28 "Lumapit kayo sa akin, kayong lahat na nahihirapan at nabibigatan sa inyong pasanin, at bibigyan ko kayo ng kapahingahan. 29 Sundin ninyo ang mga utos ko at matuto kayo sa akin, dahil ako ay maamo at may mababang-loob. Makakapagpahinga kayo, 30 dahil madaling sundin ang mga utos ko* at magaan ang ipinapagawa ko."

7 Pumanatag ka sa piling ng Panginoon,

at matiyagang maghintay sa gagawin niya.

Huwag mong kaiinggitan ang masasama

na gumiginhawa,

kahit pa magtagumpay

ang masasamang plano nila.

10 Sinasabi niya,

"Tumigil kayo* at kilalanin ninyo na ako ang Diyos.

Akoʼy pararangalan sa mga bansa.

Akoʼy papupurihan sa buong mundo."

8 Kayong mga mamamayan ng Diyos,

magtiwala kayo sa kanya

sa lahat ng oras!

Sabihin sa kanya ang lahat

ng inyong suliranin,

dahil siya ang ating kanlungan.

3 Panginoon, bigyan nʼyo

nang lubos na kapayapaan

ang taong kayo lagi ang iniisip

dahil nagtitiwala siya sa inyo.

15 Sinabi pa ng Makapangyarihang Panginoon, ang Banal na Diyos ng Israel,

"Magbalik-loob kayo

sa akin at pumanatag,

dahil ililigtas ko kayo.

Huwag kayong mabahala

kundi magtiwala sa akin,

dahil palalakasin ko kayo.

Ngunit tumanggi kayo

17 At ang bunga ng katuwiran

ay ang mabuting kalagayan,

kapayapaan, at kapanatagan magpakailanman.

31 ngunit ang mga nagtitiwala sa Panginoon

ay muling magkakaroon ng lakas.

Lilipad silang gaya ng isang agila.

Tumakbo man sila ay hindi mapapagod.

Lumakad man sila ay hindi manghihina.

7 Kapag ginawa ninyo ito, bibigyan kayo ng Diyos ng kapayapaan na siyang mag-iingat sa puso ninyo at pag-iisip dahil kayoʼy nakay Kristo Hesus. At ang kapayapaang ito ay hindi kayang unawain ng tao.

7 Ipagkatiwala nʼyo sa kanya ang lahat ng kabalisahan nʼyo, dahil nagmamalasakit siya sa inyo.

14 Magtiwala kayo sa Panginoon!

Magpakatatag kayo

at huwag mawalan ng pag-asa.

Magtiwala lamang kayo sa Panginoon!

1 Akoʼy matiyagang naghintay sa Panginoon,

at dininig niya ang aking mga daing.

22 Ibigay mo sa Panginoon

ang iyong mga alalahanin

at ikaw ay kanyang kakalingain.

Hindi niya pababayaan

ang mga matuwid, magpakailanman.

4 Kapag kayoʼy nagagalit,

huwag kayong magkakasala.

Magbulay-bulay nang may katahimikan

habang kayoʼy nakahiga sa higaan.

25 Mabuti ang Panginoon

sa mga nagtitiwalaʼt umaasa sa kanya.

26 Mabuting matiyagang maghintay

sa pagliligtas ng Panginoon.

11 Sapagkat nalalaman ko ang mga planong inilaan ko para sa inyo,’ sabi ng Panginoon, ‘mga plano para sa ikabubuti ninyo at hindi sa ikasasama ninyo, at mga planong magbibigay sa inyo ng pag-asa at magandang kinabukasan. 12 Kung magkagayon, tatawag at mananalangin kayo sa akin, at diringgin ko kayo. 13 Kung lalapit kayo sa akin nang buong puso, tutulungan ko kayo.

7 "Ngunit mapalad ang taong nagtitiwala

at lubos na umaasa sa Panginoon.

8 Matutulad siya sa punongkahoy na itinanim sa tabi ng ilog

na ang mga ugat ay umaabot sa tubig.

Ang punongkahoy na itoʼy hindi natatakot,

dumating man ang tag-init

o mahabang tag-araw.

Palaging sariwa ang mga dahon nito

at walang tigil ang pamumunga.

14 Sumagot ang Panginoon, "Ako mismo ang sasáma sa iyo, at bibigyan kita ng kapahingahan."

12 Ito ang dahilan kaya ako dumaranas ng mga paghihirap. Ngunit hindi ko ito ikinakahiya, dahil kilala ko kung sino ang sinasampalatayanan ko at natitiyak kong maiingatan niya hanggang sa huling araw ang ipinagkatiwala ko sa kanya.*

7 Sinabi ni Asa sa mga taga-Juda, "Patatagin natin ang mga bayan na ito sa pamamagitan ng paglalagay ng mga pader sa paligid nito na may mga tore, at ng mga pintuan at mga kandado. Angkinin natin ang lupaing ito, dahil dumulog tayo sa Panginoon na ating Diyos. Binigyan niya tayo ng kapayapaan sa ating mga kalaban sa paligid." Kaya pinalakas nila ang bayan at naging maunlad sila.

27 Nang palabas na sila ng bayan, sinabi ni Samuel kay Saul, "Paunahin mo ang utusan mo, may sasabihin lang ako sa iyo mula sa Diyos." Kaya nauna ang utusan.