13 Tə Nyii ndə bʉʼʉ yʉ́əʼnə ndəŋ ɔŋ, kɔ́ tʉʉjyu tʉ bii ghɔŋbə fyiighʉ́ənə ilə́ŋnə tíŋ hə bɔ̌ŋ məmɔʼfyiihə-ii ndəŋ ɔŋ mbɔ bəkɔ məyʉ́əʼnə-yii ndəŋ ɔŋ kə́ gɛ̀ nə shʉbə nə ghʉəʼ-kəLyʉʉhəNyii-kə.

28 Ndʉʉmɛ, Jiso ghɔ̀ŋ mbɔ, "B̈ii gwè tʉ mɔ, bʉə bənchəŋ ndə bii nɔʼ bɛ̀ʼ bɛʼkə, mbʉ kəbɛʼ dìe bii daa, mɔ bu kwáa bii, bii káa.

17 Bʉʼka vaadyʉʼʉ ŋgʉəʼ-yùhə-ɔ̄ŋ ndə i bɛ haʼ nduɔ, nɔ tʉʼ shʉ̀tə məgʉ́ə tʉ bʉʼʉ ndə i dìe təmə liʼ-i ghɔ fɛ təmə bə bɔŋ mə fʉ̀ʼ ndəŋ fɔbɛʼkə təmiyɔŋ fɛ. 18 Bʉʼka bʉʼʉ tʉ́ʼ shʉtə-ʉʼʉ ndəŋ nubə ndə bə tʉʼ nyíɛ fɛ, bʉʼʉ bɔŋ tʉ́ʼ bə ndəŋ nubə ndə bə mə nyíɛ fɛ. Bʉʼka fɔbə ndə bə tʉʼ nyíɛ bu mì, bɔŋ fɔbə ndə bə gòʼ təmə kə́ nyíɛ fɛ, kʉʉnə mì fɛ.

23 B̈ʉʼʉ yá yəŋkə ndə bʉʼʉ ghɔ̀ŋ mbɔ bʉʼʉ yʉ́əʼnə ndəŋ ghɔ tə́nə chɔ shʉ́əshʉ́ə təmə kə́ yá fɛ̄ŋ yá fɛ̄ŋ fɛ, bʉʼka Nyii bu fɔ̀ʼ nukə ndə ɔ kɔ̀ʼnə.

7 B̈ii chɔ̀ʼhə nubə ndə i tʉʼ chɔ́ŋhə bii nchəŋnchəŋ mɔ̀ʼ kəghɔ-ɔ, bʉʼka ɔ nɔ tʉʼ lɛ́nə bii.

6 Kə bii mə kə́ lə̀ŋnə ndə nubɛʼkə təmiyɔŋ fɛ. Bɔŋ ndə nubə inchəŋ b̈ii kə́ gháaNyii bíʼtə fɔkə tʉ ɔŋ ndə bii byúu, bɔŋleʼ kə́ bíʼtə tʉ ɔŋ nə ndɔ mu fyiihə-ii. 7 Kaʼ bii fɔ̀ʼ yɔ̄ŋ-yə, bii kie fyiighʉ́ənə ndə i gwè hə kəghɔ-Nyii, ndə i bɛ ŋkʉʉ ndə nubə inchəŋ ndə bəkɔ woməsʉʉ kwɔ̀ʼtə, i bu yá ndaahə-ii ghɔŋbə ŋkwɔʼtə-yii tʉ́ʼ, ndə biibə Klai Jiso tʉʼ tòʼ mɔʼɔ.