Roupas
A Bíblia fala sobre roupas em sentido literal e espiritual. Deus vestiu Adão e Eva, nos veste de salvação e nos chama a revestir-nos de Cristo e de virtudes santas.
Deus provê as vestes
Desde o Éden, Deus cuidou das necessidades dos seus filhos. Ele nos veste de salvação e de justiça, cobrindo nossa vergonha com sua graça.
तब उय दोयझन कि आखहोन खुली गय, अरु उन खे मालुम हुयो कि वे बीना कपडा का हइ; येकालिये उनने अंजीर का पत्ता जोडी-जोडी खे लंगोट बनैय लिया.
अरु परमेश्वर ने आदम अरु ओकी लुगय का लिये चमडा का कपडा बनैय खे उन खे पेनैइ दिया.
Revestidos de Cristo
Pelo batismo, somos revestidos de Cristo. A Bíblia nos exorta a vestir compaixão, bondade, humildade, mansidão e paciência.
क्युकी तु सब उ विश्वास का वजेसे जो मसीह यीशु एक होना का कारण, परमेश्वर को बेटो हुये. अरु तुम मे से जेतना ने मसीह मे एक होन का लिये बपतिस्मा लियो हइ वे सब मसीह मे एक हुये गया.
येकालिये परमेश्वर को चुन्यो हुयो का जसो जो पवित्र अरु प्रिय हइ, जो बडि दया, अरु अच्छो ,अरु दिनता, अरु नम्रता, अरु सहनसीलता खे पेन्या कर,
जो जय मील्हे वोखे यो रंगेरंग उजरा कपडा पेन्याया जाह्ये का अरु मी वोको नाम जिवन की किताब मे से कोय रीत से नी काट्यु. पन वोको नाम अपनो बाप अरु वोको स्वर्गदूतहोन का सामे मानी लिह्यु.
Modéstia e confiança
A beleza verdadeira não está no exterior. A Escritura valoriza o caráter interior acima de adornos e nos ensina a não nos preocupar excessivamente com roupas.
असो मेय बयहोन भी संकोच अरु धीरज का सात सुहावने कपडा से अपना आप खे सजास. नी की बाल गूथनो, सोनो, मोतिहोन खे अरु किमति कपडाहोन से. पन अच्छा काम होन से क्युकी परमेश्वर कि भक्ति करनवाली बयहोन खे यो अच्छो भी हइ.
अपना आप खे साजरी करण का लिये बाहेर सझनो सवरनो खे इस्तेमाल नी कर्यो, जसो की बाल गुथीले, या फिर सोना को बर्तन पेनन, या अच्छा अच्छा कपडा पेननो, जब की तुम्हारी साजरी तुम्हारो अंदरुनी व्यकतीत्व बनस हइ, नाजुक व अविनाशी सजावट से साजरी र्हियेका परमेश्वर की नजर मे जो मोलको हय.
येका लिये मी तुम से बोलुस हइ, कि अपना जान का लिये यो चिन्ता नी करणु कि हम का खाये अरु का पीये अरु नी अपना आंग का लिये की का पेने का जान खाना से, अरु आंग से कपडा से बडीखे नी?
क्युकी नी हम जगत मे कुछ लास हइ अरु नी कुछ ली जय सकस हइ. अरु अगर हमारा पास खानो अरु पेनन को हइ, ते इनका पर सन्तोष करणो चास.
"झुटा भविष्यव्दक्ताहोन से हुशार ऱ्हे, जो मेढाहोन का भेस मे तुम्हारा पास आस हइ, पन अन्नत मे फाडनआलो लाडग्यो हइ.
येतना मे जब हजार की गर्दी लगी गय. ह्या तक कि एक दूसरा पर गिरी पडतो थो. ते व्हा सबसे पैयले अपना सेवक से बोलन लग्या. "फरीसीहोन को कपटी रुपी खमीर से हुशार र्हेनु. कुछ झाक्यो नी. जो खोल्यो नी जाह्ये. अरु नी कुछ लुक्यो हइ. जो समजी नी जाह्ये. येकालिये जो कुछ तुम ने अंधारा मे बोल्योस हइ. व्हा उजाला मे सुन्यो जाह्ये. अरु जो तुम ने अंदर का खोलीमे कानो कान बोल्योस हइ. व्हा छपर पर प्रचार कर्यो जाह्ये.
"पन मी तुम से जो मरा दोस्त हय बोल्यो जास हय. खे जो आंग खे मारी सकस हइ अरु ओकासे ज्यादा अरु कुछ नी करी सकस. उनका से मत डरे. मी तुमखे चेतावनी दिउस हय कि तुम कि कोय से नी डरनु चाह्ये. मारन का बाद जो खे नरक मे डालन को अधिकार हइ. ओका से डर. क्युकी मी तुम से बोलुस हइ ओका से डर. का दो पैसा की पाच कन्डा नी बेचाय? फिर भी परमेश्वर उनमे से एक खे भी नी भूलतो क्युकी तुमारा माथा का सब बाल भी गिन्या हुया हइ. मत डरनु नी. तुम भोत कन्डा बडिखे हय.
"मी तुम से बोलुस हय जो कोय इन्सान का सामने मेखे मान्ये दुन्या उ इन्सान को बेटो भी परमेश्वर को स्वर्गदूतहोन का सामने मानी लिह्ये. पन जो इन्सान का सामने मेखे मना कर्हे ओखे परमेश्वर को स्वर्गदूतहोन का सामने मना कर्यो जाह्ये.
"जो कोय इन्सान को बेटा का खिलाप मे कोय बात कर्हे. ओको व्हा गुन्हा माफ कर्यो जाह्ये. पन जो पवित्र आत्मा की नीन्दा कर्हे. ओका गुन्हा माफ नी कर्यो जाह्ये.
"जब दुन्या तुम आराधनालयहोन अरु अधिकारीहोन अरु अधिकारी होन का सामने ली जाह्ये. ते चिन्ता नी करणु कि हम कोय रीति से अरु का उत्तर दिह्या यो का बोल्हे. क्युकी पवित्र आत्मा वय टेम तुम खे सीखी दिह्ये. कि का बोलनो चाह्ये."
फिर गर्दी मे से एक ने ओकासे बोल्यो. "हे गुरु. मरो भैइ से बोल. कि बाप की दौलत मेखे बाटी दे."
यीशु ने उनका से बोल्यो "हे इन्सान कोय ने मेखे तुम्हारो न्याय या बाटनआलो नीवडि कर्यो हइ?" अरु यीशु ने उनका से बोल्यो "हुशार र्हेव अरु हर रंग को लोभ से अपना आप खे बचायो रख क्युकी कोय को जिवन ओकी दौलत की भोत से नी होय."
यीशु ने उनका से एक दृष्टान्त बोल्यो. कोय लकपती की जमीन मे अच्छी फसल हुइ. "तब व्हा अपना मन मे बिचार करण लग्या. कि मी का करु. क्युकी मरा ह्या जगह नी. झा अपनी फसल इत्यादि रखू." अरु यीशु ने बोल्यो मी ह्या करु ह्यु मी अपनी खेत तोडि खे ओकासे बडि बनाह्यु अरु व्हा अपनो सब अनाज अरु दौलत रखह्यु. अरु अपनी जान से बोल्ह्यु कि जान रता पास खुप साल का लिये खुप दौलत रखी हइ चैन से खास पीस अरु सुखी से र्हे. पन परमेश्वर ने लखपती से बोल्यो. हे अनाडि या रात तरी जान तरासे ली लियो जाह्ये. तब जो कुछ ने तो एक जगा कर्योस मे व्हा कोय को हुये?
असो य उ इन्सान भी हइ जो अपना लिये पैसा जमाकरस हइ पन परमेश्वर की नजर मे पैसा नी.
फिर यीशु ने अपना सेवक से बोल्यो. "येकालिये मी तुम से बोलुस हय. अपनो जिवन की चिन्ता मत कर. कि हम का खाह्या. नी अपना आंग की. का पेन्ह्ये" क्युव खाना से जान अरु कपडा से आंग झाकि खे हइ कव्वा पर ध्यान दे वे नी बोस हइ. नी काटस नी उनको खेत अरु नी खेत्ता होस हइ. नी फिर भी परमेश्वर उन खे खलास हइ. तुमारो मोल पक्षिहोन से कोय जादा हइ. फिर मसीह यीशु ने यो दृष्टान्त भी बोल्यो कोय की अंगूर की बाडी मे एक अंजीर को झाड लग्यो हुयो थो व्हा ओमे फल ढुडन आयो. पन नी मील्यो. जब घर को स्वामी उठीखे दरवाजो बन्द करी चुक्योस हइ अरु तुम बाहेर खडो हुय दरवाजो ठोकिखे बोलन लग्या. हे प्रभु. हमारा लिये खोली दे कि मी तुम नी मालुम. तुम खा, आय? तब तुम बोलन लगीगा. कि हमने तरा सामने खायो पियो अरु तोने हमारा बजार मे उपदेस दियो. फुल पन व्हा बोल्हे. मी तुम बोलुस हय. मी नी समजु तुम खासे हय. हे बुरोकाम करणवाला. तुम सब मरासे दुर हो. व्हा रोनो अरु दात कटरनो हुये. हे अल्पविश्वासिहोन जब तुम अब्राहम अरु इसहाक अरु याकूब अरु सब भविष्यव्दक्ताहोन खे परमेश्वर को राज मे बठी. अरु अपना आप खे बाहेर नीकली हुयो देख्ये.
अरु पूर्व अरु पश्चिम. उत्तर अरु दक्षिण से दुन्या अयखे परमेश्वर को राज को खाना मे मी मील्हु हय. क्युकी जगत का अरु सभ दुन्या यो समजी लेव कि गैरयहूदीहोन खे तना पिछे हइ वे पैयले हुये. ते स्वर्ग से बाप अरु खेत्ता जो पैयले हइ पिछे हुये. वय टेम मे खे तना फरीसीहोन ने अयखे यीशु से बोल्यो. "ह्या से नीकलीखे चली जा. क्युकी हेरोदेस का राज्य खे तोखे मारी देनो चाहस हइ."
यीशु ने उकासे बोल्यो. जयखे उ लाडग्या से बोल्यो बाप खे दे. कि देख मी आज अरु कल बुरीआत्माहोन खे नीकालतो अरु बिमारी खे अच्छो करुस हइ राज्य देन को तत्पर हइ अरु तिसरा दिन अपनो काम पुरो कर्हु. ते भी मेखे आज अरु कल अरु परसु चलनो जरुरती हइ. क्युकी हुय नी सखे कि कोय आकाशवाणी यरुशलेम का बाहेर धन मार्यो जाह्ये. हे यरुशलेम! हे यरुशलेम! तु जो मन भविष्यव्दक्ताहोन खे मारी डालनो हइ. अरु जो तरा पास भेज्यो गयो उनखे फत्तर मारस हइ. खे त्ता बार मेने यो चाह्यो. कि जसी मुर्गी अपना बच्चा खे अपना पख, नीच्चे येकजगा करस हइ. वसो मी भी तरा धन खे जमा करु पर तुम ने यो नी चाह्यो.
तुमारो घर बन्धी के र्हिये अरु दिव्वो जलते र्हिये, अरु तुम वे इन्सानहोन का जसा बन. जो अपना स्वामी की आनकी रस्ता देखीरास हय. कि व्हा भ्याव से कब आह्ये कि जब अयखे दरवाजो ठोक्हे ते झल्दी खोल देनू. धन्य हइ वे सेवक . जिनखे स्वामी अयखे जगो मील्हे; मी तुम से सच्ची बोलस हय. कि व्हा कमर बाधी खे उनखे खानो खान खे बठाह्ये. अरु नजीक अयखे उनकी सेवा कर्हे. अगर वा रात का दुसरा बारा बजे का बाद अरु तिन बजे का बाद अयखे उनखे जागो मील्यो. ते वे सेवक धन्य हइ. पन तुम ह्या समजी रास. कि अगर घर को स्वामी समजस . कि चोर कोय टेम आह्ये. ते जागते र्हियो. अरु अपना घर मे घुसन नी देनको. तुम भी तैयार र्हेव; क्युकी जो टेम तुम सोचे भी नी. वा टेम इन्सान को बेटो अय जाह्ये.
तब पतरस ने बोल्यो. "हे प्रभु. तुमारा ह्या दृष्टान्त का जसो हमारा लिये हइ या गर्दी का लिये भी?" प्रभु ने बोल्यो. व्हा विश्वासयोग्य अरु दिमाक से बडो कोन हइ. जिनको स्वामी ओखे नवकर- चाकर पर मुखीयो रख्यो कि उनखे टेम पर खानकि चिजहोन दे. अच्छो हइ उ सेवक जेखे ओको स्वामी वापीस पर ह्या करते हुयो मील्हे. मी तुम से सच्ची बोलुस हय; व्हा ओखे अपनी सब दौलत पर अधिकारी रखे. पन अगर चेलाहोन सोचन लग्या. की मरो स्वामी आना मे देर करी रोस हइ. अरु सेवक होन अरु दासीहोन खे मारन पिटन अरु खान पिन अरु पियक्कड होन लग्या. ते सेवक को स्वामी असो दिन. जब उ ओका रस्ता नी करनू करी रास हय. अरु असी टेम जेखे व्हा समजो नी हय. अय गया अरु ओखे भरी दंण्ड दिखे ओको भाग अविश्वासीहोन का सात रोख्यो जाह्ये. अरु व्हा सेवक जो अपनो स्वामी की इच्छा समजतो थो. अरु तैयार नी र्हियो अरु नी होनकि इच्छा का अनुसार चल. खुप मार खायो पन जो नी समजीखे मार खानको बरबर काम कर्हे व्हा. जरासी मार खाह्ये. येकालिये जेखे भोत दियो गयोस हइ. ओकासे खुप माग्यो जाह्ये; अरु जेखे खुप दि दियो गयोस हइ. ओकासे खुप लियो जह्ये.
मी पृथ्वी पर अंगार लगन आयोस हय; अरु का चाहुस हय फक्त ह्या कि अभी चती जस. मेखे तो एक बपतिस्मा लेनो हइ; अरु जब तक व्हा नी हुयु तब तक मी कसी उत्साहीत मे र्हिव. का तुम समजस हय कि मी पृथ्वी पर शांती करन आयोस हय? मी तुम से बोलुस हय; नी. क्युकी अल्लग करन आयो हय. क्युकी आब से एक घर मे पाच झन तुमारा से विरुध रखन. तिन दो से दो तीन से. बाप बेटा से. बेटो बाप से खीलाप रखह्ये; माय बेटी से अरु बेटी माय से. सासु भव से अरु भव सासु से खिलाप.
अरु यीशु ने गर्दी से भी बोल्यो. "जब बद्दल खे पश्चिम से उठते देखस हय. ते तुरुत बोलस हय. की बारीश हुये; अरु असो य होस हइ. अरु जब दक्षिणी हवा चलती देखस हय ते तुम बोलस हय कि खुप चल्हे. अरु असो होस हइ. हे कपटिहोन. तुम धरती अरु आकाश का रुप मे भेद करी सकस हय. पन यो जगत का बारेमे का भेद करनू नी समज्हे?
"तुम खुद यो नीर्णय नी करी ले. कि अच्छो हइ? जब तु अपना मुद्दा का सात न्यायाधिश का पास जय रास हइ. ते रस्ता य मी ओकासे छुटन को इजा करी ले असो नी हुये. की व्हा तोखे न्याय का पास खीची ली जाह्ये. अरु न्याय तोखे सिपय खे बन्दीगृह दि दियो अरु सिपय तोखे बंदीघर मे डाली दे. मी तुम से बोलुस हय. की जब तक तु पाइ-पाइ नी चुकय दिह्ये तब तक व्हा से छुटनो नी मील्हे."
यो यहून्ना उट का बाल का कपडा पेन्यो थो, अरु अपनी कमर मे चामडा को पट्टो बाध्यो हुयो थो, अरु ओको खानो टोटर अरु मोहरुस थो.