Santidade
A santidade é o chamado supremo de Deus para o seu povo. 'Sede santos, porque eu sou santo' — essa ordem ressoa por toda a Escritura, convidando-nos a uma vida separada para Deus.
O chamado à santidade
Deus nos escolheu antes da fundação do mundo para sermos santos. A santificação é sua vontade expressa e nosso destino em Cristo.
पण जीसम तमारो बोलाव्वा वाळो चोखलो से, तेमेत तमु बी आखी चाल-चलण मे चोखला बणो। काहाके लीखलु से, "चोखला बणो, काहाके मे चोखलो से।"
पण जीसम तमारो बोलाव्वा वाळो चोखलो से, तेमेत तमु बी आखी चाल-चलण मे चोखला बणो। काहाके लीखलु से, "चोखला बणो, काहाके मे चोखलो से।"
जीसम तीहयो आपणु ने कळी ने बणाव्वा नी पेले तीनी मे आपणु ने टाळ लेदलो के आपणु तीनी ह़ाते मोंग मे चोखला अने वण-गुनाळ्ळा रीया।
काहाके भगवान नी आहयी मरजी से के तमु पुरा चोखला बणो अने छीनाळा सी बचीन रेवो। अने तमारी माय्न आखा आह़फा नी लाडी ने चोखलापणा मे अने ईज्जत भेळ लाव्वा जाणे। अने आहयु काम लालच सी नी, अने नी ते तीहया आड़जात्यान तेम जे भगवान ने नी जाणे, के आहयी वात मे कोय बी आह़फा ना भाय ने नी ठगे, अने नी तीने फसाड़वा जोवे, काहाके मालीक आहयी आखी वात नो बदलो लेवा वाळो से, जेम आमु तमने पेलेत केदला अने चेतावणी बी आपला हता। काहाके भगवान आपणु ने वीटळ्ळा हयवा करीन नी, पण चोखा हयवा करीन बोलावलो से।
जे अमारो छुटकारो कर्यो, अने चोखला बोलाव्वा सी बोलायो, अने आपणा काम नी अनसारे नी, पण आह़फा नी मरजी अने दया नी अनसारे से मसी ईसु मे कळ घड़ायवा नी पेले गेथीत अमारी पोर हयो।
O Deus santo
O Senhor é santo em toda a sua natureza. O universo testemunha sua santidade, e os anjos proclamam: Santo, Santo, Santo.
आहयी भाते में मने मोटो अने चोखलो ठेरावही अने ढेरेत राज्य नी अगळ खुद ने उजन्तो करही। ता तीहया जाण लेहे के में यहोवा से।"
में मारु मोटु नाम ने चोखलु ठेरावही, जे राज्य मे वीटळ्ळु ठेरावला से, जीने तमु तीमनी वच मे वीटाळला; अने जत्यार में तीमनी नींगा मे तमारी वच मे चोखलो ठेरही, ता तीहया राज्य जाण लेहे के में यहोवा से, भगवान यहोवा आसमेत केय।
A prática da santidade
A santidade se expressa em pensamentos puros, ações corretas e separação do pecado. É um processo contínuo de purificação e dedicação a Deus.
आखा ह़ाते सांती सी रेवो, अने तीहया चोखलापण ना ह़ोदवाळ्या बणो जीनी वगर कोय मालीक ईसु ने कदी नी देख सके।
आखा ह़ाते सांती सी रेवो, अने तीहया चोखलापण ना ह़ोदवाळ्या बणो जीनी वगर कोय मालीक ईसु ने कदी नी देख सके।
एतरे ए मोंगाळ्ळा भायु अने बेन्या, एतरो मोटो वायदो भगवान कर्यो ता आवो आखा मेळीन आह़फा ना डील ना अने आत्मा ना आखा पाप ने सेटा करीन चोखा हय जता अने भगवान नी बीक मान्ता जाय्न चोखलापणा मे रीन पक्का हय जता।
एतरे ए मोंगाळ्ळा भायु अने बेन्या, एतरो मोटो वायदो भगवान कर्यो ता आवो आखा मेळीन आह़फा ना डील ना अने आत्मा ना आखा पाप ने सेटा करीन चोखा हय जता अने भगवान नी बीक मान्ता जाय्न चोखलापणा मे रीन पक्का हय जता।
पण हाव पाप नी गुलामी गेथा छुटीन भगवान ना गुलाम बणीन, तमने आहयो फोळ जड़लो से के तमु चोखला बण जावो, अने आखरी मे अमरकाय जीवाय हात करवु से।
मे तमारा डील नी लुलखाय ना लेदे माणहु ना अनसारे केम, जीसम तमु आपणा अंग ने पाप करवा करीन वीटळ्ला काम करवा अने छीनाळा ना गुलाम बणाय्न तीना हात मे आपला हता, तेमेत हाव तमु आपणा अंग ने चोखलो बणाव्वा करीन भगवान ना धरम ना पावर्या बणाय्न तीना हात मे ह़ोप देवो।
आनीन करते ए भायु अने बेन्या, मे तमने भगवान नी दया फोम कराय्न वीन्ती करु के आपणा डील ने जीवत्लु, अने चोखलु, अने भगवान ने गमे तेम भेट चड़ावो। आहयीत तमारी खरली भक्ती से।
भायु अने बेन्या मे तमारी सी वीन्ती करु, के तमु तीहया माणहु सी चेतीन रेजो जे बेरजाव पाड़वा अने बीजा ना लेदे पाप ना कारण बणे। आवो वेहवार तीहयी ह़ीकापण सी मेळ नी खाय जे तमने जड़ली से तमु एवा माणहु सी सेटा रेवो।
जीसम के चोखला माणहु जुगु वारु से, तेमेत तमारी मे छीनाळु अने काना भाती ना वीटळ्ळा कामु अने लालच नी वात लग नी हयवु जोवे।
जीसम के चोखला माणहु जुगु वारु से, तेमेत तमारी मे छीनाळु अने काना भाती ना वीटळ्ळा कामु अने लालच नी वात लग नी हयवु जोवे।
के तमु पुराणा चाल-चलण ने नीकाळ देवो, जे भटकाड़वा वाळी चीज नी हेर नी अनसारे मीटतो जाय। अने आपणी आत्मा ना वेहवार मे नवला बणता ना लेदे, अने नवला माणहे ने पेरवा नी लेदे, सच्चाय ना धरमीपणा मे अने चोखलापणा मे भगवान ने तेम बणवा करीन।
तमु जे पेले नीकाळ्ला हता अने गलत कामु ना कारण सी तमारा मन मे भगवान ना वेरी हता; तीहयो हाव तीना आहयी कळी ना आह़फा ना सोरा ना डील मे मोत नी लारे तमारो बी मेळ कर लेदलो से के तमने तीहयो भगवान नी अगळ वण-गुनाळ्ळा अने पाप वगर ना बणावीन हजुर करे, कदीम तमु भरहा नी नीव पोर वातड़ा बणीन रेवो अने तीहयी खुस-खबर नी आह ने जीने तमु ह़मळला से नी सोड़ो, जीनो परच्यार वादळा नी तळे वाळी पुरी धरती पोर कर्या, अने जीनो मे, पोलुस, चाकर्यो बण्यो।
A Palavra que santifica
Jesus disse: 'Santifica-os na verdade; a tua palavra é a verdade.' A Bíblia é o instrumento de Deus para nos purificar e transformar.
ए भगवान बाह, तारो बोल खरलो से। आहयी सच्चाय नी लारे आमने तारी सेवा जुगु चोखा करीन तीयार कर।
Templo do Espírito Santo
Nosso corpo é templo de Deus. Devemos honrá-lo com santidade, guardando mente e coração e buscando a semelhança com Cristo.
तमु भगवान ना मंदीर से, अने भगवान नी आत्मा तमारी मे से आहयी वात तमने मालम नी हय ह़ु।
भगवान नी तीहयी मंडळी ना नामु जे कुरीन्थुस मे से, बाखीन तीमना नामु जे ईसु मसी मे चोखला करला से अने चोखला हयवा करीन बोलावला से; अने अळी तीमना आखा ना नामु बी जे आखी जागा मे अमारी ह़ाते अने आपणा अने तीमना मालीक ईसु मसी ना नाम सी वीन्ती करत्ला से।
तमु आपणा वीच्यार ने ईसु मसी ना वीच्यार नी ह़रका बणाय लेवो।
कदी मसी ईसु मे कंय सांती, अने मोंग सी हीम्मत अने आत्मा नी ह़ात-ह़ंगात, अने दया हय। ता मारी आहयी खुसी पुरी करो, के एक मन रेवो अने एकीत मोंग, एकीत मन, अने एकीत वीच्यार राखो। वीरोद नीता झुटी बड़ाय ना लेदे कंय ना करो, पण ह़ुमाळा रीन एक-बीजा ने आपणी गेथा वारु ह़मजो हरेक आपणा फायदा नी, पण बीजा ना फायदा नी बी फीकर करे।
तमु आपणा वीच्यार ने ईसु मसी ना वीच्यार नी ह़रका बणाय लेवो। जे भगवान ना वेह मे हय्न बी
भगवान नी बराबर हयवा
नो वीच्यार नी कर्यो।
पण आह़फा ने ठारलो कर देदो,
अने पावर्या नो वेह धर लेदो,
अने माणेह नी ह़रको बण ज्यो
अने माणेह ना वेह मे उजन्तो हय्न आह़फा ने नानो कर्यो,
अने आञे लग के हुकम पाळ्यो के मरवा, ह़ाचली, होव कुरुस पोर नी मोत बी वेठ लेदो।
एतरे भगवान तीने घणो मोटो बी कर्यो,
अने तीने तीहयु नाम आप्यो जे आखा नामु मे मोटु से।
के जे ह़रग मे अने कळ पोर अने जे कळीन हेटा से;
तीहया आखा ईसु ना नाम पोर मांडा टेके।
अने भगवान बाह नो बड़ाय नी लेदे
आखा माणहु मान लेय के "ईसु मसी मालीक से।"
आनी लेदे ए मारा मोंगाळ्ळा भाय अने बेन्या, जीसम तमु हमेसा गेथा हुकम मान्ता आय र्या, हेमेत हाव बी नी नीस्ता मारी ह़ाते रेता जाय्न पण खास करीन हाव मारी सी सेटा रीन बी बीहता अने कापता जाय्न आपणा-आपणा छुटकारा नु काम पुरु करता जावो। काहाके भगवाननेत से, जे आपणु मोंग नु काम पुरु करवा ना लेदे तमारा मन मे वीच्यार नाखे, अने तीनी अनसारे काम करवा नी ताखत बी आपे।
आपणा आखा काम बड़बड़ कर्या वगर अने पाड़ोपाड़्या वगर कर्या करो। के तमु वण-गुनाळ्ळा अने भोळा हय्न वाकला अने हटाळा माणहु ना वच मे भगवान ना वण-गुनाळ्ळा अवल्यात बणीन रेवो, तीमनी वच मे तमु जीवाय नो बोल लीन कळी मे धप्तला दीवा नी तेम देखाय देवो, के मसी ना आव्वा ना दाड़े मने घमंड करवा नो कारण हये के नी मारो दवड़ो अने नी मारी मेहनत करवा नु फाल्तु हयी।
कदी मने तमारा भरहा ना लेदे बादा अने चाकरी ना लेदे मने मारु लोय बी वयाड़वा पड़े ते बी मे घण खुस से, अने तमु आखा ह़ाते घण खुस रेम। ईसमेत तमु बी घण खुस हयो, अने मारी ह़ाते घण खुसी मनावो।
मने मालीक ईसु मे आह से के मे तीमुथीयुस ने तमारीन्तां छोटोत मोकलही, के तमारा बारा मे ह़मळीन मने सांती जड़हे। काहाके मारी ह़ाते आसवु कोय बी माणेह नी हय, जे खरला मन सी तमारी भलाय नी फीकर करे। काहाके आखा आपणी भलाय नी फीकर करी र्या, ईसु मसी नी भलाय नी फीकर नी करता। पण तीमुथीयुस ने तमु ते पारख्या अने जाणी बी लेदला से के जीसम सोरो बाह ह़ाते काम करतलो, तेमेत तीहयो बी खुस-खबर ने ह़मळाव्वा मे मारी ह़ाते मेहनत कर्यो। एतरे मने आह से के जीसमेत मने मारा बारा मे पतो चालहे के मारी ह़ाते ह़ुं हयवा वाळु से, तीसमेत मे तीने छोटोत तमारीन्तां मोकल देही। अळी मने मालीक पोर पक्को भरहो से के मे आह़फो बी छोटोत आवही।
पण मेत ईपफ्रुदीतुस ने जे मारो भाय, अने ह़ाती अने सीपायड़ान तेम काठो-जीव करन्यो अने तमारो नेवताळो, अने जरुड़ी वातु मे मारी चाकरी करन्यो से, तमारीन्तां मोकलवा जरुड़ी ह़मज्यो। काहाके तीनु मन तमु आखा पोर लागलु हतु, एतरे तीहयो दुखी रेतो हतो काहाके तमु ते तीनी बेमारी ना बारा मे ह़मळला हता। अने ह़ाचली तीहयो घणो मांदलो हतो, आञे लग के मरवा पोर हतो, पण भगवान तीनी पोर दया कर्यो; अने नीस्तो तीनी पोर एतरो नी, पण मारी पोर बी के मने दुख पोर दुख वेठवा नी पड़े। एतरे मेत तीने मोकलवा अळी बी तीयार कर्यो के तीने अळी भेटीन घण खुस हय जावो अने मारो बी दुख कम हय जाय। एतरे तमु मालीक मे रीन तीनी सी घण खुस हय्न भेट करजो, अने आसवा ने ईज्जत कर्या करजो, काहाके तीहयो मसी ना काम ना लेदे आह़फा ना जीव पोर भार उचलीन मोत ना ह़ाते हय जेलो हतो, के जे कमी तमारी भणी गेथी मारी चाकरी मे हयी तीने पुरी करो।
एतरे तमु पुरा पाका बणो, जीसम तमारो ह़रग वाळो बाह पुरो पक्को से।
कोय बी दीवो धपाड़ीन ठाहरा वेर नी ढाके, अने नी ते खाटली तळे मेके, बाखीन तीहयो तीने दीवलाय पोर मेके, तीना लारे मोय आव्वा वाळा माणहु ने वीजाळा मे वारु देखाय।
ए माणहु, बुराय ने नी, भलाय ने ह़ोदो, के तमु जीवत्ला रेवो; अने मालीक यहोवा ह़ाचली तमारी ह़ाते रेहे, जेम तमु केवो।
तमु मारी लेदे चोखला बणीन रेजो; काहाके में यहोवा भगवान चोखलो से, अने में तमने अने देस ना माणहु ने आनी लेदे अलग करलो से के तमु सदा मारा बणला रेवो।
तमु मारी लेदे चोखला बणीन रेजो; काहाके में यहोवा भगवान चोखलो से, अने में तमने अने देस ना माणहु ने आनी लेदे अलग करलो से के तमु सदा मारा बणला रेवो।
आनी लेदे तमु खुद ने चोखला करो; अने चोखला बणला रेवो; काहाके में तमारो भगवान यहोवा से।