Vizinho

31 ቃስ ኪታ ኡባፈ አያ ናምአን ኪታይ ሀይሳ፤ ‘አሰ ኡባ ነ ሁጵያዳ ዶሳ’ ያገይሳ፤ ሀይሳታፐ አያ ሀራ ኪት ባዋ" ያግስ።✝

14 ህገ ኡባይ፥ "አሰ ኔዳ ዶሳ" ግያ እስ ቃላን ቃሸትስ።✝

9 "ላሞፋ፤ ዎፓ፤ ካይሶቶፓ፤ አሞቶፋ" ግያ ኪታይነ ሀራ ኪታ ኡባይ፥ "አሰ ነ ሁጰዳ ዶሳ" ግያ ኪታን ቃሸትስ።✝

10 አሰ ሲቅያ ኦንካ እያ ቦላ ኢታባ ኦና። ሄሳ ግሾ፥ አሰ ሲቀይስ ህገ ኪታ ፖልስ።

12 ሀራት ህንተዉ ኦና መላ ህንተ ኮያባ ኡባ ህንተካ ሀራታስ ኦተ። አይስ ጊኮ፥ ሙሰ ህገይነ ናበት ታማርሰይ ሀይሳ።✝

ዉርሰ ዞረ

1 አማንያ አሳዳ እሶይ እሱዋራ ፖሎ ሲቀትተ። 2 እማ ሞከይሳ ዶጎፕተ። እስ እስ አሳት ሄሳዳ ኦሸ ኤሮና ኪታንቾታ ሞክዶሶና።✝

27 ፆሳ አዋ ስንን ቦረይ ባይና ጌሻ አማኖይ ሀይሳ፦ አይያ አዉ ባይና ናይታነ አምኤታ ማዶነ አላምያ ቱናፐ ባና ናጎ።

8 ሲቆይ ዳሮ ናጋራ ካምያ ግሾ፥ ኡባፈ አድ እሶይ እሱዋራ ዎዛናፐ ሲቀትተ።✝

10 ኑ እንጀ ዎደ ደምኮ፥ አሳ ኡባስ፥ አድካ አማንያ አሳስ ሎኦባ ኦስ።

እሶይ እሱዋ ዶስተ

11 ኮይሮፐ ህንተ ስእዳ ኪታይ፥ "እሶይ እሱዋ ዶሳናዉ በሴስ" ግያ ኪታ።✝

34 ታኒ ህንተዉ እምያ ኦራ ኪታይ ሀይሳ፤ እሶይ እሱዋ ዶስተ። ታኒ ህንተና ዶስዳይሳዳ ህንተ እሶይ እሱዋ ዶሳናዉ በሴስ።✝

11 ሄሳ ግሾ፥ ህንተ ካሰ ኦይሳዳ፥ እሶይ እሱዋ ምንተነ ድችተ።

2 እሶይ እሱዋ ዴፆ ቶሁዋ ቶክተ። ያትኮ ክርስቶሳ ህግያ ፖሌታ።

2 ኑኒ ኑ እሻ አማኖን ምንናዉ እያ ማዳናዉነ ኡፋይሳናዉ በሴስ።

24 እስ እስ አስ፥ ሀራ አስ ማድያባ ቆፓናዉ በሴስፐ አትሽን፥ ባና ማድያባ ፃላላ ቆፖፎ።

10 እሶይ እሱዋራ እሻዳ ሲቀትተ፤ እሶይ እሱዋ ቦንችተ።

12 ኑ ህንተና ዳሮ ዶሰይሳዳ ጎዳይ ህንተ እሶይ እሱዋ ሲቅያ ሲቆነ አሰ ኡባ ሲቅያ ሲቆ ህንተዉ ዳርሶነ ጉጆ።

3 ህንተና ዶሶን ዎይኮ ጬቀትያ ሀዳ አሞን እስባካ ኦፍተ። ሽን ህንተ እሶይ እሱዋፈ ግታታይስ ያግድ ቆፖና ህንተና ካዉሽተ።

13 እሶይ እሱዋ ዳንዳእተ። ኦንካ ባ ላግያን ቆሄትዳባይ ደእኮ እያዉ አቶ ጎ። ጎዳይ ህንተዉ አቶ ግዳይሳዳ ህንተካ ዎልስ አቶ ጊተ።✝

ሀራ አስ በፋ

13 ሄሳ ግሾ፥ ኑኒ እሶይ እሱዋ ቦላ ፕርደይሳ አጎስ። ሽን ህንተ እሻ ብስድ ዎይኮ ቃፅድ ናጋራን ገልስያባ ኦናዳ ናገትተ።

ፆሳ ፅሎ ፕርዳ

1 ሄሳ ግሾ፥ ነኖ ሀራታ ቦላ ፕርደይሶ፥ ኔኒ ጋሶያባይ ባዋ። ኔኒ ሀራታ ቦላ ፕርዳሸ፥ ሄ ኔኒ ፕርድያ ኡራ መላ ኦኮ፥ ኔኒ፥ ነ ቦላ ፕርዳሳ።✝

ሎኦ ኦድ መቶ ኤኮ

8 ዉርሰን፥ ኡባይ እስ ቆፋን ደእተ። እሶይ እሱዋስ ቃትሸ፥ እሻዳ ሲቀትተ፤ ቃስ እሶይ እሱዋስ ኬሀታነ አሽከታ ግድተ።

5 ቃስ "እስ ጋላሳይ ሀራ ጋላሳፐ አስ" ያግድ ቆፕያ አስ ደኤስ። ሀራይ ቃስ፥ "ጋላሳት ኡባይ እስ መላ" ግድ ቆፔስ። ሽን እሶይ እሶይ ባ ቆፋ አኬክድ ቃቾ።

14 መቶን ደእያ አስ ኡባ ዳንዳእያ ፆሳስ ያየይሳ አግኮካ፥

እያ ላገት እያዉ ኬሀተ በሳናዉ ኮሼስ።