7 Oute Bawipaw Pachia nynh laephi kya-e laenoi khate ccungccapaw kha a rae, hiinnaw hy kha a naduh lungkhu lang a sawnua; te ccungccapaw tuh ahiinpaw ahysuepaw lang yn tang.✝

13 Ka lungkhu e miakaw yn raetupaw tuh

nang nynh na thua;

ka nung vue lungkhu khe nae rae,

14 Ngaeangthua lante ri lan a um lante

nae rae keiccuze kae thehoysah.

Na ryalaw balyn tuh ngaeangthua lan

a um cipaw hoyte ka ny.

15 Kae kha alangku leinaw khe nae rae zah,

laephi akhunaw kyakhe

ccynmamyh lante he nae rae tuh,

ka pyn tuh namaw kyate thuruh thua khyh.

16 Accing loh leipaw

ka pyn kha phe na muih.

Tuh-e hae ccangkheit san a um mawkhe,

ka hanlan na raepaw nin hae balyn kha

na ccauh kya zei athua vae.

9 Pawccecize namaw kya

hiinnaw tuidy a um;

na awnaw kyakhe awnaw kha

kae muih.

33 Ka hiin lungkhu balyn

Bawipaw kalan hlaw ka sah cih;

hiinnaw ka hoi lyakhe ka Pachia kalan

thehoysahnaw hlaw ka sah cih.

6 Jesu nynh, "Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

10 Miruh tuh ru khylan, chia khylan te syro khylan rou nynh yn thua. Kae tuh hiinnaw hoi hae zah, tuh-e hiinnaw tuh phe ccing lan a hoi nawlan hae nynh kae thua.

25 Jesu nynh Mata kha, "Kae tuh thoothuinaw te hiinnaw nynh ka thua, kae yn zynpaw tuh a chi zemah a hiin cih, 26 Humhung zemah hiin zah kae yn zynpaw tuh mazi chih vae lan khyh. Tuh-e tuh na zyn tou?" a cipya.

35 Jesu nynh, "Kae tuh hiinnaw sanlou nynh ka thua. Ka kalan yn cceihpaw ccungccaw tuh a vuelaw boi vae lan khyh, kae yn zynpaw tuh a tuihaw boi vae lan khyh.

38 Ccathyaa nynh, ‘Kae yn zynpaw tuh a thinlung kyate ahiinpaw tuidy alua cih,’ a ci hawte athua cih," cite thawte a sia.✝

20 tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.

20 tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.

12 Tukeiccuze kae ccyh riathyanaw kha

oun ccangpya tua,

tuhteze nynh kae thinlung

a haw kho cih.

10 Ka ccaaw, ka bya hynh ngae lah

lawku tua, na hiinshe asae cih.

23 Na thinlung kha hoyte raeringtua,

pawccecize tuin kyate nynh

hiinnaw tuidy yn phyh.

23 Na thinlung kha hoyte raeringtua,

pawccecize tuin kyate nynh

hiinnaw tuidy yn phyh.

8 Hawnaw a muepaw tuh

amaw te amaw a sungsakuhpaw nynh thua,

nythyanaw a ccykekuhpaw tuh

hoynaw a mue.

3 Munglae a raeringkuh hae paw tuh

mih hiinnaw kha a khynsaku hae;

raeringku leite bya a hopaw tuh

amaw toulou kha a roku.

17 Thuiheinaw a ngaepaw tuh

hiinnaw laanpi kya nynh a um,

thuasalama thuiheinaw

a vuapaw tuh laanpi kha a mesei.

27 Bawipaw rawrinaw tuh

chinaw kaang kha

sibia khonawpaw

hiinnaw tuidy nynh thua.

21 Dingnaw te thawccinaw kha

a ccungpaw tuh

hiinnaw te sawtuanaw kha a mue cih.

15 Tukeiccuze angaeepaw hawte thua leite, ahawpaw hawte raeringkute hiin oh. 16 Ninsaw hae tuh ahoy vae khyh keiccuze accyh kha mangkuh thya oh.✝

4 Pou Bawipaw , na laanpi kha

yn nysah tua;

na laanpi kha yn ccangpya tua.

6 Ka hiin lungkhu balyn

hoynaw te thawccinaw kha

ka ccou cih zah,

Bawipaw inn kya

ka hiinshe balyn ka um cih.

26 Ka pyn te ka thinlung tuh

nyaabung hae salamah,

Pachia tuh ka thinlung thawzung te

ka ccoupaw ka hanpaw nynh

athua zungzae.

7 Bawipaw nynh ahoy leipaw balyn kyate

ae thungkhaw cih zah,

na hiinnaw kha ae rin cih.

8 Bawipaw nynh na pou ze thuasah,

na tee ze thuasah atu te

zungzae cia ae rin cih.

3 Nang tuh ka lungpi te

ka rhawlungrua nynh na thua ccaccing;

pawccecize na min hanlan

yn cciakhae lah, yn muihsah tua,

4 Bawipaw kha uccaw ccangkheit ka ngiaku,

tuh-e tuh ka ccungkuh ung cih:

tuh-e tuh ka hiin lungkhu balyn

Bawipaw inn kya um khylan,

Bawipaw puithyanaw muih khylan te

amaw rynaw ccung khylan nynh thua.

7 Bawipaw malang daebabi lan um lah,

amaw kha lungsaete ngawtua;

mih hiinnaw kya mih laan mih sui

ua hae paw, ahoy leipaw

paccynnaw rya a lah hae paw keiccuze

na thinphang nan sah.

93 Na kawbya hae kha

papin ka ning lan khyh,

pawccecize e na kawbya hae liate

hiinnaw nae pya.

25 "Tukeiccuze kae hopya oh, pawmou kae ae cih, pawmou kae neih cih cite nae hiinnaw hanlan nae lungvawsaw nan sah; paw boeining mou kae lawkuh cih cite nae pyn elang nae lungvawsaw nan sah. Hiinnaw tuh looh laeze sunghua khyh tou? Pyn tuh boeining laeze sunghua khyh tou? 26 Vaawlang e pavaw hae khuh dotua oh! Minmin tuh ccacii vuakuh khyh hae, looh mah rue khyh hae, byng kya mah ruinkuh khyh hae; tuhzemah vaawlang umpaw nae Paaw nynh minmin kha looh a dang hae. Nanning tuh minmin laeze patae na sunghua khyh oh tou? 27 Nanning lakuze hummou a lungvawsawnaw liate a hiinnaw ccyh kha dyntari san a saesakuh khopaw a um?

36 Ccungccaw lu kheit nynh laephi pynpi hynh pong a ccou zeso a hiinnaw a shung lanze pawmou athane?

34 Te a zuitu hae te ccungccaw hae kha ko hae zah, "Humhung zemah kae yn zui ry lan thua ze, amaw te amaw kha vuakuh sah lah a vaelantung kha puihkute yn zui sah.✝ 35 Pawccecize humhung zemah a hiinnaw a khumkuh rypaw tuh a hiinnaw kha a shung cih; kae te thehoypaw keiccuze a hiinnaw a shungpaw tuh a hiinnaw kha a khumkuh cih.✝ 36 Ccungccaw lu kheit nynh laephi pynpi hynh pong a ccou zeso a hiinnaw a shung lanze pawmou athane? 37 A hiinnaw kha pawtemou a muethui kho ung cih? 38 Tukeiccuze a ohhuakuhpaw te a seipaw hynh-e ciihan kyahin humhung zemah kamaw te ka bya kha mae yn thyakhaepaw tuh Ccungccaw Ccapaw nynh mah vaaw mithyaa hae ryte a Paaw phu-enaw te yn thua vae ze a maethyakhae ru cih," a cipya hae.

15 Jesu nynh, "Karankunaw aphuinphuin kha raeringkuh oh lah sibia oh; pawccecize ccungccaw lu kheit hiinnaw tuh a hoipaw uccaw patae kyakhe um khyh," a cipya hae.

3 Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

23 Pawccecize seinaw mee tuh chinaw nynh thua; thuasalama Pachia kya-e lasung tuh ah Bawipaw Jesu Khri liate zungzae hiinnaw nynh thua.

2 Nanning nynh hynh-e laephi muinsanke nan oh, thuasalama ahoypaw uccaw, ry lan umpaw uccaw te accingpaw uccaw cikuh hae paw—Pachia rynaw tuh pawmou athua cipaw na thaethya nawlan oh, nae thinlung kha thawsakute muinsan rulaekuh oh.

7 pawccecize aening tuh muihnaw liate hiin leite, zynnaw liate nynh ah hiin oh.

14 Ccungccaw miakaw te daenaw te um lanpaw te thyaararih lante um lanpaw kha zuakuh oh; thyaanaw leite hum nynh sanmah Bawipaw kha muih lan khyh.

11 Kae hopya vae oh hawte, daebabi lan na umthya nawlan oh, nae ryalaw kha pekikute, nae kuih te na lawku nawlan oh kae ngia oh; 12 atolang e ccungccaw hae kya kou ngaekuh lante na hiin nawlan oh te ming hae kha na ngaehoiku khyh nawlan oh kae ngia oh.

23 Ccungccaw hae rya a lahpaw hawte thua leite, Bawipaw rya a lahpaw hawte pawpaw na cyi oh zemah thinlung ccaccingte cyih oh. 24 Nae ryalaw mee rho uccaw kha Bawipaw kyate na mue cih oh cipaw kha nyh oh; pawccecize Khri Bawipaw rya nynh na law oh.

12 Tuhounaw kha a ngaesangpaw ccungccaw tuh hythua ccoupaw nynh thua; pawccecize aning tuh syntaw he athua koute Bawipaw nynh amaw a sungsah hae paw elang bya a kinpyaku hae paw hiinnaw bawilukhung kha a mue cih.

13 Nanning laku a hawpaw te a thaethyapaw hummou a um? Aning nynh hawnaw kya-e lungnenaw te ahoypaw a hiinnaw khate a ryalaw kha langsakuh sah.

10 Pawccecize

"Hiinnaw kha ry zah ccyh ahoypaw

a rypaw ccungccaw nynh

a munglae kha hoyleinaw kyate

sungkuh sah lah, a mung kyate

hynbya ho nan sah;✝

11 hoyleinaw kha sibia sah lah

ahoypaw kha cyih sah;

daenaw kha ccung sah lah,

daenaw mue lan zuakuh sah.

6 A hysuepaw balyn nynh

Bawipaw kha thehoysah oh!

Bawipaw kha thehoysah oh!

1 Atyn-are hanlan kumvaelori a um, vaawlui zakaw e uccaw miakaw hanlan accyh a um:

16 Bawipaw nae Pachia kha sungsahte, amaw laanpi kha na zui oh zah, a kawbya hae, a phunglang hae te a phungzae hae kha zuite atunin kaw kae pya oh paw Bawipaw nae Pachia kawbya hae hynh na zui oh zetuh, na hiin cih oh zah na pungzae cih oh, te ccou khylan na tee cih oh paw ram kya Bawipaw nae Pachia nynh hythua ae pya cih oh.

12 Bawipaw na Pachia nynh ae pyapaw ram kya na hiinshe a sae nawlan, na nung te na paaw kha sawtua hae.✝

10 Kae hiinshe tuh

kum sung sari nynh asae;

kae thawzung a um ze

kum sung tarya mah asae kho;

tuhzemah kae hiin lungkhu kya

vawsawnaw te

ngaethyanaw mawcci nynh kae tung;

kae hiinnaw tuh aro maw

thang zah phe kae zo.

4 "Bawipaw , ka hiin ccyh athangnaw te

ka hiinnaw ccyh kha beih yn nysah tua;

ka hiinnaw hynh hohcihmou

adyn cipaw beih yn nysah," cite ka ho.

5 Ka hiinnaw hynh zapae kyalya

asae lante nae rae zah,

ka hiinshe hynh na muihnaw kya

accakaepaw hawte nynh thua.

Thanccingte, ccungccaw miakaw hynh

vaekheit hysuepaw

khivae hawte nynh thua.

6 Thanccingte, ccungccaw miakaw hynh

mynlyh hawte nynh

a ccia bungthung hae.

Thanccingte, accakaepaw elang

rya a suhsaku hae; sisua kha

ccakhung hae zah, hum nynh

a ccou cih cipaw nyh khyh hae.

12 Hummou hiinnaw kha ry zah,

hiinhoyte she saenaw kha a duaa?✝

13 Na lae kha hoyleinaw kyate

la sungkuh lah,

na mung kha hynbya honaw kyate

la sungkuh.

14 Hoyleinaw kha cciataw lah,

hoynaw kha raetua;

daenaw kha ccung lah, deehui tua.

31 Sang apawpaw tuh

phu-enaw bawilukhung nynh thua;

adingpaw hiinnaw nynh

tuh-e tuh a mue.

19 Tui lungkhu khe na maee

na muihku hawte,

pawcihawpaw ccungccaw mou

athua cipaw kha

a thinlung nynh a langsah.