A segunda vinda de Cristo

11 ə pâ kə əndje ə pa: «Azü əgɔ Galile, e daka pə kə ka kotə̂ye ə lishi gâ lafɔ mbrə yekɔ? Jezu ə̂në tshə âfɔ lə takpa tə̂ e ə ô na ye mâ lafɔ kɔ, tshə sə kə gu nə kʉ rə mata ə̂në e wû ətshə ə̂në tshə ô na ye kɔ.»

10 Alɔ ə̂në əndje dâka pə kə lishi gâ lafɔ ə̂në Jezu ô na ye tə̂ nə kɔ, alabə̈ akoshe bishi ə̂në əndje yî aə̂mbî aləba kɔ wûtu gâ ngotə̂ əndje 11 ə pâ kə əndje ə pa: «Azü əgɔ Galile, e daka pə kə ka kotə̂ye ə lishi gâ lafɔ mbrə yekɔ? Jezu ə̂në tshə âfɔ lə takpa tə̂ e ə ô na ye mâ lafɔ kɔ, tshə sə kə gu nə kʉ rə mata ə̂në e wû ətshə ə̂në tshə ô na ye kɔ.»

Jezu sə tə̂ äwä tshe ndə Abä

1 Jezu pâ kə atrawaya nə̂ ye ə pa: «E lï lï tshelə e ne, e zä lɔsu e kə Ndjapä ə zä lɔsu e ndje kə əmə. 2 Aətshe kə sə tə̂ nə sə ngbatshe mâ lə anda nə̂ Abä əmə. Də̂ ne, mə pa kə e ə pa: "Mə sə kə na ndə kə gamba ə̈bə̈ ətshe mbrə e a?" 3 Rəkɔ, kədə mə na â gamba ətshe nə kə e gâ ye, mə sə kə do tə̂ əmə ə gu ə ko e gâ ngotə̂ əmə, kanika ətshe ə̂në, əmə, mə sə tə̂ nə, e-e ndje, e sə kə sə tə̂ nə.

20 Ətshə nə ə̂në tshə pâ əpʉ nə sə tə djatra əpʉ kɔ, tshə pa: «Ayî, mə sə kə na nə katshä katshä səye.» Asərəmə! Nä gâ əmə, Âgbɔ̂ Əyïngerə Jezu!

20 Ətshə nə ə̂në tshə pâ əpʉ nə sə tə djatra əpʉ kɔ, tshə pa: «Ayî, mə sə kə na nə katshä katshä səye.» Asərəmə! Nä gâ əmə, Âgbɔ̂ Əyïngerə Jezu!

12 Jezu pâ əpʉ ə pa: «Wü-a, mə sə kə na nə katshä katshä səye, â mə sə kə na də aərə nə̂ əmə mbrə azü, ndə kə pa mə za ərə kə əzü bale bale ə lï də ərə ə̂në tshə mbrə kɔ.

Ərə ə̂në ə wutu je â tshepashɔ ə nglɔ kɔ

3 Jezu sə̂ gâ tʉ mâ pâ kaga aayɔ ɔlivə. Atrawaya nə̂ ye nâ kʉtə̂ əndje gâ ngotə̂ ye ə yû ətshə ə pa: «Pä kə ä, ərə səkɔ sə kə wutu nə gorɔ? Azü sə kə wusə̂ alɔ kə na əbə gâ ndə alɔ kə nglɔ tshepashɔ gâ tə̂ ərə yekɔ?» 4 Jezu kîrə əpʉ kə əndje ə pa: «Ala e në ka ə̈bə̈ əzü bale frɔ e frɔ ne! 5 Mbrə ə̂në azü ngbatshe sə kə na də əɨrɨ əmə â əzü bale bale sə kə pa nə ə pa: "Əmə də̂ Kristə nə!" Əndje sə kə frɔ ə̂kpû azü. 6 E sə kə dji ndə əpʉ akowɔ trö gâ ndə əpʉ akowɔ ə̂në ə sə kə na gu nə kɔ, awa mä e mä ne. Mbrə ə̂në, aərə səkɔ lï ndə kə wutu nə, bale ə də̂ alɔ kə nglɔ tshepashɔ də̂ kə sə̂ ne.

Ərə ə̂në ə wutu gâ tə̂ atrawaya je kɔ

9 «Bale, əndje sə kə ko e gâ lə kəna azü ndə kə pa əndje gi əyo tə̂ e ə wo e. Tshelə amarä nɔ̂ sə kə wəra tə̂ əndje tə̂ e mbrə əɨrɨ əmə. 10 Bale, tə̂ alɔ nə səkɔ, lɔsu azü ngbatshe sə kə te nə, azü sə kə ka angâ əndje â sə kə wəra tə̂ əndje tə̂ angâ əndje lə takpa tə̂ əndje. 11 Ə̂kpû aafrɔ aawopandəma Ndjapä sə kə afɔ, ə frɔ azü ngbatshe.

12 Əmbrʉ ərə sə kə rô pâ nə â kə yi tə̂ nə̂ ə̂kpû azü sə kə zɨtɨ nə. 13 Bale, əzü ə̂në tshə gbɔgbɔ tə̂ ye lə aərə səkɔ ʉrrr ndjɔ gâ tə̂ ama nə, Ndjapä sə kə she ətshə lə kuzu.

14 Əndje sə kə mʉ Ə̂rɔ̂ Əpʉ Əgɔngerə nə̂ Ndjapä səye pâ ashɔ nɔ̂ ndə kə pa amarä nɔ̂ dji əpʉ nə. Bale, mandânə, tshepashɔ sə kə nglɔ nə.»

21 Mbrə ə̂në, âgbɔ̂ əyo sə kə sə je ə rô ə̂dû əyo nɔ̂ ə̂në ə vɔ̂tə̂ nə tə̂ alɔ ə̂në Ndjapä mâ tshepashɔ kɔ ʉrrr ndjɔ kpəsəye kɔ, â marä tə̂ əyo səkɔ sə sə kə sə je kwatəndje bale ne. 22 Bale, kədə Ndjapä kə gî gî kəmə aəlo səkɔ gâ tə̂ nə ne, ə̈bə̈ əzü bale sə sə kə tshɔ lə kuzu ne. Bale, mbrə azü ə̂në Ndjapä kê əndje gâ ye kɔ, tshə sə kə gi aəlo səkɔ gâ tə̂ nə.

23 «Bale, kədə ə̈bə̈ əzü kə pa kə e ə pa: "Kristə nə sə mâtəye" wala "Tshə sə mâ koye", e yï yïndə əpʉ nə̂ ye nə ne. 24 Mbrə ə̂në aafrɔ akristə də aafrɔ aawopandəma Ndjapä sə kə yi kumu əndje. Əndje sə kə ma aâgbɔ̂ aərə ə̈lü də aərə ə̂në ə za awa gâ lə azü je kɔ ndə kə pa əndje frɔ azü, äwä nə â sə je, əndje frɔ ndje azü ə̂në Ndjapä kê əndje gâ ye kɔ. 25 E djï! Mə pâ ndə nə kə e angbʉlînə gâ ye.»

23 «Bale, kədə ə̈bə̈ əzü kə pa kə e ə pa: "Kristə nə sə mâtəye" wala "Tshə sə mâ koye", e yï yïndə əpʉ nə̂ ye nə ne. 24 Mbrə ə̂në aafrɔ akristə də aafrɔ aawopandəma Ndjapä sə kə yi kumu əndje. Əndje sə kə ma aâgbɔ̂ aərə ə̈lü də aərə ə̂në ə za awa gâ lə azü je kɔ ndə kə pa əndje frɔ azü, äwä nə â sə je, əndje frɔ ndje azü ə̂në Ndjapä kê əndje gâ ye kɔ. 25 E djï! Mə pâ ndə nə kə e angbʉlînə gâ ye.»

Əgblə nə̂ Əzü ə yi kumu ye je

26 «Rəkɔ, kədə əzü pa kə e ə pa: "E lïshi-a, tshə sə mâ lə ngbûndû!", e nä nä mâ je ne. Wala kədə tshə pa: "E lïshi-a, tshə zâ tə̂ ye wû koye!", e yï yïndə əpʉ nə̂ ye nə ne.

Aafrɔ aawopandəma Ndjapä

15 «Ala e në tə̂ aafrɔ aawopandəma Ndjapä. Əndje sə kə na gâ tə̂ e də akwa andalimi tə̂ əndje. Bale, djoko lə əndje, əndje sə tə aəmbrʉ atshɔndjɔ.

8 Ə̈bə̈ marä sə kə tɔ kowɔ də ə̈bə̈ ata marä â ə̈bə̈ əgɔngerə sə kə tɔ kowɔ də ə̈bə̈ ata əgɔngerə. Ashɔ sə kə meme tə̂ ye tə̂ aətshe na na ye, əgo sə kə mi azü tə bandanə. Aərə nə sə kə wutu mata kə ka tshelə yashe ə̂në əgblə sə kə ka ətshə ndə kə pa tshə zu kɔ.»

Aərə ə̂në ə sə kə wutu gâ tə̂ atrawaya nə̂ Jezu

9 «Bale, ənə̂ e, ala e në. Əndje sə kə na də e gâ ətshi aangbɔ ngbanga nə̂ Ajuwufu ə sə kə da e də djakwa lə aanda aangbɔ. E sə kə ka gâ ətshi əgbro azü də alayïngerə mbrə əmə ndə kə pa e pa əpʉ nə̂ əmə kə əndje. 10 Ə lï ndə kə pa əndje mʉ Ə̂rɔ̂ Əpʉ kə amarä nɔ̂ angbʉlînə gâ ye kane.

12 Əzü sə kə ka aye nə ndə kə pa əndje wo ətshə; abä əgblə sə kə ka əgblə nə̂ ye ndə kə pa azü wo ətshə; aneshe sə kə afɔ də awlra tə̂ alabä əndje də alayï əndje ə ka əndje ndə kə pa azü wo əndje. 13 Tshelə azü nɔ̂ sə kə wəra tə̂ əndje tə̂ e mbrə əmə. Bale, əzü ə̂në tshə gbɔgbɔ tə̂ ye lə aərə səkɔ ʉrrr ndjɔ gâ tə̂ ama nə, Ndjapä sə kə she ətshə lə kuzu.»

11 Ashɔ sə kə meme tə̂ ye tə bandanə tə̂ aətshe na na ye. Bale, aəmbrʉ arəka sə kə ka azü â əgo sə kə mi azü tə bandanə lə aətshe na na ye. Alabə̈ aərə sə kə wutu nə mâ lafɔ ə za awa gâ lə azü.»

29 «Trale, mandâ aəlo aərə əyo səkɔ, tshela alɔ sə kə bu nə, yipʉ sə sə kə tɔ kwatə̂ye ne, aambrepe sə kə afɔ mâ lafɔ ə yɔ gâ tə̂ ashɔ, Ndjapä sə kə meme aawlra tshelafɔ. 30 Bale, ərə ə̂në ə sə kə yisə̂ alɔ kə yi kumu Əgblə nə̂ Əzü kɔ sə kə wutu lafɔ. Amarä nɔ̂ pâ ashɔ sə kə kɨ ə̂sə̂ əyo tə̂ əndje. Əndje sə kə wu kə gu Əgblə nə̂ Əzü lə andra lafɔ də awlra ye nɔ̂ də ə̂yî ye nɔ̂. 31 Tshə sə kə wla atrawaya nə̂ Ndjapä, əndje sə kə u əgerə ängɔ̈ ə̂në ə kɨ tə bandanə kɔ ə ngbo azü ə̂në Ndjapä kê əndje pâ ashɔ nɔ̂ gâ ye kɔ gâ tə̂ nə, ə vɔ̂tə̂ nə tə̂ ama ashɔ ʉrrr ndjɔ gâ tə̂ budu nə.»

Kə yisə̂ ərə gâ tə̂ ayɔ figə

32 «E wüsə̂ ərə kpə tə̂ əpʉ kəwû gâ pâ ayɔ figə. Alɔ ə̂në e wu amato nə tɔ tə̂ nə â atafa akako nə vɔtə̂ kə tɔ tə̂ nə, e wusə̂ nə ə pa tshekɨ ngû yavrɨ ndô trö gâ ye. 33 Äwä bale ndje, e-e, alɔ ə̂në e wu aərə səkɔ â wutu, e wüsə̂ nə ə pa Əgblə nə̂ Əzü ndô trö gâ ye, tshə sə lə manda.

27 Mbrə ə̂në Əgblə nə̂ Əzü sə kə gu nə də atrawaya nə̂ Ndjapä lə ə̂yî Abä nə. Bale, tshə sə kə kra tə̂ əzü bale bale ə lï də kosəra nə̂ ye.

Əgblə nə̂ Əzü sə kə na gu nə

25 «Azü sə kə wu alabə̈ aəmbrʉ aərə lə ala alɔ də ala yipʉ də ala aambrepe. Lə aəgɔ tshepashɔ, âgbɔ̂ awa sə kə i azü gâ tə̂ nə mbrə əkɨ ə̂ngû əngbrʉ də kplaka ə̂ngû. 26 Azü sə kə tshu nə də awa aərə əyo ə̂në ə sə kə te gâ pâ azü pâ ashɔ kɔ, Ndjapä sə kə meme aawlra tshelafɔ. 27 Bale, azü sə kə wu Əgblə nə̂ Əzü ə̂në tshə sə kə gu nə lə andra də awlra nə̂ ye nɔ̂ də ə̂yî ye nɔ̂ kɔ. 28 Alɔ ə̂në aərə səkɔ vɔtə̂ kə wutu nə, e gämba tə̂ e ndji ə zä kumu e gâ lafɔ mbrə ə̂në alɔ ndə kə pa Ndjapä wutu də e lə aərə əyo ndô trö gâ ye.»

27 Bale, azü sə kə wu Əgblə nə̂ Əzü ə̂në tshə sə kə gu nə lə andra də awlra nə̂ ye nɔ̂ də ə̂yî ye nɔ̂ kɔ.

26 Bale, azü sə kə wu Əgblə nə̂ Əzü ə̂në tshə sə kə gu nə lə andra də awlra nə̂ ye nɔ̂ də ə̂yî ye nɔ̂ kɔ. 27 Bale, tshə sə kə wla atrawaya nə̂ Ndjapä ndə kə pa tshə ngbo azü nə̂ ye ə̂në tshə kê əndje pâ ashɔ nɔ̂ gâ ye kɔ gâ tə̂ nə, ə vɔ̂tə̂ nə mâ tə̂ ama ashɔ ʉrrr ndjɔ gâ tə̂ budu nə.»

16 Mbrə ə̂në, tə̂ alɔ ə̂në əndje ta râwâ, ə̂në tshema ə̈bə̈ makɔndji nə̂ atrawaya kɨ, ə̂në ängɔ̈ nə̂ Ndjapä sə kə kɨ nə, Âgbɔ̂ Əyïngerə də ə̂tə̂ ye, sə kə afɔ mâ lafɔ ə jerə, bale, azü ə̂në əndje zâ lɔsu əndje kə Kristə nə gâ ye â tshû kɔ, əndje sə kə she angbʉlînə. 17 Mandânə, əzə̂ də̂ asorô nə, ə̂në a daka pə ənə̂ əzə̂ je kɔ, Ndjapä sə kə ko əzə̂ də aəndje äwä bale ə o də əzə̂ mâ lafɔ lə andra ndə kə pa a te Âgbɔ̂ Əyïngerə nə lə əyi, â rəkɔ, a sə kə sə alɔnɔ̂ gâ ngotə̂ Âgbɔ̂ Əyïngerə nə. 18 Rəkɔ, e gbɔ̈gbɔ lɔsu e lə takpa tə̂ e tə̂ äwä aəpʉ səkɔ.

42 Rəkɔ, ala e në, mbrə ə̂në, e wusə̂ əlo ə̂në Âgbɔ̂ Əyïngerə nə̂ e ə gu də nə kɔ wu ne.

42 Rəkɔ, ala e në, mbrə ə̂në, e wusə̂ əlo ə̂në Âgbɔ̂ Əyïngerə nə̂ e ə gu də nə kɔ wu ne.

44 Âdârə ə̂në, e-e ndje, e sə̈ trö, mbrə ə̂në Əgblə nə̂ Əzü sə kə gu nə tə̂ alɔ ə̂në e wusə̂ nə wu ne kɔ.»

Əgblə nə̂ Əzü sə kə yi kumu ye tə̂ alɔ ə̂në əzü bale sə sə kə ka mbrə ətshə ne

34 «E gbɔ̈ ndə akwa e! E zä lɔsu e zä nɔ̂ kʉ gâ tə̂ kə zɨ ərə də kə ndju ərə ro pâ nə ne. E lï tshelə e lï gâ pâ kə sə e pâ ashɔ səye ne. Kədə e gbɔ ndə akwa e gbɔ ne, əlo nə sə kə te gâ pâ e, e sə sə kə wusə̂ nə ne. 35 Mbrə ə̂në ə sə kə te mata gbânda gâ pâ azü nɔ̂ pâ ashɔ nɔ̂. 36 E sə̈ də ə̈kü ala e ə yü Ndjapä alɔnɔ̂ ndə kə pa Ndjapä za awlra kə e ndə kə kpe aərə ə̂në ə sə kə wutu nə kɔ, ka e ka gâ lafɔ gâ ətshi Əgblə nə̂ Əzü.»

Kə mbrə tə̂ lə aangbɔ

7 Alɔ kə nglɔ aərə nɔ̂ ndô trö gâ ye. Rəkɔ, e sə̈ tə aawowusə̂ ərə ə sə̈ də ə̈kü ala e ka e lï ndə kə pa e yu Ndjapä.

23 Ndjapä, tə kumungû blatshe, də ə̂tə̂ ye, kö e nɔ̂ tshegege kpî gashe mbrə ətshə! Tshə bäta əndu e nɔ̂, yîrə̂ e, lɔsu e gâ ndə akwa e kanika ə̈bə̈ əpʉ bale sə sə lə kumu e tə̂ alɔ kə gu Âgbɔ̂ Əyïngerə nə̂ əzə̂ Jezu Kristə ne!

7 Rəkɔ, Ndjapä ru e ru tə̂ ə̈bə̈ âkrâ nə̂ ye bale ne, e-e ə̂në e sə kə ka mbrə alɔ kə gu Âgbɔ̂ Əyïngerə nə̂ əzə̂ Jezu Kristə nə kɔ. 8 Ətshə kə sə kə mbrə ndə kə pa e gbɔgbɔ tə̂ e ʉrrr ndjɔ gâ tə̂ ama nə, ndə kə pa tə̂ əlo kə gu Âgbɔ̂ Əyïngerə nə̂ əzə̂ Jezu Kristə nə, ə̈bə̈ əpʉ bale sə sə lə kumu e ne.

Kə ka mbrə alɔ kə gu Jezu Kristə

11 Ngâ, ə̂rɔ̂tə̂ Ndjapä, ə̂në ə sə tə̂ äwä kə tshɔ lə kuzu tə̂ nə mbrə azü nɔ̂ kɔ, Ndjapä nə yîsə̂ nə gashu kə azü nɔ̂ gâ ye. 12 Ə sə kə yisə̂ äwä kə əzə̂ ə pa a wəra tə̂ əzə̂ tə̂ äwä əmbrʉ ərə gâ ye, ə wəra tə̂ əzə̂ tə̂ äwä aəgo aərə tshepashɔ səye, ə mbrə tə̂ əzə̂, kpəsəye, tə̂ äwä kə tegbɔ kumu əzə̂ ə mbrə ərə də äwänə ə tɔ popo Ndjapä, 13 kanika ə ka tə̂ ə̂rɔ̂ əlo ərə ə̂në a za lɔsu əzə̂ gâ pâ nə kɔ də alɔ kə wutu ə̂yî âgbɔ̂ Ndjapä nə̂ əzə̂ də Awoshe əzə̂, Jezu Kristə nə, gashu. 14 Tshə kâ tə̂ ye tə kuzu mbrə əzə̂, ndə kə pa tshə djɔ əzə̂ lə əmbrʉ ərə nɔ̂ ə yutu əzə̂ ndə kə pa a sə tə adjera azü nə̂ ye, ə̂në əndje sə də əgo kə mbrə aərə ə̂në ə ga ə ga kɔ.

6 Mə wusə̂ nə tə djatra əpʉ ə pa: Ndjapä ə̂në tshə vɔ̂tə̂ ə̈bə̈ ə̂rɔ̂ kosəra lə e kɔ, tshə sə kə na də nə ʉrrr ndjɔ gâ tə̂ ama nə, tə̂ əlo kə gu Jezu Kristə nə.

30 E zä əyo zä gâ tə̂ lɔsu Âgbɔ̂ Yîrə̂ nə̂ Ndjapä, ə̂në Ndjapä nə zâ gâ pâ e gâ ye mata tapɔ tə azü nə̂ ye mbrə alɔ kə djɔ e lə əmbrʉ ərə gbrä kɔ ne.

28 äwä bale ndje, Kristə nə kâ tə̂ ye kʉ äwä bale gâ ye ndə kə pa tshə ko anyaka nə̂ ə̂kpû azü lə kumu əndje. Tshə wutu tə̂ bishi nə je, ə də̂ ndə kə pa tshə ko anyaka nə̂ azü də̂ ne, bale ndə kə pa tshə she azü ə̂në əndje sə kə ka mbrə ətshə kɔ lə kuzu.

24 Ala əzə̂ gbɔ̈ tə̂ angâ əzə̂ lə takpa tə̂ əzə̂ ndə kə pa a mbrə angâ əzə̂ nə gâ tə̂ äwä kə yi tə̂ əndje də azü ə mbrə âtshɔ̂ aərə. 25 A tshï tshï äwä aangbɔ nə̂ əzə̂ tʉ, mata ə̂në alabə̈ azü nə ə mbrə tə mandʉ nə kɔ ne. Bale, a gbɔ̈gbɔ lɔsu angâ əzə̂ lə takpa tə̂ əzə̂, ə mbrə̈ rə ə ro ənə̂ sə̂ ə̂në a mbrə̂ ətshinə kɔ, ə̂në e wu ə pa əlo Âgbɔ̂ Əyïngerə ndô trö gâ ye kɔ.

8 Əyïlingû tə Ndjapä, ətshə ə̂në tshə sə je kpəsəye, â ə sə̂ je leme-e kerə, â ə sə kə na gu nə kɔ, tə Âgbɔ̂ Əyïworɔgbɔ pâ əpʉ ə pa: «Əmə də̂ Alfa də Ɔmega*.»

11 Mə sə kə na katshä katshä səye. Tëgbɔ ərə ə̂në bə sə də nə kɔ nge nge nge, kanika ə̈bə̈ əzü bale za za âkrâ nə̂ zə tə̂ zə ne.

8 Alaye əmə ə̂në mə yîndə e ngbatshe kɔ, ə̈bə̈ əpʉ sə je ə̂në ə̂sə̂ nə lï lï ndə kə pa ə djerə e ne: lə ala Əyïlingû, əlo bale sə mata ə̂ngû sake bale (1 000) â ə̂ngû sake bale (1 000) sə mata əlo bale.*

28 Bale, aneshe nə̂ əmə, e däka pə tə̂ kə tɔ popo ətshə, kanika, tə̂ alɔ kə gu ətshə nə, a mbrə awa mbrə ne ka gana ngɔ əzə̂ ngɔ ndə kə sə ngrʉ̂ tə̂ ye kədə tshə yi kumu ye ne.