Renascimento

3 यीशुए जुवाब दित्तो, "अवं तुसन सेइं सच़-सच़ ज़ोताईं कि ज़ांतगर कोई मैन्हु दुबारो ज़र्म न घिन्ने, त तै परमेशरेरू राज़ न लेही सके।"

5 यीशुए जुवाब दित्तो, "अवं तुसन सेइं सच़-सच़ ज़ोताईं कि ज़ांतगर कोई मैन्हु पैनी सेइं ते आत्माई सेइं पैदा न भोए, तै परमेशरेरे राज़्ज़े मां दाखल न भोइ सके।

6 किजोकि हाज-बव अपने बच्‍चन सिर्फ एस जानरी ज़िन्दगी देइ सकतन, पन सिर्फ (पवित्र) आत्मा लोकन आत्मिक ज़िन्दगी देइ सकते।

5 तैने अस इश्शे पापां केरि सज़ाई करां बच़ाए एल्हेरेलेइ नईं कि असेईं रोड़ां कम्मां कियोरां थियां, पन तैसेरे दयारे वजाई सेइं। तैने इश्शे पाप धोइतां असन नंव्वू ज़र्म दित्तू ते पवित्र आत्मा देनेरे ज़िरिये असन नव्वीं ज़िन्दगी दित्ती।

17 ते अगर कोई मसीह मां आहे त तै नव्वीं सृष्टि आहे, पुरैनी गल्‍लां बीती जेई; हेरा, तैना सब नेव्वीं भोइजेइ।

23 किजोकि तुसन परमेशरेरी तरफां नव्वीं ज़िन्दगी मैल्होरी। तुसेईं ई ज़िन्दगी एरी चीज़ी सेइं नईं हासिल कियोरी ज़ै नाश भोल्ही। पन तैस सेइं ज़ैन हमेशा रालू। मतलब परमेशरेरे ज़ींते ते हमेशा रानेबाले वचने सेइं मैल्होरीए।

अक ज़ींती उमीद

3 इश्शे प्रभु यीशु मसीहेरे बाजी ते परमेशरेरू शुक्र भोए, परमेशरे असन पुड़ महान दया केरतां असन नव्वीं ज़िन्दगी दित्ती। किजोकि परमेशरे यीशु मसीह मुड़दन मरां ज़ींतो कियो त कने तैने अस पूरी उमीदी सेइं ज़ींनेरे काबल बनेवरेम, मतलब असन तैन चीज़ां हासिल केरनेरी पूरी उमीदे, ज़ैन केरो देनेरो वाधो परमेशरे असन सेइं कियोरोए।

2 ज़ेन्च़रे नंव्वे ज़र्मोरे बच्‍चे अपने अम्मरे खालिस दुद्धेरी इच्छा रखतन, तेन्च़रे तुस भी परमेशरेरू वचन शिखनेरे लेई इच्छा रखा ज़ैस सेइं तुस आत्मिक तरीके सेइं मज़बूत बनेले। फिरी आखरी मां परमेशर तुसन दुनियारी बुरी चीज़न करां पूरे तरीके सेइं बच़ालो।

4 किजोकि ज़ै परमेशरेरो बच्‍चोए, तै दुनियाई पुड़ ज़ींत हासिल केरते, ते तै ज़ींत ज़ैस सेइं दुनियाई पुड़ ज़ींत हासिल केरतम तै इश्शो विश्वासे।

प्यारेरे ज़िरिये परमेशर ज़ाननो

7 हे ट्लारव, अस एक्‍की होरि सेइं प्यार केरम; किजोकि प्यार परमेशरे करा आहे, ज़ै कोई प्यार केरते, तै परमेशरेरो बच्‍चोए, ते परमेशरे ज़ानते।

6 ते मीं इस गल्‍लरो भरोसोए, कि परमेशरे तुसन मां रोड़े कम्मेरी शुरुआत कियोरीए, तैए तैस कम्मे यीशु मसीहेरे वापस एजनेरे दिहाड़े तगर पूरू केरेलो।