7 Ookkoneechchi uduma Duuchchi Woddik Gootti Mageni buttina* buttii’in aadhe manjoke asse giisseexxi sano isixxen hedho uwwaaka hafuuranna uffu hiyye. Manjikinna hedho affeexxe dada kade.✝

13 Ati anxa giddixxa manjumma dada’eetten;

anxe amake godobi giddo

loobbe’e anee daddetek ateten.

14 Ani maso mambe’ake kadee’e dademeennaxxee’e

ateee saadda’eennen;

huje atixxi mambe’aken;

tenneenna ani adda ege’neennen.

15 Ani sho’ik dademenne wodda

dhi’moo godobi giddo dademenne wodda

micci anki duuchchinna ati edo sho’eemabaan.

16 Ille atixxi, anxee amake godoba’ni munde ititebaa wodda anee affeen;

ani’a murendeexxi barruwwa

atike maxaafa’n borreeseende’een.

9 Hedhotixxi muumme atete kaddeettaaxxee

ifa atikenni ifa uundannon.

33 Anke baro duuchcha’n Duuchchi Woddike Gotta faarsaannon;

hedhoti hedhenne qico’n

Mageno anka galatik saadannon.

6 Yessuusinna iso’n, «Orii, dhugaatinna hedho Anten. Ani darre’nite malee Aabiba’a dagaaki hedhebaan» hiyye hiise haaso’e.

10 Moodhalchi mooro’a, shiyo’aanna balleessa calli’a dagaan; Ani kinni dagenneechchi hedho alfino’aanna bira saxxeexxi hedho he’naashshaten.»

25 Yessuusinna ise’n hiyyee qici, «Ke’atinna hedho anten; Ane’ni amanaak reyoolenna midde isi hedhoti hedhaan; 26 ane’ni hedhaaki, ane’ni amanaak duuchchinna haranga reyabaan. Ati tennee amandatto?»

35 Ookkoneechchi uduma Yessuusi insa’nee hiyyee qici, «Hedhotik budeen anten. Anibaa dagaak ijje solo’wabaan; ane’ni amanaakinna ijje dheebo’wabaan.

38 Ane’ni amanaak Woyyichchi maxaafi hiyyemmashshanni hedhotike wode’ixxi muumme isi giddii’ni phu’issaan.»✝

20 Ani Kiristoosinni welti fannisemeeneshsha asse ifi laakko’ennaxxee; ta’ani edi’a ani hedhot hedhabenon; Kiristoosi kinni ane’n hedha; Ta’a ani maalik hedhaannexxi hedho anee eeyyekenna umo ifika ani’a sa’isse uwweeke Mageniike belto’ni amanati hedhannoxxe hedhon.

20 Ani Kiristoosinni welti fannisemeeneshsha asse ifi laakko’ennaxxee; ta’ani edi’a ani hedhot hedhabenon; Kiristoosi kinni ane’n hedha; Ta’a ani maalik hedhaannexxi hedho anee eeyyekenna umo ifika ani’a sa’isse uwweeke Mageniike belto’ni amanati hedhannoxxe hedhon.

12 Beekuma qalbetika anfannoshsha

bari no’ok hittee qico harumaake kadeexxa no’oo barachchiis.

10 Anke beltoo! Hiyyaannexxa caqasi, kulaanexxanna laqi,

atik hedhoti barinna qeerredhaan.

23 Duuchchiinxe yaane iimi darre qalbe atixxa heqqedhi,

qalbe hedhotixxe muummen.

23 Duuchchiinxe yaane iimi darre qalbe atixxa heqqedhi,

qalbe hedhotixxe muummen.

8 Muxxumma eeyyaak hedho ifixxa eeyyaa,

qalbeeffachchotanna jabaate halsaake isi’a qajeeldaan.

3 Haaso’a heqqedha’n haaso’aak hedho ifixxa heqqedha,

afeeshshanni haaso’aak kinni ba’aan.

17 Gorsa adhdhaak wele mann’a hedhotike ora leellishshaan,

kula adha’baaak kinni dedhiinke ora’n akeeka.

27 Duuchchi Woddika Gootta sodaata hedho utaaxxe muummen,

manjo reyotixxe fonxoronaa’ni anjirtaan.

21 Qullummatanna jaalala hordofaak,

hedho, durummatanna ulfinna alfaan.

15 Yoona beekuma afebaakiirishshate kaddebaak beekumiinke mannishsha hitta hexxinaaxxa xexxe’atte. 16 Bari kunni fuggichchake kadeemmaxxee eldaaxxa yanna duuchcha hujete’n hosilse.

4 Ee, Duuchchi Woddike Goottaa! Ora atika ege’nannoshsha assi;

ora atikanna anee barachchiisi.

6 Dhugaaten, baro anke duuchcha’ni,

elle atixxinna shaqqunte atixxi anxa duuka me’itaan;

baro anke duuchcha’n aninna Duuchchi Woddike Goottike mine’n hedhaannon.

26 Maali ankinna yaadi anki gopha’nee me’aan;

Mageni kinni duuchchi woddi’a anxe hunnanna anke qoobbon.

7 Duuchchi Woddik Gootti atee miittaaxxe yaane duuchchanaa’ni heqqaan;

hedho atixxanna nage’ek heqqaan.

8 Duuchchi Woddik Gootti ifike minenaa’ni fulde me’itatto woddanna

ifike minibaanna higgatto wodda

telchonna duuchchii woddi’a atee heqqaan.

3 Ati rassa anxenna golla anke kaddettaxxee

summa atingee hite’e anee akeek;

orakanna ane’n leellishshi.

4 Duuchchi Woddika Gootta mitte yaane kadhataanen;

kadhataannelchinna: hedho anxike baro duuchcha,

Duuchchi Wooddike Goottike mineni hedhonnoshshanna Duuchchi Woddike Goottixxa danchumma uuda’ni saadonnaanna galma isike’n soodatonnaaten.

7 Duuchchi Woddike Gootti edo sammi hite’e

ossati isoo heqqedhi;

ori isi’a qajeeleeke

fuggoxxa assaake manjixxee bojogendoxxe’e.

93 Isinni lubbo anee ukkeettaxxee’e

ajajuwwa atika haranga dedhabe’non.

25 «Tennexxee ani ha’no’n hiyyaane qici, hedho ha’nooxxee maachcho indanno maachcho ha’winanno, maachcho oddo’winanno? Hitina’n wixixxi hitinoqqe’e. Hedho itatenaa’n manjummatinna seemmatenaa’n saxxabaata? 26 Amme iimatixxa ci’a uude! Facaalsitaba, haa’mitaba’a gootarake’n tuu’litaba’a, kaddoo malee’e iimik Anni ha’nook isee itisaan. Ha’noota ci’atenaa’n lumosha saxxinabaata? 27 Isi ha’no giddii’n wixixxi hiyye ifixxe hojja’ni* mitte ciqile lebatee’e dande’aak hedhee?✝

36 Manji butta tennee duuchcha ifixxe assedhe’e lubbo ifixxa balleesseexxe kaddoole; isi’a maa la’oonda?

34 Ookkonechchi uduma Yessuussi arda ifixxe hordofeeyyenni welti ifibaa ye’eexxi, «Anee hordofatee eeyyaaki hedhoole ifi hunowwaal; fanno ifixxa dulkeexxi anee hordofowwaal; 35 hedho ifixxa anjiratee eeyyaaki duuchchi hedho ifixxannxa balleessaani; anxenna eloxxe odoxxee hedho ifixxa balleessaaki duuchchi kinni hedho ifixxa anjiraani. 36 Manji butta tennee duuchcha ifixxe assedhe’e lubbo ifixxa balleesseexxe kaddoole; isi’a maa la’oonda? 37 Manjingi lubbo ifixxa wodo’a maa hira uwwiyyo dande’a? 38 Tenne amana gibba’neekixxenna cubbaaleeyye ilaxxe oddo’ni Ane’ninna hiyyichcho Anke’ni shookaaki duuchchi; Manjinki Belti ifike annike ulifinninna iimixxe woyyoole Ergannanni welti dagaa wodda; iso’ni shookaani» insa’ne’a hiyye.

15 Lebeexxi insa’ne’n, «Manjiinxi hedho karratixxe birasa’nenni welti abidendeexxe yaane kada gophphemmaxxee, heqqedhdhe; tennexxee haafematena’ni ifi heqqedhdhe.»

3 Dhugaatike Mageno kaddeeteka atenna ati ergiteeteka Yessuusi Kiristoosii’i egennaashsha tinni duuchchi woddixxe hedhon.

23 Cubbotik rund reyote. Mageniinxi uwwa kinn Gootta no’oke Yessuusi Kiristoosi darree’n duuchchi woddixxe hedhon.

2 Eloxxa, gamachisaxxanna luqqitte Magenxa fedhi maacho kaddeexxa hubatine egendinno’a giddixxe ha’noxxe qalbexxe haroma’n jijireme male tenne butta labbinoqe’e.

7 No’o he’nanelchi amanatite malee’e iso’o uudatitebaani.

14 Manji duuchchinni welti nage’iki hedhatee dandeetineexxa duuchcha aasse; woyyoletenna kadde; woyyummabelo ayyinna Gootta uuda dande’abaan.

11 Konnechchi edo ha’no ajanjeneshshanni ifixxe anganni hucce; salalik hedhdhe; ifixxa yaane calla uude. 12 Tinninna ha’no amanabaake mannixxe oddo’ni ulfinnik hexxinaashshanna hoone manjo’ninna ba’ote kaddinabaashshaten.

23 Hujjinaaxxa yaane duuchcha manjokeete kaddebaak Goottake hujjina’neeshsha qalbeti hujje! 24 Tennexxee Gootti iimika qadaada ha’no’a uwwaaxxa egendineen; ergatendina’neekinna Gootta Kiristoosi’aten.

12 Hega uudemate’ni ossaak manji eebisemeken; tinninna kaddeechchi hega uushote’n isi osse sa’aa wodda Mageni eeyyaakeri’a uwwaaxxe addachchiisaka, hedhotika kallalcha alfaan.

13 Ha’noo giddii’n beekinna wodaniik manji ha’nooxxe oddo’ni ayyetee? Beekakenna eloke manjo kada isixxa elooke adabininna eloxxe hujenni leelishshowwaal.

10 Tennexxee

«Hedho eeyaak

eloxxa barra uudo’a hasaak

Arbo ifika fuggoxxenaa’n

suume ifixxanna shokko haaso’atenaa’n hoyedhowwaal.

11 Fuggoxxenaa’n bayyatowwaal eloxxanna hujowwaal;

nage’a halsowwaal, hordofowwaal.

6 Hedho affeexxi dada duuchcha

Duuchhci Woddika Gootta saaddowwaal;

Hallee luya.

1 Duuchchiinxee yanna hexxeen;

Tenne butta’n kaddaaxxe yaane duuchcha’a Mageni mureexxe yanna hexxeen.

16 Ani telcho ajajaanek Duuchchi woddike Gootta atke Magenike ajajuwwi’a ajajendottole, seerake’n me’ittotole, ajajuwwa, seeruwwakanna aada duuchcha heqqexxottole lubboti hexxatton: bira saxxatton: Duuchchi woddiki Gootti atiki Mageninna martattoke boga duuchcha’n atee eebbisaan.

12 «Duuchchi Woddik Gootti atik Magen ati’a uwwaake boga’n wogga atixxi qeerrexxo’a anna atikanna ama atixxa ulfees.✝

10 No’oxxe hedhok bari torbaane tomme woggan,

bira sa’oole sadeeta tomme woggan;

ise giddo bira sa’xxaaxxi rakkotenna yaadoten;

isenni rakke saxxaan; no’onna sukuti hinnannon.

4 «Ee, Duuchchi Woddike Goottaa! Anxe Hedhoka muuxama, anke barrika laakkossanna ane’n ege’nishshi;

bari ankinna rake’e sa’aneeke kadeexxa ege’no.

5 Kunse, baro anka taakkoti qicike assittette;

wogga anxinna ati edo maachchonnabaan;

dhugaaten, manji duuchchixxi hedho shuu hite’e saxxaammaxxe diidallon.

6 Dhugaaten, manjii gaaddidotishsha sa’aan;

tolange elo’aan;

ayyi’aa kaddaaxxa afebaang karra tuulaan.

12 Hedho eeyyaak,

eloxxanna uudo’a qeera barro halchaak ayyete?

13 Arabo atikenaa’n elobaaxxi fuldabaashsha,

afo’i atikinna sobo haaso’abaashsha heqqedhi.

14 Fuggoxxenaa’n baaji; elloxxanna assi;

nage’a halsi; isoonna hordof.

31 Arree ulfinniinke kallachaani;

isenna afendaaki qullichcha manjo’niteni.

19 Wode’i daa’witetishsha alba manjiinka leellishammashsha,

manjiinxi qalbenna ookkone manjika yaada farri assitee leellishsha.