Renascimento

3 A̱ꞌkhue̱n niriꞌña Jesús:

—Na̱tha̱n-jmbaaꞌ rí asndo nimbáa tsí tsígu̱maa mbu̱júꞌ, ma̱xáxóo ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ.

5 A̱ꞌkhue̱n Jesús niriꞌñuu̱:

—Na̱tha̱n-jmbaaꞌ, xí mbáa tsígu̱maa ga̱jma̱á iya jamí ga̱jma̱á Xu̱u̱ꞌ Ana̱ꞌlóꞌ, ma̱xáxóo ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ.

6 Tsí xa̱bo̱ numbaa naꞌnii̱ rí ma̱gu̱mii xa̱bo̱ numbaa máꞌ. Xómáꞌ tsí Xu̱u̱ꞌ Ana̱ꞌlóꞌ rá, naꞌnii̱ rí ma̱gu̱mii i̱ji̱in Ana̱ꞌlóꞌ.

5 Neꞌne-jríñáa̱ꞌlóꞌ, ra̱ꞌkhá ga̱jma̱á numuu rí máján ne̱ꞌne̱lóꞌ, rí ga̱jma̱á numuu rí niñáwíin a̱kuii̱n jaꞌyalóꞌ. Neꞌne-jríñáa̱ꞌlóꞌ ga̱jma̱á numuu rí neꞌne mba̱a̱ a̱kuii̱n jaꞌyoo̱ aꞌkhánlóꞌ. Xkuaꞌnii neꞌne Ana̱ꞌlóꞌ rí ma̱gu̱ma-nuxáanꞌlóꞌ jamí rí ma̱nindxa̱ꞌlóꞌ xa̱bo̱ nuxi̱inꞌ ga̱jma̱á majñu̱u̱ Xu̱u̱ꞌ.

17 Ikhaa jngó, xí mbáa xa̱bo̱ xtáa̱ ga̱jma̱á nindxu̱u̱ Krísto̱, mbáa xa̱bo̱ tsí ni̱gu̱ma-nuxi̱iꞌ ñajuu̱n. Wámba̱ máꞌ mbá xúgíí rí wayuu, jamí mbá xúgíí neꞌne-nuxi̱iꞌ rí xúge̱ꞌ rá.

23 Numuu rí ikháanꞌlaꞌ ni̱gu̱ma-nuxáanꞌlaꞌ, ra̱ꞌkhá ga̱jma̱á majñu̱u̱ ri̱jyu̱u̱ꞌ xa̱bo̱ numbaa rí wéje̱ ma̱mbáa, rí ga̱jma̱á majñu̱u̱ ajngáa rawuun Ana̱ꞌlóꞌ tsí ndaꞌya jamí xtáa jámuu.

A̱gu̱ma-mba̱a̱ Ana̱ꞌlóꞌ numuu rí ríga̱ mújúun rí mu̱drígúulóꞌ

3 A̱gu̱ma-mba̱a̱ Ana̱ꞌlóꞌ, Anu̱u̱ máꞌ Tátiálóꞌ Jesukrísto̱, numuu rí phú mba̱a̱ niñáwíin a̱kuii̱n jaꞌyalóꞌ jamí niꞌnii̱ rí ma̱gu̱ma-nuxáanꞌlóꞌ ga̱jma̱á majñu̱u̱ rí ndiyáa mbiꞌyuu Jesukrísto̱. Rúꞌkhue̱n naꞌne rí ga̱jma̱á mbá jañii a̱kia̱nꞌlóꞌ mu̱waꞌthi̱ínlóꞌ

2 Gu̱smijnálaꞌ mi̱ndaꞌkho xómá ene̱ e̱je̱n cháña̱ꞌ, rí mu̱wanlaꞌ yaꞌdú jaꞌwu, rí ñajuun ajngóo Ana̱ꞌlóꞌ. Kajngó ga̱jma̱á majñu̱u̱ ne̱ ikhaa ma̱gajáanꞌlaꞌ, jamí ma̱jríñáaꞌlaꞌ.

4 Numuu rí jámba̱a̱ xa̱bo̱ tsí ñajuun a̱dée Ana̱ꞌlóꞌ, na̱ꞌngo̱o̱ naꞌne ga̱jmáa̱ rí xkawe̱ꞌ rí ríga̱ ná numbaa ríge̱ꞌ. Ríge̱ꞌ ñajuun rí naꞌne rí na̱ꞌnga̱ꞌlóꞌ inuu rí xkawe̱ꞌ rí ríga̱ ná numbaa ríge̱ꞌ: rí wéje̱ a̱kia̱nꞌlóꞌ ná inuu Jesús.

Ana̱ꞌlóꞌ nasngájma rí phú nandoo jaꞌyalóꞌ

7 A̱ngui̱nꞌ, tsáanꞌ phú nandoꞌ ja̱ya̱ꞌlaꞌ, ga̱galóꞌ juꞌya-mijnálóꞌ, numuu rí Ana̱ꞌlóꞌ nandoo jaꞌñúú xa̱bo̱. Jámba̱a̱ xa̱bo̱ tsí nandoo jaꞌñúú xa̱bo̱, a̱dée Ana̱ꞌlóꞌ ñajuun tsúꞌkhue̱n, jamí naꞌne-nuwii̱n Ana̱ꞌlóꞌ.

6 Ikhúúnꞌ nda̱yo̱o̱ mújúnꞌ máꞌ rí Ana̱ꞌlóꞌ, tsí nigíꞌdu̱u̱n naꞌne mbá ñajun rí máján ga̱jma̱á nindxa̱ꞌlaꞌ, ikhaa̱ ma̱ꞌga-raꞌne gáxu̱u̱ ne̱ asndo mbiꞌi rí ma̱ꞌkha̱a Jesukrísto̱.