegwa hapa banhu bemutuka, bemudziyidza, beleba kose kwakayipa nekwenyu, benyepa, nentha yangu. 12 Hanhani mupululudze, ngobe mbhayilo wenyu unkulunkulu kudzimu, ngobe nayeyi zila banhu bakadziyidza balebesambeli bakahha kumutangila."

Ndiyani Nkulu Pabamwe?

1 Lubaka igogo badiyiwa bakahha kuna Yesu bakati, "Ndiyani ungayi ndiye nkulu mubumambo gwekudzimu?"

2 Yesu wakadana mwana ntjetjana, akawunsa pakati kwabo, 3 eba eti, "Lebeswa ndoti kumuli, kuhhe kwekuti mungaba sebana batjetjana, amungafe mangina mubumambo gwekudzimu. 4 Kene yani unozwitebamisa semwana ntjetjana iwhoyu, iwhoyo ndiye nkulu mubumambo gwekudzimu.

14 Koga Yesu wakati, "Letjani bana bahhe kundili, musibadzibise; ngobe bumambo gwekudzimu ndegwebakajali."

23 Yesu wakati kubadiyiwa babe, "Lebeswa, ndoti kumuli, kowholema kuti mfumi angine mubumambo gwekudzimu. 24 Ndopamha kakale, ndomubudza, kulelulelu kuti kamela lipalame muhuli yelunji, pana kuti mfumi angine mubumambo gweNdzimu."

25 Badiyiwa babe pabakawha ikoku bakatjenama kwazo, bakati "Ngono ndiyani ungatjidziwa?"

26 Yesu wakabalinga akati kubali, "Nebanhu akutoyetika. Koga neNdzimu zwinhu zose zoyetika."

5 Whililani makamu angu anodikala. Ndzimu haazohala bahayi muno muhango kuti babe bafumi mukugalamoyo kakale babe nghalinhaka dzebumambo gwaakagadzabgwe ibabo banowundha?

Andizotongogala Ndamuziba

21 "Akuta wose nhu unoti kundili, ‘He, He,’ unowhongina mubumambo gwekudzimu, koga iye unoyeta kuda kwaTate bangu bakudzimu.

19 Yani nayani unowhonyebesa umwe wayeyi milayo mitukununu, kakale ewhodiya banhu kujalo, unowhoba ntukunu mubumambo gwekudzimu; koga yani nayani unowhoyitobela kakale eyidiya, unowhoba nkulu mubumambo gwekudzimu. 20 Ndoti kumuli, kuhhe kwekuti lulama kwenyu kupinda lulama kwebakwali nebaFarisi, amutowhongina mubumambo gwekudzimu."

9 "Ndizo ke, mutembezele nayeyi zila,

" ‘Tate bedu bakudzimu.

Zina lenyu ngaliyengemadziwe;

10 Bumambo gwenyu ngaguhhe;

kuda kwenyu ngakuyetiwe, muhango sekwakunoyetiwa kudzimu.

Sumikila kwaJohane Mbvubiki

1 Mumahhuba iyawo kwakahha Johane mbvubiki, esumikila mutjilambanyika tjeJudiya, 2 eti, "Handukani, ngobe bumambo gwekudzimu gwatjisedzela."

17 Kubvila ipapo Yesu wakatangisa sumikila eti, "Handukani, ngobe bumambo gwekudzimu gwatjisedzela."

7 Yendani musumikila, muti, ‘Bumambo gwekudzimu gwatjibe pedlo.’

11 Ndomubudza, banjinji banowhobva kubhehhuba nekumahwahhuba, banowhogala bakadla na Abhurahhamu na Isaka naJakobe mubumambo gwekudzimu,

11 Lebeswa, ndoti kumuli, pakati kwayibabo bakazwagwa nebetjikadzi akuna unkulu pana Johane Mbvubiki; koga iwhoyo untukunu mubumambo gwekudzimu unkulu pawunli. 12 Kubvila mumahhuba aJohane Mbvubiki kudza kube ngwenuwali bumambo gwekudzimu gwagwisiwa nemasimba, nebanhu bemasimba banogutola ngemasimba.

28 Ndizo ke ngatibokeni kuti takawamutjila bumambo gusingake gukazunguzika, tinamate Ndzimu nezila inowamutjilika nekuzwitebamisa nehla. 29 Ngobe Ndzimu wedu umoto unopaladza.

10 Ndizo ke, makamu, gwisani lakidza kuti makadan’wa kakale makahalugwa kwelebeswa, ngobe hapa mukuthama ikoku amutowhowa, 11 ndizo mowhobaakanyigwa nkoba nkulunkulu wengina mubumambo gusingapele gwaHe Ntjidzi wedu Yesu Khirisitu.

18 Ndowhowanguligwa naHe kubva muzwinhu zose zwakayipa bekanditjengeta beyetila bumambo gwabo gwekudzimu. Ngakudziwe He nekusingapele. Akujalo.

Fumwa iKudzimu

32 "Musihle, imwi mhwizi homanana, ngobe whuda kwaTate benyu kuti bamupe bumambo.

5 Ibani nelebeswa ngekwayikoku, kuti akuna nhu unoyeta bupombgwe kene usakatjena, kene unotjiba (kunobviwa unonamata midzimwana), una gobe mubumambo gwaKhirisitu negweNdzimu.