A volta de Jesus

2 Nyuumba ja Atati bhangu mubhile mwa kutama mujingi. Handa nga henela, ngannobholilinge. Ndendakujaula kumpanganikianga pakutama. 3 Nanenga ananyawile na kunhalakianga pakutama, mbakubhuja kabhele kuntolanga ntamange pamo nanenga, ili mwangota mmangange penipala pamile nenga.

9 Pabhakajomola kulongela genago, akatolekwa kujaula kunani kwa Annoongo bhenaangota bhabhi tangu bhatendakulolanga, lihunde likaawekela bhakotokokwabhona kabhele.

10 Pabhakibhanga tangu bhabhikulolekeanga muno kunani kwa Annoongo, Ayesu abhikujaula, kachoko akanalome bhabhele bhawalitinge ngobho hihuhu bhakajemanga kubhandikana nabho, 11 bhakalobholanga, "Mwangota mwabhandu bha ku Galilaya! Mbona ntenda kujemanga mmikulolanga kunani? Ayesu habhabha yakubhehe bhatekutolekwa kubhoka kwachinunji kujenda kunani kwa Annoongo apakuhika hela hela handa chimunnonitinge abhikujaula kunani kwa Annoongo."

Jwakwa mundu jwalimanya lichobha au muda gwa kubhuja Mwana jwa Mundu

36 "Nambo, nnani ja lichobha au muda jwakwa mundu jwahimanya hipakubhee lii, ngabha akaatumichi bha kunani kwa Annoongo, wala ngabha mwana, ila Atati jikajabhe nga jwaimanyite. 37 Handa chiikabhee machobha ga Anuhu, nga chiipakubhee kuhika kwabhe Amwana bha Amundu. 38 Kwa kubhee machobha gala tangu kwa kupitila hula ngolongwa, bhandu bhabhakibha bhatenda kulyee, na kung’wee, bhakilombelanga, na kulombwa, mpaka lichobha lyela Anuhu pabhakajingila nkati ja gonigola ntumbwi nkolongwa gukemitwa chapina, 39 bhandu bhangahimanyanga chichipakupitila hula jikakoma kwa muda ntandamao na bhandu bhakajomokanga ligongo lya machi majingi, hela hela nga chibhapakuhika kwa Mwana jwa Mundu.

Bhakwa amundu bhabhamanya lichobha wala saa

32 "Nambo kwa ngani ja lichobha au lisaa lyenelyo bhakwa amundu bhabhaimanya lipakuhika lii, wala akaatumichi bha kunani kulihunde, wala nenga Amwana bha Annoongo, nambo Atati jikajabhe nga bhabhaimanya.

42 Bahi, mmangange miho, kwa kubhee ngalimanyanga lichobha niki libhapakuhika Hangwana bhinu. 43 Nambo nkombokelange chikubho chenjeni, handa akola nyuumba handa bhakalimanyite lichobha abwii chibhapakuhika, akacheite, wala ngaleka nyuumba jabhe jibomolekwe. 44 Kwa henela, mwangota kabhele mmangange tayali, kwa kubhee Amwana bha Amundu bhapakuhika muda gwangamanyika."

Amwana bha Amundu bhatendakuhika

24 "Mu machobha genago, kulaga anakujomwike, lyoobha lipakubhee na lubhendu na lwei ngang’anyima, 25 na ndondwa hipakugwee, na hilebhe yengi ya kunani hipakupukunyika. 26 Bhandu bhapakummona nenga Amwana bha Amundu nibhikuhika mu mahunde kwa machili gajingi na kung’anyima. 27 Mbakwatumanga akaatumichi bha kunani kulihunde bhabhakondange bhabhaaguligwe kubhoka pande yoha ya pachilambo, kubhokela kujemeka hoko mpaka kujemeka kwa chilambo hoko."

Kuhukumula kwa kupela

31 "Penapo Amwana bha Amundu pabhapakuhika mu ukolo gwabhe, pamo na akaatumichi bha kunani kwa Annoongo bhoa, penapo bhapakutama nnani ja chitengu chabhe cha ukolo bhene akibha Amwenye. 32 Bhandu bha hilambo yoa bhapakongananga nnongi jabhe, nabhena bhapakwaabheka bhandu kwa malubhalo handa anchungaji chibhaabheka malubhalo ngondolo na mbuhi. 33 Bhapakwaabheka ngondolo lubhoko lwabhe lwa kunnelo na mbuhi lubhoko lwabhe lwa kunchiji."

26 Handa amundu bhoha bhala bhapakumonela honi nenga na majigano gangu, Mwana bha Amundu bhapakummonela honi amundu habho chibhapakuhika mu ng’anyimo gwabhe na ng’anyimo gwa Atati, na ng’anyimo gwa akaatumichi bha kunani kulihunde bhabhabhii bha Annoongo.