Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Tuhcite Pachia nynh, ccungccaw kha
amaw muinsan alo lante a rae,
minmin kha Pachia muinsan alo lante a rae hae;
aning nynh pise te nopi kha a rae hae.
Pachia nynh minmin kha, "Pungzae oh lah lungthung oh, laephi kha phe beih oh lah laephi kha uk oh; te tui kya-e ngasaw hae, vaawlang e pavaw hae te laephi vawlan hiin zah apiathyapaw miakaw kha uk oh," cite hythua a pya hae.
Tukeiccuze pisepaw nynh a nung te a paaw kha cciataw zah a zu te a umkheih hae, te minmin tuh pyn pynkheit lang a tang hae.
Te Jesu nynh, "Atakaw lyaze raetu nynh ‘pise te nopi kha a rae hae, hynh-e keiccuze pise nynh a paaw te a nung kha a cciataw cih zah a zu te a umkheih cih hae, minmin lu ning tuh pyn pynkheit lang a tang cih hae,’ acikuhpaw kha na ria boi khyh oh tou? Tukeiccuze minmin tuh lu ning thua vae khyh hae, pyn pynkheit nynh athua vae hae. Tukeiccuze Pachia nynh a suelua vae paw kha humhung nynh mah phia nan sah," a ci.
Na tuidy tuh hythuapya thuasah lah,
na no lya-e na zu kyakhe hoysahte umtua,
aning tuh ry lan umpaw sazuh,
apuithyapaw sazuh pinung hawte nynh thua.
A matei nynh accyh takyh kya
na lungry ae ccingsah sah;
a sungsahnaw khate zungzae la ruikhaekuh.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.
Pise nynh vawpaw athuanawpaw a rya kha ccingsah sah lah, nopi nynh mah zu athuanawpaw a rya kha ccingsah sah; mih lu ning te mih rynaw kha lungryachikhaekuh kalang hae sah. Zu nynh amaw a pyn kya kaw hoi khyh, vawpaw nynh a hoi. Tuhawte vawpaw nynh mah amaw a pyn kya kaw hoi khyh, a zu nynh a hoi.
Thuasalama minmin nynh a sungku kho khyh hae ze zu, vawpaw hoi hae sah; pawccecize chiisaw rynaw kha sungku kho khyh ze zu, vawpaw hoi tuh ahoyhua.
Ccangkheit kyalyapaw Pachia nynh amaw kha rae khyh tou? A pynsaw te a muisaw tuh namaw kya-e nynh thua. Ccangkheit kyalyapaw Pachia nynh pawmou a ry? Pachia rawrihpaw ciihan kha nynh a ry. Tukeiccuze naemaw te naemaw tuakuh oh lah, humhung nynh mah a ccangvae lya-e a zu tungvaw lungzi leite um nan sah.
Nae pyn tuh Khri pyn kya-e hae nynh thua cipaw na nyh khyh oh tou? Tukeiccuze Khri pyn kya-e hae kha ka lah cih zah ohhuanung pyn kya-e hae lang ka rae cih tou? Ka rae cceisoh! Ohhuanung te a kyngkuhpaw tuh tuh-e nung te pyn pynkheit nynh athua hae cipaw na nyh khyh oh tou? Pawccecize Pachia nynh, "Minmin lu ning tuh ngesaw kheit lang a tang cih hae," a ci. Thuasalama Bawipaw te a kyngkuhpaw tuh amaw te muisaw ccangkheit nynh athua hae.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Ohhuakunaw kha sibia oh! Ccungccaw nynh a raepaw seinaw miakaw tuh pyn atolang nynh a um; thuasalama ohhuakunaw a raepaw tuh amaw a pyn kya a sei vae. Nae pyn tuh Pachia kyate na mue oh paw, nae lungkhu a umpaw Thyaa Muisaw beikinn nynh thua cipaw te nanning tuh naemaw kya-e na thua khyh oh cipaw kha na nyh khyh oh tou? Pawccecize nanning tuh amee te repaw nynh na thua oh; tukeiccuze Pachia phu-esah nawlan nae pyn kha mang oh.
Pawccecize Pachia nynh a rypaw tuh na thyaa lan oh paw kha nynh thua: nanning nynh ohhuakunaw kha na sungku nawlan oh, nanning milu raveih nynh nae pyn kha athyaapaw te sawtuapaw athua nawlan pawtemou sungku lan cipaw na ny nawlan oh, Pachia nyh leipaw Zenta hae hawte myarya ohhuaku rynaw thinlung kha hoi leite,
Lawki Hiinzia Vuanaw
Ohhuakunaw, athyaa leipaw aphuinphuin, tuhkhyhze karankunaw kha nanning laku bya te sanmah ho nan oh, tuh-e hae tuh mithyaa hae te ngaekuh khyh;
Thuasalama kae hopya oh, humhung zemah nopi lu kheit kha seikhae rynaw mit te a do lanze a thinlung kya tuh-e nung kha phe a seikhae vae.
Poituakunaw te zu-aenaw, ruinaw, ccouseikunaw, ohhuaku rynaw, ziaku buakunaw te eiungkunaw kyakhe um leite, ninthu ccyh kya um hae paw hawte kou ngaekuh lante hiin oh sih.
Milae zu kya khyhze milae vawpaw kya na sei lan khyh.
Nanning laku e humhung nynh mah amaw te anaekuhpaw uno lukhakheit ryte naekute nopi pise seinaw rae lan khyh: Kae tuh Bawipaw nynh ka thua. Na nung te nopi pise seinaw raete na paaw kha thethyasah nan. Aning tuh na nung thua zah aning te nopi pise seinaw na rae lan khyh. Na paaw zu te nopi pise seinaw na rae lan khyh; tuh-e raenaw nynh na paaw kha the a thyasah cih. Innbyn bynkheit lungkhu a puipaw thuasah, ccanglang a puipaw thuasah, na ccianung athuapaw na paaw ccanung khyhze na nung ccanung te nopi pise seinaw na rae lan khyh. Na ccapaw a ccanung khyhze na ccanung a ccanung te nopi pise seinaw na rae lan khyh, pawccecize tuh-e nynh nang kha the ae thyasah cih. Na paaw zu a ccanung, athuapaw na paaw nynh a saahpaw tuh na ccianung athua keiccuze aning te nopi pise seinaw na rae lan khyh. Na paaw a ccianung te nopi pise seinaw na rae lan khyh; aning tuh na paaw te chiisaw anaekuh hae paw nynh thua. Na nung a neitawnung te nopi pise seinaw na rae lan khyh, pawccecize aning tuh na nung te chiisaw anaekuh hae paw nynh thua. Na paaw a upaw zu te thuasah, a neitawpaw zu te thuasah nopi pise seinaw na rae lan khyh, aning tuh na nung lanpaw nynh thua. Na monung te nopi pise seinaw na rae lan khyh: aning tuh na ccapaw zu nynh thua; aning te nopi pise seinaw na rae lan khyh. Na upaw zu te thuasah, na neitawpaw zu te thuasah nopi pise seinaw na rae lan khyh; tuh-e nynh na upaw khyhze na neitawpaw kha the a thyasah cih. Nopinung te thuasah, a ccanung te thuasah, nopinung a ccapaw ccanung te khyhze nopinung a ccanung te thuasah nopi pise seinaw na rae lan khyh; minmin tuh nang te chiisaw na naekuh oh paw nynh thua hae; tuh-e tuh hoyleinaw nynh thua. Te na zu phang a hiin lungkhu kya na zu te khungtaeku khylan a unung kha thuasah, a neitawnung kha thuasah zu lang na umkhae lan khyh.
Nopinung nynh nopiny nyh zah a thyaa khyh lyakhe ikhae khylan na naenuakuh lan khyh. Na unopaw zu te nopi pise seinaw na rae lan khyh, tuh-e nopinung te namaw te namaw kha na thusakuh lan khyh. Na ccaaw hae lukhakheit kha Molek pachia kalan silaw nawlan na pya lan khyh, tuhcite na Pachia min kha na thusah lan khyh: kae tuh Bawipaw nynh ka thua. Nopi te ihkheih hawte pise te pise na ihkheih lan khyh oh; tuh-e tuh anungsikupaw nynh thua. Sarangpaw sakhakheit te ihkheih te namaw te namaw kha thusakuh nan, nopi lukhakheit nynh mah sarangpaw te ihkheih khylan amaw te amaw kha pyakuh lan khyh: tuh-e tuh aphung thua leipaw ikheihnaw nynh thua.
Minmin nynh kae haw cikuh hae zah mingaee lang nynh a tang hae; arohthya leipaw Pachia phu-enaw kha arohthyapaw ccungccaw, pavaw, ccupali saepaw loramsaw te avawpaw loramsaw muinsan lang raepaw zohtuh hae te a rulae hae.
Tukeiccuze Pachia nynh mah minmin kha mimaw te mimaw laku kya mih pyn kha thethyasah khylan mih thinlung kya-e duaanaw thyhte anungsikuhpaw kalan a ap hae. Minmin nynh Pachia byaccing kha hynbya lang a paleih hae, Raetu Pachia laeze raepaw uccaw kha beik hae zah rya a lawpya hae. Tuh-e Raetu Bawipaw tuh zungzae thehoysah athua! Amen.
Hynh-e keiccuze Pachia nynh minmin kha maethya lan umpaw chiisaw rynaw kalan a ap hae, pawccecize mih nopi hae nynh aphung thyhte ikheihnaw kha vua hae zah aphung thua leipaw ikheihnaw kha a mang hae; tuhawte pise hae nynh mah nopi te aphung thyhte ikheihnaw kha vua hae zah, pise te pise mih chiisaw rynaw tuh maee lang arua. Pise te pise nynh maethya lan umpaw kha a cyi hae keiccuze mih cyiseinaw thyhte detahnaw kha a mue hae.