10 versículos sobre esperança em tempos difíceis

13 Ana̱ꞌlóꞌ tsí mbá jañii a̱kia̱nꞌlóꞌ guáꞌthi̱ínlóꞌ inuu gáꞌne rí ma̱juwalaꞌ gagi mi̱ndaꞌkho jamí tsímáá, awúun máꞌ rí nanimba̱ꞌlaꞌ ju̱yáa̱. Xkuaꞌnii kajngó asndo ma̱ga̱dí-rígúu rí ga̱jma̱á mbá jañii a̱kia̱nꞌlaꞌ guáꞌthi̱ínlaꞌ ga̱jma̱á majñu̱u̱ ski̱yu̱u̱ꞌ Xu̱u̱ꞌ Ana̱ꞌlóꞌ.

17 Numuu rí na̱nguá máꞌ gakhe̱ rí nu̱míni̱íxo̱ꞌ ná numbaa ríge̱ꞌ, mbá nanújngoo máꞌ ne̱. I̱ndo̱ó máꞌ numuu rí ikhaa ne̱ ma̱ꞌne rí phú mba̱a̱ jamí jámuu ma̱gi̱ꞌdoo numaxo̱ꞌ nda̱wa̱á. 18 Ikhaa jngó, ikháanꞌxo̱ꞌ tsíya̱xi̱íxo̱ꞌ rí nakujma xúge̱ꞌ, rí nu̱ya̱xi̱íxo̱ꞌ rí tsíkujma. Numuu rí nandoo nduꞌyáálóꞌ, mbégo máꞌ ríga̱ ne̱, xómáꞌ rí tsíkujma mbu̱ꞌyáálóꞌ rá, jámuu ríga̱ ne̱.

23 Ga̱wajún-gúkuálóꞌ jamí ma̱xáꞌne a̱jma̱ a̱kia̱nꞌlóꞌ inuu mbá xúgíí rí nanimba̱ꞌlóꞌ ga̱jma̱á numuu Ana̱ꞌlóꞌ, ná ga̱jma̱á mbá jañii a̱kia̱nꞌlóꞌ guáꞌthi̱ínlóꞌ, numuu rí phú jmbii tsí nixuda-mina̱ꞌ.

7 Gu̱ni̱ꞌñáálaꞌ mbá xúgíí gajmá rí guáꞌdáálaꞌ ná ñawúun Ana̱ꞌlóꞌ, numuu rí ikhaa̱ na̱ña̱wa̱nꞌlaꞌ.

6 Ma̱xáxná-gamiéjwanlaꞌ mbá jayu gáꞌne rí ma̱ri̱gá, a̱ꞌkhue̱n gakon, i̱ndo̱ó máꞌ Ana̱ꞌlóꞌ gútha̱n-jáñíílaꞌ numuu mbá xúgíí rí ndaꞌyálaꞌ, jamí gu̱rígu̱ulaꞌ gamaku ná inuu Ana̱ꞌlóꞌ mangaa. 7 Jamí Ana̱ꞌlóꞌ gáꞌne rí ma̱ꞌne tsímáá a̱kia̱nꞌlaꞌ. Ikhaa tsímáá rí nanújngoo-rámuu rí nafroꞌo̱o̱ xa̱bo̱ numbaa, ikhaa rúꞌkhue̱n gáña̱wu̱u̱n nímia̱ꞌlaꞌ jamí ju̱ma̱ꞌlaꞌ numuu rí mbóó juwalaꞌ gajmiálaꞌ Krísto̱ Jesús.