Superação
Superar desafios, dificuldades e tentações faz parte da caminhada cristã. A Bíblia nos garante que, em Cristo, somos mais que vencedores em todas as circunstâncias.
Vitória em Cristo
Jesus já venceu o mundo. Nele temos coragem, paz e a certeza de que nenhuma adversidade poderá nos derrotar definitivamente.
Mɛ lɛɛ bin etɛp bak djas ɛ́, étɛp bi needi tɔ egwyem, é ghɛŋ bi aadi tɔ ɛgwakel nɛ nam ɛ. Bi ɛ́ waazukaa nɛ ɛtiigaa kɔ bɔs’ak. Tin, saka mɛghaaz, etɛɛ náá, mɛ naazekwak etɛp e bɔs’ak djas.»
Mɛ lɛɛ bin etɛp bak djas ɛ́, étɛp bi needi tɔ egwyem, é ghɛŋ bi aadi tɔ ɛgwakel nɛ nam ɛ. Bi ɛ́ waazukaa nɛ ɛtiigaa kɔ bɔs’ak. Tin, saka mɛghaaz, etɛɛ náá, mɛ naazekwak etɛp e bɔs’ak djas.»
Tin, mena naazekwakeka etɛp binek djas boo kwakak, kɔ ɛsu ɛ mot nazekwyɛl mena ɔ.
Deenek, bhɔɔ nɛ Zɛɛb, mot di edjɛ mena ghwyil ɛkwak ɛsyee kɔ ɛsu ɛ Ghɛŋ’enaka Yezu Klisto ɔ!
Deenek, bhɔɔ nɛ Zɛɛb, mot di edjɛ mena ghwyil ɛkwak ɛsyee kɔ ɛsu ɛ Ghɛŋ’enaka Yezu Klisto ɔ!
etɛɛ náá, bɔn ɛ Zɛɛb djas ɛ́ bot ɛ zekwak esa e bɔs’ak ɔ. Tin, sa di esa náá, bot kwak esa e bɔs’ak ɛ, yɛ ɛ́ ɛdum ɛ koŋ ɛ lena nɛ Zɛɛb.
Etɛɛ náá, ɛkwyɛl Zɛɛb ɛ́ ɛlooba nɛ mɛtiŋ mɛ. É di’enek, mɛtiŋ mɛ tak tok nɛ mezuk, etɛɛ náá, bɔn ɛ Zɛɛb djas ɛ́ bot ɛ zekwak esa e bɔs’ak ɔ. Tin, sa di esa náá, bot kwak esa e bɔs’ak ɛ, yɛ ɛ́ ɛdum ɛ koŋ ɛ lena nɛ Zɛɛb. Ɛzɛ aakwak esa e bɔs’ak? Yɛ ɛ́ mot di nɛ ɛmyaal náá, Yezu ɛ́ Mɔn ɛ Zɛɛb ɔ.
Ɛzɛ aakwak esa e bɔs’ak? Yɛ ɛ́ mot di nɛ ɛmyaal náá, Yezu ɛ́ Mɔn ɛ Zɛɛb ɔ.
Bɔn-nyɛɛg bina eekwak nyɛ dum nɛ ghiya ɛ Mɔn bhata nɛ mɛkpa mɛ bɛ di egoola ɛ. Bɛ nabɛ ɛ́ ààkwyɛɛg mɛnyel mɔɔ, bɛ naamyaal ɛgel mɛnyel mɔɔ.
Superando o mal com o bem
O cristão vence o mal não com violência, mas com o bem. O amor, a fé e a perseverança são as armas da superação.
Deenek, sa wɔ ààbet náá, ɛbiyo kwak wɔ. Tin, ye goka ɛ́ náá, enɛm esa bɔ bela eghɛŋ kɔ ɛbiyo.
Deenek, sa wɔ ààbet náá, ɛbiyo kwak wɔ. Tin, ye goka ɛ́ náá, enɛm esa bɔ bela eghɛŋ kɔ ɛbiyo.
Ngel ɛpekas, djɛ boo gwyɛ é di mɛghomela nadi ɔ. Tin, mɛghomela kadi ɛ́ ààkwak ɛdimal yɛ.
Yezu Klisto nɛ djɛ eghɛŋ
Duu nɛ Zɛɛb, etɛɛ náá nyɛ ɛ́ di edjɛ mena ghwyil ɛkwak etɛp é mɛwala djas kɔ ɛsu ɛ Klisto. Deenek, kɔ ɛsu ɛ lena, nyɛ eesa náá, bot gu Klisto dáa mɛnuub mɛ mbɛɛ mɛmanas zesoaa é edi djas ɛ.
Bi ɛ pel mot ɔɔ, mam pe ɛ́ waapel nyɛ. Mɛ pel mot’enɔk ɔɔ, mɛ pel nyɛ ɛ́ kɔ ɛsu ɛ len é mis ɛ Klisto. Etɛɛ náá, Satan needi ààkwak mena, deenek, menabɛlka djas nɛ gu egeka bɛ ɛnyɔɛpe.
É di’enek, nɛ mot aakwak ɔɔ, mɛ waasa náá, nyɛ di sama nɛ nam kɔ bóó mɛkoozi mam. Yɛ ɛ́ dáa mam, mɛ eekwak, bhii tak, mɛ eebe di sama nɛ Saagam kɔ bóó mɛkoozi mɛ.
É di’enek, nɛ mot aakwak ɔɔ, mɛ waasa náá, nyɛ di sama nɛ nam kɔ bóó mɛkoozi mam. Yɛ ɛ́ dáa mam, mɛ eekwak, bhii tak, mɛ eebe di sama nɛ Saagam kɔ bóó mɛkoozi mɛ.
Tin, nɛ mot aakwak ɔɔ, nyɛ waabɔt ekaad e na puu. É di’enek, mɛ aanàkwaadis din ɛ lɛ tɔ mɛkana mɛ tsik, mɛ waamyaal é mis ɛ Saagam, nɛ é mis ɛ efofop náá, nyɛ ɛ́ ngbam.
Força e coragem divina
Deus é nosso escudo e fortaleza. Quando o medo tenta nos paralisar, a presença do Senhor nos fortalece e nos encoraja a prosseguir.
Tin, mɛ ɛ́ nɛ ghwyil ɛsa esa binek djas, etɛɛ náá, Klisto ɛpedjɛ mɛghwyil.
Biyɔ bɔn bam, bi ɛ́ bot ɛ mbyak’ɛ Zɛɛb. Tin, bi naazekwak bɛmbee bɛgoolel ɛ Mɛkpa ɛ Zɛɛb binɔk, etɛɛ náá, Sisim na Dɛɛ di tɔ len ɛ nɛ bwala dhaa esisim bot ɛ bɔs’ak.
Biyɔ bɔn bam, bi ɛ́ bot ɛ mbyak’ɛ Zɛɛb. Tin, bi naazekwak bɛmbee bɛgoolel ɛ Mɛkpa ɛ Zɛɛb binɔk, etɛɛ náá, Sisim na Dɛɛ di tɔ len ɛ nɛ bwala dhaa esisim bot ɛ bɔs’ak.
Resistindo a tentação
A armadura de Deus nos protege contra as investidas do mal. Resistir ao diabo, vigiar e orar são essenciais para a superação espiritual.
Bɛghɛl ɛ Zɛɛb
Ɛkpa ɛ mɛsik mam ɛ́ náá, dika nɛ ɛgwakel nɛ Ghɛŋ, saaka ghwyil’en tɔ lɛ, etɛɛ náá, nyɛ ɛ́ nɛ boo ghwyil. Nɔɔka bɛghɛl ɛ Zɛɛb djas, etɛɛ náá, bi neepyet dwoo dim mot mɛkɔŋ aazɛkɔɔ bin ɛ. Etɛɛ náá, tuub mena di duuka ɛ, ye tok tuub mena di eduu nɛ bot ɛ bɔs’ak ɛ. Mena duuka ɛ́ nɛ embee esisim ee di pɛ ɛko ɛ, nɛ yii di nɛ ghwyil ɛbuɛpe ɛ, nɛ ekukuma, dɔɔ nɛ mɛbwala mɛ di kɔ mbee bɔs’ak ɛ. Étɛp tak ɛ, ye goka ɛ́ bi nɔɔ bɛghɛl ɛ Zɛɛb djas, etɛɛ náá, é ghɛŋ embee mɛlu aatuula ɛ, bi ɛ́ nɛ ghwyil ɛpyet sok bhwoob bot ɛ mɛbhuka men. Bhii bi aaduu ɛnyɔɛpe kɛkum mɛsik ɛ, bi ɛ́ waatyaa zik.
Pyetka, etsɛɛtsɛ di nɛ nen dáa bhɛtɛ é kuu. Dika nɛ epiki dáa bot di ebɔt ghun ɛ. Dika nɛ zii ɛgoola Mbɛɛ Bhaadal di edjɛ bot egwyem ɛ dáa mot di ebɔt ekoko é mɛko ɛ. Gheedidika nɛ ɛdum ɛ koŋ nɛ Zɛɛb dáa sa di epeebal mot ɛ. Ye waasa náá, bi dimal du mɛkɔɔ mɛ Mbee mot. Nɔɔka tsik nyɛ nadjɛ bin dáa kɔtɔ dɛɛb ɛ. Da bi ɛ́ baanɔɔ Mɛkpa ɛ Zɛɛb dáa pɛl Sisim na Dɛɛ.
Bi goka ɛ́ nɛ ɛkat embee mɛfulu mɛ bi nadi nɛ yɛ sok ɛ. Bɛkaka nɛ mɛfulu mɛ na mwa, yii embee egwyes tak di edul bin tɔ ɛsyee ɛ. Betka náá, Sisim Zɛɛb swoola mɛfulu men, ɛkɛɛ bi eebɔt kaad na bes. Tin, bi moo ɛ́ bot ɛ na bes. Mot na bes yenɔk kusaa ɛ́ dáa Zɛɛb di ekwyɛl ɛ. Deenek, etsɛɛtsɛ ɛpesa náá, nyɛ di mot epiki, mot edɛɛ.
É ghɛŋ bi di nɛ ɛbuk ɛ, sa bi ààsyem. Ye goka ɛ́, ɛbuk ɛ len sila, ɛsok nɛ dwoo nɛ sila. Nàbetka náá, dim mot mɛkɔŋ be di tɔ len.
Tin, bi goka ɛ́ nɛ ɛlooba nɛ Zɛɛb, da bi ɛ́ byen esesɛɛ e dim mot mɛkɔŋ, nyɛ waakaab tɔ́ ɛtsetaɛpe nɛ nen. Kunaaka nɛ Zɛɛb, tin, nyɛ aakunaa nɛ nen. Biyɔ bot ɛ mesyem, gwyiika mɛmbɔ men, diska edhuud e ebhum elyem bin, biyɔ bot mɛdjhaaz pɛ ɛko, bhimis pɛ si.
Dika nɛ mɛsila é mis mɛ Ghɛŋ, tin, nyɛ waadjɛ bin duu.
Zɛɛb ààwa mot tɔ mɛbhowal
Mɛmyaala nɛ mot di epyet ghiŋ tɔ mɛbhowal ɔ. Etɛɛ náá, mot aapyet ghiŋ tɔ mɛbhowal ɔ, nyɛ aabela kɔtɔ duu nɛ tsik na kɔm-kɔm yii Zɛɛb nakɛk nɛ bot ɛ di nɛ kwyɛl nɛ nɛ ɔ. Tin, mot di tɔ mɛbhowal ɔ, sa nyɛ ààke náá: «Yɛ ɛ́ Zɛɛb ɛ di ebowal mɛ.» Etɛɛ náá, Zɛɛb tok nɛ ghwyil ɛbela geka ɛbowal ɛ́ mot, nɛghu ɛpus ɛ mot tɔ ɛbiyo. Tin, mbee ɛkwosak ɛ mot nɛ mot ɛ di edul mot tɔ embee etɛp. É di’enek, wɔ bet náá, ɛkwosak ɛ tak dhaa wɔ ghwyil ɔ, ye kadul wɔ ɛ́ tɔ esyem. Bhii tak, wɔ dyeebagyee tɔ esyem ɔɔ, ye kadul wɔ ɛ́ tɔ ɛsyee.
Bɛ mɛbhowal mɛ bi naboma nɛ yɛ ɛ, yɛ ɛ́ mɛbhowal mɛ bot djas di eboma nɛ yɛ ɛ. Zɛɛb ɛ́ sosoob tɔ ekɛk bɛ, nyɛ tok nɛ ghwyil ɛbet náá, bi boma nɛ mɛbhowal di náá, ye waadhaa bin ghwyil ɛ. Tin, é sok mɛbhowal aazyɛ ɛ́, Zɛɛb ɛ́ waadjɛ bin ghwyil ɛmaad yɛ, nyɛ Waalyaal bin mɛpek mɛ ɛwyis ɛ́ tɔ mɛbhowal mɛ tak.
Duua tɛtɛ tuub ɛdum ɛ koŋ nɛ Zɛɛb, baala tsik na kɔm-kɔm, yii Zɛɛb nadjóo wɔ étɛp tak ɛ, é ghɛŋ wɔ natuud embɛɛ mɛkpa mɛ ɛdum ɛ koŋ ɛ lɔ nɛ Yezu Klisto é mis mɛ bot ɛbuɛpe ɛ,
Tin, bot ɛ di esaa náá, bɛ di nɛ mɛvu ɔ, bɛ nɛ kwyɛ tɔ mɛbhowal. Bɛ ɛ́ tɔ laab dum nɛ embee mɛkwosak mɛ ewo di esa náá, bot di tɔ mezuk nɛ ɛwo ɛ́ ze, nɛ ɛdul ɛ bot tɔ ɛsyee ɛ.
Perseverança até o fim
A corrida da fé exige perseverança. Devemos lançar fora todo peso e olhar para Jesus, o autor e consumador da nossa fé.
Feŋ ɛ Zɛɛb dum nɛ bɔn bɛ
Yɛ kabɛ menabɛlka ɔɔ, menaka ɛ́ kuku bɛtɛ nɛ bɛtyaasɛs. Djhoodiska esa djas di esa náá, mena nàkɛka ɛnyɔɛpe ɛ, daŋ-daŋ ɛ mesyem mɛ mena di esesaka ngwyis ɛ. Tin, djhoopatka kaab di náá, mena waakaabka kɛkum pɛ ɛsik ɛ.
Taalaka nyɛ nɛ dáa nyɛ nazemaad swaka bot ɛ mesyem ɛ. Deenek, bi aanàbet náá, bi kwyeselaa, bi aanàbula pɛ bhis tɔ ɛdum ɛ koŋ nɛ Zɛɛb.
É di’enek, dáa ye di náá, nyɛ nawaaa tɔ mɛbhowal ɛ, nyɛy nyɛ ɛmet naabee mezuk, nyɛ ɛ́ nɛ ghwyil kakwyee bot ɛ di tɔ mɛbhowal ɔ.
Dika ndjem, bi ɛ́ kobaka, etɛɛ náá, mot mɛbhuka men, dim mot mɛkɔŋ ɛpebɔŋal bin dáa ghee mɛnyan, étɛp nyɛ needɛ bin. Deenek, dika tɔ epiki, tɔ ɛdum ɛ koŋ ɛ len nɛ Zɛɛb, pyetka sok bhwoob dim mot mɛkɔŋ. Tin, ye goka ɛ́ bi gu náá, kɔ ɛko ɛ bɔs’ak djas, bɔn-nyɛɛg bin ɛpezuk dáa biyɔ. Tin, mezuk men ɛ́, yii ba mɔɔ ɛwala batsa. Deenek, Zɛɛb mot di nɛ enɛm nɛ embɛɛ ɔ, nyɛy mot naadjóo bin étɛp bi neebe di tɔ duma yɛ na kɔm-kɔm sama wat nɛ Yezu Klisto ɔ, nyɛ waanɛɛg bin bɛsosoob, nɛ ghwyil ɛpyet. Tin, mot aanàkwaakabaakwyesal bin tɔ mɛbhowal.
Dika ndjem, bi ɛ́ kobaka, etɛɛ náá, mot mɛbhuka men, dim mot mɛkɔŋ ɛpebɔŋal bin dáa ghee mɛnyan, étɛp nyɛ needɛ bin.
Ɛzɛ di nɛ ghwyil ɛbɛk mena nɛ kwyɛl ɛ Klisto? Yɛ ɛ́ nɛ ghwyil ɛdi mezuk é, kɛŋ é, mɛtiiga, za, eduuba é, embee etɛp é, nɛghu ɛsyee?
Mena nɛ baaguka náá, esonok djas sael ɛnyɔɛpe ɛ́, étɛp bot ɛ di ekwyɛl Zɛɛb ɔ, bot ɛ nyɛ nadjóo tɔ ɛkwosak ɛ lɛ ɔ.
Deenek, Ghɛŋ ɛ́ waabaapɛk mɛ tɔ embee etɛp djas. Tin, nyɛ waatsik mɛ, étɛp nyɛ neeniigal mɛ tɔ Ɛyoŋ ɛ lɛ di tɔ gwoo ɛ. Beta náá, duu di nɛ nɛ kɔm-kɔm sii nɛ kɔm! Amɛn!
Tin, Ghɛŋ ɛ́ sosoob. Nyɛ waadjɛ bin ghwyil, nyɛ waabaal bin sok bhwoob Mbee mot.
Descanso e renovação
Jesus convida os cansados e sobrecarregados a descansar nele. Sua graça é suficiente para nos renovar em meio às tribulações.
Biyɔ, bot ɛ zewak étɛp ɛbɛp edil-dil mɛkɔm men ɔ, dhaka pɛ daa lam, mɛ needjɛ bin ɛwala.
Yɛ ààgoka náá, gwyes epata djɛɛd bin. Ye goka ɛ́ náá, bi myaala nɛ esa bi di nɛ yɛ ɛ, etɛɛ náá, Zɛɛb nyɛy ɛmet ke ɛ́ náá: «Ààbɛ, mɛ aanàkwaabet wɔ, mɛ aanàkwaapek wɔ.»
Etɛɛ náá, ye tok nɛ sa Zɛɛb aadi ààkwak.»
Nyɛ eezɛke nɛ nɔɔ náá: «Étɛp yé bi di edja egɔ́? Wyɛlka, da bi ɛ́ djaala Zɛɛb étɛp ɛkaab náá, bi ɛzɛkɛkwyɛ tɔ mɛbhowal.»
Bhii bɛ nakum é di tak ɛ, Yezu ɛ́ booke nɛ bɛdjekel bɛ náá: «Djaalaka Zɛɛb étɛp bi ɛ́ zɛkɛkwyɛ tɔ mɛbhowal.»
Gwakeka: Mɛ eedjɛ bin eghɛŋ ɛnyal bɛnyɔ, ebaalɔl, dɔɔ nɛ mɛbwala mɛ mot mɛbhuka djas. Ye tok nɛ sa yɛ aasa bin.
Dika, djaalaka Zɛɛb, etɛɛ náá, bi ɛ́ zɛkɛkwyɛ tɔ mɛbhowal. Sisim ɛ́ nɛ ghwyil ɛlooba, kabela ɛ́ náá, epuud nɛ sa elɛtɛ.»
Tin, mot di ekɛ tɔ ɛsyem ɔ, nyɛ ɛ́ mɔn dim mot mɛkɔŋ, etɛɛ náá, dim mot mɛkɔŋ nakan ɛsyem ɛ́ é mɛkɛn mɛ bhwak. É di’enek, Yezu Mɔn ɛ Zɛɛb natuula ɛ́, étɛp ɛzɛpul embee mɛsa mɛ dim mot mɛkɔŋ.
Bɔn bam, mɛ kwyal bin mɛkana mak ɛ́ etɛɛ náá,
mesyem men eezepelaa kɔ ɛsu ɛ din ɛ Yezu Klisto.
Biyɔ bɛpaa, mɛ kwyal bin mɛkana mak ɛ́ etɛɛ náá,
bi nɛ gu mot nadi é mɛkɛn tɔɔɔ ɛ.
Mengbaaz, mɛ kwyal bin mɛkana mak ɛ́ etɛɛ náá,
bi naazekwak Mbee Mot.
Bɔɔ bam, mɛ kwyal bin mɛkana mak ɛ́ etɛɛ náá,
bi nɛ gu Zɛɛb Sɛɛg.
Bɛpaa, mɛ kwyal bin mɛkana mak ɛ́ etɛɛ náá,
bi nɛ gu mot nadi é mɛkɛn tɔɔɔ ɛ.
Biyɔ mengbaaz, mɛ kwyal bin mɛkana mak ɛ etɛɛ náá,
bi ɛ́ nɛ ghwyil, Mɛkpa ɛ Zɛɛb ɛ́ tɔ len, bi eezekwak Mbee Mot.
Nàwaka lyem tɔ mbee tsik bot ɛ bɔs’ak nɛ embee esesɛɛ e bɔs’ak. Tin, mot ɛ di ewa lyem tɔ embee esesɛɛ e bɔs’ak ɔɔ, nyɛ tok nɛ ghwyil ɛkwyɛl Zɛɛb Sɛɛg.
Bi ààgu náá, mɛnyel men ɛ́ esum e nyel ɛ Klisto? Mɛ ɛ́ nɛ ghwyil ɛnɔɔ sum nyel ɛ Klisto, étɛp kɛsa náá, ye di sum nyel ɛ moma mɛzɔ? Ààbɛ, ye tok deenek! Bi ààgu náá, mot di esɛɛga goŋ nɛ moma mɛzɔ ɔ, bɛ nɛ nɛ moo ɛ́ nyel ngɔt é? Yɛ ɛ́ dáa ye di kwyala tɔ Mɛkana ɛ Zɛɛb ɛ: «Bɔɔ djas bɛbá aakadi ɛ́ mot ngɔt.» Tin, mot di tɔ ɛgwakel nɛ Ghɛŋ ɔ, nyɛ moo ɛ́ mot ngɔt bɛ nɛ nɛ tɔ sisim.
Deenek, kyeeka mɛzɔ, etɛɛ náá, mot sa syem mɛzɔ ɛ́, nɛ nyel’ɛ met. Yɛ ɛ́ kabɛ edhiiti mesyem ɔɔ, ye sael ɛ́ ɛtsetaɛpe nɛ nyel. Bi ààgu náá, mɛnyel men ɛ́ ndjaa Sisim na Dɛɛ? Sisim di tɔ len ɛ, Zɛɛb nyɛy ɛmet ɛ nadjɛ bin Sisim tak. Tin, mɛnyel men tokapɛ yebɔ met. Zɛɛb naazebɔm bin nɛ boo mɛtaŋ. Tin, bi goka ɛ́ nɛ ɛdjɛ Zɛɛb duu nɛ mɛnyel men dáa ye di egoka ɛ.
Tin, mɛ lɛɛ bin ɛ́ náá: Betka náá, Sisim na Dɛɛ djɛɛd bin, é di’enek, bi aanàkabaasa ɛkwosak ɛ epuud. Etɛɛ náá, egwyes e epuud ɛ́ nɛ zyaala nɛ egwyes e Sisim. Tin, egwyes e Sisim ɛ́ nɛ zyaala nɛ egwyes e epuud. Deenek, yɛ ɛ́ nɛ zyaala pak’ɔɔ, tyee náá, bi needi ààbɛ nɛ ghwyil ɛsa sa elyem bin di kwyɛl ɛsa ɛ.
Este artigo te tocou? Faça uma oração!
+581 estão orando agora.
Junte-se à corrente de oração.