7 Rabbii Allaahan, Allaahan biyyoo lafaa irraa nama tolche; hafuura jireenyaas funyaan isaatti baafate; namnis uumama jiraataa taʼe.

13 Ati namummaa koo isa keessaa uumteertaatii;

gadameessa haadha koo keessattis na tolchite.

14 Ani sababii haala sodaachisaa fi dinqisiisaadhaan uumameef

sin galateeffadha;

hojiin kee dinqisiisaa dha;

kanas ani akka gaariittan beeka.

15 Yeroo ani iddoo dhoksaatti uumame,

lafeen koo si duraa hin dhokanne.

Yeroo ani dhidhima lafaa keessatti tolfame,

16 iji kee dhagna koo kan hin tolfamin arge.

Guyyoonni duraan dursanii naaf murteeffaman hundi utuu hin jiraatin,

kitaaba kee keessatti barreeffamaniiru.

9 Burqaan jireenyaa si bira jiraatii;

nu ifa keetiin ifa argina.

33 Bara jireenya koo guutuu ani Rabbii Allaahaf nan faarfadha;

hamma lubbuun koo jirtuttis faarfannaadhaan Allaah koo nan galateeffadha.

6 Iisaanis akkana jedhee deebiseef; "Karaa fi dhugaan, jireenyis anuma. Yoo anaan taʼe malee eenyu iyyuu gara Abbaa hin dhufu.

10 Hattichi hatuuf, ajjeesuu fi balleessuu qofaaf dhufa; ani garuu akka isaan jireenya qabaataniif, jireenya irraa hafaas akka qabaataniif dhufeera.

25 Iisaan immoo akkana isheedhaan jedhe; "Duʼaa kaʼuu fi jireenyi ana. Namni natti amanu yoo duʼe iyyuu ni jiraata; 26 kan na keessa jiraatuu fi kan natti amanu hundinuu bara baraan hin duʼu. Kana ni amantaa ree?"

35 Iisaanis akkana isaaniin jedhe; "Buddeenni jireenyaa ana. Namni gara koo dhufu gonkumaa hin beelaʼu; kan anatti amanus gonkumaa hin dheebotu.

38 Akkuma Katabbiin Qulqulluun jedhe nama natti amanu kam iyyuu laga bishaan jireenyaatu garaa isaa keessaa burqa."

20 Ani Al-Masiihii wajjin fannifameera; siʼachi Al-Masiihiitu na keessa jiraata malee kan jiraatu ana miti. Ani jireenya amma fooniin jiraadhu kana amantii Ilma Allaaha isa na jaallatee naaf jedhee of kennetti qabuun nan jiraadha.

20 Ani Al-Masiihii wajjin fannifameera; siʼachi Al-Masiihiitu na keessa jiraata malee kan jiraatu ana miti. Ani jireenya amma fooniin jiraadhu kana amantii Ilma Allaaha isa na jaallatee naaf jedhee of kennetti qabuun nan jiraadha.

12 Akka nu garaa ogummaadhaan guutame qabaannuuf,

bara keenya lakkaaʼuu nu barsiisi.

10 Yaa ilma ko dhagaʼi; waan ani jedhu illee fudhadhu;

barri jireenya keetiis ni baayʼataa.

23 Waan hunda caalaa qalbii kee eeggadhu;

burqaan jireenyaa achii baʼaatii.

23 Waan hunda caalaa qalbii kee eeggadhu;

burqaan jireenyaa achii baʼaatii.

8 Namni qalbii qabu ofii isaa jaallata;

namni hubannaa jaallatu ni milkaaʼa.

3 Namni arraba isaa eeggatu, jireenya isaa eeggata;

kan of eeggachuu malee dubbatu immoo baduuf ariifata.

17 Namni gorsa fudhatu karaa jireenyaa irra deema;

namni adaba didu kam iyyuu garuu warra kaan karaa irraa jalʼisa.

27 Rabbii Allaah sodaachuun burqaa jireenyaa ti;

kiyyoo duʼaa irraas nama deebisa.

21 Namni qajeelummaa fi jaalala duukaa buʼu,

jireenya, badhaadhummaa fi ulfina argata.

15 Egaa isin akkamitti akka jiraattan jabeessaa of eeggadhaa! Akka ogeeyyiitti jiraadhaa malee akka warra ogeeyyii hin taʼiniitti hin jiraatinaa; 16 waan guyyoonni kunneen hamoo taʼaniif baricha furaa.

4 Rabbii Allaah, karaa kee na argisiisi;

daandii kees na barsiisi;

6 Dhugumaan gaarummaan keetii fi araarri kee,

bara jireenya kootii hunda na duukaa buʼu;

anis bara baraan, mana Rabbii Allaah keessa nan jiraadha.

26 Foon koo fi onneen koo dadhabuu dandaʼu;

Allaahan garuu jabina garaa koo ti;

bara baraanis inni qooda koo.

7 Rabbii Allaahan miidhaa hunda irraa si eega;

inni lubbuu kee ni eega;

8 Rabbii Allaahan ammaa jalqabee

hamma bara baraatti, baʼuu fi galuu kee ni eega.

3 Ati waan kattaa koo fi daʼoo koo taateef,

maqaa keetiif jedhiitii na qajeelchi; karaa irras na buusi.

4 Ani waan tokko Rabbii Allaah duratti duʼaa nan godhadha;

waan kanas nan barbaada:

Kunis bara jireenya kootii guutuu

mana Rabbii Allaah keessa jiraachuu,

miidhagina Rabbii Allaah ilaaluu fi mana qulqullummaa isaa

keessatti isa duʼaa gochuu dha.

7 Rabbii Allaah duratti calʼisi;

obsaanis isa eeggadhu;

nama karaan isaa qajeeleefitti,

kan hammina hojjetuttis hin hinaafin.

93 Sababii ati isaan na jiraachifteef,

ani gonkumaa ajaja kee hin irraanfadhu.

25 "Kanaafuu ani isinittin hima; ‘Maal nyaanna yookaan maal dhugna?’ jettanii waaʼee jireenya keessanii hin yaaddaʼinaa; yookaan ‘maal uffanna?’ jettanii waaʼee dhagna keessanii hin yaaddaʼinaa. Jireenyi nyaata hin caaluu? Dhagnis uffata hin caaluu? 26 Mee simbirroota shamaayʼun ilaalaa; isaan hin facaafatan yookaan hin haammatan yookaan gombisaatti hin galfatan; taʼus Abbaan keessan inni shamaayʼun irraa isaan soora. Isin immoo isaan caalaa gatii guddaa qabdu mitii? 27 Isin keessaa namni yaaddaʼuudhaan hojjaa isaa irratti dhundhuma tokko dabalachuu dandaʼuu eenyu?

36 Namni yoo addunyaa guutuu argatee lubbuu isaa immoo dhabe buʼaa maalii argata?

34 Ergasii inni tuuta sanaa fi barattoota isaa ofitti waamee akkana jedhe; "Namni kam iyyuu yoo na faana dhufuu barbaade, inni of haa ganu; fannoo isaa baadhatees na duukaa haa buʼu. 35 Namni lubbuu isaa oolfachuu barbaadu kam iyyuu lubbuu isaa ni dhabaatii; garuu namni anaa fi injiilaaf jedhee lubbuu isaa dhabu kam iyyuu lubbuu isaa ni oolfata. 36 Namni yoo addunyaa guutuu argatee lubbuu isaa immoo dhabe buʼaa maalii argata? 37 Yookaan namni qooda lubbuu isaa maal kennuu dandaʼa? 38 Yoo namni kam iyyuu dhaloota ejjaa fi cubbamaa kana keessatti anaa fi dubbii kootti qaanaʼe, Ilmi Namaa yommuu ulfina Abbaa isaatiin malaʼikkoota qulqulluu wajjin dhufutti isatti ni qaanaʼa."

15 Innis, "Ilaalladhaa! Doqnummaa hunda irraas of eegaa; jireenyi nama tokkoo baayʼina qabeenya isaatiin hin murteeffamuutii" jedheen.

3 Jireenyi bara baraas kana: innis akka isaan siʼi Allaah dhugaa tokkichaa fi Iisaa Al-Masiihii isa ati ergite sana beekaniif.

23 Mindaan cubbuu duʼaatii; kennaan Allaaha garuu karaa Gooftaa keenya Al-Masiihii Iisaatiin jireenya bara baraa ti.

2 Fedhiin Allaaha gaariin, gammachiisaanii fi kan mudaa hin qabne maal akka taʼe qorattanii akka mirkaneessuu dandeessaniif haaromfamuu qalbii keessaniitiin geeddaramaa malee addunyaa kana hin fakkaatinaa.

7 Nu amantiidhaan jiraanna malee arguun miti.

14 Nama hunda wajjin nagaadhaan jiraachuu fi qulqulluu taʼuuf tattaaffadhaa; qulqullummaan malee namni kam iyyuu Gooftaa arguu hin dandaʼuutii.

11 akkuma nu kanaan dura isin ajajnetti tasgabbiin jiraachuuf tattaaffadhaa; harkuma keessaniin hojii keessan hojjetadhaa; 12 kunis akka isin warra alaa biratti ulfina argattanii fi akka harka nama tokko illee hin eegganneef.

23 Waan hojjettan hunda akka waan namaaf hojjettaniitti utuu hin taʼin akka waan Gooftaaf hojjettaniitti garaa guutuudhaan hojjedhaa; 24 kunis sababii isin akka Gooftaa biraa badhaasa dhaalaa argattan beektaniif. Kan isin tajaajilaa jirtan Al-Masiihii Goofticha.

12 Namni qorumsa obsu eebbifamaa dha; inni yommuu qorametti jabaatee waan dhaabateef gonfoo jireenyaa kan Allaahan warra isa jaallataniif waadaa gale sana ni argataatii.

13 Isin keessaa ogeessii fi hubataan eenyu? Kanas inni jireenya isaa gaariidhaan, hojii ogummaa kan gad of qabuudhaan hojjetamuun haa argisiisu.

10 "Namni jireenya jaallatu,

kan bara gaariis arguu hawwu kam iyyuu,

arraba isaa hammina irraa,

hidhii isaa immoo soba dubbachuu irraa haa eeggatu.

11 Inni hammina irraa deebiʼee gaarii haa hojjetu;

nagaa haa barbaadu; duukaa haa buʼus.

6 Wanni hafuura baafatu hundinuu Rabbii Allaah haa jajatu.

Haalleluuyaa.

1 Wanni hundinuu yeroo qaba;

hojiin shamaayʼuniidhaa gaditti hojjetamu hundis waqtii qaba:

16 Ani akka ati Rabbii Allaah kee jaallattu, akka karaa isaa irras deemtuu fi akka ati ajajawwan isaa, qajeelchawwan isaatii fi seerawwan isaa eegdu si ajaja; ergasiis ati lubbuun jiraattee ni baayʼatta; Rabbii Allaahan kees biyya ati dhaaluuf itti galtutti si eebbisa.

12 Akka biyya Rabbii Allaahan kee siif kennu keessa bara dheeraa jiraattuuf abbaa keetii fi haadha keetiif ulfina kenni.

10 Dheerinni bara keenyaa waggaa torbaatama,

yoo jabaanne immoo waggaa saddeettama taʼa;

kuni iyyuu garri caalaan isaa dadhabbii fi rakkinaan guutameera;

inni dafee darbaatii; nus barrifnee ni sokkina.

4 Rabbii Allaah, ati dhuma jireenya kootii na argisiisi;

dheerina umurii kootiis na barsiisi;

jireenyi koo akkam dafee akka darbus na beeksisi.

5 Kunoo, ati bara koo taakkuu tokkittii gooteerta;

umuriin koos fuula kee duratti homaattuu hin hedamu;

jireenyi nama hundumaas akkuma qilleensa shuf jedhee darbuu ti.

6 Dhuguma iyyuu namni akkuma gaaddidduu deddeebiʼa;

dhugumaan inni akkasumaan goolama;

namni qabeenya ni kuusa; garuu eenyuuf akka walitti qabu hin beeku.

12 Namni jireenya jaallatu, kan bara gaarii arguudhaafis

bara baayʼee hawwu eenyu?

13 Arraba kee waan hamaa irraa,

afaan kees soba dubbachuu irraa eeggadhu.

14 Hammina irraa deebiʼi; gaarii hojjedhu;

nagaa barbaadi; duukaa buʼis.

31 Arriin gonfoo ulfinaa ti;

innis karaa qajeelaadhaan argama.

19 Akkuma bishaan fuula namaa argisiisu sana

garaan nama tokkoo eenyummaa namichaa argisiisa.