3 ኑ ኡባይ ክርስቶስ የሱሳራ እስፋናዉ ፃማቀትዳ ዎደ እያ ሀይቁዋን እያራ እስፋናዉ ፃማቀትዳይሳ ኤረከትዬ? 4 ኑ ፃማቀትዳ ዎደ ክርስቶሳራ ሀይቅዳነ ሞገትዳ። ክርስቶስ ፆሳ አዋ ቦንቾ ዎልቃን ሀይቆፐ ደንድዳይሳ መላ ኑካ ኦራ ደኦን ዳና።✝

5 ኑ እያ ሀይቁዋን እያራ እስኖ ግድኮ፥ ሄሳዳካ፥ እያ ደንዱዋን እያራ እስኖ ግዳና። 6 ኑ ህዛፐ ናጋራስ አይለ ግዶና መላነ ኑ ናጋራንቾ አሳተ ዎልቃይ ያና መላ ኑ ጭማ አሳተይ ክርስቶሳራ ካቀትዳይሳ ኤሮስ። 7 እስ አስ ክርስቶሳን ሀይቅዳባ ግድኮ፥ እ ናጋራ ዎልቃፈ ላአ ከይስ።

11 ሄሳዳካ፥ ህንተ ናጋራስ ሀይቅድ፥ ጎዳ ክርስቶስ የሱሳ ባጋራ ፆሳስ ደኦን ደኤይሳ ቆፕተ።

17 ሄሳ ግሾ፥ ኦንካ ክርስቶሳን ደእኮ ኦራ መተ፤ ጋልአ መተይ አስ፤ ኡባይካ ኦራ ግድስ።

20 ታኒ ክርስቶሳራ ማስቃልያ ቦላ ካቀታስ። ታኒ ህዛፐ ታዉ ደእከ፥ ሽን ክርስቶስ ታናን ደኤስ። ታ ሀእ ደእያ ደኦይ፥ ታና ዶስድ ታ ግሾ ባና አድ እምዳ ፆሳ ናኣ አማናዳ ደአይስ።

11 ሀ ኦራ መተን፥ ግርከ አስ ዎይኮ አይሁደ አስ፥ ቃፃረትዳይ ዎይኮ ቃፃረቶናይ፥ ባርባረ አስ* ዎይኮ እስኩተ አስ* አይለይ ዎይኮ ዎማኖይ ባዋ። ክርስቶስ ኡባ፤ እ ኡባን ደኤስ።

22 ህንተ ካሰ ደእዳ ደኦ ኦግያ አግተ። ቃስ ባ ጭምያ አሞን ይያ ህንተ ጬጋ አሳተ ድግተ።✝ 23 ህንተ ዎዛና ቆፋን ኦራፅተ። 24 ቱማ ፅሎተንነ ጌሻተን ፆሳ ሌምሶን መትዳ ኦራ አሳተ ማእተ።✝

8 ሀእ ህንተ ሄሳታ ኦፍተ። ቃስ ሀንቆ፥ እፆ፥ ካች፥ ዝግርስነ ቦርሶ ኦዳ ህንተፈ ድግት። 9 ጬጋ አሳተ እያ ኦሱዋራ ህንተፈ ቃርዳ ግሾ፥ እሶይ እሱዋስ ዎርዶቶፕተ።✝ 10 ፆሳ መ ዳንያ፥ ኤራተን ላመትዳ ኦራ አሳተ ማእተ።✝

9 ሽን ፆሳስ ኑ ናጋራ ፓፅኮ፥ እ ኑ ናጋራ አቶ ጋናዉነ ኑ ቆሆ ኦሶ ኡባፈ ኑና ጌሻናዉ፥ አማነትዳይሳነ ቱማ።

10 አቤት ፆሳዉ፥ ጌሻ ዎዛና ታናን መ፤

ቃፆና አያና ታ ግዶን ኦራ።

11 ታና ነ ስንፈ የጎፋ፤

ነ ጌሻ አያና ታፐ ኤኮፋ።

12 ነ አቶተ ኡፋይሳ ታዉ ዛራ፤

ታ ነዉ ኪተታና መላ ታና ዘምፕሳ።

25 ታ ህንተ ቦላ ፅሎ ሃ ርጫና፤ ህንተካ ጌያና። ህንተና ህንተ ቱናተ ኡባፈነ ኤቃ ጎይኖ ኡባፈ ጌሻና። 26 ታ ህንተዉ ኦራ ዎዛና እማና፤ ኦራ አያና ህንተ ግዶን ዎና፤ ሹቻ ዎዛና ህንተፈ ከሳዳ፥ አሾ ዎዛና ህንተዉ እማና። 27 ታ አያና ህንተ ግዶን ዎና፤ ታ ዎጋነ ታ ህግያ ናጋና መላ ኦና።

3 ኑ ኡባይካ ካሰ ሄ አሳታ ግዶን ኑ አሾ አሙዋነ ኑ ዎዛና ሸንያ ካልድ ደእዳ። ኑካ ሀራታ መላ ኑ መተን ፆሳ ሀንቁዋ ኤካናዉ ደኤይሳታ።

4 ሽን ፆሳ ግታ ማሮተፈነ ኑስ ደእያ ግታ ሲቁዋፐ ደንድዳይሳን፥ 5 ሀር አቶሽን ኑኒ ኑ ቆሁዋን ሀይቅድ ደእሽን ክርስቶሳ ባጋራ ኑስ ደኦ እሚስ። ህንተካ አትዳይ ፆሳ አ ኬሀተና።