3 Jezu pâ əpʉ kə ətshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu kwatəndje* ne, tshə lï lï ndə kə wu Əgɔngerə nə̂ Ndjapä ne.»

5 Jezu kîrə əpʉ kə tshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu tə̂ äwä ə̂ngû də Âgbɔ̂ Yîrə̂ ne, tshə lï lï ndə kə li gâ lə Əgɔngerə nə̂ Ndjapä ne.

6 Ərə ə̂në əzü kə zû kɔ sə tə əzü, â ərə ə̂në Âgbɔ̂ Yîrə̂ kə zû kɔ sə tə yîrə̂.

5 tshə shê əzə̂ lə kuzu gâ ye. Ə də̂ mbrə aərə ə̂në a mbrə̂ kəmə də äwänə kɔ də̂ tshə shê əzə̂ lə kuzu nə kɔ ne, bale mbrə ə̂në, ətshə də ə̂tə̂ ye, tshə wû əyo əzə̂ kɔ də̂ tshə shê əzə̂ lə kuzu nə tə̂ äwä ə̂ngû kə zu əzə̂ tə tafa nə ə̂në tshə yɔ̂ əzə̂ lə nə gâ ye kɔ də tafa kə sə əzə̂ ə̂në Âgbɔ̂ Yîrə̂ nə zâ äwä nə kə əzə̂ gâ ye kɔ.

17 Kədə ə̈bə̈ əzü kə tɔ̂ popo Kristə nə gâ ye, tshə sə tə tafa əzü. Aangbrɔ aərə rô gâ ye, aərə nɔ̂ dô tə̂ əndje tə tafa nə gâ ye.

23 Mbrə ə̂në əndje zû e kwatəndje gâ ye, ə də̂ lə angwa ə̂në ə tshu ə tshu kɔ də̂ ne, bale lə angwa ə̂në ə tshu tshu tə̂ ərə ne kɔ, tə̂ äwä Əpʉ Ndjapä ə̂në ə sə tə sorô ə daka pə piii kɔ.

3 A tɔ̈lɔ Ndjapä, Abä Âgbɔ̂ Əyïngerə nə̂ əzə̂ də Jezu Kristə! Tshə wû əyo əzə̂ ro pâ nə, â zû əndʉ əzə̂ tə̂ äwä kə she Jezu Kristə lə takpa tə̂ akuzu, ndə kə pa a za lɔsu əzə̂ gâ pâ ə̈bə̈ ərə ə̂në ə sə kə za sorô kə əzü kɔ.

2 Mata aə̂ngê aneshe, e mä əgo Əpʉ Ndjapä a pa də əgo djatra kʉtə̂ ə̂ngû angɔ, kanika, tə̂ äwä nə, e gerə ndə kə pa Ndjapä she e lə kuzu.

4 mbrə ə̂në əzü nɔ̂ ə̂në Ndjapä kə zû ətshə kɔ, tshə sə kə ro pâ tshepashɔ səye də awlra, â ərə nə ə̂në a rô tshepashɔ nə də nə də awlra gâ ye kɔ kə də̂ əpʉ lɔsu əzə̂.

7 Alaye ə̂në mə yində e ngbatshe kɔ, a yï tə̂ əzə̂ lə takpa tə̂ əzə̂, mbrə ə̂në kə yi tə̂ to mâ ndə Ndjapä, â əzü nɔ̂ ə̂në tshə sə kə yində azü, Ndjapä kə zû ətshə â tshə wusə̂ Ndjapä nə.

6 Mə wusə̂ nə tə djatra əpʉ ə pa: Ndjapä ə̂në tshə vɔ̂tə̂ ə̈bə̈ ə̂rɔ̂ kosəra lə e kɔ, tshə sə kə na də nə ʉrrr ndjɔ gâ tə̂ ama nə, tə̂ əlo kə gu Jezu Kristə nə.