23 Kosəra nɔ̂ ə̂në e sə kə mbrə nə, e mbrə̈ də lɔsu e nɔ̂, a pa də e mbrə mbrə Âgbɔ̂ Əyïngerə, ə də̂ mbrə azü də̂ ne. 24 E wüsə̂ nə ə pa e sɔtə̂ aə̂rɔ̂ aərə, tshemandâ nə, lə kəna Âgbɔ̂ Əyïngerə nə je, aə̂rɔ̂ aərə ə̂në tshə gâmba mbrə azü nə̂ ye gâ ye kɔ. Âgbɔ̂ əzü nə ə̂në e sə kə mbrə kosəra nə kə ətshə kɔ kə də̂ Kristə nə.

15 Gbɔ̈ ə gbɔ̈ ndə kə pa bə na ə ka gâ ətshi Ndjapä tə ə̈bə̈ əzü ə̂në tshə yisə̂ nə gashu ə pa əne lï gâ ye kɔ, tə əyïkosəra ə̂në gana sə sə kə ngɔ ətshə mbrə kosəra nə̂ ye ne kɔ, ə̂në tshə sə kə yisə̂ əpʉ gâ pâ djatra əpʉ də äwänə kɔ.

22 E mbrə̈ ərə Lïndə̂ əpʉ nə, e djï djï kʉtə̂ nə ə djï ne kanika e frɔ tə̂ e frɔ ne.

11 E prä äwä nɔ̂ ndə kə pa e sə də blatshe, e gä ndə akosəra nə̂ e də ə̂tə̂ e ə mbrə̈ kosəra də kəna e, mata ə̂në ä zâ ama də əpʉ nə kə e gâ ye kɔ. 12 E mbrə̈ rə ndə kə pa kə mbrə tə̂ e sə də äwänə lə ala azü ə̂në əndje wusə̂ Ndjapä wu ne kɔ ka e lishi li kʉ gâ lə kəna azü ndə kə pa e sɔtə̂ ərə ne.

10 Mbrə ə̂në a sə tə aərə kəna ye, tshə mbrə̂ əzə̂ lə Jezu Kristə nə gâ ye ndə kə pa a mbrə aə̂rɔ̂ aərə ə̂në tshə gâmba ətshinə gâ ye kɔ, ka a za tə̂ əzə̂ gâ tə̂ nə.

16 Bale, ä wusə̂ nə ə pa Ndjapä wu əzü tə ə̂rɔ̂nə lə ala ye tshî tə̂ äwä kə za lɔsu ye kə Jezu Kristə, ə də̂ tə̂ äwä kə mbrə ərə nɔ̂ ə lï də âgbɔ̂ əpʉ nə̂ Mayïzə də̂ ne. Ä-ä ndje, ä zâ lɔsu ä kə Kristə nə gâ ye ndə kə pa Ndjapä wu ä tə aə̂rɔ̂ azü lə ala ye tə̂ äwä lɔsu ä nə ə̂në ä zâ kə Jezu Kristə nə kɔ. Mbrə ə̂në ə̈bə̈ əzü bale lï lï ndə kə pa tshə sə tə ə̂rɔ̂ əzü lə ala Ndjapä tə̂ äwä kə mbrə aərə nɔ̂ Lïndə̂ âgbɔ̂ əpʉ ne.

8 Bale, Ndjapä lï ndə kə pa tshə ko adongo aərə nɔ̂ kə e, ndə kə pa e sə də aərə alɔnɔ̂ ə lï də e ə sə də aərə kwatəndje ngbatshe ndə kə mbrə də ə̂rɔ̂ kosəra nɔ̂.

12 Rəkɔ, alaye əmə ə̂në mə yində e ngbatshe kɔ, mata ə̂në e sə kə dji əpʉ ama alɔnɔ̂ kɔ, ə də̂ kʉ də ala əmə də̂ ne kɔ, bale kpəsəye kwatəndje, ə̂në mə sə sə je lə takpa tə̂ e ne kɔ, e mbrə̈ kosəra tə azü ə̂në e shê lə kuzu gâ ye kɔ, də awa də kə gu ə gugu. 13 Mbrə ə̂në Ndjapä nə kə mbrə kosəra lə e ndə kə pa e yində aərə ə mbrə ka ə fʉ tə̂ ye.

14 E mbrə̈ ərə nɔ̂ ə dɨ̈ tshelə ama e dɨ̈ wala ə pä ashera pä ne, 15 ndə kə pa ə̈bə̈ əpʉ bale sə sə lə akrɔ e ne, e sə mvo, tə aneshe nə̂ Ndjapä, ə̂në ə̈bə̈ əmbrʉ ərə bale sə sə tə̂ e lə takpa tə̂ abəngâ e ə̂në äwä əndje ndɨ̂ gâ ye â əndje sə tə aəmbrʉ azü kɔ ne. Lə takpa tə̂ əndje nə, e tshë mata ə̂yîəwo tadja pâ ashɔ, 16 mbrə ə̂në e sə kə na də əpʉ sorô kə əndje. Ə sə kə sə tə ərə kə da əkro əmə tə̂ nə, tə̂ əlo kə gu Kristə nə: rəkɔ, mə kpê kəmə ärɔ̈ nə kpê ambanə ne, mə wû kəmə əyo nə wû ambanə ne.

19 E nä na ye mâ ndə azü tshepashɔ nɔ̂, ə mä əndje tə atrawaya nə̂ əmə, ə zä batamo kə əndje də əɨrɨ Abä, də ənə̂ Ɨrɨ nə də ənə̂ Âgbɔ̂ Yîrə̂,

16 Əzü ə̂në tshə yində əpʉ nə â za batamo, Ndjapä sə kə she ətshə lə kuzu. Bale, əzü ə̂në tshə yində əpʉ nə yi ne, Ndjapä sə kə wa ngbanga gâ pâ ye.

9 Mbrə ə̂në ä-ä də a-Ndjapä nə sə kə mbrə kosəra äwä bale â e sə tə kəndɨ nə̂ Ndjapä nə.

E sə ndje tə anda ə̂në Ndjapä nə mbrə̂ kɔ.

10 Mbrə ə̂në əzə̂ nɔ̂ lï ndə kə pa a ka gâ ətshi ngbanga nə̂ Kristə nə, ndə kə pa əzü bale bale sɔtə̂ ərə ə lï də ərə ə̂në tshə mbrə̂ gâ ye kɔ, wala tə ə̂rɔ̂nə wala tə əmbrʉnə, alɔ ə̂në tshə daka pə tə sorô pâ ashɔ səye kɔ.