A segunda vinda de Cristo
A segunda vinda de Cristo é a esperança suprema da Igreja. Jesus prometeu que voltará com poder e grande glória para julgar os vivos e os mortos e estabelecer seu Reino eterno.
A promessa do retorno
Jesus prometeu voltar. Os anjos declararam que Ele virá da mesma forma como ascendeu. A Igreja aguarda esse dia glorioso com expectativa.
Ɓa gna, "Əfye Agəliliyi, knyiyi nu zhni fyenyi gnyiagnyi zhi fyei shi əshebmana awye a? Yeisu ye, ń a la wo lá n fye aba, woi gwnulo əshemi nyi, wo ɓə jezeɓe n ɓwasnu nlai nu, shi fye gye woi gwnulo əshemi nyi."
Ɓai n awyei kpmiwu zhi byiwuu n əshebmana ɓai gye shi wo ɓə gnyi woi gwnulo, aza ngwnu-aba n aje abwuibwuii kpe ɓa kpmiyazhi n ma ɓa. Ɓa gna, "Əfye Agəliliyi, knyiyi nu zhni fyenyi gnyiagnyi zhi fyei shi əshebmana awye a? Yeisu ye, ń a la wo lá n fye aba, woi gwnulo əshemi nyi, wo ɓə jezeɓe n ɓwasnu nlai nu, shi fye gye woi gwnulo əshemi nyi."
Yeisu zhni əwo amwutuyi atna
"Fye to fa əfye adu ɓa wnu fye m. Fye kwu gaiciyaga n Shekwoyi; jesnu fye kwu gaiciyaga fyi n mi cè. Əmi Dada pwuwa n anyakwnui lo n mwa bəgyé; ngye kwo to ɓə nyi nlonu m, mi ɓə ɓa gna fye nge mi lo mii zhniaba aba nu ga fye? Jesnu n ma lo maa aba zhniaba ga fye, mi ɓə jezeɓe ma kwú fye, fyei kwu kwnusnu n mii, nabai əfyehni ce, fyei kwu fyi ń aba n mi dna.
Əza n wo gbmiɓo tu n aɓo ye nyi, wo gna, "Əə, mi ɓe lo ntna əsa wnuyai." Aamyi. Ɓe Dagayi Yeisu.
Əza n wo gbmiɓo tu n aɓo ye nyi, wo gna, "Əə, mi ɓe lo ntna əsa wnuyai." Aamyi. Ɓe Dagayi Yeisu.
Ɓəda kpmaknai: Yìyì n ɓəkwnukwnùi
"Shiawye, mi ɓe lo n tna əsa wnuyai! Əmi gyiba shilo n mii, jesnu mi ɓə ga zahozahoyi kwo she wo ɓə zhni əwo atnutnu n wu.
Os sinais dos tempos
Jesus descreveu os sinais que precederão sua volta: falsos profetas, guerras, fome, terremotos e tribulação. Devemos discernir os tempos sem nos alarmar.
Shi Yeisu ɓə sasetu n Zaitu Əpe, amwutuyi ɓa ɓe da wo fyaa. Ɓa gna, "Gna yi, aɓo ye ɓə zhni n knyi əsai nu, jesnu knyiyi nu ɓə zhni əznù əho ɓeɓe nya ń anyìzo nyai a?"
Yeisu wa dnaɓəgbe, "Fye la əwyewna nabai to əzaho wa dna fye kwoce m. Ntuge bəgyé ɓə ɓe dna n əmi əye, ɓai gna, ‘Əmi nu zhni Kirisiti,’ jesnu ɓa ɓə dna bəgyé kwoce. Fye ɓə wo okwnusnu nabagyi, jesnu ń okwnusnu aɓoi ń lìya, ama fye to ɓə ye dəye kwoi kwu əfye abwugbakala m. Ɓəshishi nu aɓo ye pya ɓai zhni, ama anyìzo ye ɓeɓelo.
"Nlonu a ɓə kwu fye ga fyi ń aza akwnu, ai she fye əwyena, ai wu fye, jesnu abye vnyanya ɓə wnu fye ənu ntu ń əmi ɓo. N əsayii nu ń bəgyé ɓə pmyiawyeya ń gaiciyaganunui, ɓai ɓwuaje jesnu ɓai wnunu n ajei. Sheaɓəgwognayi katái n mwabəgyé ɓə kwnuɓe ɓai fyi aza bəgyé kwoce.
Ntu ń əkpízhni mwamwa ɓo, aza bəgyé əɓa yeyewu ɓə kwu fuse, ama əza ń wa myignyi nyalo azoba wo ɓə la pwo.
Njesnu a ɓə zhni nabagyi manai əbemi nya ye waazi n anyì vnyanya ngye ɓəgbmi ga abye vnyanya, nlonu, anyìzozo əsa ɓəə si.
Ntuge nsayii gnyagwnugnya ɓə ɓe, ədo ń kwo to n dəmwii lo m, n anyì yaya əsa kwoi ɓe nsayi ye m; jesnu a taa je kwo pya wyegye m kpeekpe.
"Ngye a to ɓəə gna a ce anyipyei yi ceya m, zaho to ɓə ɓa pwo m, ama ntu n aknyiknyiyi ɓo, a ɓə la anyipyei yi ceya.
Dna əsayii ń əzaho wa gna fye, ‘Shiawye, Kirisiti gnyi nyi ń ya!’ kwo ‘Wo gnyi nu!’ fye to ga kwo gaiciya m. Ntuge amasifu akatá nya ɓədo n sheaɓəgwognayi katáii ɓa ɓə kwukazhi ɓai wu aznù, ɓai zhni aɓo wowoi nabai ɓai dna aza kwoce, n kwa ye zhni, du n aknyiknyiyii. Gyewye, mi kwu gna fye to əsai si m.
Dna əsayii ń əzaho wa gna fye, ‘Shiawye, Kirisiti gnyi nyi ń ya!’ kwo ‘Wo gnyi nu!’ fye to ga kwo gaiciya m. Ntuge amasifu akatá nya ɓədo n sheaɓəgwognayi katáii ɓa ɓə kwukazhi ɓai wu aznù, ɓai zhni aɓo wowoi nabai ɓai dna aza kwoce, n kwa ye zhni, du n aknyiknyiyii. Gyewye, mi kwu gna fye to əsai si m.
"Ntulonu n əza wa gna fye, ‘Wo dna gnyi nu n zhabwikawu,’ fye to kwnuya lo m; kwo, ‘Wo dna nyi ń nyakwnumi,’ fye to ga kwo gaiciya m.
Sheaɓəgwognayi hnihnii n akatayii
"Fye zhni pəceye ń sheaɓəgwognayi katái nyai. Ɓa ɓe da fye ǹ aknyi ajei nu kpe, ama fyi ń əɓa mi ɓa zhni acamcam anapyei nu.
Əbyé ɓə laka da əbyé, jesnu əbemi ɓə laka da əbemi. Əknyi ɓə jeashna kwoi sofyi n aba gbowogbowo, jesnu myikwnu kəsnui ɓə gwnu. Aɓo ye nu zhni əɓyima nyasna yaya.
"Ɓəshishi nu fya kwu zhigwu. A ɓə kwu fye ga fyi ń azhi atukwoda akwnu, jesnu a ɓə la fye ɓyeya fyi n Ayahudiyibwokwnu. Ntu əmi ɓo, a ɓə kwu fye lo ncei n agwomna abye ɓədo n asui n zhni aɓəkwnuyi ga əɓa. Kwo zhni ɓəshishi nu ai kwu nabagyi manai waazi kpmizhni ga abye vnyanya kpa.
"Əza ɓə ɓwu əwodo nya lo əfyi, jesnu əda ɓə ɓwu əwo nugwnu. Aɓyi ɓə zhni tukwognanakwo kpe əɓa azamayi ɓai zhni ai kwu ɓa wu. Aza vnyanya ɓə wnunu n fyei ntu əmi ɓo, ama əza ń wo ɓə la myignyi nya lo azoba, wo ɓə la pwo.
Əknyi ashnashna yaakwo ɓə zhni laɓa, myikwnu kəsnu dnagbmai ɓə gwnu n anyasnai ń abai gbowogbowo jesnu aɓo adnawo nya ɓədo n aznù ayaakwoi ɓə kwnuɓe n əshemi.
A vinda gloriosa
Cristo virá nas nuvens com poder e grande glória, enviará seus anjos e reunirá seus escolhidos dos quatro ventos.
"She gnyagwnugnya anyipyei yi nya ɓə zo duduya
" ‘Nyipyei ɓə la dna wyegbma,
jesnu əpya to ɓə je əkwo bwuznagna ga m;
akpasi ɓə kaya ń anyìbmana,
jesnu anya n ɓa kpe n anyìbmana ɓa ɓə jeashna.’
"Nlonu n əznù Əza Nugwnu nya ɓə gbmiɓe n əshemi. Nlonu aza vnyanya n anyì ɓa ɓə zhni bwugbazhiizhii əsa n ɓa ɓə gye Əza Nugwnu woi ɓe dna n ənyì əshebmana nya, n kalái jesnu n latu yaakwoi. Wo ɓə tnu n əwo amaləkai ɓai bye knaknaci n əɓwi yaakwoi, jesnu ɓai ye əwo aza aknyiknyiyi zhi n anyì awyepmyi asəpa ngwnu-anyi, ənya n kwo laka n anyiceshiba gbmanyi kwoi lo anyiceshiba ədo.
"Nsaiye fye tu əɓəye mwi n gbaayi shnuwna; əsa n fya gye kwoi kpmi akwo, jesnu kwoi ci afnyitolo, fya kwu kpe nge gbmama n la wo vyivyiwyi. Ntulonu, she fye ɓə gye aɓo ye vnyanya, fya kwu kpe nge əsa n la wo vyivyiwyi nu, n gnyi ń abwokwnumi əgbe.
Ntuge Əza Nugwnu ɓəə ɓé dna ń əwo Dada latu ń əwo amaləkai woi ga zahozahoyi gyiba vyi ɓəhoɓəhoi shi wo ɓə zhni.
"A ɓə gye aznù n nyipyei, n əpyai n akpasii. Fyi ń anyì, abye ɓə kwu fyi ń azhnìgye yaakwoi ɓa ɓə kwu jeje ntu ń shikwo aɓəci ɓo n əkwo anuwnadokwoi. Aza ɓə ceafyi ntu azhnìgye yaakwo ɓo, ɓai kwu laɓa kəpmuu to ɓai kpe əɓo ye n kwo ɓəlo tu n anyì m, ntuge a ɓə je anya ashna ń ɓa nyi ń əshebmana nyi. Dna n əsayii, ɓa ɓə gye Əza Nugwnu woi ɓe dna n ənyì n kalái ɓədo n latu yaakwoi. She aɓo ye ɓə ya zhni, fye ɓə la fyehni ye fya kwu myizhi, ntuge əfye gnyignyi kwo la wo vyivyiwyi."
Dna n əsayii, ɓa ɓə gye Əza Nugwnu woi ɓe dna n ənyì n kalái ɓədo n latu yaakwoi.
"N əsayii aza ɓə gye Əza Nugwnu woi shnizhi ɓe dna n ənyì n kəsnu kalá yaakwoi n latui. Jesnu wo ɓə tnu əwo amaləkai ɓai ye əwo aknyiknyiyi zhi n anyì awyepmyi asəpa ngwnu-anyi, ənya n kwo laka n anyiceshiba, kwoi lo əsheceshiba.
Ntuge Dagayi n wohnii tukwoi nu ɓə shnizhi ɓe n əshemi, n əgbetu yaakwoi, n bəgye amaləka tukwoda nyai, n mwayi yiyi Shekwoyi nyai jesnu azafyifyiyi, fyi n Kirisiti, nu ɓə kpmi kalakwu. N dəye avnu, əyi n yi ɓə zhi n wyewyeyi nyi, jesnu n cezhi nyi, yi ɓə shegwnu aje n ɓai n ənyi, yii snu n Dagayii n əshebmana. Nlonu n yi ɓə kwnusnu n Dagayii nyalonyalo. Ntucenu fye kwu aje agwumyizhi n aɓədagbma yei.
Vigilância e preparo
Ninguém sabe o dia nem a hora. Jesus nos ordena a vigiar, orar e estar prontos, pois Ele virá quando menos esperamos.
"Ntucenu fye kwu zhigwu, ntuge fye ta kpe nyipyei əye lo ń əfye Dagayi ɓə ɓe ncei m.
"Ntucenu fye kwu zhigwu, ntuge fye ta kpe nyipyei əye lo ń əfye Dagayi ɓə ɓe ncei m.
Ntulonu əfyenyi ce, fye kwu zhi n əfyehnii yeyei, ntuge Əza Nugwnu ɓə ɓe n əsai nu ń fye to n əwo əɓoi dnalo m.
"Fye zhni pəceye, ntolonu m, əfye adu ɓə kwu woshna fyi n agbmada anyìgyi, n nyasnii ɓədo n aɓəsai anyìgyi nya, jesnu nyipyei yi kwoi ɓe n əsagbmanyi to fyei dnace m. Ntuge kwo ɓə ɓe kpe ń aza ń ɓa fyilo ń anyì vnyanya. Fye kwu zhigwu ciici, jesnu fya zhniaduwa nabai ń fye ɓə myi fyei kwu pwo aɓo vnyanya ń ɓa ye ɓeɓelo nyi, jesnu n fye ɓə myi fyei gnyiagnyi zhi ń Əza Nugwnu abye."
Aɓo vnyanya azoba kwo la wo vyivyiwyi. Ntucenu fye kwu zhigwu njesnu fyaa bwugba yami, nabai n fye ɓa myi fya zhniaduwa.
Fa Shekwoyi n əwohni tukwoi, Shekwoyi bwugbafu nya, wa pmya fye woi je pmya. Fa əfye zafnu nunui, wyewyeyi ɓədo n nayii, ɓa kwu zhi ntnaɓətu, əsa n əyi Dagayi Yeisu Kirisiti ɓə ɓe nyi.
Ntucenu, fye to gyi zafnu nyaga ho əsna lo m; shi fye zhi fyei pmi n awyeyai, əyi Dagayi Yeisu Kirisiti kpekpeyaɓe. Wo ɓa myi fye zhi nya zozo əsa, nabai n fye ɓə kwu zhi ntnaɓətu n əyi Dagayi Yeisu Kirisiti əwyii.
A esperança bendita
A aguardamos a bendita esperança e a manifestação da glória do nosso grande Deus e Salvador Jesus Cristo.
Ntuge shebmyashi Shekwoyi nya n kwo ga aza vnyanya gnyignyi nyi, kwo la kpeyaɓe. Kwo wu yi nge yi gna, tnashekwodnawo ɓəzhni n anyi aɓəpwawoi nge "Aawo," njesnu ya gyianyì n əyihni tukwoi wnashi, n kpmiabyezhi, n alu amanai fyi n cala ye n kwo nyi, əsa n yi zhi lo yii pmi awyetu anabəlika nya; latu kpeyawu əyi Shekwoyi yaakwo nya n Gnyiyii, Yeisu Kirisiti. Əza n wo ɓə la əwohni ga ntu əyi ɓo nabai wa shna yi n əkpízhni vnyanya njesnu wa pmya yi ya ga əwohni, aza n ɓa zhni əwohnihni anya, nabai ɓa zhni əɓo n kwo bmya n wyenyii.
mi n agwui dnakalá lo ntu ɓəye ɓo, nge əwo ń wo ɓə ya tnutnu manai fyi n əfye nyi, wo ɓa gwodu n kwoi lo əkwo zozo, kwoi nya Kirisiti Yeisu nyipyei.
Njesnu fye to dna Zafnu Gyigyiyi Shekwoyi nya minagyi m, a ɓə tu fye əznù n əwoi nu, ntu nyipyei shnashna nya ɓo.
ntulonu a ɓə la Kirisiti ga znugbmanyi nabai wa kwu azabəgye aleifyi ya; jesnu wo ɓə kpeyaɓe əɓwa baayi, toge woi je aleifyi kwu m, ama woi ɓe n gnyignyii ga aza yi n ɓa zhilo ɓai pmi wo.
Njesnu fye fa ya zhni ɓənubwo, shi yi ɓa ceaje aɓwa fyi n yeye ɓədo n aɓo manaizhnii. Fye to fa yezhi ɓo n abagbmanyi m, ngye shi azaho ɓa lá kwo shiɓwa ɓai zhni nyi m, ama n agwumyizhii ga aje; n gnasnusnu nsaiye, shi fye gye Nyipyei yi kwoi yawye wu ɓe nyi.
"Əmi nu zhni Kpmisnuyi n Kpmaknayii" ənya nu n Dagayi Shekwoyi da lo, "Əza n wo nyì, jesnu əza n wo ɓəə nyì, jesnu əza n wo ɓe lo, Kaláda Duduyi Vnyanya."
"Mi ɓe lo n pyeepye. La ənya shiɓwa n ho ncei lo, nabai n zahozahoyi to ɓə gwo əho fnunyi m.
Ama anugwnudo ayeyeyi fye to kwu əɓo gbmanyi ye zamwi m: N Dagayi aba nyipyei gbmanyi n wu ngye aye dugwu nu, jesnu aye dugwu ngye nyipyei gbmanyi.
Shekwoyi aɓyi n leifyii
Njesnu nsaiye, aɓyi ayeyeyi, fye gwodu fyi n wo, nabai əsa n wo ɓə kpeyaɓe ncei, n yi ɓə ɓwa agwumyi njesnu to vnyinkwo kwoi wo yi zhi n əwo abye m, əsa n wo ɓə ɓe nyi m.