Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Ivo Mnungu niyo amuumba mnt’hu akeigile enga yehe mwenye. Awaumbaga mgosi na Mvele, awavikilaga akawagamba, "Indiliseni na cheleko, vileke cheleko chenyu kikekale mwe si yose no kuiika mwo udahi wenyu. Nawaikani nyuwe mnde wadahi mwe zisamaki na madege na makala yose ya kwe mbago."
Kwe mbuli iyo mgosi naamwase ise na nine no kutimilana na mkaziwe, naho nawalungane kunda mwili umwenga.
Yesu awahitulaga akawagamba, "Hamsomile mawandiko msunt’hilwa kugamba, aho nk’hongo Muumbi aumbaga mgosi na mvele? Naho Mnungu agambaga, kwa aya mgosi na awase ise na nine, niyo anda na mkaziwe, naho awa waidi nawande hiyo waidi naho, ila nawande mwili umwenga. Hawande waidi naho, woho wanda mwili umwenga. Kwa ivo walunganywe ni Mnungu, mnt’hu ase kuwa panga."
Unde na kinyemi kwa mkaziwo, naho welelwe ni mkaziwo uyo umlombile. Ni ywedi ahomboele, uwedi wakwe welela kila lupisi, naho kwa lukunde lwakwe welelwe mazuwa yose.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Ndoza yaungwa kwogohwa ni want’hu wose kiya kikuungwa mwe ndoza kidamanywe kwa uhuwilwa, kwaviya Mnungu naawasengele masulumizo wahabwasi na wadesi.
Mgosi adamanye yadya akuungwa kwa mkaziwe, mvele naye adamanye yadya akuungwa kudamanya kwa mnumewe, na kila yumwenga aungwa amwiguse miyawe. Mkaza mnt’hu haande na izwi mwo mwili wakwe, ila mnumewe naande nadyo, mnumewe naye haande na izwi mwo mwili wakwe ila mkaziwe.
Mna uneva hamkudaha kukefingiza, lombeni, ni vedi mnt’hu alombe kujink’ha kukimp’hula kumunk’wamunk’wa kwiihile.
Hammanyize kugamba imili yenyu ni vilungo vo umwili wa Kilisito, togoleni, neniviguhe vilungo vo umwili wa Kilisito no kuvilunganya na pamp’he? Bule! Hegu hammanyize kugamba, mnt’hu alunganywe umwili wakwe na pambe, yehe na pamp’he wanda mwili umwenga? Mawandiko Akukile wagamba, "Waidi awa nawande mwili umwenga." Mna akelunganye na Zumbe, kimuye anda yumwenga na yehe.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Unyilikeni uhabwasi. Wavu wowose mtuhu akuutenda mnt’hu hauku ulumiza umwili wakwe, mna akutenda uhabwasi, aulumiza umwili wakwe. Togoleni, hammanyize kugamba imili yenyu ni nyumba ya Muye ywa Mnungu akwikala mwenyu, yudya mwink’higwe ni Mnungu? Ugima wenyu hiyo yenyu, ila ni wa Mnungu, nakawagulani kwa utana utendese. Ivo idamanyileni imili yenyu kwa kumtogola Mnungu.
Mnungu aunga mnde msuntike naho mkenege kindedi ndedi no uhabwasi. Mnt’hu yeyose aungwa amanye kuudaha umwili wakwe mwenye kwa kunda mnt’hu ywa Mnungu na wogofi, hiyo kwa kumunk’wamunk’wa kwiihile enga want’hu hewemmanyize Mnungu.
Kwaviya nyuwe mwi want’hu wa Mnungu, haviwagilwe mbuli za uhabwasi na usavu hegu ugubaguba, vise kugeza kutambulwa mwenyu.
Mna miye nawagambani, akuunga amkaule mvele no kumunk’hilwa naye, kagendanaye kale mwo moyo wakwe.
Nekikale kwa kukedima enga ivo Mnungu akuunga want’hu wekale, naho hiyo kudya na kunywa naho hiyo uhank’hu na ukozi no usavu na uhabwasi, nk’humbizi na finju.
"Usekugenda na mvele ywa mwenye.
Mnt’hu yeyose asekugenda na nduguye ywa hagihi. Ni miye Zumbe. Msekumgela soni iso kwa kugenda na nyokwe. Uyo ni nyokwe usekunda hagihigihi naye. Usekugenda na wakaza iso kwaviya awo ni wanyokwe. Usekugenda na lumbudyo elekwe ni iso, hegu lumbudyo elekwe ni nyokwe, hegu ande kelekwa mwe nyumba iyo hegu mwe nt’huhu. Usekugenda na mwezukuluwo, mwana mwanawo ywa kigosi hegu mwana kike ywa mwanao kwaviya ayo yakugela soni we mwenye. Usekugenda na lumbudyo mwana mkaza iso, kwaviya uyo naye lumbudyo. Usekugenda na nyokwe sangazi, kwaviya uyo ni ndugu ywa hagihi ywa iso.
"Usekugenda na nywokwe mdodo hegu nyokwe mkulu kwaviya awo ni ndugu wa hagihi wa nyokwe. Usekugenda na mkaza iso mkulu hegu iso mdodo, kwaviya awo ni wanyokwe.
"Usekugenda na mka mwana, yehe ni mka mwanawo, usekugenda naye uyo. Usekugenda na mkaza mkuluwo hegu mvunao, kwaviya nouwagele soni wanduguzo. Usekugenda na mvele hamwenga na mwanawe. Naho usekugenda na mwezukuluwe. Awo ni ndugu wa hagihi. Uwo ni usavu. Usekugenda na mnamuwo ande mkazio umwo mkazio akanda akei mgima, Mnungu aiihiya mbuli iyo.
"Usekugenda na mvele akanda mwa mazuwa yakwe. Usekugenda na mkaza miyawo kwaviya noukegele usavu.
"Usekumlava mwanawo kunda nt’hambiko kwa mnungu ywa udant’hi Moleki, kwa kudamanya ivo wamhomola ni miye Zumbe Mnungu ywako. Usekugenda na mgosi miyawo enga ivo mnt’hu akugenda na mvele, Mnungu aiihiya mbuli iyo. Usekugenda na mfugwa na kukegela usavu wakwe. Naho mvele asekugenda na mfugwa, Mnungu aiihiya mbuli iyo.
Waketogola kunda wabala mna kumbe wahezi. Waleka kumvika Mnungu akwikala mazuwa yose, mna wahitukila kuvika mahili yekale enga mnt’hu heekwikala mazuwa yose na mahili yekale enga madege na makala na viumbwa vikutambala.
Kwaivo Mnungu kawaleka wakegele usavu woho wenye kwa kutimila kumunk’hwamunk’hwa kwiihile kwe mioyo yawe, no kutendelana mbuli za soni mwe mili yawe. Wauhitula ukindedi mwa Mnungu kunda udant’hi, wavika no kudamanyila ndima vint’hu viumbigwe no kumleka Muumbi mwenye, uyo awagilwe kutogolwa mazuwa yose! Taile.
Kwaivo, Mnungu kawaleka watimile kumunk’hwamunk’hwa kwawe kwa soni, wavele nao waleka kuwamunk’hila wagosi, niyo wamunk’hilana woho kwa woho. Wagosi nawo waleka kuwamunk’hila wavele niyo wakonga kumunk’hilana woho kwa woho, watendelana mbuli za soni, na ivo wakegaila masulumizo yadya yawawagile kwo wavu wawe wakudamanya.