Sacrifício
O sacrifício é o coração do evangelho. Jesus entregou tudo por nós na cruz, e somos chamados a oferecer nossas vidas como sacrifício vivo, agradável a Deus.
O sacrifício supremo de Cristo
Jesus deu a própria vida como resgate por muitos. Seu sacrifício na cruz é o ato supremo de amor de toda a história — o Justo morrendo pelos injustos.
Mbrə ə̂në Əgblə nə̂ Əzü nâ nâ ndə kə pa azü mbrə kosəra kə ətshə ne, bale tshə nâ ndə kə pa tshə mbrə kosəra kə azü ə za tə̂ ye tə ndogɔ ndə kə pa tshə yɔ ə̂kpû azü lə kuzu.»
Âdârə ə̂në Əgblə nə̂ Əzü nâ nâ ndə kə pa azü ma kosəra kə ətshə ne, bale, tshə nâ ndə kə pa tshə ma kosəra kə azü ə za tə̂ ye tə ndogɔ ndə kə yɔ ə̂kpû azü lə kuzu.»
«E wü-a! A sə kə na mâ Jeruzalamə, azü sə kə za Əgblə nə̂ Əzü gâ lə kəna aâgbɔ̂ azü nə̂ aawotokrɔ də aawoyisə̂ âgbɔ̂ əpʉ nə̂ Mayïzə. Əndje sə kə wa ngbanga kuzu gâ lə kumu ye ə sə kə za ətshə gâ lə kəna azü ə̂në əndje wûsə̂ Ndjapä wû ne kɔ ndə kə pa əndje mɔ ətshə, ə da ətshə də djakwa, ə ku ətshə gâ ala masheyɔ â tə̂ vəta əlo nə, tshə sə kə she nə.»
Əndje vêrə aləba nə̂ ye tə̂ ye gâ ye â yî ə̈bə̈ ə̂drɔ̂ əgerə ləba gâ tə̂ ye. Mandânə, əndje djô ə̈bə̈ kpɔtɔ ngerə də aəshi â zâ gâ tə̂ kumu ye, ə zâ ə̈bə̈ wara gâ lə ndəkɔ ye. Â əndje gbə̂te gâ tshekudu ye ə mɔ̂ ətshə ə pa: «Wanda, əyïngerə nə̂ Ajuwufu!»
Jezu tâ râwâ tə âgbɔ̂ ə pa: «Abä, mə za yîrə̂ əmə gâ lə kəna zə.» Mandânə ə̂në tshə pâ əpʉ səkɔ, tshə tshû.
Ə̈bə̈ âgbɔ̂ kə yi tə̂ ə̂në ə ro ənə̂ sə̂ ə̂në əzü ka tə̂ ye də sorô ye nɔ̂ mbrə agbɔbəngâ nə kɔ guta gu ne.
Mbrə ə̂në, alɔ ə̂në a sə̂ sə̂ də awlra leme-e ne kɔ, Kristə nə tshû mbrə alayïnyaka tə̂ alɔ ə̂në Ndjapä nə dɨ̂ gâ ye kɔ.
O cordeiro sem defeito
Cristo nos resgatou com seu sangue precioso, como cordeiro sem defeito. Ele se ofereceu uma vez por todas para tirar os pecados do mundo.
E wüsə̂ nə ə pa ə də̂ tə̂ äwä aərə ə̂në ə ndɨ ə ndɨ kɔ, mata ngendja wala lɔrə, də̂ Ndjapä djɔ̂ e lə kə mbrə tə̂ e ə̂në ə tɔ tɔ gâ tə̂ ə̈bə̈ ərə bale ne kɔ ne, ə̂në e za angwa nə mandâ alätä e kɔ. Bale, tə̂ äwä ə̈ndjï Kristə nə ə̂në ndogɔ nə gbɔ wââ kɔ, mata ənə̂ aya ndalimi ə̂në ə̈bə̈ ərə tshekotə̂ ye ndɨ̂ ndɨ̂ bale ne â tshə sə mvo kɔ, də̂ Ndjapä nə djɔ̂ e kɔ.
äwä bale ndje, Kristə nə kâ tə̂ ye kʉ äwä bale gâ ye ndə kə pa tshə ko anyaka nə̂ ə̂kpû azü lə kumu əndje. Tshə wutu tə̂ bishi nə je, ə də̂ ndə kə pa tshə ko anyaka nə̂ azü də̂ ne, bale ndə kə pa tshə she azü ə̂në əndje sə kə ka mbrə ətshə kɔ lə kuzu.
Kədə ə sə tə djatra əpʉ rə, ə̈ndjï Kristə nə lï ndə kə pa ə mbrə ərə kwatəndje ə ro ə̈ndjï aagia nə. Mbrə ə̂në tshə kâ tə̂ ye də ə̂tə̂ ye kə Ndjapä, mata ə̈bə̈ ərə əkrɔ ə̂në əmbrʉ ərə sə sə tə̂ nə ne kɔ, tə̂ äwä Yîrə̂ ə̂në ə sə piii kɔ. Rəkɔ, tshə sə kə yutu aəmbrʉ aərə ə̂në ə na də əzü gâ tə̂ kuzu kɔ tə̂ lɔsu əzə̂, ndə kə pa a vrɔ Ndjapä nə ə̂në tshə sə tə sorô kɔ.
Bale, kədə a sə kə na ana lə ə̂yîəwo, mata ə̂në ətshə də ə̂tə̂ ye, tshə sə lə ə̂yîəwo kɔ, kandää a sə də əpʉ lɔsu nə kʉ bale lə takpa tə̂ əzə̂ gâ ye, â ə̈ndjï Ɨrɨ nə də Jezu sə kə yutu anyaka nə̂ əzə̂ nɔ̂.
Angbʉlînə ərə ə̂në mə yîsə̂ nə kə e kə də̂ əpʉ ə̂në, əmə ndje də ə̂tə̂ əmə, mə djî gâ ye kɔ: Kristə tshû mbrə anyaka nə̂ əzə̂, mata ə̂në Fraka nə̂ Ndjapä pâ kɔ. Əndje shî ətshə, tshə shê tə̂ vəta əlo nə, mata ə̂në Fraka nə̂ Ndjapä pâ kɔ,
kə sə e sə̈ lə kə yi tə̂, mata ə̂në Kristə nə ndje yîndə əzə̂ â kâ tə̂ ye tə ə̈bə̈ ərə əkrɔ, ə̂në ə fʉ ə fʉ kɔ, kə Ndjapä nə mbrə əzə̂ gâ ye kɔ.
Tshə kâ tə̂ ye tə kuzu mbrə əzə̂, ndə kə pa tshə djɔ əzə̂ lə əmbrʉ ərə nɔ̂ ə yutu əzə̂ ndə kə pa a sə tə adjera azü nə̂ ye, ə̂në əndje sə də əgo kə mbrə aərə ə̂në ə ga ə ga kɔ.
Nosso sacrifício em resposta
Movidos pelo amor de Cristo, somos chamados a oferecer nossas vidas, nossos bens e nosso serviço como sacrifício vivo. Deus se agrada da entrega generosa.
E kätə̂ äwä ndə kə pa ə za əndu e nə ndə äwä akosəra nə̂ nyaka nə gâ ye, ndə kə pa e mbrə əmbrʉ ərə ne! Bale, e zä tə̂ e gâ tə̂ äwä kosəra nə̂ Ndjapä, mata asorô ə̂në əndje shê gâ ye kɔ. E zä əndu e nə tə ərə kə mbrə də ərə ə̂në ə sə də äwänə kɔ.
Əzü ə̂në tshə yində kə bata əwu ye, tshə sə kə tshu nə. Bale, əzü ə̂në tshə sə trö ndə kə tshu mbrə əmə, tshə sə kə sə tə sorô.
E nä ə prä tshelə âdâ əpʉ sə̂ ə̂në Ndjapä pâ: "Mə yində nə ə pa əzü ma ə̂rɔ̂tə̂ ye kə angâ nə. Bale, mə yində kə to əkrɔ yi ne." Mbrə ə̂në, mə nâ nâ ndə kə e aə̂rɔ̂ azü ne, bale, mə nâ ndə kə e alayïnyaka.»
Ndjapä nə gbɔ̂ tə̂ Ɨri nə də ə̂tə̂ ye gbɔ̂ ne, bale tshə kâ ətshə ndje mbrə əzə̂ nɔ̂ gâ ye: tshə ko aərə nɔ̂ ko kə əzə̂, lə ə̂rɔ̂tə̂ ye, də Ɨrɨ nə je ne atâ a?
Tshə pâ: «Abba! Abä, bə lï ndə kə pa bə mbrə aərə nɔ̂. Gï kopo əyo səye gashe tə̂ əmə. Lə aərə nɔ̂, ə də̂ ərə ə̂në tshelə əmə yində kɔ də̂ ka bə mbrə ne, bale, ərə ə̂në tshelə zə yində nə kɔ.»
Bale, mə wu sorô əmə wu də ə̈bə̈ ərə lə ala əmə bale ne. Ərə ə̂në ə sə tə âgbɔ̂ ərə lə ala əmə bale kə də̂ ə pa mə mbrə kosəra nə̂ əmə ʉrrr ndjɔ gâ tə̂ ama nə ə mbrə ərə ə̂në Âgbɔ̂ Əyïngerə Jezu yîsə̂ nə kə əmə ndə kə pa mə mbrə nə kɔ: mə mʉ Ə̂rɔ̂ Əpʉ gâ pâ ə̂rɔ̂tə̂ Ndjapä kə azü.