26 खांते बार यीशुए रोट्टी ट्लाती, ते बरकत मेगतां ट्लोड़ी, ते चेलन कां देइतां ज़ोवं यांथ खाथ ई मेरी जाने। 27 फिरी यीशुए दाछ़रे रसेरो कटोरो ट्लातो, ते परमेशरेरू शुक्र केरतां चेलन कां दित्तो ते ज़ोवं, "यांथ तुस सब इस मरां पीया। 28 किजोकि ई मेरे नंव्वे करारे मां मेरो तै खूने ज़ै बड़ां केरे पापां केरि मैफरे लेई दित्तो गाते।

22 ज़ैखन यीशु त तैसेरे चेले फ़सहेरी रोट्टी खेइ राओरे थिये,✝ यीशुए अक रोट्टी ट्लेइतां परमेशरेरू शुक्र केरतां ट्लोड़ी। तैल्‍ला पत्ती, तैनी तै अपने चेलन दित्ती, ते तैन सेइं ज़ोवं, "ट्लाथ ते खाथ। ई मेरो जिसम आहे।" 23 फिरी यीशुए दाछ़रे रस्सेरो कटोरो ट्लेइतां परमेशरेरू शुक्र कियूं। तैल्‍ला पत्ती, तैनी तै अपने चेलन दित्तो, ते तैनेईं सैरेईं पीयो। 24 तैखन तैनी तैन सेइं ज़ोवं, "ऐह दाछ़रे रस मेरो खून आहे, ज़ै परमेशर त कने लोकां केरे मझ़ाटे नव्वों करार बनाते, ज़ै बड़े लोकां केरे मैफरे लेई बगाव गालो। 25 अवं तुसन सेइं सच़ ज़ोताईं कि अवं दाछ़रो रस तैस दिहाड़ी तगर फिरी कधी न पीलो, ज़ांतगर परमेशरेरे राज़्ज़े मां अवं नंव्वो दाछ़रे रस पीं।

19 फिरी यीशुए रोट्टी ट्लाती ते परमेशरेरू शुक्र केरतां ट्लोड़ी ते तैसेरे टुक्ड़े बनेइतां अपने चेलन एन ज़ोइतां दित्ती, "कि ई मेरी जाने ज़ै तुश्शे लेई अवं देताईं ते तुस भी मेरी यादगैरी मां एन्ने केरते रेइयथ।" 20 एन्च़रे रोट्टी खानेरे बाद तैनी कटोरो ट्लातो ते चेलन कां दित्तो ते ज़ोवं, "कि ई कटोरो मेरो तैस खूनेरो नंव्वो करारे ज़ै तुश्शे लेई दित्तोरोए।

51 ज़िन्दगरी रोट्टी ज़ै सुर्गेरां एवरीए अव्वें आईं। अगर कोई इस रोट्टी मरां खाए, त हमेशा ज़ींतो रालो, ते ज़ैस रोट्टी सेइं दुनियारे लोकन हमेशारी ज़िन्दगी मैलचे, तैन मेरू मासे।"

53 यीशुए तैन सेइं ज़ोवं, "अवं तुसन सेइं सच़-सच़ ज़ोताईं, कि ज़ांतगर तुस मैन्हेरे मट्ठेरू यानी मेरू मास न खाले, ते मेरो खून न पीले, तुसन हमेशारी ज़िन्दगी न मैल्हेली। 54 ज़ै मेरू मास खाते ते मेरो खून पीते हमेशारी ज़िन्दगी तैसेरीए ते आखरी दिहैड़ी अवं फिरी तैस ज़ींतो केरेलो। 55 किजोकि हकीक्ति मां मेरू मास खानेरी चीज़े ते मेरो खून पीनेरी चीज़े। 56 ज़ै मेरू मास खाते ते खून पीते तै मीं मां बनोरो रहते, ते अवं तैस मां। 57 ज़ेन्च़रे ज़ींते बाजी अवं भेज़ोरोईं, ते अवं बाजी केरे वजाई ज़ोताईं, तेन्च़रे तै भी ज़ै मीं खालो मेरे वजाई ज़ींतो रालो। 58 ज़ै रोट्टी सुर्गेरां एवरीए, तैस रोट्टी ज़ेरि नईं ज़ै तुश्शे दादे-पड़दादेईं खाइ ते बादे मां मरे, पन ज़ै कोई ई रोट्टी खालो तै हमेशा ज़ींतो रालो।"

24 ते शुक्र केरतां ट्लोड़ी, ते ज़ोवं, "कि ई रोट्टी मेरे जानी हिराती, ज़ै तुश्शे मुक्तरे लेई बलिदान की गातीए, मेरी यादी मां इन्ने केरा।" 25 ते एन्च़रे ज़ैखन तैनेईं रोट्टी खाइ, यीशुए दाछ़रो कटोरो भी नेव, ते ज़ोवं, "ई कटोरो मेरे खूने मां नंव्वो करारे, ज़ैखन भी पीथ, मेरे यादी मां इन्ने केरा।" 26 किजोकि ज़ैखन ई रोट्टी खाथ, ते इस कटोरे मरां पीथ, त प्रभुएरे मौती ज़ांतगर तै न एज्जे, इस बारे मां ज़ोते राथ।

27 एल्हेरेलेइ ज़ै कोई प्रभुएरे रोट्टी नाजाइज़ तरीके सेइं खाए, या प्रभुएरे कटोरे मरां पीये, तै प्रभुएरे जानरो ते खूनेरे खलाफ पापी भोल्हो। 28 एल्हेरेलेइ मैन्हु अपने बर्तावे परखे ते एन्च़रे इस रोट्टी मरां खाए, ते इस कटोरे मरां पीये।

26 किजोकि ज़ैखन ई रोट्टी खाथ, ते इस कटोरे मरां पीथ, त प्रभुएरे मौती ज़ांतगर तै न एज्जे, इस बारे मां ज़ोते राथ।

42 एना लोक प्रेरितन करां शिक्षा हासिल केरते थिये, ते संगती रखते थिये, ते साथी रोट्टी खाते थिये, ते प्रभु भोज मनाते थिये ते प्राथना केरने मां मघन रहते थिये।

7 हफतेरे पेइले दिहाड़े असां प्रभु भोजेरे लेई अकोट्ठे भोए, ते पौलुसे होरसां तैट्ठां अग्रोवं गानू थियूं, त एल्हेरेलेइ तै तैन सेइं गल्‍लां केरने लगो ते एध्धी राती तगर तैन शिक्षा देने लगो।

30 ज़ैखन तै तैन सेइं साथी रोट्टी खांने बिश्शो त तैनी रोट्टी ट्लाती ते बरकत देइतां ट्लोड़ी ते तैन देने लगो।

27 एल्हेरेलेइ ज़ै कोई प्रभुएरे रोट्टी नाजाइज़ तरीके सेइं खाए, या प्रभुएरे कटोरे मरां पीये, तै प्रभुएरे जानरो ते खूनेरे खलाफ पापी भोल्हो। 28 एल्हेरेलेइ मैन्हु अपने बर्तावे परखे ते एन्च़रे इस रोट्टी मरां खाए, ते इस कटोरे मरां पीये। 29 किजोकि ज़ै इस रोट्टी खाते ते कटोरे मरां पीते बार इन न पिशाने कि तैसेरो रिश्तो प्रभुएरी जानी सेइं केरोए, तै इस खाने पीने सेइं एप्पू पुड़ आफत आनते।